تاققا - تۇققا ئىلمىي خىياللار (قەلەمىي)

kalamiy

	* تاققا - تۇققا ئىلمىي خىياللار ئاپتورى : قەلەمىي (1) كۈنلەر بىر-بىرىنى قوغلاپ ئۆتمەكتە . كۈن چىقتى دەپ تۇرساق بىردەمدە كەچ بولغان ، دۈشەنبە دەپ تۇرساق بىردەمدە جۈمە بولغان ،تۇرمۇش رېتىمىنىڭ تىزلىكىدىنمۇ ،ياكى كۈنلەرنىڭ بەركىتى قالمايۋاتامدۇ ،ئەيتاۋۇر ،تىز-تىز ئۆتۈۋاتقان كۈنلەر ئايلارنىمۇ ،يىللارنىمۇ تىز -تىز يېڭلاپ ماڭماقتا . ھاياتلىق مۇساپىمىزنىڭ زادى قانچىلىك ئىكەنلىكى بىر سىر بولسىمۇ ،ئەھمىيەتلىك ئىزلارنى قالدۇرۇپ مەنە گۈللىرى بىلەن پۈركەش ھەر بىرەيلەننىڭ ئالىي مەقسىتى ،يۈكسەك مەسئۇليىتى ئىدى . ئەمما مۇشۇ مەسئۇليەتنى ئارىمىزدىكى قانچەيلەن تونۇپ يېتۋاتقاندىمىز ؟ (2) ئادەم تەبئىتى شەخسىيەتچىلىكمۇ ؟ ئەلۋەتتە شەخشىيەتچىلىك دەپ جاۋاب بېرشىڭىز مۇمكىن . جاۋابىڭىز كۆز قارچۇقىدىڭىزدىكى مەنپەئەت نۇقتىسدىن توغرىدەك قىلسىمۇ ،تۈپ ماھىيتىدىن ئېيتقاندا ئادەم تەبئىتى ئۆزى ھەم باشقىلار ئۈچۈن ياشاش . ئاتا -ئانىڭىزنىڭ سىز ئۈچۈن ياشاپ جۈدىشى ،ھەتتا ئالەمدىن كتېشى دەل بۇنىڭ ئاددىي مىسالى . سىز ھەرقانچە ئۆزۈم ئۈچۈم ياشايمەن دەپ چۇقان سالسىڭىزمۇ ئۆز نۆۋىتىدە تەبئىيلا باشقىلار ئۈچۈن ياشاپ قالىسىز . بىر مەندىن ئېيتقاندا باشقىلار ئۈچۈن ياشاشمۇ جۈملىدىن باشقىلار ئۈچۈن ئازراق ئىش قىلىپ بېرىشمۇ  ھايات مەنالىرىنىڭ بىر ئىپادىسى . بۇنى بىلمىگەن ،ئۆزۈم ئۈچۈنلا دەپ جار سالغان ئادەم يىگەن ئىچكىنى چىرايىغا چىقماي ، ئىچ- ئىچىدىن چوۋۇلۇپ تىزلا يەر ئاستىغا كىرىپ كەتكۈسى . (3) ئاۋات رەستىلەرنىڭ دوقمۇشلىرىدا نىملەرنىدۇر دەپ ئۆزىنىڭ بىچارە ھالتىنى نامايان قىلۋاتقان جاھان ساھىللىرىنى كۆرگىنىڭىزدە ئەڭ ئەرزان بىر قاپ تاماكىڭىزنىڭ مەرىدىن كېچىپ ئۈچ -تۆت يۈەن بولسىمۇ غەلۋىرىگە تاشلاپ قويۇڭ . ھېچ بولمىسا ئاغزىڭىزنى ئاۋارە قىلىپ چايناۋاتقان پوپوتارىڭىزنىڭ پۇلنى بولسىمۇ بېرۋېتىڭ . نەزىرىڭىزدە ئۇلار مەيلى راسىت بىچارە ياكى بولمىسۇن قەھرىتان سوغۇقتا ،تومۇز ئىسسىقتا ،غۇر-غۇر شامالدا ،بوران -يامغۇردا ، ياۋۇز شىۋىرغاندا ،جاپا تارتىپ ئۆز رىسقىنى تىلەۋاتقانلاردۇ ر. بەلكىم بىر نەچچە كوي ،ياكى بىر نەچچە موچەن بېرىۋەتكەنگە ئۈچەيلىرىڭىزدىن تۈتۈن ،ئۆپكىڭىزدىن قان چىقماس . (چۈشۈپ قالسىمۇ ئەلەكموللا دەيتىڭىزغۇ ) ئەمما بالا -قازا كۆتۈرلۈپ كېتە دەپ ئۇلاغا ئاپەت تىلمەڭ ، ئاللاھىم ،ساۋابىنى بەرگىن . مۇشۇ مۇئمىنلەرنىڭ ھالىغا يەتكىن دەڭ . (4) يات جىنىسلار نىڭ ئۆز ئارا تەلپۈنشى ،ئىنتىلشى - بالاغەتكە يەتكەنلەر ئارىسدا تەبئىي بولۇپ تۇرىدىغان ئومۇميەت خاراكتىرلىك ئىش . قىزلارنىڭ جەلىپكارلىقىغا  ، ئوماقلىقىغا  ،تاتلىق ئاۋازىغا  ،كۈلكىسىگە جور بولىۋاتقان ئەخلاق ھەم ھايادىن ئۇرغۇۋاتقان لاتاپەت ۋە نازاكىتى بىر قارشىدىنلا يىگىتلەرنىڭ ھارغىنلىقىنى ئۇنتۇلدۇرۇپ سۇمبۇل چاچلىرى ئارىسدا ساياھەت قىلدۇرسا ،يىگىتلەرنىڭ كېلىشكەن قەددىي قامىتى ئەڭ مۇھىمى مەسئۇليەتچانلىقى ،ئۆتكۈر ۋە سەزگۈرلۈكى قىزلارنىڭمۇ ئىختىيارسىز ئۈچەي باغرىنى كاۋاپ قىلۋېىتىدۇ . قىز - يىگىتلەرنىڭ كۆزلىرى بىر-بىرى بىلەن ئۇچرىشىپ قالغاندا ئۆز ئارا تەلپۈنۈش شەكىللەنسە ھەر ئىككىلى تەرەپ خىيالەن تەبئىي بىرىكىپ كېتىدۇ . ئۆز ئارا بىر-بىرىنىڭ قۇچاقلىرىغا ئۆزلىرىنى ئاتماقچى ،قېنىپ -قېنىپ سۆيۈشمەكچى بولدىيۇ ،ئەخلاق ھەم ھايانىڭ ئىسكەنجىسدە ئۆزلىرىنى كونتىرول قىلۋالىدۇ . ئەخلاق ھايانى چەتكە قايرىۋەتكەنلەرنىڭ ئېڭىزلىقتىكى ئېشەكتىن پەرقى يوق مەسئۇليەت ،ئەخلاق ھايانىڭ كۈچى ئۇنتۇلغاندا مۇھەببەتلىشۋاتقان قىز -يىگىتلەرنىڭ قىلىقلىرى  ھايۋان خۇيىنى ئالغان بولىدۇ .ئۇلاردا نۇمۇس دىگەندىن ئەسەرمۇ قالمايدۇ . بىزنىڭ سۆزىمىزچە توي قىلمىغان قىزلار ھەقىقىي ئەخلاقلىق - نازاكەتلىك بولسا يىگىتلەرنىڭ ئۆزى تۇرماق سايىسغىمۇ تىكلىپ قاراشتىن ئەيمىنىدۇ . بىراق قىسمەن قىزلىرىمىز ھازىر تىكلىپ قاراشتىن ئەيمىنىش تۈگۈل كۆزىدىن كىرىپ يۈرىكىدە ئوت قالايدىغان ،ھەتتا يىگىتلەرنىڭ ئالدىغا ئۆتۈپ ئۇلارنىڭ بۇرنىدىن يېتلەيدىغان بولۇپ كەتتى . ئاڭلىسام ھازىر بەزى قىزلار تاقەت قىلالماي يىگىتلەرگە تەلەپ قويارمىش .

