سېنى سېغىنىپ قالدىم

muslina216

	سېنى سېغىنىپ قالدىم بۇ قەيەر ؟ ھە بۇ مۇزدەك خانەمكەن ، گۆگۈمنىڭ تۇمانلىرى ھەممىنى قارا رەڭگە كىرگۈزدى ، مەن قان رەڭلىك   ھەسرەت دېڭىزى ئىچىدىن يۇلقۇنۇپ چىقماقچى بولىمەنۇ بىراق ماجالىم يەتمەيدۇ ، خىياللىرىم ئادىشىپ قېلىۋاتىدۇ ، قەلبىمنى ساڭا ئاتىغان ئىكەنمەن ، ئارامىم بوزۇلدى ، يۈرىكىنىڭ ئەڭ چوڭقۇر قېتىدىن شۇنچىلىك مۇڭلۇق  كىشى قەلبىنى لەختە قىلىدىغان بىر ناخشا ئاۋازىنى ئاڭلاۋاتىمەن ، ھەر بىر مىسراسىدا سېنىڭ ئىسمىڭ ، ئىچ -ئىچىمدىن چىقىۋاتقان پىغانلارغا كىرپىكلىرىم ئامال قىلالمىدى . مەن بىلىپ بىلمەستە قەلبىم ئىچىگە قارار تاپتىڭ ، بىر تەبەسسۇم بىلەن مىڭ يىللىق ئوتنى سالدىڭ ،مەن ئۇستا رەسسامدەك كۆز قارچۇقلىرىمغا ، دىل قەسىرىمگە سېنىڭ رەسىملىرىڭنى سىزىپ چىقتىم ... دېكابىرنىڭ سوغۇق كېچىسى جىمجىتلىق ئىچىدە يۈرىكىمنى يىمەكتە ، بىز ئايرىلدۇق ، جۇدالىقتىن ئىبارەت بۇ مۇھەببەت ئەزرائىلى قاقاقلاپ كەلمەكتە ... ھەسرەت بىلەن سۈت رەڭلىك سۈبىھىنى كۈتىۋالدىم ، مەن ئەسلى سۈكۈت ئىچىدە قەلبىمدىكى مەخپىپيەتنى مەڭگۈ يۈتۈپ كەتمەكچى ئىدىم بىراق بۇ ھەسرەتلىرىمنى تاڭ شاماللىرىغا ، جىمجىتلىق ئىچىدە سوزۇلۇپ ياتقان يوللارغا دىگۈم كەلدى ، ئاڭلا سەنمۇ ئاڭلا مەن ئەسلىدە سېنى سۆيەتتىم ... ئاشۇ كۈنى ھېلىھەم ئېسىمدە ، ھاۋا شۇنچىلىك ئۇچۇق ئىدى بىز بىر - بىرىمىزگە بېقىشپ تۇرۇپ يۈرىكىمىزدىن بەخت سىمپونىيەسىنى ياڭراتقان ئىدۇق ... سەن كەتمەكچى بولدۇڭ ، بىردىنلا يۈرىكىم قارا بولۇتقا ئايلىنىپ قاناشقا باشلىدى ، بىلەمسەن سەنسىز ئەمدى ماڭا پەسىل ئايرىمىسى يوق بولىدۇ ، ئەلمىساقتىن كېلىۋاتقان بۇ ئادەت بەلكى سەن سەۋەپ يوقىشى مۇمكىن .. گۈلنىڭ رەڭگى قانداق بولغىيدى ؟ كىشىلەر ئۇنتۇلغان سىماھ ، ئۇنتۇلغان ئۆتمۇش دىيىشىدىكەن ، بۇ سىماھ بۇ ئۆتمۈشلەرنى كىشىلەر نەرىگە يازىدىغاندۇ ؟ ياكى ئۇلاردا ئىككى يۈرەك بارمىدۇ ؟ ئاشۇ بىر دەقىقىلىق تەبەسسۇم ھاياتىمنى ئۆزگەرتىپ مېنى ساماۋى دۇنياغا باشلىغان ئىكەن  ، ئاشۇ تەبەسسۇم ئەمدى مەڭگۈگە يۈتۈپ شۇ بىر دەقىقە قاراشلارنى ساقلاپ قالغۇدەك ئىمكان تېپىلماسمۇ ؟ سەن ئاخىرى كەتتىڭ ، ماڭا دۇنيا ۋاپاسىز بىلىندى ، دەرىزىدىن سىرتقا قارىدىم بوشلۇقتا لەيلەپ تۇرغىنى ھىجران ، جۇدالىق ، مەن ياش تۆكمەيمەن دىگەن ئىدىم لېكىن تۈن قوينىغا يامغۇردەك تۆكۈلدۈم  ، ئەمدى ھېلىقى جىگدىلىك يوللارنى يانتاق بېسىپ بارسا كەلمەس يول بولۇپ قالار ، سەن بىلمەيسەن قانچە قېتىم شۇ يوللارغا بارغىنىمنى ، لەۋلىرىمنى ئۈنسىز چىشلەپ ئىسمىڭنى چاقىرغىنىمنى ، شۇ دەقىقىلەردىكى بەخت تۇيغۇسىچۇ ... ئادەمنىڭ ئۆمرى قانچىلىك ؟ بىلەمسەن بۈگۈن ئەتىنىڭ ئۆتمۈشى ، ئاي ، كۈنلەر ئۆتىدۇ ، بۇلار مەن ئۈچۈن بەرىبىر ، سەن ھاياتلىق يولۇمدا پەيدا بولۇشتىن ئىلگىرى مەن بۇنداق شاۋقۇن - سۆرەننى بىلمەي يۈرۈپتىكەنمەن ، ئەمما سەن ماڭا بىر تالاي ئازاپلارنى قالدۇرۇپ شامالدەك يۈتۈپ كەتتىڭ ، يالغۇزلۇقۇمغا ھەمرا بولۇپ ئەلەملىرىڭ قالدى ، قارا دېكابىرنىڭ سوغۇق شامىلى غازاڭلىرى چۈشۈپ بولالمىغان سۈگەت يۈپۇرماقلىرىنى ھەر يانغا ئوچۇرتۇپ تۇرىدۇ ، ھالبۇكى ھورى ئۆرلەپ تۇرغان بۇ چوغداننىڭ ئىچىدە بىر دەقىق تەبەسسۇمۇڭغا تەشنامەن ، سوراۋاتامسەن نەدىكى چوغ دەپ ، ئۇنى سەن بەرگەن تولىمۇ سېىخيلىق بىلەن بەرگەن ئىدىڭ ... نىمە ئامال ؟ قەدىرسىزلىكنىڭ تەمىنى تېتىپ قالدىم ، گۇنا قورغىنىغا پاتقۇم كېلىۋاتىدۇ ، قانداق دەمسەن ؟ كېيىنكى يارالمىشىدا سېنىڭ كۆزۈڭ ياكى يۈرىكىڭ بولۇپ يارالغۇم كېلىۋاتىدۇ ...بۇنى بوتقا چوقىنىدىغان خەقلەر دەيتتى لېكىن ئاداشتىم ، روھ غەليانلىرىم تۈركۈم - تۈركۈملەپ خاتا مىسرالارنى تىزىشىۋاتىدۇ ، بىر كۈنلەردە ساڭا ئەۋەتىپ بېرىمەن ساقلاپ قوي ، مەندەك بىرىنىڭ ھاياتىنىڭ بۈرجىگىگە ئىلىنىپ ئىتىبارسىز تاشلانغانلىقىنى ئەسلەپ قويارسەن ... مەنبە : ئىجادىيەت .

