مۇھەببەتنىڭ نىسپىيلىك نەزەرىيىسى

320nurzat

	مۇھەببەتنىڭ نىسپىيلىك نەزەرىيىسى    بىلىپ قال دۇستۇم ، مۇھەببەتنىڭمۇ نىسپىيلىك نەزەرىيىسى بار. ئۇنىڭ تەبىرى ئۆزگىچە، مۇقىم قىلىپى يوق . سەن كۆرەلمەيسەن ، ئەمما ئۇنى ھېس قىلالايسەن، تەمىنى تىتىيالايسەن. يەنى مۇنداق :     ئىككىڭلار شۇنداق تاساددىبى تونۇشۇپ قالدىڭلار ، شۇ چاغدا ئۇچراشقان كۆزلىرىڭلاردىن    < نامەلۇم> زەرىچە ئۇچقۇنى چاقنىدى. سېنىڭ يۈرۈكۈڭ ئۆمۈرۈڭدە ھېس قىلىپ باقمىغان بىر خىل ھاياجانلىق تۇيغۇغا چۆمدى. دەل شۇ چاغدا مۇھەببەتنىڭ نىسپىيلىك نەزەرىيىسى < بىر كۆرۈپ ياخشى كۆرۈپ قىلىش > بولدى .      شۇنىڭدىن كېيىن سەن ئاستا-ئاستا ئۇنىڭغا يىقىنلاشتىڭ ، سىلەر شۇنداق قىلىپ دۇست بولۇپ قالدىڭلار . ھەر دائىم ئۇچراشقاندا ياكى پاراڭلاشقاندا كۆزلىرىڭلار ئۈن-تىنسىز مۇھەببەت ئىزھار قىلدى. سەن ئۇنىڭغا مايىل ، ئۇمۇ ھەم ساڭا مايىل ئىدى. شۇ چاغدا مۇھەببەتنىڭ نىسپىيلىك نەزەرىيىسى < كۆز مۇھەببەتكە زورلايدۇ > بولدى.     شۇنداق قىلىپ مۇھەببەتلىشىپ قالدىڭلار، كۈندە بىللە ئۈگۈنۈش قىلىش، بىللە تاماق يىيىش ، بازار  ئايلىنىش ۋە باشقا ئىشلار سېلەرنىڭ مۇھەببىتىڭلارنىڭ مەزمۇنى بولدى. قانچىلىغان ئايدىڭ كىچىلەردە ، ياپراقلار تۆكۈلگەن كوچىلاردا سىلەر قول تۇتۇشۇپ ماڭاتتىڭلار . بۇ چاغدا مۇھەببەتنىڭ نىسپىيلىك نەزەرىيىسى <مۇھەببىتىمىزگە ئاي گۇۋاھ >بولدى .     كېيىنكى ئۇدۇل تىكىلگەن كۆزلەر ، چىڭ سىقىلغان قوللار ، ئوتلۇق لەۋلەرنىڭ بىر-بىرىگە تامغا بىسىشى..... مۇھەببەت خاتىرەڭگە يېزىلغان ئۇنتۇلغۇسىز ئىشلار بولۇپ قالدى . بۇ چاغدا مۇھەببەتنىڭ نىسپىيلىك نەزەرىيىسى< سۆيۈپ ھەم سۆيۈلۈپ ياشا > بولدى.     سىلەرگە ھەممە كىشى ھەۋەس قىلدى، شۇنداق مۇھەببەتنىڭ ئۆزلىرىگە نىسىپ بولۇشنى تىلىدى. بۇ چاغدا مۇھەببەتنىڭ نىسپىيلىك نەزەرىيىسى < خۇدا قوشقان بىر جۈپلەر > بولدى.     سەن مۇھەببەت قاينىمىغا چۆكۈپ كەتتىڭ، مۇھەببىتىڭگە ئىشىنەتتىڭ، مۇھەببىتىڭ ھەر دائىم بوينىڭغا گىرە سېلىپ ساڭا نۇرغۇن چىرايلىق ۋەدىلەر بىرەتتى. بۇ چاغدا مۇھەببەتنىڭ نىسپىيلىك نەزەرىيىسى < مۇھەببىتىڭنىڭ بوينىڭغا گىرە سېلىپ تۇرۇپ بەرگەن ۋەدىسىگە ئىشەنمە. ئۇ شۇ ۋاقىتتا ساڭا بەرگەن شۇ ۋەدىسىنىڭ ھۆددىسىدىن چىقىش-چىقالماسلىقنى ئويلىمايدۇ.>دېگەندىن ئىبارەت بولدى . بۇ نەزەرىيە ئەسلىدە ئاگاھلاندۇرۇش خارەكتىرىدە ئىدى . چۈنكى مۇھەببەت ئۆزىنى ئۆزى ھېس قىلالايدۇ، ئۆزىنى مەۋجۈت قىلىپ تۇرۋاتقانلارغا بەزىدە قىزىل كارتا چىقىرالايدۇ. ئەپسۇس سەن بۇنى بىلمىدىڭ، ھېس قىلالمىدىڭ.     شۇنداق قىلىپ <ياخشى كۈننىڭ يامىنى بار> دېگەندەك ، سېلەرنىڭ مۇھەببىتىڭلارغا كۆز تەگدى. سەن ئىشەنگەن مۇھەببەت ساڭا ئاسىيلىق قىلدى، سېنى تاشلاپ كەتتى . ئۇنى چىن يۈرۈكۈڭدىن ياخشى كۆرەتتىڭ، ئەمما ئۇ يەنىلا سېنى تاشلاپ كەتتى. ئۇنىڭ مۇھەببەت  نىسپىيلىك نەزەرىيەسى <زامان ئۆزگەردى>گە ئايلىنىپ بولغانىدى. لېكىن سەن مەرد-مەدانە ئىكەنسەن، ئۇ سېنى تاشلاپ كەتكەن بولسىمۇ ، سەن يەنىلا ئۇنىڭغا چىن قەلبىڭدىن بەخت تىلىدىڭ، ئۈمۈدۋارلىق بىلەن قەددىڭنى تىك تۇتۇپ يۈرىۋەردىڭ. بۇ چاغدا مۇھەببەتنىڭ نىسپىيلىك نەزەرىيىسى <چىدىساڭ ياشا > بولدى .     يۇقارقىلارنىڭ ھەممىسى مۇھەببەت ئەسلىمەڭدىكى مۇھەببەتنىڭ تار مەنىدىكى نىسپىيلىك نەزەرىيىسى ئىدى .     سەن ئاخىرىدا مۇھەببەتنىڭ كەڭ مەنىدىكى نىسپىيلىك نەزەرىيىسىنى يىغىنچاقلىدىڭ:<مۇھەببەت دۇستلۇق بىلەن باشلىنىپ، سۆيۈش-سۆيۈلۈش بىلەن راۋاجلىنىپ،كۆز يىشى بىلەن ئاخىرلىشىدۇ.>     دېگىنىم توغرىدۇ دۇستۇم ؟ سەنچە مۇھەببەتنىڭ نىسپىيلىك نەزەرىيىسى نېمە؟                      مەنبە : ئۆزۈم

