ھالالغا ھېساپ بار ـ ھارامغا جازا

بدر

	چۆل باياۋاننىڭ سوغۇق، جىمجىتلىق ھۆكۈم سۈرىۋاتقان بىر كېچىسى ئىنسانىيەتنىڭ ئەڭ ئۇلۇغ رەھبىرى مۇھەممەد سەللەللاھۇ ئەلەيھى ۋەسەللەم بىر قانچە ھەمراھى بىلەن بىر ئەنسارىنىڭ بېغىغا قەدەم تەشرىپ قىلدى. پەيغەمبەر ئەلەيھىسسالامنىڭ تەلپىگە بىنائەن باغۋەن تېخى يېڭىلا ئۈزگەن خورمىلىرنى داستىخانغا كەلتۈردى. پەيغەمبەر ئەلەيھىسسالامنىڭ بۇ تەلىپى گويا، سەۋىرچانلىقنىڭ جاپالىق يوللىرىدا كېتۋېتىپ، يوللۇق لەززەت ۋە جائىز نېمەتلەرنى تەلەپ قىلىشنىڭ جىنايەت ئەمەسلىكىنى جاكارلىماقتا ئىدى. خورمىلار ناھايتىمۇ شېرىن بولۇپ، ئۈستىگە سوغۇق سۇ ئىچكەندە. تەن بىلەن روھلار تەڭلا لەززەتلىنىشكە باشلىدى. دەل ئەنە شۇنداق لەززەتلىك مىنۇتلاردا ئالەملەرنىڭ بۈيۈك ئۆلگىسى سەللەللاھۇ ئەلەيھى ۋەسەللەمنىڭ مۇبارەك چېھىرىدە تۇيۇقسىز قانداقتۇر بىر ئەنسىزلىك ئالامەتلىرى جىلۋىلىنىشكە باشلىدى. بۇ ئالامەتلەرگە يەنە قانداقتۇر قۇرقۇنچ ۋە تەشۋىشلىنىش يