قۇرئاندىكى ئىككى سۈرىنىڭ ئۇيغۇرچە تەرجىمىسى!

jangqi

	75-سۈرىنىڭ ئۇيغۇرچە تەرجىمىسى! (40 ئايەت). ناھايىتى شەپقەتلىك ۋە مېھرىبان اﷲ نىڭ ئىسمى بىلەن باشلايمەن قىيامەت كۈنى بىلەن قەسەمكى،(1)ئۆزىنى مالامەت قىلغۇچى نەپسى بىلەن قەسەمكى، (سىلەر چوقۇم تىرىلدۈرۈلىسىلەر، سىلەردىن چوقۇم ھېساب ئېلىنىدۇ) .(2)ئىنسان (يەنى كاپىر) بىزنى ئۆزىنىڭ (چىرىپ تارقىلىپ كەتكەن) سۆڭەكلىرىنى جەمئىي قىلالمايدۇ دەپ گۇمان قىلامدۇ؟(3)ئۇنداق ئەمەس (يەنى ئۇنىڭ سۆڭەكلىرىنى جەمئىي قىلىمىز)، ئۇنىڭ (ئەڭ ئىنچىكە، ئەڭ نازۇك بولغان) بارماقلىرىنى ئەسلىگە كەلتۈرەلەيمىز.(4)بەلكى ئىنسان كەلگۈسى ھاياتىدا گۇناھتا ئەزۋەيلىمەكچى بولىدۇ.(5)ئۇ (مەسخىرە قىلىش يۈزىسىدىن): «قىيامەت كۈنى قاچان بولىدۇ» دەپ سورايدۇ.(6)كۆزلەر تورلاشقان، ئاينىڭ نۇرى ئۆچكەن، كۈن بىلەن ئاي بىرلەشتۈرۈلگەن چاغدا، ئىنسان بۇ كۈندە: «قاچىدىغان جاي قەيەردە؟ » دەيدۇ.(7)(8)(9)(10)ياق، (ﷲنىڭ ئازابىدىن) قاچىدىغان پاناھگاھ يوقتۇر .(11)بۇ كۈندە قارارگاھ پەرۋەردىگارىڭنىڭ تەرىپىدۇر.(12)بۇ كۈندە ئىنسانغا (چوڭ بولسۇن، كىچىك بولسۇن، ياخشىلىق بولسۇن، يامانلىق بولسۇن) ئىلگىرى ئاخىرى قىلغان ئەمەللىرى ئۇقتۇرۇلىدۇ.(13)بەلكى ئىنسان ئۆزىگە (يەنى قىلغان يامان ئىشلىرىغا) ئۆزى گۇۋاھتۇر.(14)ئۇ ئۆزىنى ئاقلاش ئۈچۈن قانچە ئۆزرە ئېيتقان تەقدىردىمۇ (ئۆزرىسى قوبۇل قىلىنمايدۇ) .(15)(ساڭا جىبرىئىل ئارقىلىق ۋەھىي نازىل بولۇۋاتقاندا، ئۇنى ئېسىڭغا ئېلىۋېلىش ئۈچۈن) ئالدىراپ تىلىڭنى مىدىرلاتما.(16)ئۇنى توپلاش ۋە ئوقۇپ بېرىش بىزنىڭ مەسئۇلىيىتىمىزدۇر.(17)ساڭا ئۇنى ئوقۇپ بەرگىنىمىزدە (يەنى جىبرىئىل ساڭا ئوقۇپ بەرگەندە)، ئۇنىڭ ئوقۇشىغا ئەگەشكىن.(18)ئاندىن ئۇنى چۈشەندۈرۈپ بېرىش بىزنىڭ مەسئۇلىيىتىمىزدۇر.(19)(ئى مۇشرىكلار جامائەسى!) ھەرگىز ئۇنداق ئەمەس (يەنى ئۆلگەندىن كېيىن تىرىلىش، ھېساب بېرىش سىلەر گۇمان قىلغاندەك يوق ئىش ئەمەس)، بەلكى سىلەر بۇ دۇنيانى دوست تۇتىسىلەر.(20)ئاخىرەتكە كۆڭۈل بۆلمەيسىلەر .(21)بۇ كۈندە، (سائادەتمەنلەرنىڭ) يۈزلىرى بۇرلۇق بولىدۇ.(22)(ئۇلار) پەرۋەردىگارىغا قاراپ تۇرىدۇ.(23)بۇ كۈندە، نۇرغۇن يۈزلەر تۇتۇق بولىدۇ.(24)ئۆزلىرىنىڭ چوڭ مۈشكۈللۈككە دۇچار بولىدىغانلىقىغا ئۇلار جەزمەن ئىشىنىدۇ.(25)راستلا جان ھەلقۇمىغا يەتكەندە، «(بۇ كېسەلگە) كىم ئىلاج قىلالايدۇ» دېيىلىدۇ.(26)(27)(سەكراتتا ياتقان ئادەم) بۇنىڭ (دۇنيادىن) ئايرىلىش ئىكەنلىكىنى جەزمەن بىلىدۇ.(28)(سەكراتنىڭ قاتتىقلىقىدىن) پاچاق پاچاققا كىرىشىپ كېتىدۇ.(29)بۇ كۈندە ھەيدەپ بېرىلىدىغان جاي پەرۋەردىگارىڭنىڭ دەرگاھىدۇر.(30)(كاپىر قۇرئانغا) ئىشەنمىدى، ناماز ئوقۇمىدى.(31)لېكىن ئۇ (قۇرئاننى) ئىنكار قىلدى ۋە (ئىماندىن) يۈز ئۆرۈدى.(32)ئاندىن كېرىلگەن ھالدا ئۆيىگە قايتتى.(33)ۋاي سېنىڭ ھالىڭغا! ۋاي سېنىڭ ھالىڭغا!(34)يەنە ۋاي سېنىڭ ھالىڭغا! ۋاي سېنىڭ ھالىڭغا!(35)ئىنسان ئۆزىنى بىكار قويۇپ بېرىلىدۇ (يەنى شەرىئەت ئىشلىرىغا تەكلىپ قىلىنماي، مەيلىگە قويۇۋېتىلگەن ھايۋانغا ئوخشاش) دەپ ئويلامدۇ؟(36)ئۇ (بەچچىدانلارغا) تۆكىلىدىغان (ئاجىز مەنى) ئەمەسمىدى؟(37)ئاندىن ئۇ لەختە قان بولدى، ئاندىن اﷲ ئۇنى چىرايلىق شەكىلدە ياراتتى.(38)ئۇ مەنىدىن ئەر-ئايال (ئىككى تىپنى) ياراتتى.(39)ئۇ (يەنى يۇقىرىقىدەك ئىشلارنى قىلالىغان اﷲ) ئۆلۈكلەرنى تىرىلدۈرۈشكە قادىر ئەمەسمۇ؟(40). .............................................................................................. 76-سۈرىنىڭ ئۇيغۇرچە تەرجىمىسى!(31 ئايەت) ناھايىتى شەپقەتلىك ۋە مېھرىبان اﷲ نىڭ ئىسمى بىلەن باشلايمەن ئىنسان (ئانىنىڭ قورسىقىدا) بىر مۇددەتنى ئۆتكۈزدى، ئۇ (ئەرزىمگەنلىكتىن) تىلغا ئېلىنىدىغان نەرسە بولمىدى.(1)شۈبھىسىزكى، بىز ئىنساننى ئارىلاشما مەنى (يەنى ئەر بىلەن ئاياللارنىڭ مەنىسى) دىن ياراتتۇق، ئۇنى بىز (شەرىئەت تەكلىپلىرى بىلەن) سىنايمىز، شۇنىڭ ئۈچۈن ئۇنى بىز (ئۇنى نازىل قىلغان ئايەتلىرىمىزنى ئاڭلىسۇن، كائىناتنى ياراتقۇچىنىڭ بىرلىكىگە دالالەت قىلىدىغان دەلىللەرنى كۆرسۇن دەپ) ئاڭلايدىغان، كۆرۈدىغان قىلىپ ياراتتۇق.(2)شۈبھىسىزكى، ئۇنىڭغا بىز (پەيغەمبەر ئەۋەتىش بىلەن ياخشى-يامان) يولنى كۆرسەتتۇق، ئۇ مۆمىن بولۇپ ياخشى يولدا مېڭىپ )اﷲ نىڭ نېمىتىگە) شۈكۈر قىلغۇچىدۇر، ياكى (فاجىر بولۇپ يامان يولدا مېڭىپ) كۇفرىلىق قىلغۇچىدۇر.(3)شۈبھىسىزكى، بىز كاپىرلارغا (پۇتلىرىغا سېلىنىدىغان) زەنجىرلەرنى، (بويۇنلىرىغا سېلىنىدىغان) تاقاقلارنى ۋە يېنىپ تۇرغان دوزاخنى تەييارلىدۇق.(4)ھەقىقەتەن ياخشىلار كافۇر ئارىلاشتۇرۇلغان (مەي بىلەن تولدۇرۇلغان) جاملاردىن ئىچىدۇ.(5)(ئۇ كافۇر جەننەتتىكى بىر) بۇلاقتىن ئېتىلىپ چىققان بولۇپ، ئۇنىڭدىن اﷲ نىڭ (ياخشى) بەندىلىرى ئىچىدۇ، ئۇ بۇلاقنى ئۇلار (خالىغان جايلىرىغا ئېقىتىپ بارالايدۇ.(6)ئۇلار ئۆز ئۈستىگە قەسەم ئىچىپ ئالغان ئىشنى ئورۇنلايدۇ ۋە دەھشىتى كەڭ دائىرىلىك بولغان كۈندىن (يەنى قىيامەت كۈنىدىن) قورقىدۇ.(7)ئۆزى موھتاج تۇرۇقلۇق، مىسكىنگە، يېتىمگە ۋە ئەسىرگە تائام بېرىدۇ.(8)(ئۇلار ئېيتىدۇ) «سىلەرگە بىز اﷲ نىڭ رازىلىقى ئۈچۈن تائام بېرىمىز، سىلەردىن (بۇنىڭ بەدىلىگە) ھېچقانداق مۇكاپات ۋە تەشەككۈر تەلەپ قىلمايمىز.(9)شۈبھىسىزكى، بىز پەرۋەردىگارىمىز تەرىپىدىن مەيدانغا كەلتۈرۈلگەن ئېغىر، قاتتىق كۈندىن قورقىمىز».(10)اﷲ ئۇلارنى شۇ كۈننىڭ شەررىدىن ساقلايدۇ، ئۇلارنىڭ (يۈزلىرىگە) نۇر، (دىللىرىغا) خۇشاللىق ئاتا قىلىدۇ.(11)ئۇلارنىڭ سەۋر-تاقەتلىرى ئۈچۈن اﷲ ئۇلارنى جەننەت بىلەن ۋە (ئۇ يەردىكى) يىپەك (لىباسلار) بىلەن مۇكاپاتلايدۇ.(12)ئۇلار جەننەتتە تەختلەرگە يۆلىنىپ ئولتۇرىدۇ، ئۇلار جەننەتتە قاتتىق ئىسسىقنىمۇ، قاتتىق سوغۇقنىمۇ كۆرمەيدۇ.(13)جەننەتتىكى (دەرەخلەرنىڭ) سايىلىرى ئۇلارغا يېقىندۇر، جەننەتنىڭ مېۋىلىرىنى ئۈزۈش ئۇلارغا ئاسان قىلىنىدۇ.(14)ئۇلارغا (تاماق قاچىلانغان) كۈمۈش تەخسىلەر، (مەي تولدۇرۇلغان) كۈمۈشتىن ياسالغان (شىشىدەك سۈزۈك) جاملار ئايلاندۇرۇپ سۇنۇلۇپ تۇرىدۇ، (ساقىيلار، ئۇلارنىڭ ئېھتىياجىغا قاراپ) لايىق ئۆلچەيدۇ (يەنى ئىچكۈچىلەرنىڭ ئېھتىياجىدىن ئېشىپمۇ قالمايدۇ، كېمىپمۇ قالمايدۇ.(15)(16)ئۇلار يەنە جەننەتتە زەنجىبىل ئارىلاشتۇرۇلغان جام بىلەن (يەنى جامدىكى مەي بىلەن) سۇغىرىلىدۇ.(17)جەننەتتە سەلسەبىل دەپ ئاتىلىدىغان بىر بۇلاقمۇ بار.(18)قېرىماي ھەمىشە ياش تۇرىدىغان غىلمانلار نۆۋەت بىلەن ئۇلارنىڭ خىزمىتىنى قىلىپ تۇرىدۇ، ئۇلارنى كۆرگەن چېغىڭدا (ئۇلارنىڭ گۈزەللىكى، سۈزۈكلۈكى ۋە نۇرلۇقلۇقىغا قاراپ) ئۇلارنى تېرىلىپ كەتكەن مەرۋايىتمىكىن دەپ قالىسەن.(19)قاچانكى سەن قارايدىغان بولساڭ، بۇ يەردە (تەسۋىرلەپ تۈگەتكىلى بولمايدىغان) نېمەتلەرنى ۋە كاتتا پادىشاھلىقنى كۆرۈسەن .(20)ئۇلارنىڭ ئۇچىسىدا يۇپقا يىپەك ۋە قېلىن يىپەكتىن (تەييارلانغان) يېشىل كىيىملەر بولىدۇ، (ئۇلار) كۈمۈش ئۈزۈكلەرنى تاقايدۇ، پەرۋەردىگارى ئۇلارنى پاك شاراب بىلەن سۇغىرىدۇ.(21)شۈبھىسىزكى، بۇ سىلەرگە بېرىلگەن مۇكاپاتتۇر، سىلەرنىڭ مېھنىتىڭلار قوبۇل بولدى.(22)(ئى مۇھەممەد!) ھەقىقەتەن بىز ساڭا قۇرئاننى بۆلۈپ-بۆلۈپ نازىل قىلدۇق.(23)سەن پەرۋەردىگارىڭنىڭ ھۆكمىگە سەۋر قىلغىن، سەن ئۇلارنىڭ ئىچىدىن ھېچبىر گۇناھكارغا ياكى كۇفرىلىق قىلغۇچىغا بويسۇنمىغىن.(24)ئەتىگەن-ئاخشامدا پەرۋەردىگارىڭنىڭ نامىنى ياد قىلغىن (يەنى ناماز ئوقۇغىن، پەرۋەردىگارىڭغا كۆپ تائەت-ئىبادەت قىلغىن).(25)كېچىنىڭ ئاز قىسمىدا ئۇنىڭغا سەجدە قىل، كۆپ قىسمىدا ئۇنىڭغا تەسبىھ ئېيت.(26)شۈبھىسىزكى، بۇلار (يەنى مۇشرىكلار) دۇنيانى (ئاخىرەتتىن) ئارتۇق بىلىدۇ، كەلگۈسىدىكى قىيىن بىر كۈنگە (يەنى قىيامەتكە) سەل قارايدۇ.(27)بىز ئۇلارنى ياراتتۇق، ئۇلارنىڭ بەدىنىنى مەزمۇت قىلدۇق، ئەگەر بىز خالىساق (ئۇلارنى ھالاك قىلىپ) ئورنىغا ئۇلارغا ئوخشاش باشقا ئادەمنى دەسسىتەتتۇق.(28)شۈبھىسىزكى، بۇ (ئايەتلەر) ۋەز-نەسىھەتتۇر (بۇ ۋەز-نەسىھەتتىن پايدىلىنىشنى) خالىغان ئادەم پەرۋەردىگارىغا يەتكۈزىدىغان يولنى تۇتسۇن.(29)پەقەت اﷲ خالىغاندىلا، ئاندىن سىلەر خالايسىلەر (يەنى ھەممە ئىش اﷲ نىڭ خاھىشىغا باغلىقتۇر). اﷲ ھەقىقەتەن ھەممىنى بىلگۈچىدۇر، ھېكمەت بىلەن ئىش قىلغۇچىدۇر.(30)اﷲ خالىغان ئادەمنى رەھمىتىنىڭ دائىرىسىگە كىرگۈزىدۇ. اﷲ زالىملارغا قاتتىق ئازابنى تەييارلىدى.(31)    مەنبە  قۇرئان كەرىم ئۇيغۇرچە تەرجىمىسى

