مىسرانىم تورى مۇكاپاتلىق ئەسەرلەر پائالىي

Misranim

	ئەسسالامۇ ئەلەيكۇم مىسرانىم تور ئىشتىراكچىلىرى .تور بېكىتىمىز قۇرۇلغان 3 يىلغا يېقىن ۋاقىت ئىچىدە ،مىسرانىمنى قوللاپ ،مىسرانىم ئۈچۈن ھاردىم تالدىم دېمەي مەزمۇن قوشۇپ كېلىۋاتقان جاپاكەش مۇنبەر ئەزالىرى ،تور يازغۇچى دوستلىرىمىزنى قوللاش ،ئۇلارغا مىسرانىم نامىدىن ئەسلىمە قالدۇرۇش ئۈچۈن مۇكاپاتلىق ئەسەر پائالىيتى ،ماددىي بويۇم مۇكاپاتى تەسىس قىلدۇق، تورداش دوستلارنىڭ ئاكتىپ قاتنىشىشنى ئۈمۈد قىلىمىز،شۇنداقلا مۇنبەردىكى نوپوسلۇق ئەدەبىياتچى،يازغۇچى تورداشلارنىڭ بىز بىلەن پائال ماسلىشىپ،ئەسەر باھالاش ئىشلىرىغا ئاكتىپ ئاۋاز قوشۇشنى ئۈمۈد قىلىمىز.       ئەسەر تاللاش شەرتلىرى: بىر ئادەم پەقەت ۋە پەقەت بىرلا ئەسەر قاتناشتۇرۇشقا بولىدۇ،ئارتۇقى مۇكاپاتلىق ئەسەرلەر پائالىيتىگە يوللانماسلىقى كېرەك 1-مۇكاپاتلىق ئەسەرلەر چوقۇم ،مىسرانىم مۇنبىرى،مىسرانىم مۇكاپاتلىق ئەسەرلىرى سەھىپىسى(يېڭىدىن ئېچىلغان)غا ،يوللىنىشى كېرەك. 2-قاتناشتۇرماقچى بولغان ئەسەر ئەدەبىيات تۈرىنىڭ ھەرقانداق تۈرى بولسا بولىدۇ،رەسىم لاھىلەش،ياكى كومپىيۇتىردا مەلۇم يۇمشاق دېتاللارنى ئىجاد قىلسىمۇ بولىدۇ 3- قاتناشتۇرماقچى بولغان ئەسەرنىڭ ئىملاسى توغرا ،مەزمۇن ياخشى تاللانغان بولىشى كېرەك، 4- ئىجادىي تىما بولىشى كېرەك،باشقا يەردىن كۆچۈرگەنلىكى بايقىلىپ قالسا مۇۋاپىق چارە كۆرۈلىدۇ. 5- ئىجادىي تىمىدىن سىرىت ،تەرجىمە ماقالە، ئىلمىي ماقالە ئەسەرلەرمۇ قوبۇل قىلىنىدۇ.، 6- ئەسەر چوقۇم مۇكاپاتلىق ئەسەرلەر پائالىيتى ئاياغلىشىشتىن بۇرۇن يوللىنىشى كېرەك. 7-  ئەسەر يىغىش ۋاقتى 8-ئاينىڭ 15- كۈنىدىن 11- ئاينىڭ 16- كۈنىگىچە. 8-نەتىجە 12- ئاينىڭ 3- كۈنى چىقىدۇ،12-ئاينىڭ 15- كۈنىدىن بۇرۇن،بارلىق مۇكاپاتقا ئېرىشكۈچىلەرنىڭ مۇكاپاتى تارقىتىلىپ بولىدۇ.ھېچقانداق كىرا،ياكى باشقا ھەقلەر ئېلىنمايدۇ. 9-ئەسەر يازغۇچى چوقۇم ئەسىرىنىڭ ئاستىغا <مىسرانىم مۇكاپاتلىق ئەسەرلەر پائالىيتىگە> سۆزىنى قوشۇپ قويۇشى كېرەك. 10-ئەسەر چوقۇم يېڭى،باشقا ھەرقانداق جايغا يوللانمىغان بولىشى كېرەك.(بۇرۇن يازغان ئەسەرلەر قوبۇل قىلىنمايدۇ) 11- داۋامى بار،مەزمۇنى پۈچەك بولغان ھەرقانداق تىمىنىڭ بۇ ئورۇنغا يوللىنىشىغا يول قويۇلمايدۇ     تورداش دوستلارنىڭ قوللىشىنى ئۈمۈد قىلىمىز،شۇنداقلا ھەجىمى چوڭ ئەسەرلەرىڭ بارلىققا كېلىشى ئۈچۈن مەزكۇر پائالىيەتكە 3 ئاي ۋاقىت بېرىلدى.   1-دەرىجىلىك مۇكاپات 1 نەپەر مۇكاپات بويۇمى:   مۇكاپات بويۇمى رەسىمى         2-دەرىجىلىك مۇكاپات 2 نەپەر مۇكاپات بويومى     مۇكاپات بويۇم رەسىمى         3-دەرىجىلىك مۇكاپات 3 نەپەر مۇكاپات بويۇمى     مۇكاپات بويۇم رەسىمى     رىغبەتلەندۈرۈش مۇكاپاتى 5 نەپەر مۇكاپات بويومى ھەر بىر ئەزاغا 20 يۈەندىن يانفونغا قىممەت تولۇقلاپ بېرىش   مۇكاپات سوممىسى گەرچە كۆڭۈلدىكىدەك بولمىسىمۇ تورداش دوستلارنىڭ ئاكتىپ قاتنىشىشىنى ئۈمۈد قىلىمىز   مىسرانىم تور بېكىتى مىسرانىم مۇنبەر باشقۇرۇش گۇرۇپپىسى 2010- يىلى 8- ئاينىڭ 15- كۈنى ئالاھىدە ئۇقتۇرۇلدى

