بىزنىڭ چىقىش يولىمىز نەدە؟

Nimroh

	بىزنىڭ چىقىش يولىمىز نەدە؟    ئالىي مەكتەپ پۈتتۈرۈپ جەمئىيەتكە قەدەم باسقاندىن كىيىنكى كۈنلەر خىزمەت ئىزدەش ھەلەكچىلىكىدە ئۆتىدىكەن. ئارزۇ بىلەن ئەمەلىيەت باشقا بولۇۋاتقان بۇ جەمئىيەتتە يەنە نۇرغۇن ئىمتىھانلارغا تەييارلىق قىلىش،تەلەي سىناش،بىر تالاي تەكشۈرۈش ...ۋاھاكازالار بىلەن ھۈكۈمەتنىڭ تۆمۈر تاۋىقىغا ئېرىشمەكچى بولىدىكەنمىز. ئەمما ھۈكۈمەت ئاپپاراتلىرى ئاساسەن بىزدىن دىنىي ئەركىنلىكىمىزدىن ۋاز كېچىشنى تەلەپ قىلىدىكەن. <ئوقۇتقۇچى بولساڭ مەسچىتكە كىرەلمەيسەن، بەش ۋاق ناماز ئوقۇيالمايسەن...>دېگەنلەرنى ئويلىغاندىن كىيىن، ئوقۇتقۇچىلىق ئىمتىھانىغا تەييارلىق قىلىشتىن يالتىيىپ قالدىم. ئۇنىڭ ئۈستىگە بۇ يەردىكى بىر بىزەكچىلىك دۇكىنى ئاچىدىغان بالىغا شاگىرىتلىققا كىرىپ، ئۈگىنىۋالغاندىن كىيىن شۇ بالا بىلەن شىرىك دۇكان ئاچماقچى بولغان ئىدىم. بۇ ئويۇمنى بىر دوستۇمغا دىسەم، ئۇ: <بۇنى شەرىئەتكە سېلىپ ئويلىساڭ قىلىشقا بولمايدۇ، چۈنكى بىزەكچىلىك بىلەن خەق تاپقىنىنى تامغا چاپلاپ ئىسراپ قىلىدۇ، ئاللاھ يولىغا سەرپ قىلمايدۇ. سەن بۇ ئىشنى قىلساڭ شۇلارغا شېرىك بوپ قالىسەن.>دەيدۇ. شۇنىڭ بىلەن كاللامدا بىر تۈرلۈك خىياللار پەيدا بوپ قالدى. شۇ سەۋەبتىن قېرىنداشلار بىلەن چىقىش يولىمىز ھەققىدە مۇنازىرە قىلىشىپ باقايلى دېگەن مەقسەتتە بۇ تېمىنى يوللىدىم. بىز ئۇيغۇر مۇسۇلمانلار ئۈچۈن شەرىئەتكە ئۇيغۇن چىقىش يولى زادى قانچىلىكتۇر؟