دىيارىم

	شۇنداق بىر ئىش ئىسىمگە كىلىپ قالدى ، بىر قېتىم ئاپام بىلەن ئۇزۇن يوللۇق ئابتۇبۇس بىكىتىنىڭ يولۇچىلار كۈتۈش زالىدا ئولتۇرساق ، بەش ئەزايى ساق بىجىرىم ، ئوتتورا ياش بىر ئايال كىلىپ بىزدىن پۇل تىلىدى ، مەن قاراپ تۇردۇم (چۈنكى مەن بۇنداقلارنىڭ ئالدامچى ئىكەنلىكىنى ھەرقايسى ئۇچۇر تارقىتىدىغان يەرلەردىن بىلىپ كەلگەن ) ، ئەمما ئاپام يانچۇقىدىن ئىككى سوم چىقىرىپ ئۇ ئايالغا بەردى . مەن ئاپامغا سوئال نەزىرىدە تىكىلدىم . ئاپام مېنىڭ مەقسىتىمنى چۈشۈنۈپ مۇنداق دىگەن : مەيلى ئۇ ئايال ئالدامچى بولسۇن ياكى راست شۇنداق بولسۇن بىر نىمىنى ئۇنۇتما ، مەنمۇ بىر ئايال كىشى ، ئايال كىشى دىگەن ئەزەلدىن  ئاجىز كىلىدۇ .  بۇنىڭدىن ئاپامنىڭ بىزنى باقىمەن دەپ قانچىلىك قىيىنچىلىقلارغا دۇچ كەلگىنى يەنە بىر قېتىم ھىس قىلغانتىم . شۇنىڭ ئىتىبارەن ئايال ساھىللار ئۇچرىسا ھەممىسىگە بىرىدىغان بولغانتىم . ياخشى ئەسەر يوللاپسىز ، ھەممىمىز ئويلىنىشقا تىگىشلىك ئىشلاركەن .

kalamiy

	ئەسەر ماۋزۇسى مۇئەييەن مەقسەتتە قويۇلدى .قىسمەنلەرنىڭ - ئىلمىي خىيالمۇ تاققا- تۇققا بولامدۇ؟ دەپ باش قاتۇرۇپ،يۈرمەسلىكىنى ئۈمىد قىلىمەن ..بۇ يەردىكى تاققا تۇققىنى تاغدىن باغدىن ،ھەرخىل ،ھەر نۇقتىدىن  دەپ چۈشۈنۈڭ .

xahsanam

	بەكمۇ ياخشى تىما بوپتۇ ، بۈگۈن مۇنبەرگە كىرىپ خېلى كۈڭلۈمگە ياققۇدەكلا ئەسەرلەرنى ئۇقىيالىغانلىقىمدىن خۇشالمەن .... ئەسەرلېرىڭىزنى داۋاملىق كۆرۈپ تۇرساق دىگەن ئۈمىدتىمەن ، بەخىتلىك بولۇڭ .

kalamiy

	xahsanam يوللىغان ۋاقتى  2012-12-9 09:07 AM بەكمۇ ياخشى تىما بوپتۇ ، بۈگۈن مۇنبەرگە كىرىپ خېلى كۈڭ ... رەھمەت،،بەخىت ھەممىزگە يار بولسۇن

kalamiy

	دىيارىم يوللىغان ۋاقتى  2012-12-9 08:32 AM شۇنداق بىر ئىش ئىسىمگە كىلىپ قالدى ، بىر قېتىم ئاپام بى ... ئەستايىدىل تەكلىپ- پىكىر بەرگىنڭىزدىن سۆيۈندۈم

人格化

	جاپا  تارتتىڭىز

mujahitmen

	ئادەمنىڭ تەبىيتى ھەقىقەتەن شەخسىيەتچىلىك،پەقەت مۇشۇ شەخسىيەتچىلىك نوقتىسىدىن ھالقىپ كەتكەندە ئاندىن باشقىلار ئۈچۈن جان كۆيدۈرەلەيدۇ . لىكىن بۇ ئاسان ئەمەس، ھەممە مىھىر-مۇھەببىتىمىزنى پۈتۈن ھۇجۇدىمىز بىلەن  تاراتقاندا ئاندىن شەخسىيەتچىلىك نوقتىسىدىن ھالقىيالىشىمىز مۇمكىن.كۆڭۈلدىكىدەك مەخسەتكە يىتىش ھەم ئاسان ئەمەس،جاپا تارىتماي مەڭگۈلۈك راھەتكە ئىرىشكەن يوق.

nazila998

	مەن تىمىنى كۆرۈپ ئەبەي تاققا - تۇققۇدىن يەنە بىرسى چىقىپ ، ئىلمى تاققۇ - تۇققۇ پاراڭلانى قىلغان ئوخشايدۇ دىسەم بۇ ئادەمگە بەكمۇ ياققۇدەك تاققا- تۇققۇ خىياللار ئىكەن ،تىما ئىگىسىگە رەخمەت

bexrik

	باشتىن ئاخرى ئۇقۇپ چىقتىم . ئىشقىلىپ كىشىنى ئويغا سالغۇدەك يازمىكەن .