« كولدۇرما»

0996yaprak

	« كولدۇرما» -پاھ، پاھ، نىمىدىگەن پاساھەتلىك سۆزلەر، تىل تەگمىسۇن  بەردەم قامەتلىرىڭىزگە، بال تامىدىغان لەۋلىرىڭىزگە، بەك قالتىسكەنسىز جۇمۇ! —بىلمەيدىغانلىرىڭىز  يوقكەن«ئا» كىجاڭ ! - ۋاي نىمىسىنى دەي دەيسىز، سىزدەك قابىلىيەتلىك ئىقتىدار ئىگىسىنى بىزگە يەتكۇزۇپتۇ ئەمەسمۇ، بۇ بىز ئۈچۈن كاتتا شەرەپ دەڭا جانابىي «ئا» كىجاڭ....... ئىشقىلىپ قول قويماي تۇرالمايمەنغۇ سىزگە، ئالامەت جۇمۇ سىز؟ —- شۇڭا بىزنىڭ رەھبەرغۇ، سالاپەت دىگەن بىركىشلىك تۇرسا مانا...... ئەيتاۋۇر مانا شۇنداق ماختاشلار ئەۋجىگە چىقىپ پەسىيشى بىلەن «كولدۇرما» كۆپچىلىكنىڭ ماختاشلىرىدىن سۈيۈنۈپ ھەممىگە بىر قېتىمدىن قاراپ باش لىڭىشتىپ قويغاندىن كىيىن كولدۇرمىلىرىنى يەنە باشلىدى. ئالامەت فىلىم ئىكەن. ھەققىي ئىشلەپتۇ. سېلىنغان مەبلەغنى دېمەيلا قوياي، فىلىمدا تەسۋىرلەنگەن ساپاسىزلىقلارنى قانداق ئۆستۇرۇش، قابىللارنى قانداق يىقىتىش، «تەخسىنى» سايە قىلىپ قانداق جان بېقىش،«داستىخاننى» قولتۇققا قانداق قىستۇرۇش دەمسىز  ....... ئىشقىلىپ يەرشارىدىكى ئەڭ مۇھىم نوقتىلار يارقىن سۆرەتلەنگەن  بۇفىلىم رىژىسور ئويلىغاندىنمۇ بەكرەك مۇۋاپىقىيەتلىك چىققان دىيىشكە بولىدۇ. مەن بۇفىلىمنىى كۆرگەندىن كىيىن يېڭىۋاشتىن ئادەم بولدۇم. بۇندىن كىيىن تۇرمۇشۇمنى مۇشۇ ئاساستا ئۆزگەرتىشنى ئويلاۋاتىمەن. سىلەرگىمۇ تەكلىۋىم شۇكى، فىلىمنىى زەن قۇيۇپ كۆرۈپ قۇيۇڭلار. سىلەرمۇ چۇقۇم مەن ئويلىغاندەك ھىسىياتتا بولىسىلەر. فىلىمىنى كۆرگەندىن كىيىن بىزگەنىمىشقا بالدۇرراق دەپ قويمىغاندۇ دەپ ئاغرىنىپ قالماڭلار يەنە. ھەرقانداق بىرئىشنىڭ پەيتى بولغاندەك بۇنداق تەربىيۋى ئەھمىيىتى زور ئىشنى دىيىشنىڭمۇ سۇرۇنى بار ئەلۋەتتە...... ئارىدا ياخشى كۈرۈنۈش ئۈچۈن پەيىت تاللاۋاتقانلار ئۈچۈن يەنە بىر پۇرسەت ھازىرلانغان ئىدى. -ۋاي نىمىسنى دەي،  بۇ كىنونى مەنمۇ كۆرگەن ئىدىم، لىكىن سىز ھىس قىلغان نەرسىلەر ئالامەتكەن«ئا» كىجاڭ، بىلىمى كۆپ ئادەم دىگەن يەنە باشقىچە بولىدۇ جۇمۇ، بۇ فىلىمغا چۇقۇم سىزنىڭ قولىڭىز تەگكەن گەپ، بولمىسا ئۇنداق نەتىجىلەر نەدە تۇرۇپتۇ ئۇلاردەك  ساپاسىزلارغا…… - مانا بۇ بىزنىڭ «ئا» كىجاڭنىڭ مەسىللەرگە تۇتقان يوللىرىمۇ ئۆزگىچە دىسە....... - راس، بىلىم دىگەن ئۆزگىچىلىگى بار نەرسە، كىتاپخومارلىقىڭىز چىرايىڭىزدىن بىلىنىپلا تۇرىدۇ، ئويلاپ باقسام، مەن ئوبدانراق تەلىم ئالسام بولغۇدەك......... - دېمىدىممۇ، سىز دىگەن سىزدە، بىلمەيدىغىنىڭىز يوق. باياتىن دىگەنلىرىڭىزنى ئاڭلاپ كاتتا بىر بايلىققا