تور قانۇننىڭ سىرتىدىكى نەرسە ئەمەس

bugaltir

	تور قانۇننىڭ سىرتىدىكى نەرسە ئەمەس مو جىنجىن 　　تور نۇرغۇن كىشىلەرگە «ئەڭ قالتىس ھەم ئەڭ ئاۋات» جايدەك تۇيغۇ بېرىدۇ. يېڭى كۆزنەك بولمىش ئىنتېرنېت تورى ئىجتىمائىي ئالاقە، ئۇچۇر مۇلازىمىتى، پىكىر ئالماشتۇرۇش قاتارلىق جەھەتلەردە زور قولايلىق يارىتىش بىلەن بىرگە، سودا ئالدامچىلىقلىرى، يامان نىيەتتە زەربە قىلىش، پىتنە-ئىغۋا تېرىش ۋە تارقىتىش قاتارلىق ناچار تەسىرلەرنىمۇ ئېلىپ كەلدى. 　　تەرەققىياتى ئىنتايىن تېز بولۇۋاتقان ئىنتېرنېت تورى ئىشلىرىدا، تورغا چىقىش ئاسان بولغانلىقى،تورنىڭ مەۋھۇملۇقى، تورغا چىققۇچى سالاھىيىتىنى ئاشكارىلىمىسىمۇ بولىدىغانلىقى ئۈچۈن، نۇرغۇن كىشىلەر «ھېچبىر ئويلانمايلا» ئۇنىڭغا باشچىلاپ كىرىپ كېتىۋاتىدۇ. لېكىن تور دۇنياسىنىڭمۇ قانۇننىڭ سىرتىدا ئەمەسلىكىنى تونۇپ يېتىش كېرەك. توردىكى سۆز-ھەرىكەتلەرمۇ مەقسەتلىك ياكى مەقسەتسىز ھالدا قانۇنغا خىلاپ بولۇپ قېلىشى مۇمكىن. چۈنكى ئۇنىڭ شەخسكە ۋە جەمئىيەتكە بولغان زىيىنى مەۋھۇم دۇنيادىن ھالقىپ كېتىدۇ. ئاشۇ ئالدانغان، ھوقۇقى دەخلى-تەرۇزغا ئۇچرىغان ۋە زەربە يېگەنلەرنىڭ ئازابى ئەنئەنىۋى شەكىلدىكى زىيانكەشلىككە ئۇچرىغانلارنىڭكىدىن قىلچە يېنىك ئەمەس. 　　مەنبە: خەلق تورى http://uyghur.people.com.cn/158504/15281397.html

dolanlik

	تىما يوللىغۇچىنى يار لىۋىگە  قىستاۋاتقانلار دەل  قالايمىقان ئىنكاس يوللىغۇچىلاردۇر.

ئالماس

	dolanlik يوللىغان ۋاقتى  2012-12-21 11:01 AM تىما يوللىغۇچىنى يار لىۋىگە  قىستاۋاتقانلار دەل  قالاي ... راس گەپ.

بانكىر

	شۇ.............شۇ...........شۇ...........شۇ...................... تىما يوللىغۇچى چوقوم تىمىنىڭ مەركىزىي ئىددىيسىنى ئىنىق ئىپادىيەلمىگەندە بۇ خىل تولۇقلىما خاراكتىردە نۇرغۇن تىمىغا قارىشى ۋە قوللاش خاراكتىردىكى ئىنكاسلارنى كۈتۈۋالىدۇ.

bugaltir

	ئىلمى بولغان ئەخلاق قارشىمىزنى يېتىلدۈرۈپ ھەم تەرەققىي قىلدۇرۇپ ، تور ئەخلاقىغا رىئايە قىلىپ ،  توردا پىكىر بايان قىلغاندا  ، توردىكى سۆز-ھەرىكەتلەر  مەقسەتلىك ياكى مەقسەتسىز ھالدا قانۇنغا خىلاپ بولۇپ قېلىشى مۇمكىنچىلىكىدىن ساقلىنىپ ، ئۆزىمىزنى ھەم ئۆزگىلەرنى بىلسەك  ، ئوخشاش پىكىردە بىرلىككە كېلىپ ، ئوخشاش بولمىغان پىكىردە ئۆز كۆز قارشىمىزنى ساقلاپ قالساق  ، پىتنە - پاساتتىن ساقلىنىپ ، مىللىتىمىزنىڭ ئىسىل ئەخلاق - پەزىلەتلىرىگە ۋارىسلىق قىلىش ئارقىلىق ئۇيغۇر تورچىلىقىنى تەرەققىي قىلدۇرۇشتا ھەر بىر تور ئەھلىنىڭ تېگىشلىك مەجبۇريىتى بار  .

