ئاتنى چۈشىنەمسىز ؟

isilbala

	ئاتنى چۈشنەمسىز ؟    ئات ئادەتتە ئۆي ھايۋانلىرى ھىساپلىنىدۇ .ئات بەيگىلەردە ،جەڭگاھلاردا، چارۋۇچىلىقتا ،دىھقانچىلىق ،ئېتىز-ئېرىق ئىشلىرىدا ئىشلىتىلىدۇ . بىزنىڭ ئىلى ئاتلىرى (مۇڭغۇل كۈرە ئاتلىرىمۇ دىيىلىدۇ .) دۇنياغا داڭلىق بولۇپ ھەر قانداق مۇھىتقا ماسلىشالايدۇ . زىمىستان سۇغۇق ،تۇمۇز ئىسسىقلارغا چىدايدۇ . ياخشى كۇتۇلگەن ئات ئادەتتە 30-يىل ياشيالايدۇ.(ئالدىنقى ئەسىرنىڭ باشلىرىدا 40ياشلىق ئاتلارمۇ بايقالغان. ) بىر كۇندە 60-70كىلۇمىتىر يول يۇرەلەيدۇ . سىمىز ،يۇغان ئاتلارنىڭ ئېغىرلىقى ئادەتتە 350-كىلۇدىن ئارتۇق بولىدۇ .                                                                                      ئاتنىڭ تۇرلىرى : چىلان تورۇق ، جېرەن ، خالتىر ، چاپدار ، قاراگېر ، كېرە ، پۇرۇل ، بۆرتە ، بوز ئات ،چىپار ئات ، قۇلا ، سارا ئات  ،بۆرە ئات (سۈر ئاتمۇ دىيىلىدۇ .) قاتارلىقلار...                                  ئاتنىڭ يىتىلىشى : قۇلۇن ، تاي (جاۋاغا دەپمۇ ئاتىلىدۇ . ) قۇنان ،دۆنەن ،بەشتە ، ئات قاتارلىق باسقۇچلارنى بىسىپ ئوتىدۇ .                                                                                                                         ئاتىلىشى : چىشى ئاتلارنى بىيە ياكى بايتال دەيمىز .                                                                              ئەركەك ئاتنىنىڭ  پىچىۋەتكىنىنى ئاقتا دەيمىز . پىچمىغىنىنى ئايغىر دەيمىز . بىر توپ ئاتلار يىلقا دىيىلىدۇ .                                                                                  مىنىڭ ئات توغۇرلۇق ئىزدىنىشىم مۇشۇنچىلىك،چالا قالغان يەرلىرىنى ئات خۇمار دوسلارنىڭ  تولۇقلاپ كىتىشىگە ئىمانىم كامىل ...    تولۇقلىما مەزمۇن (2012-12-31 09:22 PM): تورۇق ئاتمۇ بار ،

ئۆل

	مەن ھايۋانلارىنى تەتىقىق قىلمايمەن .....بىراق ئات گۆشى يىيشلىك بۇنى بۈلىمەن .

kalamiy

	ئاتنى كۆپ كۆرگەن ئەمما چۈشەنمەيتۇق ،سىز چۈشەندۈرۈپسىز ،چۈشەنگەندەك قىلدۇق ..ئەجرىڭىزگە تەشەككۈر

mastura5200

	ئاللاھ  رەخمەت  قىلسۇن!

ۋاقتىم

	مەن خىيالىمدا يېڭى تۇغۇلسىلا تايچاق، مىنگۈدەك بولغانلىرىنى ئات دەپلا  دەپ ئويلايتىم ، بۈگۈن بۇ تېمىنى كۆرۈپ ئات ھەققىدە ئازراق بولسىمۇ  چۈشەنچىگە ئىگە بولدۇم . تېما ئىگىسىگە رەھمەت.

parlak/889

	مەن يېزىدىن بولساممۇ ئاتنى ئانچە چۈشەنمەيتتىم، رەھمەت ئەمدى چۈشىنىپ قالدىم، ئاتقا ئانچە قىزىقمايمەن، تويوتا بولسا بولاتتى ماڭا،

isilbala

	مۆمكىن بولسا ئاتقا ئائىت سۇرەتلەر بولسا يوللاپ قۇيغان بولساڭلار  ،تاتقان جاپايىڭلارنىڭ ئەجرىنى ئاللا ئىگەم ئوزى بەرسۈن !

