ئەر ۋە ئەركەك

yabgu

	ئەر ۋە ئەركەك ئاپتور : قۇتلۇق ئۆمەر قوشتۇر (يابغۇ) جاھانغا يارىلار ئەر ، ئايال جىنس ، خۇدادىن ئىرادە پۈتۈلگەن چاغدا . ۋەلېكىن ئەر ئايرىم ، ئەركەك _ ئۇ ئايرىم ، سالساڭ گەر تەپەككۇر ئاتلىق ئوچاققا . تاغلاردىن ئېغىردۇر ئەركەكنىڭ ۋەزنى ، ئېڭەككە تۈك ئۆسسىلا ئەركەك ئەمەس . ئەركەك _ ئۇ خۇدانىڭ ۋىجدانى بىلسەڭ ، جاھان غەۋغالىرىغا ئەرمەك ئەمەس ! تەڭ ئەتمەك مۇمكىنمۇ جەسۇر شۇڭقارنى ، ئۇچۇشنى ئۇنتۇغان ياسانچۇق توزغا ؟ بوراننىڭ قەھرىنى چۈشەنگەي قانداق ، ئۆز نەغمىسىگە كۆنگەن تومۇزغا ! زەئىپلىك قۇترىغان مەجرۇھ زاماندا ، لۆمۈلدەپ ياشايدۇ پارازىت ئەرلەر . قۇل بولۇپ غۇرۇرى يوقالغان روھقا ، شام كەبى يۇمشايدۇ سۆڭەكسىز تەنلەر . ئەركەكنىڭ ۋىجدانى _ ئىپپىتى دېمەك ، بېرىدۇ ۋىجدان دەپ ھەتتا جېنىنى . قەھردە تاغلارنى قىلىدۇ تالقان ، مېھىردە سىلايدۇ ئەلنىڭ بېشىنى . ئەركەك _ ئۇ مىللەتنىڭ ، يۇرتنىڭ تۈۋرۈكى ، پەزىلەت ، ئىماندا ئەلگە يول ئاچار . ئەل بەختى زۇلمەتكە يولۇقسا ئەگەر ، دانكودەك كۆكسىنى يېرىشقا تەييار . يولۋاستەك بىر كۈننى ئۆتكۈزمەك ئەلا ، توشقاندەك مىڭ يىللاپ ياشىغان نومۇس . ئەر زاتى،رۇسلانغىن! قەددىڭنى كۆتۈر ، ئەركەك بول ، شىردەك بول ، ياشىغىن راۋرۇس!       ئەركەك جەڭگاھتا ئېتىپ ئۆلىدۇ ،       ئەر زەبۇنلۇقتا يېتىپ ئۆلىدۇ...       ئەر ئۆلسە جىنازىسىنى تۆت ئەر كۆتۈرىدۇ ،       ئەركەك ئۆلسە پۈتۈن ئەل-يۇرت كۆتۈرمەككە تالىشىدۇ...       ئەر ئۆلسە ئايالى يىغلايدۇ ،       ئەركەك ئۆلسە دۇنيا يىغلايدۇ !!!       ...............       ئەرنىڭ يۈرىكىمۇ سوقىدۇ ، ھاياتىنى داۋام ئەتمەك ئۈچۈن ؛ ئەركەكنىڭ يۈرىكىمۇ سوقىدۇ ، ئەل-قەۋمى ، پاك ۋىجدانى ئۈچۈن !       ئەركەكنىڭ ئېتى كىشنىسە يولۋاسمۇ بەدەر قاچىدۇ ؛ ئەرنىڭ مۈشۈكى مىياڭلىسا چاشقاننىڭ تۈكى تەۋرىمەيدۇ ... مەنبە : ئۆز قەلىمىم

-ئۈمىد-

	ھەقىقەتەن  توغرا  ئىپادىلەپسىز

zulqinay

	ئوۋ ئىتى يولۋاستىنمۇ يانمايدۇ،جەڭ كۆرمىگەن شىر تۈلكىدىنمۇ قاچىدۇ. ئىككى كىشنىڭ ياردىمى بىلەن ئاتقا منىگەننى كىچىك بالىمۇ يىقىتالايدۇ.

mastana7

	ئېڭەككە تۈك ئۆسسىلا ئەركەك ئەمەس .     بەك ياراپ كەتتى ماۋۇ يېرى ماڭا

-ئۈمىد-

	بولسا  مىسرانىمدىكى  ئاتامان دىگەن يەرگە  كىرىپ،   مىسرانىم بىلەن ئابدۇكېرەم ئاتامانىڭ سۆھپۈتىنى،  كۈرۈپ بېقىشىڭلىنى  ئۈمۈد قىلىمەن.

polat0903

	ياخشى چىقىپتۇ لىكىن قاپىيەلىرى ئۇنچە ماس كەلمىدىمۇ قانداق ؟

aa0998

	ماڭا ئىككىنجى كۇپلىت شېىرڭىز بەك ياراپ كەتتى ... سېزنىڭ بۇنىڭدىن كېيىنكى ئىجادىيىتىڭىزگە بەركەت تىلەيمەن قەلەم تۇلپارڭىزھارمىغاي؟؟؟؟؟

kapsizparixta

	قايسى كۈنى يالپۇز بىلەن مۇشۇ تېما ئۈستىدە تالاش تارتىش قىلغانتۇق ، ئەر بىلەن ئەركەك توغرىسىدا ....

mastura5200

	ئىسىل   چۇقىپتۇ!!!!!!!!!!!

hekmat110

	ۋەلېكىن ئەر ئايرىم ، ئەركەك _ ئۇ ئايرىم ، بۇ مىسرا بەك ئىسىل چىقىپتۇ!