muttelib

	بۇ خەۋەرنىڭ دىمەكچى بولغىنى، تور قانۇننىڭ سىرتىدىكى يەر ئەمەس، پۇقرالانىڭ توردىمۇ ئەركىن پىكىر قىلىش ھوقۇقى بولىدۇ، ئىنكاس تېمىلار سەۋەپسىزلا ئۆچۈرۈلسە تورداشلارنىڭ قانۇنى ھوقۇقىغا دەخكى تەرۇز قىلىنىپ قانۇنغا خىلاپلىق قىلغان بولىدۇ دىگەنلىك.

zapar

	ھىسياتنى ئەقلنىڭ ئالدىغا قۇيۇۋالغانلار دىققەت قىلڭلار!

ANSWER

	بەرھەق

bugaltir

	توردىكى سۆز–ئىبارىلەرنىڭ چېكى بولۇشى كېرەك گو شېڭ    ‹‹بىر ئادەمنىڭ قولىنى پۇلاڭلىتىش ئەركىنلىكى باشقىلارنىڭ بۇرنىنىڭ ئاستىغىچە بولۇشى كېرەك››. بۇ مۇنداق بىر ھەقىقەتنى چۈشەندۈرىدۇ: سۆز – ھەرىكەتنىڭ چېكى بولۇشى كېرەك، كىشىلەر ئەركىنلىكنى پەش قىلىپ باشقىلارنىڭ ھوقۇق – مەنپەئىتىگە دەخلى – تەرۇز قىلىدىكەن، ئەركىنلىكتىن مەھرۇم بولىدۇ.    بۈگۈنكى ‹‹ھەممەيلەننىڭ مىكروفونى بار››، ‹‹ ھەممەيلەن ئاخبارات ئاگېنتلىقىغا ئايلانغان›› ئەھۋال ئاستىدا، تور پىكىر بايان قىلىش بوشلۇقىنى كېڭەيتتى ھەم تېخىمۇ كۆپ ئەركىنلىك ئاتا قىلدى. ئەمما ئەركىنلىكنىڭ مۇۋاپىق پاسىلى قەيەردە؟ بۇ مەسىلىدە چوقۇم ئورتاق تونۇش ھاسىل قىلىش زۆرۈر.    تور دۇنياسى رېئال دۇنيانىڭ بىر قىسمى. توردا پىكىر بايان قىلىشتا ئوخشاشلا قانۇن ۋە ئەخلاققا ئەمەل قىلىش كېرەك. مۇبادا ئەركىنلىك پەش قىلىنىپ باشقىلارغا تۆھمەت قىلىنسا، ھاقارەت كەلتۈرۈلسە، باشقىلارنىڭ سودا ئىناۋىتى، تاۋار ئىناۋىتى دەخلى – تەرۇزغا ئۇچرىسا، بۇنداق قىلمىش قانۇنغا خىلاپلىق قىلغانلىق ھەتتا جىنايەت ئۆتكۈزگەنلىك ھېسابلىنىدۇ؛ مۇبادا ھەققانىيلىقنى باھانە قىلىپ، مەقسەتكە يېتىش ئۈچۈن ۋاسىتە تاللىمىساق، ھەتتا كۆز بويامچىلىق قىلىپ رېئاللىقنى بۇرمىلىساق، ئوخشاشلا، مەسئۇلىيەتسىزلىك قىلغانلىق بولىدۇ.    بۇلتۇر ئەنگلىيەدە مالىمانچىلىق يۈز بەرگەندىن كېيىن، باش ۋەزىر كامېرون: ‹‹ئۇچۇر ئەركىنلىكى ئارقىلىق ياخشى ئىش قىلغىلى بولىدۇ، ئەمما يامان ئىش قىلغىلىمۇ بولىدۇ›› دەپ ئېغىر خۇرسىنغانىدى. تور بىزگە تېخىمۇ كۆپ ئەركىنلىك ئاتا قىلدى ھەم تېخىمۇ ئېغىر مەسئۇلىيەت يۈكلىدى. مەسئۇلىيەت پاسىلىنى بېكىتىپ، قانۇنلۇق بىلەن قانۇنسىزلىقنىڭ ئۆلچىمىنى بەلگىلىگەندىلا، ئەركىنلىكتىن تېخىمۇ ياخشى بەھرىمەن بولۇپ، ھوقۇقنى تېخىمۇ ياخشى قوغداپ، دۆلەت ۋە جەمئىيەت تەرەققىياتىنى تېخىمۇ ياخشى ئالغا سىلجىتالايمىز. http://www.yarp.net.cn/uighur/co ... /content_253946.htm