ئۆتمۈشتىكى بىز
ئىلگىرى بىز
بىرىمىز جان تىكىپ قوغلاشقان.
بىرىمىز چاندۇرماي پنھانغا قاچقان.
ئۆزنى تارىتىپ.
ئۇچراشسا كۆزلەر،
باشقا ياقلارغا ،
ئاران ئۈلگۈرگەن،
ئىلىپ قېچىشقا.
ۋاقىت گويا پايانسىز قۇملۇق،
توپا-چاڭلار ياغىدۇ.
بۇران ھۇشقۇيتىدۇ،
بوران توختايدۇ،
ئەتراپ سۈكناتقا چۈمىدۇ.
بەئەينى خېلۋەت كېچىدەك،
ھىسلار ئۇچىدۇ،
ئۇۋىسىنى تاپالمىغان يىگانە قۇشتەك،
ئۇزاققىچە كەلمەس ھىچ سادا،
چىلىنماس پۇشتەك.
ھارغنىلىق، چارچاشتا،
ماغدۇر قالمىغان،
بىرەيلەن قوغلاپ چارچىغان،
بىرەيلەن قىچىپ چارچغان.
قاچۇرۇپ، بولالماي تولا ئۇچراشقان كۆزلەرنى،
ئۇدۇل كەلگەن يۈزلەرنى،
سايىلەرنى،
بۈگۈنلەرنى ،
ئەتىلەرنى،
بىلىپ بولالماي،
ئەتىدىن كىيىنكى ئەتىلەرنى.
ئاخىرى،
يىڭى بىر تاڭدا،
سەن غۇۋالىق ئارسىدىن،
نۇرلار چاقنىتىپ،
ھىسىلىرىمنى ئويغىتىپ،
قوياش كەبى،
بۆسۈپلا كىردىڭ،
قەلىب ئاسمىنىمغا،
نۇر بەخش ئىتىپ.
توساتتىنلا،
يامغۇرسىز چىققان ھەسەن-ھۈسەندەك،
گوياكى چۈشتەك.
ئۆمىدسىزلىك قاپلىغان روھىم،
مادارسىز قەلىمىم،
ئېلاجسىز قالدى،
شئېر يىزشقا،
بۇ گۈزەل مۇھاببەتنى سۈرەتلەپ،
ئۇپقۇن ئۇرۇپ يۈرەكتە ھىسلار،
بۇلۇپ قالدىم تىلسىز بوۋاقتەك.
قەھىرتان قىش بولسىمۇ،
قار-شىۋېرىغان ياغىسمۇ،
لەپلدەپ يېغىۋاتقان قار،
بىلىنەر ئىدى كىپىنەكلەردەك،
گۈللۈكتىكى كىپىنەكلەردەك.
گوياكى كەڭ چىمەنلىك ئارا،
ئۇچۇشىۋاتقاندەك،
بىزگە بەخت تىللەۋاتقاندەك.
سەن كۈلگەنتىڭ ،
مەن كۈلگەنتىم،
ياز كۈنلىرى ئويناۋاتقاندەك.
قەھىرتان قىشتا،
باھار-يازنىڭ،شاتلىقى،
جۆر بولغانتى ئويۇنىمىزغا،
شىۋېرغاننىڭ، ھۇشقۇيتىشلىرى،
تۈگمەس سۆيگۈ سىمفۇنىيسىدەك.
ئاقۋەت ،
باھار كەلگەندە،
گۈللەر ئېچىلغاندا.
كۆڭۈل پەرىشان،
يېراقلاردىن، ھۇۋقۇش ئاۋازى،
بوغۇق-بوغۇق كىلۋاتقاندەك.
ئازاپلىق كۆزلەر،
ئاۋالقىدەك ئۇچراشقان،
چاغدا،
دەسلەپ يىڭى تونۇشقان ،
چاغدا،
سەپ سىلىشىپ بىقىشقاندەك.
تىتغاندا سۆيگۈ شەربىتنى،
يۈزدە كۈلكە جۇلانغاندەك،
غايىپ بولغان ئاللا قاياققا،
گۈزەل مەنزىرە.
خوش دىدىڭ،
خوش دىدىم.
بولدۇق يەنە ناتۇنۇشلەردەك.
شۇ بىچارە يالغۇز تۇرنىدەك.
مەنبە:ئۆز قەلەم