Hijab

	مەن ئاتقا بەك قىزىقىمەن   لېكىن قوقايمەن

faruk063

	پەيغەمبەر ئەلەيھىسسالام ئات توغرۇلۇق مۇنداق دېگەن: «كىم ئېتىنى مىنىپ كېتىۋېتىپ، ئۇچرىغان ئۆستەڭدىكى سۇدىن ئاتنى سۇغارسا شۇ سەۋەبلىك ئات ئىگىسىگەئاللاھ كاتتا ساۋابلارنى يازىدۇ، ئەگە ئاراقانداپ قويۇلغان ئات ئارقىنىدىن بوشىنىپ، ئويناقشىپ، بىر نەچچە قەدەم باسقان بولسا، شۇ باسقان قەدەملىرى ئۈچۈن ساۋاب يېزىلىدۇ؛ ئەگەر ئويناقشىپ، سەكرىگەن ۋاقتلىرىدا تېزدەكلىگەن بولسا، شۇ تېزەكلىگەن تېزەكلىرى ئۈچۈنمۇ ھەم ساۋاب يېزىلىدۇ». ئاللاھ ئاتنى ئەنە شۇنداق خسىلەتلەر بىلەن ياراتقان. بوۋىلىرىمىز: ئات ئەرنىڭ قانىتى، دەيدۇ. ئەمما ئاتنىڭ قېزىلىرىنى يەيدىغان بولسا، ۋاھھھھھھ.... دەھشەت پەيزى جۇمۇ..... ئاللاھنىڭ ئاتتىن ئىبارەت كاتتا نېمىتىنى بىزگە ئەسلىتىپ، تونۇشتۇرغىنىڭىزغا ئاللاھ ئەجرىڭىزنى يەردە قويمىسۇن! ئاتنىڭ يەنە تور ئات دېگەن تۈرىمۇ بار. يەنە باردەك قىلغان ئىسىمگە ئالالمىدىم.

esyankar75

	خاپا بولماي ئىلى ئاتلىرىنىڭ مۇڭغۇلكۈرە ئىتى دەپمۇ ئاتىلىشىنى بىر چۈشەندۈرۈپ قويسىڭىز بولۇپتىكەن ، بۇ قايسى ماتىرىياللاردا شۇندا ئاتىلىدىكەن. مۇڭغۇلكۈرەنىڭ ئاتلىرى راسلا داڭلىق لىكىن كۈنەس ،تىكەس ، چاپچال ، قورغاسنىڭ ئاتلىرىمۇ ئىلى ئاتلىرىغا كىرىدۇ ،ھەم داڭقى ، يۈگۈرۈشچانلىقى مۇڭغۇلكۈرەنىڭكىدىن قىلىشمايدۇ . ئاۋۇ ئاتنىڭ يىتىلىشدىكى غونان ، دۆنەن دىگەنلەر چىشى ، ئەركەكلىرىنىڭ ئايرىم ئايرىم ئاتىلىشىغۇ دەيمەن ھە؟   مەنمۇ ئاتقا قىززىقىمەن ، ھەم قىزا يىيىشنى ، قىمىز ئىچىشنى ئوغلاق تارتىشنى  ياخشى كۆرىمەن ، ھازىر ئات مىنىپ باقمىغىنى 3،4 يىللار بولۇپ قاپتۇ ، تولۇقسىزدا ئوقۇۋاتقاندا ئوغلاق بولسا مەكتەپكە بارمىسام دادام تىللاپ ، ۋارقىراتتى ، مىنىڭ يىغرامسىراپ ماڭغىنىمنى رەھمەتلىك بۇۋام كۆرۈپ ، ماڭا ئىشارەت قىلىپ قوياتتى ، مەن سومكىنى تىقىپ قويۇپ ئۆينىڭ كەينىدە ساقلاپ تۇراتتىم ، بۇۋام  جىرەنىنى توقۇپ بىرەتتى ،ئوغلاق كەينىدىن  چاپاتتۇق ، شۇ چاغلارنى ھەجەپ سىغىندىم ....