ھۆكۈمران: مۇنداقمۇ ئالى مەكتەپ ئوقۇغۇچىلىرى بار

hokumran

	7-دېكابىر كەچ تېلۋىزور كۆرۈۋېتىپ ‹‹شىنجاڭ خەۋەرلىرى››دە بېرىلگەن شىنجاڭ ئونۋىرسىتىتى پەن-تېخنىكا ئىنىستوتىنىڭ 238 نەپەر ئوقۇغۇچىسىنىڭ مەكتەپ ئەخلەتخانىسىدىن ئەخلەت تىرىپ ئەتراپتىكى قىيىنچىلىقى ئېغىر كىشىلەرگە ياردەم قىلىۋاتقانلىق خەۋىرى مېنى تولىمۇ ھاياجانغا سالدى. خەۋەردە كۆرسىتىلىشىچە پەن-تېخنىكا ئىنىستوتىدىكى ھەر مىللەت ئوقۇغۇچىلىرى ئۆزلۈكىدىن تەشكىللىنىپ مەكتەپ ئەخلەت مەيدانىدىن ئىچىملىك بوتولكىسى، تاشلاندۇق قەغەز، سۇلياۋ خالتا قاتارلىقلارنى تىرىپ، شۇلارنى ئەسكى تۈسكى يىغىۋېلىش ئورنىغا سېتىپ قىلغان كىرىمىنى قىيىنچىلىقى ئېغىر كىشىلەرگە ياردەم قىلىۋاتقانلىقى ۋە بۇ ئادەتنى خېلى يىللاردىن بېرى داۋام قىلىپ كېلىۋاتقانلىقى ئېيتىلغان. مۇخبىرنىڭ شەخسىلەر زىيارىتىدىن مەلۇم بولۇشىچە ئوقۇغۇچىلار بۇ ئىشنى دەسلەپ قىلغاندا بەزىلەرنىڭ يامان غەرەزدە شۇلارنىڭ ئەخلەت كوچىلاپ يۈرگەن تۇرقىنى سۈرەتكە تارتىۋالغانلىقى ئۇلاردا باشقىلاردىن خىجىل بولۇش، ئۆزى قىلىۋاتقان ئىشتىن ‹‹نومۇس››قىلىشتەك بىر خىل ھېسسىيات توقۇنۇشى پەيدا بولغان، ئەمما شۇنىڭدىن قىلغان كىرىمدىن مەنپەئەتلەنگەن قىيىنچىلىقى بار كىشىلەرنىڭ رەخمىتىگە ئېرىشكەندىن كېيىن ئۆزلىرىنىڭ قىلىۋاتقان ئىشىنىڭ ئەھمىيەتلىك بىر ئىش ئىكەنلىكىدىن سۆيۈنۈپ، بۇ ئىشنى قەتئى داۋاملاشتۇرۇش قارارىغا كەلگەن. يېقىندىن بۇيان تور دۇنياسىدا ئالى مەكتەپ ئوقۇغۇچىلىرىدىكى ناچار خاھىشلار كۆپلەپ تەشۋىق قىلىنماقتا، بۇ خىل تەشۋىقاتنىڭ كۆپ بولۇشى باشقىلاردا ئالى مەكتەپ ئوقۇغۇچىلىرىغا نىسبەتەن خاتا كۆز قاراشنىڭ شەكىللىنىشى تەبىئى ئەھۋال. شۇڭلاشقا تەشۋىقاتنىڭ سەلبىي تەسىرىنى ئازايتىش ئۈچۈن مەكتەپلەردىكى ياخشى ئىش-پائالىيەتلەرنى كۆپرەك تەشۋىق قىلىشىمىز كېرەك. شىنجاڭ ئونۋېرسىتىتى پەن-تېخنىكا ئىنىستوتىدىكى ئوقۇغۇچىلار ئۆزلىرىنىڭ جاپا-مۇشەققەتتىن، مەينەتچىلىكتىن قورقماي باشقىلارغا ياردەم بېرىشتىن ئىبارەت ئالىجاناب خىسلىتىنى نامايەن قىلىپ رايۇنىمىزدىكى ھەرقايسى ئالى مەكتەپ ئوقۇغۇچىلارغا ئۈلگە تىكلەپ بەردى. ئالى مەكتەپلەردىكى بارلىق ئوقۇغۇچىلار ئۇلارنىڭ بۇ ھەركىتىدىن ئۆگىنىپ دۇنيانىڭ ئىللىقلىقىنى ھەممە قەلىبلەرگە يەتكۈزۈش ئۈچۈن قول تۇتۇشۇپ بىرلىكتە ئىلگىرلەيلى!.

hokumran

	مېنىڭچە شۇ ئوقۇغۇچىلارنىڭ ئەخلەت تېرىۋاتقانلىقىنى سۈرەتكە تارتىپ، مەسخىرىلىك كۈلگەنلەر كۈنلەرنىڭ بىرىدە شۇ سۈرەتلەرنى باشقا تور بەتلەرگە چاپلاپ ‹‹شىنجاڭ ئونۋېرسىتىدىكى قەلەندەرلەر›› دەپ سازايى قىلىشى مۇمكىن. يۇقارقىدەك ئەھۋالنى بايقىساق ئۆز ۋاقتىدا ئۆز ۋاقتىدا دەككىسىنى بېرىپ قويىشىمىز لازىم.

aptap104

	توغرا پىكىر .....

