ئىنسان شەھەر ۋە ئازغۇنلۇق _ مىسرانىم ‹‹مەشرەپ ›› مۇسابىقىسغا تەۋسى

jawhiri

	ئىنسان شەھەر ۋە ئازغۇنلۇق (داستان) يۈسۈپجان بارات جەۋھىرى شەھەرنى سىغىنىپ   ياد ئىتەر دائىم ، چوڭلاردىن ھەتتاكى بوۋاققا قەدەر. ھەممىنىڭ مەيلىنى تارتىدۇ نىچۈن؟، ئۆزىدىن  ياتلاشقان يىگانە  شەھەر. ئادەملەر  خىيالى تۇرار تەلپۇنۈپ، ئۇ يەرگە بارغىلى بولسىلا   پۇرسەت. شەھەردە  تۇرمۇش،ۋە ھايات قايناقتۇر  ، كۈندە بار يىڭىلىق تاماشا دەھشەت. كۆڭلۈڭنىڭ  قۇشلىرى ئوۋغا چىقسا گەر ، ھەممىگە بۇ يەردە  شارائىت تولۇق. قوينىنى ئاچىدۇ ئىچىرقاش بىلەن، بورتخانا،تورخانا،قاۋاقلار  ئوچۇق . تونۇماس بۇ يەردە ھىچكىمنى–ھىچكىم، ئەڭ يىقىن تونۇش شۇ  يانچۇقتىكى پۇل. تاكسى شوپۇرىمۇ ھەممىگە تەييار، پۇل بولسا  ئەشۇنداق  يىقىنلايدۇ يول. شەھەردە ناتونۇش بولسىمۇ  ھەممە، قاۋاقمۇ، قىزلارمۇ  تونۇشتۇر پۇلغا. كوچىدا  تەلمۈرۈپ تۇرغان تىلەمچى، كۆز ئۈزمەي قارايدۇ قوللاردىن- قولغا. پۇلنىلا تونۇيدۇ  ئادەملەر كۆزى، قالغىنى ھىچنىمە ئەپسۇس... بولدىلا. گاھ سىھىر ئەيلىسە كالتە چاچ قىزلار، ئارقاڭدىن  ئەگىشەر يانچۇقچى بالا. نەپسىڭنى ئويغاتسا  مەغزەپ ھەۋەسلەر، ئەقلىڭ  قۇلۇپىنى چاقار  شەيتانلار. ئىزىتقۇ  خىياللار چۈشمۇ-رىئاللاق؟، يۈرەكنى غاجايدۇ  قىرتاق سۇئاللار. پۇل-پۇل دەر،تاكسى ۋە  نازىنىن قىزلار، پۇل-دەيدۇ ئىسىلىپ  تىلەمچىلەرمۇ. پۇلنىلا چۈشەيدۇ  رىستۇرانلارمۇ، پۇل دەيدۇ،دۇكاندار،ئىشلەمچىلەرمۇ. پۇل دەيدۇ قاۋاقلار، ئوبىرنىلارمۇ، پۇل دەيدۇ  ئىگىسىز  ئەخلەتخانىلار، پۇل دەيدۇ ئاجىزە،يىتىم يىسىرلار. پۇل دەيدۇ ۋە يەنە  بەزمىخانىلار. يوللاردىن ئۇدۇللا ئۆتۈش خەتەرلىك، ئالمىشىپ يانمىسا  ھەرخىل چىراقلار. ئۈزۈلمەس  غەلىتە ئەبجەش  ناخشىلار، گاھىدا پاڭ بولۇپ كىتەر قۇلاقلار. ئىپپىتى بۇزۇلغان  غىرىپ شەھەردە، بەزىلەر پۇل ئۈچۈن تىگىشمەكتە  جان. بەزىلەر سۈرۈشسە شاھ ھوزۇرىنى، بەزىلەر بىر نانچۈن  ساتماقتا ۋىجدان. شەھەردە ياشاشنى ئويلىماس كىملەر، قوينىغا چىللىسا رەڭگا-رەڭ ھايات. ئۆزلۈكتىن  ياتلاشسا  رومانتىك خىيال، تۈگۈشۇپ كەتكۈسى نومۇس،  ۋە ئۇيات. قىينىسا ئادەمنى ۋىجدان ئازابى، بۇزۇلغان ئەخلاققا ياش تۆكەر كۆزلەر. ئۇنتۇلۇپ كەتتىمۇ  ئەجداد ئۇدۇمى ، ئەسلىنى  ئويلىماس نىچۈن دە يۈزلەر. رىياللىق چۈشلەرگە  قىلار ئىشارەت، ئەي ئىنسان  ئويلىنىپ باققىنا بىر پەس. ئادەملەر دىلىنى باسسا غاپىللىق، روھىنى  چىرىتەر  بىخسىغان ھەۋەس. پۇل بىلەن ئوينالغاچ شەيتان ئويۇنى، پۇل بىلەن  ئەقىلنى  باسماقتا غەپلەت. نادانلىق  يىشىنىپ سالغاندا چاپان، مۇش ئاتار ئىنسانغا ئەقىيدە ، شەھۋەت.   بۇ قۇرغاق شەھەرنىڭ  كىرپىكىدە ياش، لەنەت رومكىسىدا ئىچمەكتە شاراب. ئاچچىق بىر چۈش كۆرەر  سەرسان ئۈمىدلەر، گۇناھنىڭ چۆلىدە زار-زار - تىپىرلاپ . شەلۋەرەپ كەتكەچكە زەرداپ قىسمەتلەر، ئەقىلنىڭ كۆزىگە قۇم تىققان  بوران كىلىدۇ ياش يۇقى يۈرەكنى  سىقىپ. ئاغزىنى   ئاچقاندەك چۆلدىكى يىلان. ئىچىرقاش ئىلكىدە قارار تەلمۈرۈپ، قاۋاق   ئىشىكىدە  تار ئىشتانلىق قىز.   ھايانىڭ پەردىسى  كەتكەچ يىرتىلىپ ،   بەدىنى كۆرۈنەر  كوپتىسى نىپىز شەھەردىن يىراقلاپ كەتمەكتە يەنە ، ئىنسانلىق  خىسلەتنىڭ قەدەم تىۋىشى. ئادەملەر قەلبىنى  باسقان زەئىپلىك، بۇ بەلكىم ۋابانىڭ  يامراپ كىلىشى. شەھەردە ئوۋچىنىڭ   تاماشاسى كۆپ، مەيخانە ،قاۋاقتا  سۈرىشەر لەززەت. گۇناھنى  يۇيالماس كۈزنىڭ يامغۇرى، شۇ نۇرسىز كۆزلەرنىڭ تامامى غەلەت.   ئازغۇن خىياللارنىڭ  چىغىر يولىدا ، ئوت كېچىپ  يۈرۈشكەن چىرايلار  سامان. مەستلىكنىڭ  قاپ-قارا زىندانلىرىدا ، ئۆزىنى قەستلىشىپ قىلماقتا  ۋەيران. جەسەت سىياقىدا  خۈنۈك چىرايلار، ئەيدىزنى سۆرەپ يۈرەر خىرامان، ئەشۇنداق  چاپلىشار  مەرەز بىر كىسەل، ئالدىغا دەۋرەپ كەلگەندەك توپان. قاۋاقتا مەيلىنىپ تۈنىگەنلەرنى ، ھاياتمۇ بىر  كۈنى تاشلار قەي قىلىپ. تۈگۈتەر مەي بىلەن زاكۇسكىسىغا ، گاھ يالماپ  ئۆزىنىڭ گۆشىنى شىلىپ.   قاۋاقتا كۆنۈكىپ تۈگەشمىگەن  كىم،   كەيىپ شۇ كاللىدا  ئويۇنلار ھەر خىل. قاڭسىق بۇس تارىغان  سىسىق قاۋاقلار ، ئىشەكمۇ  بىر سائەت ياتماس بىر ئىغىل . كۈلىنى شاماللار كۆككە سورۇيدۇ ، ئازغۇنلار  روھىغا چۈشسە ئەگەر قۇرت .          توزىغان خىياللار  قورشالغان تۇمان  . قاۋاقتا ئىچكىنىڭ شاراب ئەمەس ئوت.       ئويۇن،ئىشرەت، تۇيۇق يولدىن قايىت ، مېھرىڭنى ئۈز  رەزگى   قاۋاقتىن. ساغلاملىق  بايلىق،چەكلىكتۇر ھايات، ئىبرەت ئال،تارىختىن  قالغان ساۋاقتىن. يىغىسى بولغاندەك ئويۇن-كۈلكىنىڭ، جاھاندا  ھەر ئىشنىڭ چىكى بار ئەسلى. گۇمراھلىق يولىنىڭ  ئاخىرى زاۋال، ئويلايلى بىز قايسى ئەجدادنىڭ نەسلى؟... 2012-يىلى 12-ئاي 12-كۈنى (مىسرانىم ‹‹ مەشرەپ ›› مۇكاپاتلىق  ئەسەرلەر مۇسابىقىسىگە  تەۋسىيە ) مەنبە - يىڭى ئىجادىيتىم

