جۇباجىنىڭ ئۆيلىنىش ھىيلىسى

YuqunAdam

	جۇباجىنىڭ ئۆيلىنىش ھىيلىسى شۈكران(يوچۇن ئادەم)           جۇباجى نومنى ئېلىپ قايتىپ كىلىپ راھىب بولۇپ كۆزگە كۆرىنىپ قالغان بولسىمۇ، ئۇنىڭ ئەركىنلىكى بوغۇلغان ئىدى. ئۇ ئۆزى خالىغانچە گۆش يىيەلمىدى. ئىيىش-ئىشىرەت سورۇنلىرىغا بارسا تېخىمۇ بولمىدى. كىشىلەر ‹راھىبلارنىڭ يۈزىنى تۆكتى!› دەپ گەپ تېپىپ ئۇنى بىر قىسما قىلىپ قوياتتى. دوسىت-بۇرادەرلىرى بىلەن ئىچىپ-چېكىپ، قىزلارغىمۇ پوخورلۇق قىلالمىدى. دىمەك ئۇنىڭ راھىب بولۇپ قېلىشى مىڭ بىر جاپادا تاڭسىڭ، سۇنۋۇكۇڭلارغا ئەگىشىپ بېرىپ بىر پاتمان جاپانى پۇلغا سېتىۋېلىشتىن باشقا نەرسە بولمىدى. ئۇنىڭدىن باشقا  تۇرمۇش مەسلىسىمۇ بىر مەسىلە بولۇپ قالدى. تېخى كىشىلەرنىڭ ‹راھىب دىگەن مەڭگۈ ئۆيلۈك-ئوچاقلىق بولماي ئۆتىشى كېرەك!› دىگەن گېپىنى ئويلىغىنىدا كۆزىگە يىغا ئولىشاتتى. نېمە ئامال؟ كۆنگەن خۇي مەڭگۈ ئۆزگەرتىش قىيىن مەسىلە ئىكەن. جۇباجى ھەقىقىتەن نوم ئېلىپ كەلگەندىن بىرى كۆپ كىشىلەرنىڭ ماختىشى بىلەن خېلى ھۆرمەتكە سازاۋەر بولۇپ قالغان ئىدى. ئەتىراپتىكى نۇرغۇن قىزلارنىڭ كۆزى چۈشسىمۇ ئۈن-تۈنسىز يۈرۈشكە توغرا كەلدى. ئۇلار بىلەن بىرەر خالى جايغا بېرىشمۇ نېسىپ بولمىدى. ۋاڭ كەمپىرگە ئېغىز ئېچىپ، شىمىنچىڭ غۇجامنىڭ ئايرىم خانىلىق ياتىقىدىن بىرنى ئاچقۇزۇپ ئويناشنىمۇ خىيال قىلدىيۇ، ئۇ نىجىس خوتۇننىڭ ئېغىزىنىڭ بوشلىغىدىن ئەنسىرەپ قالدى. دىمىسىمۇ بىر گەپ تارقىلىپ كەتسە يۇيۇش مومكىنمۇ؟ كېچىلەر بىتاقەتچىلىكتە ئۆتمەكتە ئىدى. خىياللار كۈندىن-كۈنگە چىگىلىشمەكتە. ئۇنى شەھۋانى نەپسى قىينىماقتا ئىدى. توساتتىن ئۇنىڭ كاللىسىغا شاپائەتچى راھىب جىگۇڭ كەلدى. توغرا شۇنى ئىزلەش كېرەك! ئۇمۇ راھىبقۇ؟      ۋەزىيەتنىڭ تەرەققىي قىلىشىغا ئەگىشپ نەدىكى گۈزەل قىزلارنىڭ كۆزى شاپائەتچى جىگۇڭ قاسماقتەك مەينەت، ئىشنىڭ يولىنى بىلەيدىغان، تېتىقسىز گەپ قىلىدىغان كىشىلەرگە چۈشۈدۇ. قىزلار كىچىككىنە ياخشى ئىش قىلىشنى تولىمۇ ئارزۇ قىلىپ، باشقىلارغا مېھىر بىرىشنى ئويلايدۇ. ماختاشنى كۆپىرەك ماختاپ بەرسىلا ئېرىنى سېتىشتىنمۇ يانمايدۇ. جىگۈڭ قەلەندەردەك كىشىلەرگە ئانچە-مۇنچە سەدىقا-ئېھسان قىلىۋالسا ئۆزىنى تولىمۇ بەخىتلىك ھىس قىلىدۇ. مەينەت كىشىلەرنىڭ يېنىدا تۇرسىمۇ خۇددىكى ‹تېزەكنىڭ قېشىدا گۈل جۇلالانغاندەك› گۈزەللىكى تولۇق نامايەن بولىدۇ ئەمەسمۇ؟ شۇڭا مەلىكە خۇەنجۇنىڭ جىگۇڭغا كۆزى چۈشكەنلىكىنى كۆزدىن ساقىت قىلىشقا بولمايدۇ. توغرىسى جۇباجىنىڭ ئۇنى ئىزلىشى ناھايىتى ئاقىلانىلىك. ئۇمۇ راھىب. ئۇنىڭغا يېقىنلاشقاندا ئەڭ ئاددىيسى گۆش يىيەلەيدۇ. ھاراق ئىچەلەيدۇ. قىزلارغىمۇ يېقىنلىشالايدۇ. بولۇپمۇ مەلىكە خۇەنجۇغا...       