ئىرىم، مەن پاك، ھالال، ھەم ئەرزان

qarqidim1006

	ئىرىم ، شۇنداق قىلىپ توي قىلغىنىمىزغىمۇ بىر يىلچە بوپتۇ ، سىز بىلەن نىكاھ تۇرمۇشىمىزنى باشلىۋەتكەن مۇشۇ قىسقىغىنە بىر يىل مابەينىدە  مەن ئۈزۈمنىڭ قانچىلىك ئەرزانلىقىنى ھېس قىلىپ يىتىۋاتىمەن ، ھەر كۈنى سىزدىن نەچچە سائەت بۇرۇن تۇرۇپ نامىزىمنى ئۇقۇپ ، ناشتىلىقىڭىزنى تەييارلايمەن ، شۇ كۈنلۈك ئىشقا كىيىپ بارىدىغان كىيمىڭىز ھەتتا پايپىقىڭىز ، بەلبىغىڭىز  ۋە تاقايدىغان سائىتىڭىزدىن تارتىپ چۇقۇم ياستۇق بېشىغا رەتلىك تىززىپ قۇيۇشۇم كېرەك ئىدى بولمىسا ئۇرۇش-جېدەللىرىمىزنىڭ يەنە باشلىنىشى تۇرغانلا گەپ  .   بۈگۈنمۇ يەنە ئاۋالقىدەك ئىشقا چۈشىشىڭىزگە 15مىنۇت قالغاندا ئورنىڭىزدىن تۇردىڭىز-دە كۆزىڭىزنىمۇ تۇلۇق ئاچماي تۇرۇپ ماڭا پايپىقىڭىزنى پاكىزە يۇمىغىنىمنى باھانە قىلىپ ئاچچىق گەپلەرنى ياغدۇرۋەتتىڭىز ، نەچچە قېتىم ئويغۇتۇپ بولغىنىممۇ قۇلىقىڭىزغا ئاڭلانمىدىمۇ-قانداق، بالدۇر ئويغاتمىدىڭ دەپ ئۇنىڭدىنمۇ خاپا بولدىڭىز ،   ناشتىمۇ قىلماي ئۇچقاندەك چىقىپ كەتتىڭىز . يەنە ئىشىكنى يېپىشنى ئۇنتۇپ قالغان ئىدىڭىز ، مەنمۇ ھەر قېتىم ئىشىكنىمۇ ياپمايدىغانلىقىڭىزغا كۈنۈپ قالدىممۇ-نىمە ، ھىچ ئىش بولمىغاندەك ئىشىكنى چىڭ تاقاپ ،ناشتىلىقىمنى ئۈزۈم يالغۇز قىلغىنىمچە ئۆز خىزمىتىمگە ماڭدىم .    ھەي ، قانداق قىلىمەن ، سىز مىنىڭ يولدۇشۇم ، سىزنىڭ ھالىڭىزدىن خەۋەر ئېلىشىم مىنىڭ مەجبۇرىيىتىم ئىدى ، ئىشقا ماڭغاچ مۇشۇلارنى خىيال قىلغىنىمچە سىزدىن شۇنداق بىر سۇئالنى سورىغۇم كەلدى ، پاھىشىلەر سىز ئۈچۈن مەن قىلغان ئاشۇ  ئىشلارنىڭ بىرەرسىنى بولسىمۇ قىلىپ بىرەلەرمۇ ؟؟؟     بىر كۈنلۈك خىزمەتلارمۇ ئاياقلىشىپ يەنە ئالدىراپ سەي-كۆكتاتلارنى ئالغىنىمچە ئۆيگە چاپتىم ، تاماقلارنى ئىتىپ ئۆيلەرنى بىرەر قۇر يىغىشتۇرۇپ بۇلۇپ ، ياتاق ئۆيگە كىرىپ پۇت-قۇلۇمنى سۇزۇپ بىردەم يېتىۋالماقچى بۇلۇپ كىرىپ تويلۇق رەسىمىزگە كۈزۈم چۈشۈپ قالدى . ئىرىم ، سۆرەتتىكى سىز خۇددى كىچىك بالىنىڭ ئۈزىلا ئىدىڭىز ، شۇنچىلىك سۇيۇملۇك ئىدىڭىز ، سۆرەتتىكى چىرايىڭىزنى يېنىش يېنىشلاپ سىلاشقا باشلىدىم . شۇ تاپتا نىكاھ تۇرمۇشىمىز خۇددى كىنو لىنتىسىدەك كوز ئالدىمدىن ئۈتۈشكە باشلىدى  ، بىز يېڭى توي قىلغان ئاشۇ چاغلار ھېلىمۇ يادىڭىزدىمۇ ؟ بىر-بىرىمىزگە شۇنچىلىك ئامراق ئىدۇق ، ئۈچ يىل يۈرۈپ ، بىرگە ياقا-يۇرۇتلاردا ئۇقۇپ ، ئېغىر كۇنلەردە بىرگە ياشاپ ئاخىر مۇشۇ كۇنلەرگە ئىرىشەلىگەن ئىدۇق ، سىز ھەر كۈنى ئاخشىمى مىنىڭ قۇچاقلىغاچ تېلۋىزۇر كۈرۈپ ئۇخلاپ قېلىشنى ئادىتىڭىزگە ئايلاندۇرۋالغان ئىدىڭىز ، بەزىدە سىزنىڭ تاتلىق ئۇيقىڭىزنى بۇزىۋەتمەسلىك ئۈچۈن ، پۇت-قوللىرىمنىڭ ئۇيۇشۇپ كەتكىنىگىمۇ قارىماستىن ، كېچە-كېچە سافادىلا ئۇخلاپ قالاتتۇق . ئەر-ئاياللىق مۇناسىۋەتلىرىمىزمۇ شۇنداق نورمال ئىدى ، كېچە-كېچە دىگىنىڭىزگە بېقىپ چىقاتتىم ،ئەمما بۈگۈنكى كۈندىچۇ ؟  بەلكىم توي قىلىپ بۇ كەمگىچە ماڭا بولغان ھېسىياتىڭىزمۇ ئاللىقاچان سۇسلىشىپ كەتكەندۇ ، ئەمما مەن يەنىلا سىزنى شۇنچىلىك سۈيۈپ كېلىۋاتىمەن ، ھەتتا بۇرۇنقىدىن ئاشۇرۇپ ... مانا بۈگۈن ماڭا يېقىن كىلىپ باقمىغىنىڭىزغا بىرەر ئايچە بۇلۇپ قالدى ، كۈندىن-كۈنگە كەچ كىلىۋاتاتتىڭىز ، ھەتتا سىرىتلاردا قۇنۇپمۇ قالىسىز ، مەن بولسام سىزنىڭ يۇلىڭىزغا قاراپ تالاي كېچىلەرنى  كۈندۈزگە ئۇلايدىغان بۇلۇپ قالدىم ، سىز يوق كېچە شۇنچىلىك ئۇزۇن ئىدى .     سىز بۇرۇن مىنىڭ تۇغۇلغان كۈنلىرىمنى ، خاتىرە كۈنلەرنى ، بايراملارنى مەن بىلەن بىرگە تەبرىكلەيتىڭىز ، سىز ۋە مەن ئىككىمىزنىڭ دۇنياسىدا شۇنچىلىك بەخىتلىك ئىدۇق ، ئەمما قىسقىغىنە بۇ بىر يىل ۋاقىت ، نىكاھ تۇرمۇشىمىز ھەممىنى ئۆزگەرتىۋەتتى ، تويدىن بۇرۇن سىزگە ئىرىشىشنى ، ھەقىقىي نىكاھلىق ھالال جۇپتىڭىز بۇلۇشنى شۇنچىلىك ئارزۇ قىلاتتىم ،  تويدىن كىيىنكى تۇرمىشىمىزنى شۇنچىلىك گۈزەل ھالەتتە خىيال ئېكرانلىرىمدىن بىر-بىرلەپ ئۆتكۈزەتتىم ، ئەمما ھازىرچۇ ؟؟؟ ئىرىشكىنىم پەقەتلا بىر ئېغىز "كەچۈرۈڭ" ۋە سوغۇق مۇئامىلە بۇلۇپ كېلىۋاتىدۇ .     ئېرىم ھېلىقى كۈنى كەچ مەن چىقمىسام بوپتىكەن ، ئارقىڭىزدىن چىقمىغان بولسام بەلكىم ئاشۇ مەنزىرىنىمۇ كۆرۈپ قالمىغان بۇلاتتىم ، يولنىڭ قىرغىقىدا بىر قىزنى قۇچاقلاپ تۇرۇپسىز ، ئۇ راستىنلا مەندىن چىرايلىقمۇ ؟ بىز يۇرىۋاتقان ۋە توي قىلغاندا سىز دائىم مىنى ئەركىلىتىپ مىنىڭ خۇتۇنۇم ھەممىدىن چىرايلىق دەيتىڭىز ، ئەجىبا شۇ گەپلەر پەقەت ئاغزىڭىزنىڭ ئۇچىدا ئېيتىلغان گەپلەرمىدۇ ؟ ئېتىلىپ بېرىپ سىزدىن شۇنداق سورىغۇم كەلدى ، ئەمما قاياقلاردىندۇ ئەڭ يېقىن دوستىڭىز ، خىزمەتدىشىڭىز بىر قىزنى بىلىدىن تۇتقىنىچە پەيدا بولدى ، ئۈزەمنى تۇتىۋالدىم ، بىرىنچى بۇلۇپ دوستىڭىز ئالدىدا يولدا ئۈتۈپ كىتىۋاتقان كىشىلەر ئالدىدا يۈزىڭىزنى ، ئۆز ئىرىمنىڭ يۈزىنى تۆككۈم كەلمىدى ، چىدىدىم ، ئاستا-ئاستا سىلەرگە ئەگىشىپ مېڭىشقا باشلىدىم ، ئالدىمدىلا كىتىپ بارغان سىلەرنىڭ ئاراڭلاردىن يېقىملىق كۈلكە ئاۋازى چىقىپ تۇراتتى . كۆزنى يۇمۇپ ئاچقۇچە سىلەر شەھىرىمىزنىڭ ئاۋات مەركىزىدىكى داڭلىق بەش يۇلتۇزلۇق مىھمانسارايغا كىرىپ كەتتىڭلار ، ئەمما مىنى ئامانلىق ساقلغۇچى تۇسۇپ قالدى ، سىرىتتا سىزنى ساقلاۋاتاتتىم ...      ئارىدىن بىرەر سائەتلەر ئۈتۈپ كەتسىمۇ سىز يەنىلا چىقمىدىڭىز ، سىرىت شۇنچىلىك سوغۇق ۋە قاراڭغۇ ئىدى ، يولدا كىتىپ بارغانلار ۋە مېھمانسارايغا ماڭغانلار ماڭا بىردە ھەيرانلىق بىلەن قارىسا بىردە شەھۋەت ئوتلىرىنى چاچرىتىپ قارىماقتا ئىدى ، سىزنى شۇنداق سېغىندىم ئىرىم ، قورقىۋاتىمەن ، كۆز ياشلىرىم توختىماستىن ئاقماقتا ،       قاراڭغۇ كېچىدە بىر ئايال  مېھمانساراي ئالدىدا ئولتۇرۇپ ئۆزىنىڭ ئۆيگە قايىتمىغان ئىرىنى ساقلىماقتا . ئىرىم ، پاھىشىلەرنىڭ ، يېنىڭىزدىكى ئاشۇ سەتەڭلەرنىڭ بىر كېچىلىكى قانچە پۇل ؟ شۇ پاھىشە-سەتەڭلەرنىڭ كوڭلىنى ئېلىش ئۈچۈن نەچچە پۇل خەجلەيدىغانسىز ؟ سىز ئاشۇ سەتەڭلەر بىلەن كىرىپ چىقىپ يۈرگەن مۇشۇنداق ئىسىل سۇرۇنلار يەنە نەچچە پۇل ؟ سىز مۇشۇ پۇللارنى ھەم جىسمىڭىزنى پەقەت ئاشۇ بىر كېچىلىك ھاۋايى ھەۋەسىڭىزنى  دەپلا  خەجلەيسىز ۋە چىرىتىسىز . مەنچۇ ئىرىم ، ماڭا بىر پۇڭمۇ كەتمەيدىغۇ ؟ نىمە ئۈچۈن ئۆيگە قايىتمايسىز ، مەن ئاشۇ پاھىشىلەردىن ئەرزانغۇ ؟ نىمە ئۈچۈن مىنى لازىم قىلمايسىز ؟؟؟