satisil

	شىئىرىڭىز بەك ياخشى چىقىپتۇ .لىكىن شەھەردىلا ئەمەس يىزىلاردىمۇ بۇنداق .ئىشلار بىر تالاي.پاھىشىخانىلارمۇ كەم ئەمەس ...............................يەنىلا سىزگە چىن كۆڭلۈمدىن ئۇتۇق تىلەيمەن

MiRul

	جامئىيەتتىكى بارلىق بۇزۇقچىلىقلارنى ياخشى ئىپادىلەپسىز، تېمىڭىزغا كۆپ رەھمەت، تېمىڭىزنىڭ مۇكاپاتقا ئېرىشىشىگە تېلەكداشمەن..

1+1=1

	ھەقىقەتەن ياخشى يېزىپسىز،مۇكاپاتقا ئىرىشىشىڭىزگە تىلەكداشمەن.

kukhelal

	مۇكاپاتقا ئىرىشىشىڭىزگە تىلەكداشمەن

كارتون

	قولىڭىزغا دەرت بەمىسۇن بۇ شېئىرنى كۆرۇپ تولۇقسىزدا ئۈگەنگەن «قەشقەر شەھرىگە قاراپ » دىگەن تېكست ئىسىمگە كەپ قالدى.

بارخان

	ياخشى يېزىپسىز مىسرانىم. ھازىرقى شەھەر خەلقى نىم بوپكەتتى ئەمدى. شەھەر دىگەن مەدىنىيەت مەرگىزى بولىشى كىرەكقۇ.

oyqan0999

	شېئىرىڭىز ياخشى چىقىپتۇ.مەنمۇ مۇكاپاتلىنىشىڭىزغا تىلەكداشمەن!!!