sultan

	سىن قويغۇچنى ھەجەپ ئالغۇم كەلگەن. ئەمما...  [s:46]

Tughrul

	ئۇيغۇر تور دۇنياسىدىكى قەلەم ئىگىلىرى ئۈچۈن ئېسىل بىر پائالىيەت بوپتۇ بۇ ! مۇنبەردىكى قېرىنداشلارنىڭ بۇ پائالىيەتكە ئېسىل يازمىلىرىنى يوللاپ مۇنبەر كەيپىياتىنى تېخىمۇ يۇقىرى كۈتۈرۈشىنى ئۈمىد قىلىمەن .

Jidelhor

	ئىنتايىن ئەھمىيەتلىك پائالىيەت.ئۇيغۇر تور ئەدەبىياتى ۋە تور ئەدەبىياتى قەلەمكەشلىرى ئۈچۈن،تالانتىنى نامايەن قىلىدىغان مەيدان،مىسرانىم مۇنبىرىدە مەيدانغا كەپتۇ. تور ئەدەبىياتى-ئۇيغۇر تور مەدەنىيتىنىڭ ئاساسلىق تەركىۋى قىسمىغا ئايلانغاندىن كىيىن،مەتبۇئاتلارنى قاپلىغان پۈچەك يازمىلارنىڭ دەستىدىن،گىزىت-ژورنال ئوقۇشتىنمۇ بىزار بولغان كەڭ ئوقۇرمەنلەر،تور ئەدەبىياتى ئارقىلىق بىر قىسىم نادىر ئەسەلەر بىلەن يۈز كۆرۈشۈپ مەنىۋىيتىنى بىيتتى.كۆزگە كۆرۈنگەن بىر قىسىم يازغۇچىلىرىمىز مەتبۇئات ئورۇنلىرىدىكى بىر قىسىم ھاكاۋۇر،چىرىك،مەسۇلىيەتسىز تەھرىرلەرنىڭ كۆزىگە قاراپ،ئۇلارنىڭ چاپىنى كۆتۈرۈپ تەخسىكەشلىق قىلىنشى ۋىجدانى كۆتۈرمىگەنلىكتىن،توردا ئۆز ئەسەلىرىنى ئىلان قىلىپ،ئوقۇرمەنلەرنىڭ ياخشى باھاسىغا ئىرىشىپ كەلدى.بۇ ھەقتە كۆپ سۆزلىمەي. ئەمدى نەق گەپكە كەلسەك،بۇ قىتىمقى مىسرانىم مۇكاپاتلىق ئەسەر پائالىتيىنىڭ مەزمۇن دائىرىسنى كىڭەيتسەك ۋە مۇكاپات سوممىسىنى بىكىتسەك. 1-رومان.مىسرانىم تور ئەدەبىياتى مۇكاپاتلىق ئەسەر پائالىيتىگە قاتناشتۇرۇلغان رومان ئىچىدىن،نادىر روماندىن بىرنى باھالاپ چىقساق.مۇكاپات سوممىسى 5000سوم بولسا.مۇكاپاتقا ئىرىشكەن روماننىڭ نەشىر ھوقوقى مىسرانىم تورىغا مەنسۇپ بولسا. 2-پوۋېست.مىسرانىم تور ئەدەبىياتى،مۇكاپاتلىق ئەسەر پائالىيتىگە قاتناشتۇرۇلغان پوۋېست ئىچىدىن، نادىر پوۋېستدىن بىرنى باھالاپ چىقساق.مۇكاپات سوممىسى 2000سوم بولسا.مۇكاپاتقا ئىرىشكەن پوۋېستنىڭ نەشىر ھوقوقى مىسرانىم تورىغا مەنسۇپ بولسا. 3-داستان.مىسرانىم تور ئەدەبىياتى،مۇكاپاتلىق ئەسەر پائالىيتىگە قاتناشتۇرۇلغان داستان ئىچىدىن،نادىر داستاندىن بىرنى باھالاپ چىقساق.مۇكاپات سوممىسى 1000سوم بولسا.مۇكاپاتقا ئىرىشكەن داشتاننىڭ نەشىر ھوقوقى مىسرانىم تورىغا مەنسۇپ بولسا. 4-ھىكايە.مىسرانىم تور ئەدەبىياتى،مۇكاپاتلىق ئەسەر پائالىيتىگە قاتناشتۇرۇلغان ھىكايە ئىچىدىن،نادىر ھىكايىدىن بىرنى باھالاپ چىقساق.مۇكاپات سوممىسى 500سوم بولسا.مۇكاپاتقا ئىرىشكەن ھىكايىنىڭ نەشىر ھوقوقى مىسرانىم تورىغا مەنسۇپ بولسا. 5-شىېر.مىسرانىم تور ئەدەبىياتى،مۇكاپاتلىق ئەسەر پائالىيتىگە قاتناشتۇرۇلغان شىېر ئىچىدىن،نادىر شىېردىن بىرنى باھالاپ چىقساق.مۇكاپات سوممىسى 300سوم بولسا.مۇكاپاتقا ئىرىشكەن شىېرنىڭ نەشىر ھوقوقى مىسرانىم تورىغا مەنسۇپ بولسا. ناۋادا بۇ قىتىمقى مۇكاپاتلىق ئەسەر پائالىيتى،مەن ئوتتۇرغا قويغان پىكىرنى قوبۇل قىلسا.كەمىنە جىدەلخور بۇ قىتىمقى مۇكاپاتلىق ئەسەر پائالىيتىنى،قوللاش يۈزىسىدىن ئۆز يىنىمدىن 1000 سوم چىقىرىمەن.ۋە باشقا تورداشلارنى بۇ قىتىمقى مۇكاپاتلىق ئەسەر پائالىيتىنى، ماددىي جەھەتتىن قوللاشقا سەپەرۋەر قىلىمەن. قالغان تورداشلارنىڭ ۋە مىسرانىم تور ئىشخانىدىكىلەرنىڭ،قانداق پىكىرى باركىن؟ ئاڭلاپ باقسام.