ئىرىشكەندەك بولدۇم…… - قېنى، بىلىمىڭىزنىڭ يەنىمۇ تاكامموللىشى ئۈچۈن سىزگە بىر قەدەھ تۇتاي..... كەينى كەينىدىن سۇنۇلغان قەدەھلەردىن جاراڭلىغان ئاۋاز سورۇننى يەنىمۇ جانلاندۇرۋەتكەن ئىدى. بۇسورۇنغا تۇنجى قېتىم داخىل بولغاچقىمىكىن ھەيرانلىقتىن تېڭىرقاپلا قالدىم. دوستۇم سۇرۇن باشلانغاندىن ئىتبارەن مىنى نۇقۇپ ئەھۋالىمنى قويمىدى. - سورۇن كۆرمىگەن ئادەمدەك ئولتۇرماي ھە، ھۇ دىگەچ ئولتۇرمامسەن.. —-ماڭىمۇ نىمە ئامال، بۇنداق سۇرۇنغا تۇنجى قېتىم داخىل بۇلۇشۇم.... گىپىم ئاخىرلاشمايلا دوستۇم ئۇنىڭغا بىر قەدەھ سۇندى. «كولدۇرما» نىڭ كەيىپتىن قوللىرى تىترەپ گەپلىرىمۇ قولاشمايۋاتاتتى. شۇڭلاشقىمىكىن«كولدۇرما» يېرىم قۇيۇلغان قەدەھنى شالاقشىتىپ دوستۇمغا باشقىچە نەزەردە قاراپ قويدى. ئاندىن كىيىن ناھايتى جىددىي قىياپەتتە: - خوشە، ئالدىرايتىم، مەن ئاۋال ماڭغاچ تۇراي، دەپ قولىدىكى قەدەھنى كۆتۈرگىنىچە ئىشىك  تەرەپكە يول ئالدى. ئۇزاتقانلارنىڭ ئاغزى بېسىلدىغاندەك ئەمەس ئىدى. - كۆپنى كۆرگەن ئىلىم ئەھلى دىگەن باشقىچە بولىدۇ جۇمۇ!— - گىپىنى قىلما، خوش دىيىشلىرىمۇ ئۆزگىچە مانا!— - قاراپ باقە مېڭىشلىرىغا، ئون يىل ئۆگىنىپمۇ ماڭالمايمىز دىگىنە!— - قارىمامسەن، رومكىنى كۆتىرىپ مېڭىشلىرىدىن ئۆزىنى قانچىلىك تۇتۇۋالدىغىنى كۆرۈنۈپلا تۇرمامدۇ؟ - راس دەيسەن، سورۇن كۆرگەن ئىلىم ئەھلىنىڭ سالاپىتىمۇ ئۆزگىچە دىگىنە......... توغرا دەيتىم ئۆزئۆزۈمگە، «ئۆزىنى كۆرسىتىشمۇ بىر سەنئەت» ھەممىلا ئادەمنىڭ قولىدىن كېلىۋىردىغان ئىش ئەمەس، چېلەك توشمىغاندىن كىيىن يېرىم چېلەك بولسىمۇ ئۆزىنىڭ مەۋجۈتلىگىدىن دېرەك بىرىپ شالاقشىپ تۇرغىنى ياخشىدە. ئۇلارغا كولدۇرلايدىغانغا بۈگۈنكىدەك جاراڭلاپ تۇردىغان سورۇن بولمىسا ئۆزىنى كۆرسىتىش ئۈچۈن تىنىمسىز تىپىرلاپ تۇرغان يۈرىگى قېپىدىلا تۇنجۇقۇپ قالسا ئەپسۇسلىنارلىق ئىش ئەمەسمۇ؟....... مەنبە:مەن

يولتۇز

	بۇنداق ئادەملەر بەئەينى لالما ئىتنىڭ ئۈزى .

يولتۇز

	ياخشى تەسۋىرلەپسىز ،مۇشۇنداق ئادەملەر سەۋەپلىك بەزى ئىسل ئەمەلدارلارمۇ بىلىپ بىلمەي ئېزىپ قالىدۇ ، بىراق  خۇشامەتنى بىلمەيدىغانلار بولسا ئەمدى ئۈگىنىۋالدىغان بولدى

mastura5200

	ياخشى  چىقىپتۇ

18099736949

	ياخشى      تىما   ،،،،

qukan

	دىمىسىمۇ شۇ بۇنداق ئادەملەر كۆپ...........................................

yalkun085

	جاھاندا بۇنداق ئادەملەر .........؟؟؟؟؟؟؟

nazigul8

	ئەسىرىڭىز قىسقا ھەم ئوبرازلىق چىقىپتۇ، دىئالوگ جايىدا ئورۇنلاشتۇرۇلۇپتۇ.

0996yaprak

	رەخمەت سىلەرگە!