ap~qilam

	گەرچە ئەسەرنىڭ چىلىقى يۇقىرى  بولسىمۇ لېكىن  ئەسەردىكى مەن بىلەن پاھىشىنى سېلىشتۇرۇش قەتتى كالامدىن ئۆتمەيدۇ ، ماۋزۇنىزە قۇيۇپ قۇيۇپسىز جۇمۇڭ

ramu

	ياخشى يېزىلغان ئەسەركەن!رەخمەت!

18099736949

	مەنبەسىنىمۇ  ئەسكەرتمەپسىز

axek13999649893

	ھەقىقەتەن تەسىرلىك

ئەخمەد

	ئاشۇنداق ئەرلەر كۆپرەك كۆرسە بوپتىكەن!

idikut510

	ئۆزى بىر نەرسە يازمايدۇ، يازغانلارنى كۆرەلمايدۇ، جەمىيىتىمىزدە بۇنداق ئىشلار كۆپىيىپ قالدى.

parlak/889

	مەن بۇ ئەسەرنى پەقەت ياقتۇرمىدىم، بەزى يەرلىرى سەل ئېشىپ كېتىپتۇ،  تېما ئىگىسى  كۆڭلىڭىزگە كەلسىمۇ مەيلى، ئەسەر يازسىڭىز سەل دىققەت قىلىڭ، تەھرىردىن: ئىنكاس يېزىش مەجبۇر ئەمەس. بۇ توردىشىمىزنىڭ بۇ يەرگە يوللىشىمۇ سىلەردەك ئوقۇرمەنلەرنىڭ بولمىغان جايلىرىنى كۆرسىتىپ بېرىشىڭلار ئۈچۈن بولسا كېرەك. پىكىر بېرىشتىن بۇرۇن <<پالانى يەر بولماپتۇ>> ياكى << ماۋۇ يېرى مانداق بۇلۇپ قاپتىكەن، مانداق قىلسىڭىز تېخىمۇ ياخشى چىقىدۇ>> دېگەندەك پىكىرلەر كېرەك.يەنە بىر ئىش ؛ ھېكايە يازغان ئادەم بىرىنجى شەخىس تىلىدا يازسا مەزمۇنىدىكى <<مەن>> چوقۇم ئاپتور بۇلىشى ناتايىن. بۇ دىققەت قىلىشقا تېگىشلىك نۇقتا. ھەر بىر ئەسەردە ئەسكەرتىشنىڭ ئورنى يوق.

tursun.aini

	مەن پاھىشەدىنمۇ ئەرزان دىگەن پىكىرىڭىز كاللامدىن پەقەت ئۆتمىدى،سىز ئەقىللىق ئايال بولسىڭىز ھېلىقى شەھۋەتپەرەس ئېرىڭىزىنى مېھمان-ساراينىڭ ئالدىدا ساقلاپ نىمە قىلىسىز؟!سىز ئەقىللىق ئايال بولسىڭىز نىمە ئۈچۈن ئۆزىڭىزنى پاھىشە بىلەن سىلىشتۇرىسىز؟!

abdulahad7

	gilasmurabbasi يوللىغان ۋاقتى  2012-12-10 10:14 PM نىمە بۇ ؟ ئېرىم دىمەي، دادىسى دىمەمدۇ؟ نىمانداق قەدىر-  ... بىلىمنىڭ قەدىرىنى قىلمىغان ،بىلمەي تۇرۇپ ئاتكاچىلىق قىلىدىغان ئادەمنى ئاللاھ ياقتۇرمايدۇ، بۇ پەقەت ئەدىبى ئەسەر   شۇئارقىلىق جەمىيىتىمىزدىكى ناچار ئىشلارنى قامچىلايدۇ، بۇنى قانداقمۇ  ئەخلەت دېگىلى بولسۇن.  كاللىڭىزنى سىلكىۋېتىپ سۆزلەڭ!.