ئۆل

	ئېسل ئوقۇغۇچلاركەنغۇ بۇ ....بۇلارىنى زاڭلىق قىلشتىن نۇمۇس قىلماسمۇ بۇلار ھە ..جەمئيەتغۇ ھەر خىل ئادەملەر بار ..

othor

	نۇرغۇن  ئىشلارنى  قىلغۇمىز  بار  ،  لېكىن  ئەتراپىمىزدىكىلەرنىڭ  ئىدىيىسى  بۇ  ئىشلارنى قوبۇل  قىلالمايدۇ.....

musilina

	ئالىي مەكتەپ ئوقۇغۇچىلىرىنىڭ ئوبرازىغا داغ تەككۈزىۋاتقانلار پەقەت بىر قىسىم  ئۇچۇشنى بىلىپ ،چۈشۈشنى بىلمەيۋاتقان خۇنۇكلەردىن ئىبارەت... مۇشۇنداق ئېسىل خىسلەتلىك ئالىي مەكتەپ ئوقۇغۇچىلىرىنىڭ  ئارىمىزدىن كۆپلەپ چىقىشىنى ئۈمىد قىلىمەن..

muttelib

	hokumran يوللىغان ۋاقتى  2012-12-7 11:22 PM مېنىڭچە شۇ ئوقۇغۇچىلارنىڭ ئەخلەت تېرىۋاتقانلىقىنى سۈ ... ئۇلارنى مازاق قىلىشقا ھەرگىز بولمايدۇ، چۈنكى ئۇلار قىلغان ئىشلارنى باشقىلار بۇرۇن ئويلىغان بىراق باشقىلارنىڭ سۆز-چۆچىكىدىن قورقوپ قىلىشقا پىتىنالمىغان ئىشلار بولىشى مۆمكىن.   ئۇ لار شۇ ئىشلارنى قىلىش ئارقىلىق مىھىر مۇھەببەت تارقىتىۋاتىدۇ،ئۇلارنى مازاق قىلغانلارنى ئىنسانىي ھىسياتىنى يوقاتقانلار دىسەك بەلكىم ئارتۇق كەتمەس.

narkos

	ئىزا تارتقۇدەك ئىشمۇ ئەمەس، بىزمۇ قىلغان بۇ ئىشنى مەكتەپنىڭ ئەخلەت تۆكۈش ئورنىغا ھەپتىدە بىر قېتىم چىقىپ بوتۇلكا، قەغەز، يېشىك قاتارلىقلارنى تېرىپ خالتىغا قاچىلاپ ئاپىرىپ ساتاتتۇق، بىر ھەپتىدە ئاز دېگەندە 20-30 يۈەنلىك ئەخلەت چىقاتتى، بۇ پۇلنى سىنىپقا كېرەكلىك نەرسىلەرنى ئالاتتۇق. شۇ ۋاقىتتا مەكتەپ رەھبەرلىكىمۇ ماختاپ كەتكەن بىزنى باشتا بىزمۇ باشقىلارنىڭ مەسخىرە قىلىشىغا ئۇچرىغان، ئەمما كېيىن باشقا سىنىپلار بىزنىڭ پۇل تېپىپ كەتكىنىمىزنى كۆرۈپ چىدىماي قالدىمۇ， ياكى بىز بەك تەسىر قىپ كەتتىقمۇ ئۇلارمۇ بىزدىن ئۆگىنىپ دېگەندەك، ئىشقىلىپ نېمىلا بولمىسۇن ھالال پۇل تېپىش يامان ئىش ئەمەس. شۇ ئوقۇغۇچىلارغا ئاپىرىن !

zumrettash

	بۇنداق ئېسىل پەزىلەتلىك ئالىي مەكتەپ ئوقۇغۇچىلىرى يەنىلا خېلى بار،ئۇلاردىن پەخىرلىنىمىز....ئۇلارنىڭ كەلگۈسى چوقۇم پارلاق بولغۇسى.ئاللا ئۇلارغا مەدەت قىلغاي.

esyankar75

	يازدا ئادەتتە قۇتىلىق مىنىرال سۇنى بەك ئىچىمىز ، بىر كۈنى بىزنىڭ ياتاقتىكى بىرەيلەن :‹‹مۇشۇ سۇ ئىچكەن پوتۇلكىلارنى تاشلىۋەتمەي يىغىپ سىتىپ ياتاققا كىرەكلىك نەرسىلەرنى ئالايلى !›› دىدى ، بىز ئۇنىڭ پىكىرىنى توغرا كۆرۈپ يىغدۇق، بىر ئاي ئىچىدە خىلى يىغىلىپ كەتتى ، بىر كۈنى بىزنىڭ ئىنىستوتنىڭ باشلىقى(ئۇيغۇر) ياتاققا تەكشۈرۈپ كىرىپ ،ئاشۇ بوتۇلكىلارنى كۆرۈپ بىر خىل مەنسىتمەسلىك نەزىرى بىلەن قاراپ قويۇپ:‹‹قىيىنچىلىق بولسا مەكتەپكە دەڭلار ، ياتاقنى قالايمىقانلاشتۇرۇپ مۇندا ئىشنى قىلىپ يۈرمەڭلار !›› بىز ئۇنىڭدىن كىيىن بىر ئاي يىغقان بۇتۇلكىلارنى ئىچىقىپ تاشلىۋەتتۇق ....