hokumran

	ئىرادىسىز ئادەملەر باشقىلارنىڭ كىچىككىنە قوقىدىنىمۇ قورقۇپ ئۆز سايىسىدىنمۇ ھۈركۈيدىغان بولۇپ قالىدۇ.                                                                                                  __ ھۆكۈمران 1.‹‹ (ھۆكۈمەت ئاپاراتلىرى دىنىي ئەركىنلىكىمىزدىن ۋاز كېچىشنى تەلەپ قىلىدىكەن. ئوقۇتقۇچى بولساڭ ناماز ئوقۇيالمايسەن، بەش ۋاق ناماز ئوقۇيالمايسەن.) دېگەنلەرنى ئويلىغاندىن كېيىن خىزمەت قىلىشتىن يالتىيىپ قالدىم››. دېگەن بۇ گەپلەر پەقەتلا قەلبىدە ئۆز ئېتىقادىغا ئىشەنچى بولمىغان كىشىلەر دەيدىغان، پۇت تىرەپ تۇرالمايدىغان تۇترۇقسىز گەپلەردۇر. ئېتىقاد بىر كىشىنىڭ دىلىدا ئەڭ يۈكسەك ئورۇندا تۇرغاندىلا ھېچقانداق تاشقى ئامىل ئۇنى تەۋرىتەلمەيدۇ. ھۆكۈمەت خىزمىتىنىڭ مۇقىم ۋاقتى سەككىز سائەت. بىر كۈن ئىچىدىكى مۇشۇ سەككىز سائەت ۋاقىتتىن باشقا بارلىق ۋاقىت ھەر بىر خىزمەتچىنىڭ ئۆز ئىلكىدە بولىدۇ. بەش ۋاق نامازنىڭ ئىچىدىكى بامدات نامىزى ئىشقا چۈشۈشتىن ئىلگىرى ئوقۇلىدۇ. باشقا ناماز ۋاقتى بىلەن خىزمەت ۋاقتى دوقۇرۇشۇپ قالسىمۇ ئەمما قەلبىمىزدە نىيەتلا بولىدىكەن شۇنى ئوقۇشقا مۇۋاپىق ۋاقىت ۋە ئورۇن چىقىرالايمىز. زۈرۈر تېپىلغاندا قازا نامىزى ئوقۇلسىمۇ بولىدۇ. نامازنى مەسچىتكە بېرىپ ئوقۇش ئىمكانىيىتى بولمىغىنىدا ئائىلىمىزدە ئوقۇساقمۇ بولىدۇ. ئائىلىمىزدە بىزنىڭ شەخسى ھەركىتىمىزنى كۈزىتىدىغان تېلكامىرا يوق. مۇشۇنداق ئىكەن قەلبىمىزدە دىنغا بولغان چىن نىيەت بولسىلا ناماز بىلەن خىزمەتنى ئۆز يولىدا قىلىپ كەتكىلى بولىدۇ. 2. بىزەكچىلىكنىڭ ئۈزىمۇ بىر ھۈنەر. بۇ ھۈنەرنى ئۈگۈنۈپ كامالەتكە يەتكۈزۈش ۋە مۇشۇ ھۈنەر ئارقىلىق باشقىلارنىڭ ئۆيىنى بىزەپ بېرىش ئۈچۈن شۇ ھۈنەۋەننىڭ نۇرغۇن ھالال ئەجرى سىڭىدۇ. پەقەت سىز بىزەكچىلىك قىلغان ئورۇننىڭ گۇناھلىق ئىشلار ئۈچۈن ئىشلىتەلمەيدىغانلىقىنى بىلسىڭىزلا كۇپايە. دىندا ھەرگىزمۇ بىر كىشىنىڭ ھالال تەرى بىلەن ئۆز تۇرمۇشىنى قامداشنى گۇناھلىق ئىش قاتارىغا چىقارغىنى يوق. بۇ پەقەت بىر قىسىم چالا موللىلارنىڭ قۇرئاندىكى ئايەت ۋە ھەدىسلەرنى تەھلىل قىلىش ئىقتىدارىنىڭ يوقلىقىدىن نۇرغۇنلىغان ھالال ئىشلارنىمۇ شەرىئەتكە مۇخالىپ چىقارغانلىقىدىن نۇرغۇن كىشىلىرىمىز گاڭگىراپ قالماقتا. شۇڭلاشقا بىزەكچىلىك قىلىشنى گۇناھلىق ئىش قاتارىغا كىرگۈزۈشكە بولمايدۇ. 3. مۇسۇلمانلار ئۈچۈن شەرىئەتكە ئۇيغۇن چىقىش يولى نۇرغۇن. بۇنىڭ ئۈچۈن كاللىڭىزدا دىنغا قارىتا توغرا كۆز قاراش بولۇشى كېرەك. سىز باشقىلارنىڭ پەتىۋاسى بىلەن ئەمەس ئىسلامنىڭ توغرا يولى ئارقىلىق ھۆكۈم چىقىرىش ئىقتىدارىنى يېتىلدۈرىشىڭىز كېرەك. <<قۇرئان كەرىم>>، <<سەھىھۇلبۇخارى>>، <<ھەدىس شەرىپتىن ئۈنچە مارجانلار>> قاتارلىق دىنىي كىتابلاردا تىجارەت قىلىش ئارقىلىق ئىگىلىكنى گۈللەندۈرۈش توغرۇلۇق نۇرغۇن مەزمۇنلار بار. شۇڭا سىز باشقىلارنىڭ ئىدىيىسى ، پەتىۋاسى بىلەن ئەمەس بەلكى ئۆز ئىدىيىڭىز ۋە قۇرئان كەرىمدىكى كۆرسەتمىلەر بويىچە ياشىشىڭىز كېرەك. 4. ئورتاق بىر سۇئال: سىز باشقىلارنىڭ پەتىۋاسىغا ئىشىنىشتىن ئىلگىرى <<قۇرئان كەرىم>> ۋە باشقا دىنى كىتابلارنى بىرەر قېتىم قولىڭىزغا ئېلىپ باقتىڭىزمۇ؟ شۇ كىتابلاردىكى ئايەت ۋە سۈرىلەردىن بىرەر ئابزاس ئوقۇپ يەشمىسى ھەققىدە باش قاتتۇرۇپ تەھلىل قىلىپ باقتىڭىزمۇ؟