tapalmidim

	بەك ياخشى يىزىلغاندەك  قىلىدۇ ،لېكىن ھەممىنى ئوقۇشقا ئىمكان بولمىدى ، بەڭباش خىياللىرىم  غەليان كۈتۈرۈشكە ئاران تۇرىدۇ ...

ixanq113

	ناھايىتى يىقىشلىق ئىكەن....قەلىمىڭىزگە رەھمەت....

ئىپارە

	ئاجاىپ لېرىكىلىق تۈستە يىزىپسىز يا بۇ ئەسىرىڭىزنى؟ ياخشى چىقىپتۇ.

monix

	ئاخىرغىچە ئوقۇي دىدىم ئەمما مەنمۇ ئۇقۇيالمىدىم.ئۇقۇۋېتىپ كۈڭۈلسىز ئىشلار خىيالىمدىن كىچىپ قەلبىمنى بىرى مىجۇۋالغاندەك بۇلۇپ قالدىم . داۋاملىق تىرىشىڭ!

╰︶￣原地守候

	ئادەمنىڭ ئىچىنى بەكلا ئىزىۋېتىدىكەن.  شۇ تاپتا مەنمۇ چوڭقۇر خىيال دەرياسىغا غەرق بولۇپ كەتتىم، بەك ياخشى يېزىلغان نەسىر بوپتۇ. تېخىمۇ تىرىشڭ.

ap~qilam

	يېقىندىن بۇيان نەسىر ئاڭلاشقا ئەجەپ خۇشتار بولۇپ كېتىۋاتىمەن دېسە،  شۇنچە يازاي دەپ زورىغا قەلەم تەۋرەتسەم ،ئەسلىدىكى  ھىسلىرىم بۇغۇلۇپ قېلىپ پەقەت ياخشى يازالمايدىكەنمەن  ،

aa0998

	بەك ياخشى يېزپسىز تۈنجى سۆگۇنىنى ئۇنتۇش مۇمكىن ئەمەس مېنىڭ قەلبىمنىڭ قانچېلىك پۇچۇلانغانلىقىنى ھېچ كىم بۇلمەيدۇ لېكىن مەن سۆگەن قېز يۇزسىز چېقىتى بەك ئەپسۇسلاندىم بەك ئازاپلاندىم

1+1=1

	ئاللاھ بەندىللىرىگە كۆتىرەلمەيدىغان دەرت سالمايدۇ، بۇ كۈنلەرمۇ ئۈتۈپ كېتىدۇ،غەيرەتلىك بۇلۇڭ.

tawpikkizi

	ئەجەپ مىنىڭ كۆڭلۇمدىكىنى بىلىۋاپسىز ؟ بولمىسا مەنغۇ سۆزلەپ بەرمىگەن !قالتىس چىقىپتۇ