ھوللىۋود نېمىشقا «قىيامەت» كىنولىرىنى ئىشلەيدۇ؟

sansiz

	ھوللىۋودنىڭ «قىيامەت» فىلىملىرىنى ئىشلىشىدىكى ھەقىقىي مەقسىتى يېقىندىن بۇيان «قىيامەت كۈنى»گە ئائىت ئاجايىپ سۆز-چۆچەكلەر تارقىلىپ كىشىلەرنى قايمۇقتۇرۇشقا باشلىدى. مانا مۇشۇنداق سۆز-چۆچەكلەرنىڭ تارقىلىشىدا ھوللىۋودنىڭ داڭلىق فىلىمى «2012»نىڭ «تۆھپىسى»نى بىر ياققا قايرىپ قويۇشقا بولمايدۇ. ھوللىۋودتىكى رېژىسسورلار كىشىلەرنىڭ كەلگۈسىگە بولغان ئېنىقسىز قىزىقىشلىرىدىن پايدىلىنىپ ھەر خىل تېخنىكىلىق ئۇسۇللارنى قوللىنىپ «قىيامەت كۈنى» بولىدىغانلىقىغا ئائىت فىلىملەرنى ئىشلىمەكتە. شۇنىڭ بىلەن تەڭلا مانا مۇشۇنداق «قىيامەت كۈنى» فىلىملىرىگە چوقۇنىدىغان، بۇنداق قىياسلارغا ئىشىنىدىغانلار بارغانچە كۆپىيىپ، «قىيامەت كۈنى» فىلىملىرىنى ئىشلىگۈچىلەرگە ياخشى سودا پۇرسىتى ئېلىپ كېلىۋاتماقتا. ھوللىۋود فىلىملىرىدىكى يەر شارى يۈز كېلىدىغان «ئاپەتلەر» (1) تەبىئىي ئاپەت «2012» ناملىق فىلىمدە ئۆيلەر ئۆرۈلۈپ، يەر تەۋرەپ، دېڭىز تاشقىنى، كەلكۈن ئاپىتى، قارا قۇيۇن قاتارلىق ئاپەتلەر يۈز بېرىپ كىشىلەر يەر شارىدىن يوقىلىش گىردابىغا بېرىپ قالىدۇ. بۇ فىلىمدە 12-ئاينىڭ 7-كۈنى ياپونىيىدە يەر تەۋرەيدىغانلىقى تەسۋىرلەنگەن. دېگەندەك 2012-يىلى 12-ئاينىڭ 7-كۈنى ياپونىيىدە يەر تەۋرىشى بىلەن كىشىلەر «قىيامەت كۈنى» نىڭ كېلىدىغانلىقىغا تېخىمۇ ئىشەنگەن. (2) تاشقى پىلانىت ئادەملىرى يەر شارىغا ھۇجۇم قىلىدۇ «مۇستەقىللىق كۈنى» ناملىق فىلىمدە، ئامېرىكا خەلقى مۇستەقىللىق كۈنىنى تەبرىكلەۋاتقاندا تاشقى پلانېتا ئادەملىرىنىڭ ھۇجۇمىغا ئۇچرايدۇ. (3) ماشىنا ئادەملەرنىڭ خائىنلىق قىلىشى «ئاخىرلاشتۇرغۇچى » ناملىق فىلىمدە 2029-يىلى دۇنيادىكى پۈتۈن ماشىنا ئادەملەر ئۆزگىرىپ ئادەملەرنى كونترول قىلغان، ھەتتا ئۇلارنى ئۆلتۈرۈپ قىرغىن قىلىپ دۇنيا ھۆكۈمرانىغا ئايلانغان. (4) ئالەم ئاپىتى «ئاسمان-زېمىننىڭ چوڭ سوقۇلۇشى» ناملىق فىلىمدە ئامېرىكىدىكى ئاسترونومىيىگە قىزىقىدىغان رىئو ئىسىملىك ئوقۇغۇچى يېڭى بىر يۇلتۇزنى بايقايدۇ. كىشىنى ئەڭ چۆچۈتىدىغىنى بۇ يۇلتۇز دەل يەر شارىغا قاراپ كېلىۋاتقان بولۇپ يەر شارى بىلەن سوقۇلسا ئىنسانىيەتنى يوق قىلىش ئېھتىماللىقى بار ئىدى. ھوللىۋود نېمىشقا ئارقا-ئارقىدىن «قىيامەت كۈنى» فىلىملىرىنى ئىشلەيدۇ؟ كىشىلەردە «قورقۇنۇش»پەيدا قىلالىسىلا ئاندىن پۇل تاپقىلى بولىدۇ. 2012-يىلى 12-ئاينىڭ 21-كۈنى، مايالىقلار پەرەز قىلغان «زامان ئاخىرى» بولىدىغان كۈندۇر. ئەمما بۇ پەرەز ئاللابۇرۇن ئىنكار قىلىنغان. ھوللىۋودنىڭ «زامان ئاخىرى» فىلىملىرى نېمىشقا ئۈزۈلمەي داۋاملىشىدۇ؟ ئىلگىرى ھوللىۋود فانتازىيە فىلىملىرىنى تەتقىق قىلغان رېژىسسور شى لېي:«زامان ئاخىرى فىلىملىرىنىڭ ھەممىسى فانتازىيىنى ئاساس قىلغان، پۈتۈن كىشىلەرنىڭ ئېنىقسىز كەلگۈسىگە بولغان ئوتتەك قىزىقىشى ھوللىۋودنىڭ بۇ ئارقىلىق پۇل تېپىش ئىستىكىنى قوزغىغان» دەپ قارىغان. ھوللىۋودتا مۇنداق بىر گەپ بار «پەقەت كۆپچىلىكنىڭ قىزىقىشىنى قوزغاپ، ئۇلارنى قورقىتالايدىغان فىلىم بولسىلا پۇل تاپقىلى بولىدۇ. زامان ئاخىرىغا مۇناسىۋەتلىك فىلىملەر ئۇنىڭ مىسالى». جۇڭگولۇق داڭلىق فىلىم ئىشلىگۈچى خې شېن: «كىنو-فىلىم نۇقتىسىدىن ئېلىپ ئېيتقاندا ھوللىۋود فىلىملىرى (يامان غەرەز) بىلەن ئىشلەنگەن، فىلىمنىڭ تەپسىلاتلىرى پەقەت پەرەز ۋە ئويدۇرۇپ چىقىش ئارقىلىق بايان قىلىنغان. بۇ ئارقىلىق كىشىلەرنىڭ قىزىقىشىنى قوزغاپ ئۇلارنىڭ يانچۇقىدىكى پۇلغا ئېرىشىش. دېگەندەك بۇ فىلىم دۇنيا مىقياسىدا كىشىلەرنىڭ ئالاھىدە دىققىتىنى تارتىپ، تاماشىبىنلارنىڭ ئۆزىنى ئۇنتۇغان ھالدا كىنوخانىلارغا بېرىپ بۇ فىلىمنى كۆرۈش قىزغىنلىقى يۇقىرى كۆتۈرۈلدى» دېگەن. ھوللىۋود رېژىسسورلىرى ۋە فىلىم ئىشلىگۈچىلىرى يەر شارىنى يوقىتىۋېتىش خاراكتېرىدىكى بىر فىلىمنى ئىشلەپ ھەمدە بۇ فىلىمدە يەنە يەر شارىنى قۇتقۇزۋالغۇچىدىن بىرنى پەيدا قىلىشنى ياقتۇرىدۇ. بۇ دەل ھوللىۋود سودا فىلىملىرىنىڭ لوگىكىلىق چۈشەندۈرۈلۈشى. ھوللىۋودنىڭ «2012»، «يەر شارى توختاپ قېلىش»، «ئاسمان-زېمىننىڭ چوڭ سوقۇلۇشى»، «ئاخىرلاشتۇرغۇچى» ناملىق فىلىملەر دەل ئۇنىڭ مىسالىدۇر. ★★★★★ http://www.uycnr.com/wh/201212/t20121220_424037.html ★★★★★