راھىبلارمۇ ئۆزىنىڭ قاياشى بىلەن ئۇچىراشقاندا ئۇزۇندىن ئۇزۇن پاراڭغا چۈشۈپ كىتىدىكەن. گەپلىرىمۇ، خىياللىرىمۇ بىر يەردىن چىقىدىكەن. جۇباجى بىلەن ئۇچىراشقان جىگۇڭ ئۆزىنى بەك خۇشال ھىس قىلدى. چۇنكى كۆپنى كۆرگەننىڭ ھەقىقتەن مول بىلىمى، كۆپ تۇرمۇش تەجىربىسى بولىدىكەن. ئۇنىڭ شېرىن گەپ-سۆزلىرىدىن ئۆزىنىڭ بىلىپ بىلمەي مەلىكە خۇەنجۇغا كۆيگەنلىكىنى ھىس قىلىپ يەتتى. مەلىكە خۇەنجۇنىڭ چىرايلىق  شەھلا قاش-كۆزلىرى، نەپىس مېڭىشلىرى، قايرىلىپ خۇمالىق قاراشلىرى... بىر تالاي ھەركەتلىرى ئۇنى بىر قىسىما قىلىپ قويىۋاتاتتى. لىكىن مەلىكە خۇەنجۇنى خالىغان ئاددىي مەيخانىغا چاقىرىش تولىمۇ ئەدەپسىزلىك ئىدى. ئالى دەرجىلىك رېستۇرانلارغا جېگۇڭدەك قەلەندەر قاسماقنىڭ نەدىكى پۇلى يەتسۇن! ‹جۇباجىدىن پۇل سوراش كېرەك› دەپ ئويلىدى جىگۇڭ ئاغزى-ئاغزىغا تەگمەي مەلىكە خۇەنجۇنى ماختاۋاتقان جۇباجىغا قاراپ، ھەم ئۇ ئويىنىمۇ دەپ ئۈلگۈردى. جۇباجى قانداقمۇ ‹ياق!› دىسۇن! ئۇلار بىللە بارىدىغان، رېستۇران خۇجايىنىغا ‹پۇلدار غوجام›، مەلىكە خۇەنجۇغا ‹يېقىن دوستۇم› دەپ تونۇشتۇرۇش بەدىلىگە جۇباجى جىگۇڭغا نوم ساتقان پۇللىرىدىن ئازىراق بىرىپ تۇردى ھەم يەتمەي قالسا قاراپ تۇرمايدىغانلىغىنى، خالىسا چوڭ-چوڭ ئولتۇرۇپ ياخشى پاراڭلىشىپ چىقىشنىڭ، ئۇزۇنراق ھال-مۈڭلىشىشنى جىكىلىدى.           ئۇرۇمچى ئەنجۈر رېستۇرانىنىڭ ئايرىمخانىسىدا جۇباجى، جىگۇڭ، مەلىكە خۇەنجۇلار كاتتا بىر ئولتۇرۇش قىلدى. مەي ئىچىش، چىكىش چەكلەنگەچكە كەيىپ ساپا بولمىدى. گۆش خالىغانچە يىيىلدى. جۇباجىنىڭ كۆزى مەلىكە خۇەنجۇنىڭ ئوتلۇق كۆزلىرىدە بولدى. جىگۇڭ مەلىكىنىڭ كۆزلىرىگە تىكىلىشتىن ئويۇلۇپ قاراشقىمۇ پېتىنالمىدى. دىمەك ئۇ زىيان تارتىۋاتاتتى. قانداقسىگە بولسۇن! پۇتۇن تاتاق يىيىشتىن تارتىپ، قەغەز ئېلىپ بىرىشكە قەدەر ئۇششاق ئىشلارمۇ جۇباجىنىڭ تەكەللۇپى بىلەن بولىۋاتاتتى. گەپ سۆزلەرمۇ قايسى بىر دۆلەت، قايسى بىر مىللەت... چۈشەنمەيدىغان تېمىلار توغرىسىدا ئىدى. ئويۇن-تاماشا گىپى بولسىمۇ نەدىمۇ جىگۇڭغا سۆز ئاشسۇن!؟ تۈركىيە كېيىم-كېچەكلىرى، دۇبەي مۇنارى، ھىندىستان ئارتىسلىرى... ھەممە تاللاشلىرى جۇباجى بىلەن بىر يەردىن چىقىۋاتاتتى. ئۇلار شۇ باھانىدە تولىمۇ يېقىنلىشىپ كەتتى. مەلىكە خۇەنجۇ ئۇنى مەخسۇس خاس خانىسىگە كىرىشكە بولىدىغان ‹قوبۇلنامە› دىن بىر ۋاراق تۇتقۇزۇپ سورۇننى ئاخىرلاشتۇرىدى. جىگۇڭ ‹ خوش مەلىكە!› دىيىشكىمۇ نائىل بولالمىدى. چۈنكى جۇباجى مەلىكىنى پايپاسلاپ تەكەللۈپ بىلەن مەپىسىگە چىقىرىۋاتاتتى. شۇ جەرىياندا جۇباجىنىڭ قولى مەلىكە خۇەنجۇنىڭ قولىغا تىگىپ كەتتى ھەم ئۆزىنى ئۇنتۇپ ئۇنىڭغا ئاشىق بىقارار بولغانلىقىنى بىلىپ يەتتى. ئۇلارنىڭ كۆزى تۈنجى رەت ئوتلۇق ئۇچىراشتى.            مەلىكە خۇەنجۇ بىلەن راھىب ئولىما جۇباجىنىڭ سۈرەتلىرى چۈشۈرۈلگەن توي باغىقى تارقىتىلغاندا، جىگۈڭ ئۆزىنىڭ ئالدانغانلىغىنى بىلدى. بۇ باغاقلارنى ‹ئاپتاپ باغاقچىلىغى› دىكى يېقىن دوستى ھەم سەپەردىشى ۋۇيۇڭ خەلپەت بىر قوللۇق كاللا قاتۇرۇپ، لاھىلەپ ھەقسىز بېسىپ بەرگەن ئىدى. جىگۇڭ دىمىنى ئىچىگە يۈتتى.  ئۇ قانداقمۇ مەلىكە خۇەنجۇغا دىيەلىسۇن! ئۇلارنىڭ تويى دىمىسىمۇ كاتتا ئۆتكۈزۈلدى. خان ئۇلارغا 40 كېنىزەك ئايرىپ بەردى. جۇباجى ئۆزىگە لايىق ھەممە ئىش ئىس چىقىرىلمايدىغان يەرگە كىرىپ كەتكەنلىكىنى ھىس قىلغىنىدا، جىگۇڭنى ‹مەتۇ راھىب!› دەپ تىللاپ قوياتتى. ئوردىغا كىرگەندىن كىيىن ھېچكىشى ئۇنىڭ ئۈستىدىن پىتنە ئېغۋا تاقىتالمىدى.