ARAL52

	خىزىمەت قىلۋاتقانلار: ئىشىڭلارنى پۇختا قىلىڭلار .سىز قىلۋاتقان ئاشۇ خىزمەتتىن بىرسىنىڭ ھاجىتى چۈشۈپ ياردەم سورسا قولدىن كەلسە ياردەم قىلىڭلار ،يەنە بىر گەپ ياردەم قىلالمىساڭلىمۇ مەيلى ئىللىق چىراي بولۇڭلار. ئوقۇش پۈتتۈرپ خىزمىتى يوقلار : بىريەرنى تېپىپ ئىشلەڭلا ،ئاندىن رەسمىي ئۆيىدىكىلەرنىڭ قەدرىنى دادىمىزنىڭ قەدرىنى بىلسىلەر .تۇرمۇشنى يەنە بىر قېتىم چۈشنىسىلەر .بىلىپ قېلىڭكى ئاشۇ ئىشلەش جەرياندا نۇرغۇن ئىش سزنى خاپا قىلىدۇ. نۇرغۇن ئەقىل ئۆگىنىسز...ئىشلەڭ ئەمما ۋاقىت بىكار ئۆتمىسۇن كىيىن سىزمۇ مۇستەقىل بولمىسىڭىز بولمايدۇ.بىلىپ قېلىڭ سىز ھېچكىمدىن ئاغرىنىشقا ھۇقۇقىڭىز يوق. سىز ئۆزىڭىزنىڭ تۇرمۇشىدا باش رولچى. بەلكىم يېڭى ئىش باشلىماقچى بولغانسىز ،دىمەك سىز چۇقۇم پۇلغا ئھتىياجلىق بولىسىز. ئەمدى ئاشۇ پۇلىنى سىز بۇرۇن ئىشلىگەن يەرىدىن ،ئۇرۇق تۇققانلاردىن ئالسىز.بەزىدە قاتتىق قۇرۇق گەپ بۇلۇپ قالىدۇ چىدايسىز. ھۆكۈمەت تەرەپتىن قەرىز ئالىمەن دىسىڭىز ئاش پىشمايدۇ...شۇڭا پۇرسەتنى تۇتۇپ ئۇلارنى قايىل قىلىسىز.باشلماقچى بولغان ئىشنى ئىچىڭىزدىن چىقىرىپ قىلسىز. شۇنىڭ بىلەن تۇرمۇشىڭىز بۇرمۇنچە قەرزىڭىز بولسىمۇ يەنىلا بەخىتىلىك ھېس قىلىسىز، چۈنكى سىز باشلىۋالغان ئىشنتىن پايدا ئالالايسىز. يا خىزمەتكە چىقىڭ ،يا ئىشلەپ ئەقىل بىلەن چىقىش يولى ئىزدەڭ...ھەربىر قەدىمىڭزدە ئەتراپنى كۆزىتىڭ..بىكار يۇرسىڭىزلا سىزتېخمۇ چۈشكىن بولۇپ كىتىسىز.. ....دەپ يېزىپ تىكەنمەن. بىر يىل بۇرن خاتىرەمگە.

