غەربىي سىبىرىيەدىن جەنۇپقا سۈرۈلگەن سوغۇق ئېقىمنىڭ تەسىرىدە

bugaltir

	غەربىي سىبىرىيەدىن جەنۇپقا سۈرۈلگەن سوغۇق ئېقىمنىڭ تەسىرىدە، ئاپتونوم رايونىمىز بۇ يىللىق ئەڭ كۈچلۈك بولغان تېپىراتورا تۆۋەنلەشنى كۈتىۋالىدۇ 　　ئىستانسىمىز خەۋىرى: غەربىي سىبىرىيەدىن جەنۇپقا سۈرۈلگەن سوغۇق ئېقىمنىڭ تەسىرىدە،تۈنۈگۈن كەچتىن باشلاپ، ئاپتونوم رايونىمىز بۇ يىللىق ئەڭ كۈچلۈك بولغان تېپىراتورا تۆۋەنلەشنى كۈتىۋالىدۇ. بۇ-- باغۋەنچىلىك، قاتناش قاتارلىق جەھەتلەرگە ئېغىر تەسىر كۆرسىتىدۇ. يېقىندىن بۇيان، ئارقا- ئارقىدىن سوغۇق ئېقىم كۆرۈلدى. تۈنۈگۈندىن باشلىنىدىغان بۇ قېتىملىق تېمپىراتورا تۆۋەنلەش-- شىمالىي شىنجاڭ رايونىدىكى ھەرقايسى جايلارغا يەنە بىر قېتىملىق قار ئېلىپ كېلىدۇ. ئىلى دەرياسى جىلغىسى، تەڭرىتاغ تاغلىق رايونى قاتارلىق بىر قىسىم جايلاردا قېلىن قار يېغىشى مۇمكىن. مۇشۇ ئاينىڭ 21- كۈنى ھاۋا ئېچىلىشقا باشلىغاندىن كېيىن، كۈچلۈك بولغان تېمپىراتورا تۆۋەنلەش-- شىمالىي شىنجاڭ رايونىنىڭ كۆپ قىسىم جايلىرىنى قەھرىتان قىش پەسلىگە ئېلىپ كىرىشى مۇمكىن. ئاپتونوم رايونلۇق مېتىئورولوگىيە ئىستانسىسىنىڭ باش مەلۇماتچىسى جاڭ يۈنخۈي مۇنداق دېدى: بۇ قېتىمقى ھاۋارايى ئۆزگىرىشىدىن كېيىن، تېمپىراتورا زور نىسبەتتە تۆۋەنلەيدۇ. بۇنىڭدا ئاساسلىقى، مۇشۇ ئاينىڭ 21-، 22- كۈنلىرى، ئالتاي رايونىدىكى ئەڭ تۆۋەن تېمپىراتورا نۆلدىن تۆۋەن 32 سېلسىيە گىرادۇستىن نۆلدىن تۆۋەن 40 سېلسىيە گىرادۇسقىچە چۈشۈشى؛ ئىلى دەرياسى جىلغىسى، تەڭرىتاغ بويى ۋە قۇمۇلنىڭ شىمالىدىكى رايونلاردا، ئەڭ تۆۋەن تېمپىراتورا نۆلدىن تۆۋەن 25 سېلسىيە گىرادۇستىن نۆلدىن تۆۋەن 35 سېلسىيە گىرادۇسقىچە چۈشۈشى؛ جەنۇبىي شىنجاڭنىڭ كۆپ قىسىم جايلىرىدا، تېمپىراتورا 8 سېلسىيە گىرادۇس ئەتراپىدا تۆۋەنلىشى مۇمكىن. 　　بۇ قېتىملىق كۈچلۈك تېمپىراتورا تۆۋەنلەشنىڭ تەسىرىدە، ئۈرۈمچىدە مۇشۇ ئاينىڭ 19- كۈنى ئەتتىگەندىن تارتىپ، ئوتتۇراھال قار يېغىشى؛ مۇشۇ ئاينىڭ 21-، 22- كۈنلىرى، ئۈرۈمچىنىڭ ھاۋا تېمپىراتورىسى نۆلدىن تۆۋەن 25 سېلسىيە گىرادۇسقا چۈشۈشى مۇمكىن. جاڭ يۈنخۈي مۇنداق دېدى: بۇ قېتىمقى كۈچلۈك سوغۇق ئېقىم ئاساسلىقى باغۋەنچىلىك، چارۋىچىلىق، مۇئەسسەسەلىك يېزا ئىگىلىكى، قاتناش- تىرانسپورت ئىشلىرىغا بىر قەدەر زور تەسىر كۆرسىتىشى مۇمكىن. شەھەرلەر ئۈچۈن ئېيتقاندا، شەھەرلەرنىڭ ئىسسىقلىق بىلەن تەمىنلەشتىكى يۈكىنى ئېغىرلاشتۇرىۋېتىدۇ. تېمپىراتورا تۆۋەنلەش يەنە تۈرلۈك كېسەللىكلەرنىڭ يۈز بېرىشىنى كەلتۈرۈپ چىقىرىدۇ. شۇڭا، ئاھالىلار سىرتقا ئازراق چىقىشى، ئالاقىدار تارماقلار تاقابىل تۇرۇش خىزمىتىنى ياخشى ئىشلىشى كېرەك. تەرجىمان: مىھرىئاي ئوسمان          مەنبە  :   خەلق تورى   http://uyghur.people.com.cn/156325/15281446.html

akbar0997

	دىمىسىمۇ بۈگۈن تىمپۇراتۇرا سەل تۆۋەن .ئەتىگەن ئازىراق قار ئۇچقۇندىدى .

xaban010

	خەۋەرلەندۈرگەنلىكىڭىزگە كۆپ رەھمەت

aa0998

	بىزنىڭ قەشقەردە بۇيىل قىش بولمايدىغان ئوخشايدۇ سوغۇق ئانچە يوق ئاپتاپ راۋۇرۇس چېقىۋاتىدۇ

aktax

	تۇرپاندا قار دىگەن    كارررااامەت    يېغىپ كەتتى....

dilxat5515

	بەك مۇزلاۋاتىمەن .

فاتىھ

	ماۋۇ خوتەن تەرەپلەردە ھاۋا شۇنداق ئۇچۇق. قارنىڭ دىدارىمۇ يوق

zokra

	راست، ئەجەپ سوغۇق......بىزنىڭ بۇ يەردە توختىماي يامغۇر يىغىۋاتىدۇ ، ھاۋانىڭ سوغۇقلىقى ، يا پار يوق ، ما يامغۇرچۇ تىخى.............ئەجەپمۇ ئۆش بولدۇم قىش كۈنى يامغۇر ياغىدىغان ئىشقا...........

zanjir34

	zokra يوللىغان ۋاقتى  2012-12-20 01:23 PM راست، ئەجەپ سوغۇق......بىزنىڭ بۇ يەردە توختىماي يامغۇر ي ... ۋوي  سىزگە  بەك ئۇۋال  بوپتىغۇ  1-ئايغىچە  پار  يوق  بولسا  قاندامۇ  چىدىغانسىز  بىچارە .،.

jalipkar!

	بىزغۇ كۈندە قار تازىلاپ ئاۋارە .   بۇيىل  بەك ياغدى بۇ قارمۇ .