يىغلىما شېئىر

nazigul8

	يىغلىما شېئىر سۆزلەر قاچار شېئىردىن يانداپ، سىيا قالغاچ پەگا چېتىلا. سۆزلەر كەتتى يەردە كۆكۈرۈپ، قەغەز قالدى ئاپپاق پېتىلا. ئىزلەپ يۈرەر شېئىر ئۆزىنى، چىنلىق ئىچرە ئۆكسىگەن تاشتىن. كۆرەلمىدى ئۆزىنى ئۆزى، ئېقىپ كەتتى كۆزلىرى ياشتىن. شائىر كۆردى شېئىرنى شۇ چاغ، كۆزگە سۈرتۈپ، باغرىغا باستى. شېئىر بىرگە مۇڭدۇشۇپ ھەر تۈن، تەڭسىزلىكتىن قىيانلار تاشتى. ياڭراپ چۇقان: يىغلىما شېئىر! شائىر تۇتتى قەلبىنى يۇلۇپ. چىقتى قەلەم شائىر قەلبىدىن، چىقتى ئەلەم شېئىرچە بولۇپ! ئەيدىزدە چاقناش ئوقىماقتا مۇنار ئۈستىدە، پەخىرلەندى كۆرگەچ ھەممىسى. چۈمكىۋالدى ئىچىنى تېشى، خىيالىدا سورۇن بەزمىسى. چۈمكىسىمۇ قالدى يالىڭاچ، ئۆلۈمى بوپ ئاشكارە ئەپسۇس. تۆۋە قىلدى، بولمىدى راۋا، ئېتىقادى بوپ بېزەك، بەك سۇس. سىرتى ئادەم ئىچى ھايۋاندەك، ئەيدىز ماڭدى يەرنىڭ يۈزىدە. ئەيدىز كۈلدى، ئۇيغۇرۇم چىقتى، چاقناپ ئاخىر ئەلنىڭ كۆزىدە. مەنبە: نازىگۈل 2012-يىل 12-20-كۈنى

aa0998

	دەردىمگە دەرمان سېردىشىم شېئىر، جۇت شېۋىرغانلىق دەردىم شېئىر. مېشىلداپ يېغلاپ تۇردىغان شېئىر. قەلبىمىزدىكى ئازاپنى يېشىدىغان شېئىر.

yasinawut

	قىرىندىشمىز نازىگۈل سەككىز ،      ئىلىپ كەپتۇ مۇنبەرگە شېئىر . ئۇقۇپ -كۆرۈپ ھاياجانلىنىپ ، يازماقچىمەن ئىنكاس ۋە پىكىر .    .............

مىرشاپ

	سۆزلەر قاچار شېئېردىن يانداپ، ئاخىرى نىمە بىلمىدىم قاراپ. ئۈستى-ئۈستىلەپ يېزىلغان خەتلەر، ياش ئاققۇزدى كۆزنى قاماللاپ.

ئەلرام

	بۇ ئىككى شېئرنىڭ ھەر ئىككىلىسى ياخشى چىقىپتۇ، سۆز ئىشىلتىش، تۇراق،قاپىيە ھەم مەزمۇن ئادەمنى سۆيۈندۈردۇ، ھېرىپ قالماڭ!

ap~qilam

	يىغلىما شېئىر دېگەن شېئىرىڭىزنى بەك ياقتۇردۇم تىلىمۇ شۇنچە يىنىك چىقىپتۇ ، ئەيدىزدە چاقناش دېگەن شېئىرىڭىزمۇ  ئادەمگە بىرخىل ئاچچىك تۇيغۇ بېرىدىكەن ، ماۋزۇنى ياخشى تاللايدىكەنسىز جۇمۇ .قەلىمىڭىز بەرىكەتلىك بولغاي

Azizan

	قاراڭلار بۇلدۇقلاپ يىغلاپ كەتكەن شېئىرنى ، نەدىمۇ يىغلىسۇن كۈلدى ئۇ تىلىققۇچە ! يازدى شائىر شائىرە تىزىپ مىسرا ئۈنچىنى ، تاكى شۇ دەرد-ئەلەملەر يۈرەك قاتتىن چىققۇچە !

AYGUZAL007

	مانا     شائىرلىق  باشلىنىپ  كېتىپتىغۇ   بۇ   مۇنبەردە  ...