مارشال

	تېلكامىرانى ئۆيىڭىزگە تاقاپ قويمىغانكىن،نېمىدىن قوقاسىز...

faruk063

	شۇنداق ياخشى نىيەتلەرنى كۆڭلىڭىزگە پۈكۈپسىز، ئاللاھ رەھمەت قىلسۇن، ئاللاھقا بولغان ئىمان- ئېتىقادىڭىزنى ئاللاھ تېخىمۇ كۈچيتسۇن، قەلبىڭىزنى ئاللاھ ئىمان نۇرى بىلەن زىننەتلىسۇن! ئەمدى مەقسەتكە كەلسەك، گەپنى قىسقىلا قىلاي، سەھرادا ئۆينى سەھراغا لايىق بىزەيدۇ، شەھەردە شەھەرگە لايىق بېزەيدۇ، ھەركىم ئەھۋالىغا يارىشا ئىش قىلىدۇ، سىزگە كەلسەك، ئىشىڭىزنى داۋاملاشتۇرۇڭ، ھۈنەرنى ياخشى ئۆگىنىڭ، باشقىلارنى ھەم رازى قىلىڭ،  ئۆزىڭىزمۇ ھەم قىلغان ئىشىڭىزدىن، تاپقان پۇلىڭىزدىن رازى بولغۇدەك ياشاڭ، ئۆزىڭىزمۇ ھالال ياشاشنى تاللاپسىز. ئاللاھ قۇرئان كەرىمدە پەيغەمبەر ئەلەيھىسسالامغا ئۆزى بەرگەن نېمەتلەرنى ئاشكارلاشنى بۇيرۇپ، سۈرە زۇھانىڭ ئەڭ ئاخىرىقى ئايەتتە مۇنداق دەيدۇ: «ئاللاھ ساڭا بەرگەن نېمەتنى سۆزلىگىن» يەنى باشقىلارغا كۆرسەتكىن، ئاشكارلىغىن. بىر ساھابە شۇنداق باي تۇرۇپمۇ ئەسكى، جۇل- جۇل كىيىم كىيۋالغان بولۇپ، بۇنى رەسۇلۇللاھ سەللەللاھۇ ئەلەيھى ۋەسەللەم كۆرۈپ: «ئاللاھنىڭ ساڭا بەرگەن نېمەتلىرى ئۇچاڭدا كۆرۈنسۇن» دېگەن. دېمەك، كىشىلەرمۇ ئاللاھ بەرگەن نېمەتلەرنىڭ ھوزۇرىنى سۈرۈش ئۈچۈن، پاكىز ئازادە، خۇشال ياشاش ئۈچۈن ئۆي زىننەتلىتىدۇ، ياسايدۇ، ئۆيگە چىرايلىق نەرسىلەرنى ئاسىدۇ، تاقايدۇ، چاپلايدۇ... دېگەندەك. بۇزۇپ چېچىپ تاشلىۋەتمەيدۇ، پۇل تامغا چاپلىنىدۇ، ئۇ زىننەت خېلى يىل تۇرىدۇ، ھەركىمنىڭ دۇنيادا ياخشى، باياشاد ياشاش ھەققى ھەم ھوقۇقى بولىدۇ، بايلار بايلارچە، كەمبەغەللەر كەمبەغەلچە ياشايدۇ، شەرىئەتمۇ ئەسكى چاپاننىڭ ئىچىدە يۈر دېمەيدۇ، ھالال يولدىن پۇل تاپ، باي بول، ئاللاھنىڭ ھەققىنى، كىشىلەرنىڭ ھەققىنى ئۇنۇتما دەيدۇ. ھەركىم ئۆزى قىلغان ئىشتىن ئۆزى ھېساب بېرىدۇ، باشقىلارنىڭ قىلغان ئىشىنىڭ ھېسابىنى ھەرگىز ئۈستىگە ئالمايدۇ، ئالالمايدۇ ھەم ئالغۇزمايدۇ. سىزگە تەكلىپىم قىلماقچى بولغان ئىشىڭىزنى داۋاملاشتۇرۇڭ، گۇناھ- مەئسىيەتكە ئشىلىتىدىغان سورۇنلاردىن باشقا جايلارنى زىننەتلەۋېرىڭ. چۈنكى ئاللاھ قۇرئان كەرىمدە: «گۇناھ- مەئسىيەتكە، ئۆچ- ئاداۋەتكە ئۆز- ئارا ياردەمدە بولماڭلار» دېگەن. ئۆي، ھارام ئىش بىلەن شۇغۇللانمايدىغان بىنا، شىركەتلەر..... دېگەندەك يەرلەرنى زىننەتلەڭ، ئاللاھ كەسپىڭىزگە بەركەت بەرسۇن، بۇنىڭدىنمۇ كاتتا چىقىش يولىنى ئاللاھ بەرسۇن!

