دوستۇمغا خىتاب(تەخمىس) (مۇكاپاتلىق ئەسەرلەر سەھىپىسىگە)

tax1

	دوستۇمغا خىتاب (ئابدۇخالىق ئۇيغۇرنىڭ شۇ ناملىق غەزىلىگە تەخمىس) دۈشمىنىڭدىن ئەيلەپ ئۈمىد گۈل كەبى ئاچىلمىغىل، باشىڭ كۆتۈر، مەغرۇر ياشا، قۇم كەبى چاچىلمىغىل، قاشتېشىدەك قىممىتىڭ، بىر نان ئۈچۈن ساتىلمىغىل، ھىممىتىڭدىن، غەيرىتىڭدىن ئۆل، لېكىن ئايرىلمىغىل، ھەقلىقىن بىلگەن يولۇڭدىن جاننى بەر، قايرىلمىغىل. لايغەزەل ئەركەك ئەمەس بىز، مەرد، جەسۇرلۇق بىزگە خاس، جەڭگە كىرگىن ئەل دۇئاسى بولسۇن ساڭا ئۇز لىباس، "جەڭ دېگەننىڭ توققۇزى رەڭ" كاللا ئىشلەت، قىل قىياس، مانىئىڭ كۆپ بولسىمۇ قورقماي ئۈزۈپ ئالدىڭغا باس، تاغۇ-تاش، دەريا ئۇلۇغ سۆزلەرگە سەن تاڭ قالمىغىل. ئەل ساڭا بىركۈنلىرى لازىم بولۇپ قالسا ئەگەر، قىل پىدا جانىڭنى ئەلگە، بەلدە چىڭ تۇرسۇن كەمەر، يار مەدەت بەرگەي تېنىڭگە، يەتمىگەي قىلچە زەرەر، ئات ئۆزۈڭنى، يا غەرق بول، يا تاپ  گۆھەر، شىرنە يولۋاس كەبى ماڭغان ئىزىڭدىن ھېچ يانمىغىل. كۆزگە ئىلماستىن سېنى رەقىبلىرىڭ كۆرەڭلىسە، ھىيلە بىرلە ئالدىماق بوپ، كۆزلىرىڭنى رەڭلىسە، پاك ئەقىدەڭنى سېنىڭ ياكى ئۇلار زەڭلىسە(1)، تۆت تەرەپ ياۋ ھۇۋلىشىپ، سەككىز تەرەپ تىغ تەڭلىسە، ئېلىشىپ قانغا بۇيال، نۇمۇسنى ھەرگىز ساتمىغىل. گەر چۈشۈپ قالساق بۈگۈنمۇ قاپقىنىغا چالغۇنىڭ، ئوقلىرى باشنى يارار، ماڭدامدا "جان ئالغۇ"نىڭ، ئالمىغان كىشى قەدەم ھەققە، ئېشىن يەر قايغۇنىڭ، كىمكى ھەق يولغا قەدەم قويسا ئۇتۇق مۇتلەق شۇنىڭ، بۇ نىچۈك بولغاي كېيىن دەپ يوق خىيالغا قالمىغىل. بولمىساڭ خائىن، مەرەز، ئەۋلاد چاۋاكلار چالغۇسى، خۇش بولۇپ يەرمۇ سېنى كەڭ قۇچىقىغا ئالغۇسى، رەببىمىز جەننەت ئىچىدە ھوجرا-ساراي سالغۇسى، سەن ۋەتەن، مىللەت دېسەڭ تارىختا نامىڭ قالغۇسى، بول جەسۇر، ئالىي نىشان، كۆلچەك بۇلاققا قانمىغىل. سۆزلىرىن ئېيتتى مۇھەممەد "ئۇيغۇر"ىنىڭ غەم قىلىپ، ئويغىنىش دەۋرى يرتىپ كەلسە، تېخى ئۇخلاپ يېتىپ، "خەق دېپىغا ئۇسسۇل ئويناپ"، سەن چوقان-سۈرەن سېلىپ، ئابدۇخالىقنىڭ سۆزى دەپ ئېتىبار قىلماي قېلىپ، ئۇشبۇ ۋىجداننى كېيىن، پۈتمەس ئازابقا سالمىغىل. ئاپتور: مۇھەممەد(تاش1) 2012-يىلى 12-ئاينىڭ 11-كۈنى يېزىلدى. （1）زەڭ: داغ، كىر دېگەن مەنىدە.