MiRul

	‹ئاپتاپ باغاقچىلىغى› دۇكاننىڭ ئېلانىمۇ يەبۇ...

zapar

	ئاپتاپ 104 ھوي سىلنىڭ ئېلانكەن ماۋۇ جۇمۇ!

kixan

	تەسەۋۋۇرغا بايكەنسىز ، ئوقۇپ بولغىچە راس كىنو كۆرگەندەك ھېسياتتا ئوقۇدۇم . . .

axek13999649893

	خىلى قىزقكەن

xomtak

	تۇۋا

qurbanjan

	ھېلى ئاپتاپكام  كايىپ كىتەرمۇ ئەمدى

aptap104

	كىمنىڭ يازمىسى بۇ . خەقنىڭ ئېشىغا توپا چىچىپ .

@يۇرتۇم@

	aptap104 يوللىغان ۋاقتى  2012-12-12 06:30 PM كىمنىڭ يازمىسى بۇ . خەقنىڭ ئېشىغا توپا چىچىپ . بازار كاساتمۇ قانداق

nazila998

	aptap104 يوللىغان ۋاقتى  2012-12-12 06:30 PM كىمنىڭ يازمىسى بۇ . خەقنىڭ ئېشىغا توپا چىچىپ . مانا ئاپتاپجانمۇ  كىلىپ ئۈلگۈرۈپتۇ     خىلى خاپا چىراي تۇرامدۇ نىمە