ياخشى يارنى تاپماق تەس

rahmansaykin

	ياخشى يارنى تاپماق تەس مۇھەممەدجان راشىدىن يالغۇز ئاتقا  داۋانلاردا تارتماق تەس، يالغۇزلارغا تۈندە تەنھا ياتماق تەس ، تاپقان بىلەن ياخشى ئاتنى مىنەرگە، بۇ دۇنيادىن ياخشى يارنى تاپماق تەس . پانىيدىكى ئامىتىڭدۇر ياخشى يار ، قارىغاي كەبى قامىتىڭدۇر ياخشى يار ، ئۇچاي دىسەڭ، قانىتىڭدۇر ياخشى يار ، بىراق شۇنداق ياخشى يارنى تاپماق تەس . ئاشىقلىقتا ئاسىي چىقتى ئەرلەرمۇ ، تاشلىق چىقتى ئىشەنىچ قىلغان يەرلەرمۇ ، زايە كەتتى ئۇنداقلارغا ھۆرلەرمۇ ، بۇ دۇنيادا ياخشى يارنى تاپماق تەس . سېنى دىسەم كۈندە باراتتىم سېنى دىسەم كۈندە بارغۇم بار ، بارالمىدىم ، كۈندەشلەر يامان ، تارتقۇلۇقنى ئىككىمىز تارتىپ ، يۈرىدىكەن كۈندەشلەر ئامان . سېنى دىسەم كۈندە بارغۇم بار ، مەھەللەڭدە يات كۆزلەر تولا ، چۈشەنمەيدۇ ئاشىق مەشۇقنى ، كۈندەشلەردە گەپ-سۆزلەر تولا. سېنى دىسەم كۈندە باراتتىم ، ئارىمىزدا دۈشمەن كۆپ، بىراق ، تىنىچ ئەمەس بىزنىڭ مەلىمۇ ، ئىشەنمىسەڭ ، سەنمۇ كىلىپ باق .   تالانىتلىق يازغۇچىمىز  مۇھەممەدجان راشىدىن  بۇ قېتىم يەنە يېڭى كىتاپلارنى ئۇقۇرمەنلەرگە سۇنۇپتۇ .مەن يۇقىرىدا " ئۇمۇ بىر ئانا " دىگەن كىتابىدىن ئىككى پارچە شېئىر يوللىدىم . بەك ياخشى يىزىپتۇ .  كۆپچىلىككە تەۋسىيە قىلىمەن  . ۋاقىت مۇناسىۋىتى بىلەن ئازراق يوللىدىم .

abdul915

	مەنمۇ مۇقاۋىسىنى كۆرۈپ ئۈلگۈردۈم يېڭى كىتابلارنىڭ، ئوقۇپ چىقىمەن....

mahatjan

	ياخشى يارنى تاپماق تەس،شۇڭا ياخشى يارنى تاپقاندا ئۇنى ئۇنى ھۆرمەتلەش،قەدىرلەش كىرەك.

baykiz

	مۇھەممەتجان راشىدىن تاغىمىزنىڭ قەلىمىگە، ئۆمرىگە بەرىكەت تىلەيمەن! شېئىرلىرى بەك ئېسىل !

baykiz

	سەن تاشلامسەن دوزاخقا   ئوچىقىڭغا ئوت قالىغان بولغىيتىڭ، ئوتۇن تاپساڭ ئويلىماستىن ئاياشنى.   ئۇغۇ مەيلى . ئۆگەنگەنسەن كىمدىنمۇ،   ئوچاق ئەمەس ،يۈرەككە ئوت قالاشنى؟!   كۆيدۈرگەننى كۈل قىلامسەن بىلمەيمەن.   مېنىڭ كۈلۈم لازىم بۇلۇپ قالغاندەك،   قىياسىمدا بىر ئورمانغا ئوت كەتتى.   ئۆزۈمگە راس،ئۆزگىلەرگە يالغاندەك، قاراپ قويساڭ كۆيىۋەردىم كۆيگەنچە،   ئۆزۈڭ بولدۇڭ ئوت ئۈستىگە ياغ چاچقان.   جامالىڭدىن كەلدى جانغا زامىنلىق، كىرپىكىڭمۇ بىللە ماڭا ئوت چاچقان.   ئۆزۈڭ ياققان ئوتنى ئۆزۈڭ بىلمەيسەن.   بۇ ئوت يەنە كۈيەر قانچە ئۇزاققا،   مەن خۇدانىڭ دەرگاھىغا بارغىچە .   يار ئېيىتقىنا ، سەن تاشلامسەن دوزاخقا؟! مۇھەممەتجان راشىدىن شىئىرلىرىدىن

rustorahbar

	مۇھەممەدجان راشىدىن  ئۇستاز ھەقىقەتەن ياخشى يازىدۇ ھەر قانداق ئادەم چۆشنەلەيدۇ ئۇ ئۇستازنھڭ يىقىندا 4 كىتبى نەشىر قىلندى ھەممىسى ياخشى كىتابلار ھەر ئادەمنىڭ كۆرۈپ بىقىشغا يارايدۇ

qiqak1219

	شېئىرلارنى ھەقىقەتەن بەك ياخشى يازىدۇ ، ئاللاھ بۇ شائىرىمىزنىڭ ئۆمرىنى ئۇزۇن قىلسۇن .

YURT OGLANE

	ئۇ كىتاپنىڭ رەسسىمىنىمۇ بىللە يوللىۋەتكەن بولسىڭز  بەك ياخشى بوللاتتى

zulayha

	تولىمۇ ئېسىل قۇرلار بىلەن تەمىنلىگىنىڭىزدىن خۇرسەنمەن . ھاياتىغا،قەلىمىگە بەرىكەت تىلەيمەن.

kurt01

	ئۇستازىم(ئوتتۇرا مەكتەپتىكى ئەدەبىتات ئوقۇتقۇچۇم) مۇھەممەتجان راشىدىنغا ئۇلۇغ ئاللاھتىن ئۇزۇن ئۆمۇر، تېنىغا سالامەتلىك، قەلبىگە ئىلھام،قەلىمىگە بەرىكەت تىلەيمەن.