خەيىر دەپ...

lawa0998

	خەير دەپ............... خەيىر-خوش مەن كەتتىم قىرغاق ياقىلاپ، ئامان بول سەن قالدىڭ شاۋقۇنغا چۆكۈپ. مىھرىمىز دېڭىزغا تاشلاندى تۈگەل، كۆزۈڭدە زىمىستان كەلمەكتە مۈكۈپ. ئۇپقۇنلۇق دېڭىزنىڭ چەكسىز ساھىلى ، خۇرسىنىپ ئارقامدىن باقماقتا خىرە. يەلكەمگە ئۇرۇلغان سوغۇق شامالدىن ، يۈرۈگۈم يارلىنىپ بولماقتا زېدە. يامغۇرمۇ ،كۆزۈمدىن چۈشكەن ياشمۇ-ئۇ؟ ئاستىمدا چىغىر يول قالدى ھارغىنىپ قەدىمىم ئىز سالغان گۈلگۈن تەبىئەت، رەڭگىمدىن رەڭ ئېلىپ كەتتى سارغىيىپ. ئاق ئەتىر بەرگىدىن ئاققاندا شەبنەم ، سۈبھىگە خيالچان سالىمەن نەزەر. كېپەنلىك ئىبەرتىپ يۈرۈپسەن رەھمەت، سەن كۆركەم زىبا قىز رەزىل نەقەدەر. تەئەججۈپ ئىلكىدە تىڭىرقىغان ئوي، خىلۋەتلىك كۆلبەمدە كۆتەردى قىقاس. پىشانەم ئوڭدىنكەن كۈنلىرىم تەكرار، ياشاۋەر سېنىڭدىن ئالمايمەن قىساس. ئۆرىككەك گۈزىلىم ئۆلۈك ھىسياتتا، قۇچاقلاپ سۆيمەككە ئەمدى يوق پۇرسەت. لېۋىڭنى تامشىتىپ قالارسەن تاڭدا، قەلبىڭنى ئەزگەندە ناتونۇش ھەسرەت. ئاھ-!مەنمۇ بىر يۇلتۇز تۇندە ساقىغان، قەلبىمنى خورلانغان ھىسلار ئوراقلىق. سەن بىر كۈز مەن ئۈچۈن جۇدۇن ئۆرلىگەن، ئوپۇقى قىزارماس تېڭى تۇمانلىق. مەنبە:لاۋا0998(ئىجادىيەتلىرى)دىن (كونا خاتىرىلەردىن)

ئەلشىپا

	خەيىر خوش، مەن كەتتىم يۈرىكىم يارا، ئاخىرقى چۈشلەردەك ھارغىن كوچىدا. دەقىقە ئىچىدە مىڭ بولدى ئاھىم، خوشلاشتۇق ئۈن تىنسىز ئوخشاش بىر تىلدا................... ياخشى يېزىلغان شېئىر بولغاچقا ئەگىشىپ قويدۇم، تىما ئىگىسى رەنجىمىگەي..............

326ayixa

	خوشلاشتۇق ئۈن تىنسىز ئوخشاش بىر تىلدا ، يۈرەكتە يالقۇنلار ئوخشاش بىر نىدا . سەن كەبى ياشىماس قەلبىم كۆكىدە، ياشىغىن مەڭڭۈگە چۈشتەك ئارزۇدا ........ بەك ياخشى يېزىپسىز ، قوللىرىڭىز ھارمىغاي .

kalamiy

	كونا خاتىرلىڭىزدە مۇنداق ئېسىل شئىرلار بار يەردە يېڭى خاتىرىڭىزدە چوقۇم بۇنىڭدىنمۇ ئېسىللىرى بار .  ئايماي تۆككەيسىز ..ئەجرىڭىزگە تەشەككۈر ،،لاۋا بىزنىڭ يېڭى ھىسارنىڭ يەنە بىر ئاتىلشى . لاۋا بازىرى دەپمۇ قوياتتۇق ،،يۇرتداش ئوخشايمىز ھە

913

	تەشەككۈر.رەخمەت سىزگە.

سۇمەييا

	ياخشى يېزىلغان شېئىركەن قەلىمىڭىز ھارمىغاي.

ئەلشىپا

	326ayixa يوللىغان ۋاقتى  2012-12-9 04:04 PM خوشلاشتۇق ئۈن تىنسىز ئوخشاش بىر تىلدا ، يۈرەكتە يالقۇن ... ياشىغىن مەڭگۈگە چۈشتەك ئارزۇدا، سۈكۈتنىڭ سۈكىتى چېقىلغان قاندا. مەن سىنى كۆرمىگەچ ئۇنتۇيالمايمەن، باغلىنىپ ئاقارغان بىر تال چېچىڭغا.

lawa0998

	kalamiy يوللىغان ۋاقتى  2012-12-9 04:07 PM كونا خاتىرلىڭىزدە مۇنداق ئېسىل شئىرلار بار يەردە يېڭى  ... يىراقنى كۆرەر كۆزىڭىزگە كۆز تەگمىگەي يۇرتدىشىم، رەھمەت سىزگە. شۇنداق ھازىرمۇ لاۋا ئاھالىلار رايۇنى بار.

lawa0998

	ئەلشىپا يوللىغان ۋاقتى  2012-12-9 03:45 PM خەيىر خوش، مەن كەتتىم يۈرىكىم يارا، ئاخىرقى چۈشلەردەك ... نەقەدەر ئازاپلىق جىمجىت خوشلىشىش ، كۆيمەكتە قۇياشتەك ئارمانلار دىلدا. ئاھ-كىمگە تەسەللى ئاچچىق  كۆز يېشىم، شاۋقۇنلۇق قىرغاقلار بىر ماڭا ھەمرا.

tax1

	ياخشى يېزىلغان شېئىر ئىكەن.