kokyal

	بۇ جەھەتتىن تالانتى بارلارغا ياخشى بىر سورۇن ھازىرلىنىپتۇ .

aziz

	ۋىييەي نىمە دىگەن ياخشى پۇرسەت بۇ!!

tagnur

	شئېىر يولىسا بولمايدىكەن بولمىسا مىنىڭمۇ بەكمۇ قاتناشقۇم بار ئىدى ،ئەمدى باشقا تالانتلىق ئەزالارنىڭ بۇ قېتىمقى پالىيەتتىن بىزگە يېڭىچە تېمىلارنى يوللاپ بىزنى ئىلھاملار بىلەن ئىلھاملاندۇرشىنى چىن دىلىمدىن ئۈمۈت قىلىمەن ،ھەمدە بارلىق ئەزالار ئۈچۈن مۇشۇنداق ئىقتىدارىنى جارى قىلدۇرۇش سورۇنى ھازىرلاپ بەرگەن مىسرانىم ئەپەندىگە كۆپ تەشەككۈرلەر ئېيتىمەن ، قېنى دوسلار مۇكاپات شۇنداقلا ئىسىل تېمىلارنىڭ مەيدانغا كىلىشى ئۈچۈن ئالغا ............. مىسرانىم مۇنبىرى ،سىزنىڭ ،بىزنىڭ شۇنداقلا ھەممىزنىڭ ئىللىق ماكانى .

0999nazuk

	يىڭى ئىسىل نادىر تىمىلارنى كۆرۈشكە يەنە نىسىپ قىلىدىكەندە........قىنى تور يازغۇچىلىرىمىز تالانتىڭلارنى بىر جارى قىلدۇرۇپ بىقىڭلار........... [s:50]  [s:50]  [s:50]

jmgor

	مۇكاپات مۇھىم ئەمەس مۇھىمى بىز بۇ مۇنبەرگە شۇ باشقىلارغا  يارغىدەك ئەسەر يازالامدۇق يوق مۇھىمى شۇ ، ئىشقىلىپ ھەممىز بۇ ىشقا بىردەك ئاتلىنىپ ، ياخشى نەتىنجىنى قولغا كەلتۈرەيلى . ھەدىسلا پۇچەك ئىنكاسنى تولا يازماي ، بولسا ئانچە مۇنچە مۇنازىرە ۇرۇنلاشتۇرساق بولاتتى ،

kaisar

	ئەسەرنى نەگە  ئەۋەتىمىز   تور ئارقىلىقمۇ ياكى    پوچتا ئارقىلىقمۇ   ياكى  توردىلا بىۋاستە  يوللامدۇ؟ئ