غۇلجىدا (ئىلىخو)

ILIHO

	غۇلجىدا ئازات ئابدۇللا ئۆتتى جەسۇر پالۋانلار،گۈل دىيارىم غۇلجىدا ، قالدى ئىزى ئەجداتنىڭ ئىپتىخارىم غۇلجىدا . ۋاڭخۇلىنى كۆپ ئاڭلاپ،بۇۋىلارنىڭ ئاغزىدىن، سەل بولۇپ ئاققان كۆز يېشىم ،ئاھۇ-زارىم غۇلجىدا . يەتتە سۇغا كۆچكەندە ،جۇدالىقنىڭ دەستىدىن ، بولغان قىزىل قىيامەت،يۇرت-ماكانىم غۇلجىدا. سالساڭ نەزەر يىراققا ،خانتەڭرىنىڭ ئۈستىدىن ، سان-ساناقسىز مۇنارلار ، ئالمىزارىم غۇلجىدا . سالام قىلماي ئۆتمەيمەن ،بەيتۇللانىڭ ئالدىدىن ، كۆز ئالدىمغا  كىلىدۇ ، بىلال نازىم غۇلجىدا . ئىلى دەريا شاۋقۇنى ، ئەسلىتىدۇ مۇڭ بولۇپ ، سادىر ئېيتقان ناخشىنى ،كۈي-داستانىم غۇلجىدا . تۇغلۇق تۆمۈر،ئۇۋەيىس ،سەككاكىنىڭ گۈمبىزى، ئۇزاق ئۆتمۈش شاھىتى ،كۆپ مازارىم غۇلجىدا . تۇرار قاشنىڭ بويىدا ، ئاپراسىياپ قەلئەسى ، تارىخلارنى يورۇتقان ،شاھ -سۇلتانىم غۇلجىدا . سېپىللاردا،جەڭگاھتا شېھىت بولغان ئوغلانلار ، تۇرار دىلغا نۇر چېچىپ،ئاي-چولپانىم غۇلجىدا. ھەربىر قەبرە بىر كىتاب،تېخى قەلەم تەگمىگەن ، مۇنار تىكلەر بىر كۈنى ،ئىز باسارىم غۇلجىدا . مەنبە : ئىلى دەرياسى تورغا يوللىغۇچى : نىجات شۆھرەت ئىلىخو

ILIHO

	قەلبىمدە بىر ئاتەش كۆيمەكتە ئانا نىجات شۆھرەت _ئىلىخو قەلبىمدە بىر ئاتەش كۆيمەكتە ئانا ، يالقۇنلۇق ئوت كەبى جانان مۇھەببەت. يۈرىكىم بىر سەن ئۈچۈن سوقىدۇ ئانا، ھاياتىم ، بارلىغىم، باغۋەنىم ئانام. ئۆز ھاياتىڭدىن ئەتىۋار بىلىپ سەن مېنى ، پەرۋىشلەپ قاتارغا قاتتىڭ جاپادا مېنى. بەختىمنى تىلىگەچ دۇئالىرىڭدا مېنىڭ، ھاياتىم بۈككىدە چېچەككە تولدى. پاسىبانىم، قەدىردان مېھرىبان ئانام، ئوغلۇڭدىن ئەجىرىڭگە تۈمەنمىڭ تازىم. ئاياغىڭغا باش قويۇپ سۆيسەممۇ سېنى، بۇ قەرزىم يەنىلا ئادا بولماس جان ئانام. ئۇلۇغسەن دۇنيادا بىر ئۆزۈڭ ئانا، كۆيىدۇ چېھرىڭدە ئوتلۇق مۇھەببەت. كۈلكىلەر ئۈزۈلمىسە دەيمەن جان ئانا، يۈرەكتىن شادلىنىپ كەتكەندە جاھان. دۇنيادا باردۇر ئىككى ئۇلۇغ زات، بىرى ئاتامدۇر، يەنە بىرى سەن ئانا. ئاتىلار قۇياشتۇر، ئانىلار ئايدۇر دەيدىكەن، مىڭ قۇياش مېھرى بار سەندە جان ئانا، 2012- يىلى 12-ئاينىڭ 18 -كۈنى (ئۈرۈمچى)

لىمۇن

	تولىمۇ ياخشى چىقىپتۇ . ئىسىل تىمىلىرىڭىز ئۈزلۈپ قالمىسۇن.   سىز ئالمىزاردىكى ئىلىخو شۇمۇ؟

912almi

	ۋۇي   يۇرتداشكەنمىزدە  ...  ھى ھى           ناھايىتى   ياخشى  كەن  ....

zapar

	مەن غۇلجىغا بېرىپ باقمىدىم ئاران ناراتقىچە بېرىپ باقتىم، نىسىپ قىلسا يازدا بېرىپ يېتىۋالمىسام نەچچە كۈن.

aa0998

	يۇرتىڭىزنى بىر داڭلىۋاپسىزھە شېئىرىڭىز ياخشى چېقىپتۇ پۇرسەت بولۇپ قالسا بىر كۆرەپ كېلەرىمەن غۇلجا دىگەن يۇرتنى قەلەم تۇلپارڭىزھارمىغاي

aa0998

	يۇرتىڭىزنى بىر داڭلىۋاپسىزھە شېئىرىڭىز ياخشى چېقىپتۇ پۇرسەت بولۇپ قالسا بىر كۆرەپ كېلەرىمەن غۇلجا دىگەن يۇرتنى قەلەم تۇلپارڭىزھارمىغاي

يولتۇز

	ئسىل شەھەر ئۇ

kixan

	ھەممىدىن غۇلجىنىڭ ئەتكەن چېيى ئىسىل . . .