mastura5200

	ئەھمىيەتلىك  تېمىڭىز ئۈچۈن تەشەككۈر!     ئاللاھ  ئەجرىڭىزنى كاتتا  قىلسۇن  قىرىندىشىم!!!!!!!!!!!!

saltanat

	بىزنى نىجىس سىپىرمىدىن مانا مۇشۇنداق ھالەتكە كەلتۈرگەن ئاللاھ يارىلىپ بولغان بىر جىسىمنى  ئەسلىدىكى ھالىتىگە كەلتۈرەلەيدۇ.......

hrustal

	تولىمۇ ياخشى تېما بو'پتۇ. )ئۇنىڭ (ئەڭ ئىنچىكە، ئەڭ نازۇك بولغان) بارماقلىرىنى ئەسلىگە كەلتۈرەلەيمىز.) ---- بۇنى مۇنداقلا ئوقۇپ كەتمەي تەھلىل قىلىش بىلەن ئاللاغا شۇكۈر ھەمدىلە ئېيتايلى. نېمىشقا ئاللا باشقا ئەزالارنىڭ گېپىنى قىلماي بارماقنى تىلغا ئالدى؟ چۈنكى ، ئىنساننىڭ باشقا كۆز ،قۇلاق ....ئەزالىرى بىر بىرىنىڭكىگە ئوخشاپ؛ كېتىدۇ ، بىراق بىر ئادەمنىڭ بارمىقىدىكى بەلگە سىزقىلا  ئىككىنىچى بىرىنىڭكىگە ھەرگىز ئوخىشمايدۇ ۋە يېقىنمۇ كەلمەيدۇ. ھەرقانداق ئادەم بارمىقىدا 4خىل سىزىق بولۇپ، 3خىلى( ئايلانما سىزىقلا) ھەممە ئادەمدە بولىدىكەن ئەمما 4-خىل بىر سىزىق بولۇپ مۇرەككەپ سىزىق دىيلدىكەن ۋە بىر ئادەمنىڭ بۇ سىزىقى ئىككىنچى بىر ئادەمگە ئوخشىمايدىكەن . ھەممىنى بىلگۈچى ، ھەممە شەئىنى ئۆرنەكسىز ،كامىل سۈرەتتە ياراتقۇچى ، ھىكېمەت بىلەن ئىش قىلغۇچى ئاللا ئىگىمىز بۇنى 6 -ئەسىردە چۈشكەن قۇرئاندا كۆرسىتپ ئۆتكەن بولسا، يېڭى ئىلىم پەن بۇنى 18-ئەسىرنىڭ باشلىردا بايقىغان ۋە ئەنگىلىييدە تۇنجى بولۇپ ئادەم بارماق ئىزى ئارقىلىق ئىز قوغلاپ تەكشۈرۈشنى يولغا قويغانكەن .   (روھىل ئىسلام ) مۇشۇنىڭدەك،  ئاللانىڭ ھەر بىر سۆزى ،ھەر بىر ئىشى ھېكمەتتىن خالى ئەمەستۇر،  بىزنىڭ ھاياتلىقىمىزنىڭ ئۆزى ئاللانىڭ بىرلىكىگە، قۇدرىتىگە دەلىلدۇر. ئاللا :‹ئاللانىڭ ئايەتلىرىنى پەقەت ئاللانىڭ ئالىم بەندىلىرىلا چۈشنەلەيدۇ، ئۇلار ئولتۇرغاندىمۇ ، ياتقاندىمۇ ئاللاغا تەسبىھ ئېيتىپ تۇرىدۇ › دىگەن . ھەممىمىز ئىلىم ئۆگىنەيلى، ئىككىلا دۇنيالىق سائادەت ئىلىمدىن كېلىدۇ. ئاللا ھەممىمىزگە دەرگاھىدىن ئىلىم ئاتا قىلغاي ۋە بىلگىنىگە ئەمەل قىلغۇچىلاردىن قىلغاي

zapar

	saltanat يوللىغان ۋاقتى  2012-12-19 05:26 PM بىزنى نىجىس سىپىرمىدىن مانا مۇشۇنداق ھالەتكە كەلتۈرگە ... قۇسۇر تاپماقچى ئەمەسمەن، بىراق نىجىس سىپرما دەپ ئاتىشىڭىز توغرا بولماپتۇ.