مسكىنÍÍ

	تەخمىس دېگەن نېمە؟ چۈشەنچە بەرسەڭلار؟

arkenkaxka

	مۇھەممەد ئەپەندىم شېئرىنى بەك ياخشى يىزىپسىز ، ئەسەرلىرىڭىز بەركەتلىك بولغاي. «تاش1» نامىدا يازىغان ماقالىلرىڭىزنى ئوقۇپ سىزدىن بەك مەنمۇن بولغاندىم ، نەزىمىي ئەسەرلەرنىمۇ بەك ياخشى يازىدىكەنسىز. ئەسەرلىرىڭىزنىڭ ئۈزلۈپ قالماسلىقىنى ئۈمىد قىلمەن. داۋاملىق تېرىشىڭ.

oyqan0999

	مۇكاپاتقا ئېرىشىشىڭىزگە تېلەكداشمەن!!

ap~qilam

	ئوھوي بىر كىشلىك ئەگىشىپ يېزىپ قۇيۇپسىز ، ئاپىرىن نەتىجە قازىنىشىڭىزغا تىلەكداشمەن  ،3-كۇبلىتىدىكى 4-مىسرادائات ئۆزۈڭنى بەھرىگە يا غەرىق بول تاپ گۆھەر  دەپ باردەك قىلاتتى،

ap~qilam

	مسكىنÍÍ يوللىغان ۋاقتى  2012-12-13 01:56 AM تەخمىس دېگەن نېمە؟ چۈشەنچە بەرسەڭلار؟ تەخمىس ئۇيغۇر شېئىرىيىتىنىڭ ئەنئەنىۋى شەكىللىرىدىن بىرى بولۇپ ئادەتتە  مەلۇم بىر كىشىنىڭ يازغان غەزىلىنى تېخىمۇ بېيىتىش شەكلىدە بەشلىك (مۇخەممەس)قىلىپ يازىدىغان شېئىرى شەكىل ، بۇ ئەسلىدە يەنى aaaaa ،bbbba،cccca..............شەكلىدە يېزىلىدۇ ، مۇنداقچە ئېيىتقاندا تەخمىسنىڭ ئەڭ ئاخىرقى 2مىسراسى ئەسلى مەنبەسى قالغان 3 مىسرا تۇلۇقلاش ئۈچۈن يېزىلغان بولىدۇ . تەخمىس يېزىش ئېيتماققا ئوڭايدەك، قاپىيەلىرىنى كەلتۈرۈپ، ئەسلى غەزەلگە ماسلاشتۇرۇپ قويسىلا بولىدىغاندەكلا.....ئەمما،ئەمەلىيەت ئۇنداق ئەمەس،بۇ شائىردىن تولىمۇ يۇقۇرى بولغان بەدىئىي دىت، كۈچلۈك تەپەككۇر،شۇ غەزەل ئىپادىلىمەكچى بولغان ئاساسى مەزمۇننى قانداق قىلغاندا يەنىمۇ كېڭەيتىپ، مۇكەممەل يورۇتۇپ بەرگىلى بولىدۇ؟ دېگەن سۇئاللارغا جاۋاپ بېرىدىغان بىر شېئىرىي شەكىلدىكى ئەسەر.

مسكىنÍÍ

	ap~qilam يوللىغان ۋاقتى  2012-12-13 02:56 AM تەخمىس ئۇيغۇر شېئىرىيىتىنىڭ ئەنئەنىۋى شەكىللىرىدىن  ... بۇ توغۇر سىدىمۇ چۈشەنچە ھاسىل قىلۋالدىم . ap~qilam گە تەشەككۈر.

tax1

	ap~qilam يوللىغان ۋاقتى  2012-12-13 02:50 AM ئوھوي بىر كىشلىك ئەگىشىپ يېزىپ قۇيۇپسىز ، ئاپىرىن نەتى ... رەھمەت. ئېھتىياتسىزلىقتىن چۈشۈپ قاپتۇ.

tax1

	ap~qilam يوللىغان ۋاقتى  2012-12-13 02:56 AM تەخمىس ئۇيغۇر شېئىرىيىتىنىڭ ئەنئەنىۋى شەكىللىرىدىن  ... رەھمەت، خېلى تەپسىلىي چۈشەندۈرۈپسىز، شۇنداقتىمۇ مەن ئازراق تولۇقلاپ قوياي: تەخمىس دېگەن مەلۇم شائىرنىڭ غەزىلىنى ئاساس قىلىپ يەنى ئەسلى غەزەلنىڭ ئۈستىگە ئۈچ مىسرا قوشۇپ، ئەسلىدىكى غەزەلنى مۇخەممەسلەشتۈرۈش بولۇپ، ئەسلىدىكى غەزەل قانداق ۋەزىن قانداق بەھىردە يېزىلغان بولسا، بىز قوشماقچى بولغان ئۈچ مىسرامۇ شۇ ۋەزىن ،شۇ بەھىردە يېزىلىشى لازىم، شۇنداقلا ئاڭ ئاخىرىقى كوپلىتىدا غەزەلگە تەخمىس يازغۇچىنىڭ تەخەللۇسى ياكى ئىسمى كېلىشى لازىم. ئەگەر ئەسلىدىكى غەزەلنىڭ ھەربىر كوپلىتىدىكى ئىككى مىسرانىڭ ئوتتۇرىسىغا ئىككى مىسرا قاتساق، بۇ ئۇيغۇر كىلاسسىك شېئىرىيىتىدىكى تەشدىس دېگەن شېئىرىي شەكىلگە ئايلىنىدۇ. قالغان تەلەپلىرى تەخمىسلەشتۈرۈش بىلەن بىردەك.