0908220

	دستۇم  ھەقىقەتەن گەۋدىلەندۈرۈپ ياخشى يېزىپسىز  مەن ھەقىقەتەن قايىل بولدۇم    مۇھەببەت ھەقىقەتەن شىرىن ھەم ئازاپقلىق بولغان بىھوش دورىسى

ئەخمەد

	مەن كۆپ ئىشلارنى بېشىمدىن ئۆتكۈزمەي تۇرۇپلا ‹مۇھەببەتنىڭ كەڭ مەنىدىكى نىسپىيلىك نەزەرىيىسى يېغىنچاقلىمىسى›نىڭ ئەڭ ئاخىرقى نەتىجىسى بىلەنلا ئاياغلىشىپ قالدى يا؟!!

tewelgha

	تار مەنادىكى نىسبىلىك نەزىريەسى مۇنداق : قىز يىگىتلەر مۇڭداشقاندا ۋاقىتنىڭ تىز ئۆتۇپ كەتكىنىنى سەزمەيلا  قالىدۇ . بۇ ئەگەر يوروقلۇقنىڭ تىزلىگىگە يېتەلىگەن بولساق ،سائەت توختاپ قالىدۇ دېگەن گەپگە ئوخشاش ئۇقۇم  .

rahmansaykin

	مەن فىزىكىدىكى نىسپىيلىك نەزىريەسىنى ئۈگەنگەن . بۇنى ئۈگەنمەپتىكەنمەن .

pahiri

	مۇھەببەتنىڭ تار مەندىكى ئىپادىلنىشى.....                               ناھايتى ياخشى ئىپادىلنىپتۇ

hanugli

	ياخشى يىزىپسىز قۇلۇڭىزغا دەرىت كەلمىسۇن ساۋاقدىشىم نۇرشات

guzal417

	ھايات دىگەن مۇشۇنداق بۇلىدىغان ئوخشايدۇ..

guzal417

	ئادەم بۇ دۇنياغا نۇرغۇنلىغان ئازۇ ئۈمىتلەر بىلەن كىلىدۇ،لىكىن غەم بىلەن ياشاپ ئارمان بىلەن كىتىدۇ.