ئالماس

	نەگىلە قارىسا مۇشۇ گەپ.

yasinawut

	ھەممىنى بىلگۈچى ئۇلۇغ ئاللاھدۇر ، ئاللانىڭ بۇيرۇقىسىز قىل تەۋرىمەيدۇ ، پەقەت ئاللاھقىلا ئىشنىمىز ....

Bilge

	بىرلا ئېغىز گەپ شۇ پۇل تېپىش ئۈچۈن ئىشلەيدۇ.ئەمدى شۇنىڭدەك ئاپەت خاراكتېرلىك كىنولار مەلۇم جەھەتتىن  كىشلەرنى يەرشارىغا كۆڭۈل بۆلۈشكە،مۇھىتنى ئاسىراشقا چاقىرىق قىلىش رولىنى ئوينايدۇ.ئۇنى ئارتۇقچە بۇرمىلاش، زىغىرلاش نەھاجەت؟

ئەلرام

	ئۇلار خەقنىڭ پىسخىكىسىدىن قانداق پايدىلنىشنى بىلىدۇ.

wolverine

	قىيامەت كۇنى سىز شۇ كىنۇلاردىكىدەك قاچالامسىز،،،،،،،،،.ئاللاھنىڭ (بارلىق ھەمدۇ سانالار بىر ئاللاھقا بولسۇن)بۇيرىقىسىز قىيامەت بولمايدۇ.   قىيامەت كۇنى ئاللاھ ھەممىمىزگە ياخشى نام ئەمەللەرنى بەرسۇن.

bugaltir

	ھوللىۋود نېمىشقا «قىيامەت» كىنولىرىنى ئىشلەيدۇ؟      جاۋاب  :   پۇل ئۈچۈن ئىشلەيدۇ  .

13999749790

	ھۆرمەتلىك باشقۇرغۈچى،بۇ مىنىڭ تۇنجى يوللانمام.تەھىرىرلەپ قويسىڭىز.             تەربىيىنىڭ تەسىرى توغرىسىدا       بىر ۋەزىرنىڭ بىر دۆت ئوغلى بارئىدى؛ئۇنى بىر ئالىمنىڭ قېشىغا ئەۋەتىپ،بۇنىڭغا تەربىيە بەرسىڭىز،بەلكىم،ئەقىللىق بولۇپ قالارئىدى،دېدى.ئالىم ئۇنىڭغا ئۇزاق ۋاقىت تەلىم بەردى،ئەمما نەتىجىسى بولمىدى.ئالىم ئاخىر بالىنىڭ دادىسىغا كىشى ئەۋەتىپ:<بۇ بالا ئەقىللىق بولۇش ئۇياقتا تۇرسۇن،مېنى ساراڭ قىلىۋەتتى!>دېدى                                         تېز يۇقار تەربىيە ىنسان زاتىغا،      ئەسلى تەبىئىتى بولسا قوبۇلچان.    پاقىراق بېرەلمەس تۆمۈرگە زادى ،   سەيقەلنىڭ سۈپىتى  بولسا گەر يامان.      يەتتە رەت يۇيساڭمۇ دەريادا ئىتى،      يەنىلا ئىپلاستۇر بولسا ئۇ ئامان.    ئىيسانىڭ ئېشىكى مەككىگە بارسا،     قايتقاندا يەنىلا ئېشەكتۇر ھامان.               [مەنبەسى:شەيخ سەئدىنڭ<گولىستان>نامىلىق ئەسىردىن ئېلىندى.]

tax☆kampit

	يەنلا شۇ گەپ ،ئىشەنمەڭلار ئاغىنلەر،كۇپۇر كىتىسىلەر......