jangqi

	بۇ تىمامغا يانداش ماۋۇ تىمىلارنىمۇ كۇرۇپ قۇيۇڭ........... جەننەت توغرىسىدىكى ئايەت ۋە ھەدىسلەردىن تاللانما ماۋۇ ئادرىستا......... /thread-88876-1-1.html دەۋزاخ توغرىسىدىكى ئايەت ۋە ھەدىسلەردىن تاللانما ماۋۇ ئادرىستا......... /thread-89932-1-1.html

TEM^TAS

	saltanat يوللىغان ۋاقتى  2012-12-19 05:26 PM بىزنى نىجىس سىپىرمىدىن مانا مۇشۇنداق ھالەتكە كەلتۈرگە ... نىجىس سىپرما دەپ ئاتىشىڭىز ، نىمنى چۈشەندۈردۇ قىرىندىشىم، ئويلاپ سۆزلەڭ.

ihsanjan

	ناھايتى ياخشى تېمىدىن بىرنى يوللاپسىز قېرىندىشىم     . ئاللاھ رەھمەت  قىلسۇن سۇرە قىيامەتنىڭ 22-ئايىتىدىكى ( نۇرلۇق )دىگەن سۆز (بۇرلۇق ) دەپ يېزىلىپ قاپتۇ   تۈزىتىپ قويغايسىز

ئوغۇز116

	اللە ھەممىزنى ئىلىم ئۆگىنىدىغان ۋە ئۇنىڭغا ئەمەل قىلىدىغان سالھ كىشىلەردىن قىلسۇن! ( امين! )

jangqi

	ئۇنداق ئەمەس (يەنى ئۇنىڭ سۆڭەكلىرىنى جەمئىي قىلىمىز)، ئۇنىڭ (ئەڭ ئىنچىكە، ئەڭ نازۇك بولغان) بارماقلىرىنى ئەسلىگە كەلتۈرەلەيمىز.(4) ماۋۇ ئايەتكە مىنىڭ چۈشەنچەم .يۇقۇرىدىكى 1400 يىلنىڭ ئالددىكى قۇرئان ئايتى . بۇنىڭ مەنىسى بۇ گۈنكى كۈنگە كەلگەندە بىلندى . يەنى دۇنيادىكى 7مىليارد ئادەمنىڭ چىرايى بىر بىرىگە ئوخشىمايدىغانلىقىغا ئوخشاش شۇ 7 مىليارد ئادەمنىڭ بارماقلىرىمۇ بىر بىرىگە ئوخشىمايدىغانلىقىنى ھازىرقى ئاناتۇمىيە ئالىملىرى ئىسپاتلاپ چىقتى . بۇنى ھەممىمىز بىلمىز . يەنى ساقچىلارنىڭ بارماق ئىزىدىن پايدىلىنىپ جىنايەتچىلەرنى پەرقلەندۇرۇپ ئۇلارنى تۇتىدىغانلىقىنى . ....... ئۇنداق ئەمەس (يەنى ئۇنىڭ سۆڭەكلىرىنى جەمئىي قىلىمىز)، ئۇنىڭ (ئەڭ ئىنچىكە، ئەڭ نازۇك بولغان) بارماقلىرىنى ئەسلىگە كەلتۈرەلەيمىز.(4) 1400 يىلىنىڭ ئالدىدا پەيغەمبىرمىز مۇھەممەد ئەلەيھىسسالام ئىنسانلارنىڭ چىرايى بىر بىرىگە ئوخشىمايدىغانلىقىغا ئوخشاش شۇ  بارماقلىرىنىڭمۇ بىر بىرىگە ئوخشىمايدىغانلىقىنى نەدىن بىلگەن ؟