faruk063

	يەنە سۆزلەپ سالىدىغان بولدۇم. شەرىئەتكە ئۇيغۇن چىقىش يولى ناھايىتى كۆپ. سىز پەقەت ئاللاھ ۋە ئىنسانلارنى ھەققىگە تاجاۋۇز قىلىپ سالمىسىڭىز، ئاللاھ بەلگىلىگەن چېگرادىن ئۆتۈپ كەتمىسىڭىز، ھارام تىجارەتكە ئارىلىشىپ قالمىسىڭىز، يامانلارغا يانتاياق بولمىسىڭىزلا يول دېگەن كۆپ. يەنە دەي دېسەم نۇرغۇن، قانداق دېيىشنى بىلەلمىدىم. پەيغەمبەر ئەلەيھىسسالام ھالالمۇ ئېنىق، ھالالمۇ ئېنىق... دېگەن. سىز شەرىئەت بىلىملىرىدىن خەۋەردار بولسىڭىز قايسى يولدا مېڭىشنى تېىخمۇ ئېنىق بىلىۋالالايسىز. مەن شۇنچىلىك دەپ تۇراي. قالغىنىنى مىسرانداشلارنىڭ ئىنكاس، پىكىر- تەكلىپلىرىگە قارىتا يەنە دېيىشەرمىز.

aa0998

	ھەمە ئادەمنىڭ چېقىش يولى ئۆزنىڭ تېرشجانلىقىدا دەپ قايلايمەن

!UYGHURJAN

	خەق ئىسراپ قىلسا ئۈزىگە قىلىدۇ . سىز خەقنىڭ پۇلىنى بىكارغا  ئالمايسىز . بەلكى ئشلەپ ئالىسىز  . قايسى گۇناھقا شىرىك بوپ قالغۇدەك ؟

ANSWER

	‏ئوساغاققا ئارپا نىنى بانا بوپتۇ

poyuz

	ئىشقىلىپ سىزنىڭ چىقىش يولىڭىز كۈندە تورغا چىقىشتا ئەمەس، قىيىنچىلقتىن قورقمىغان ئەقلى-ھۇشى جايىدا تىرىشچانلارلا ھەرقانداق چىقىش يولىنى تاپالايدۇ.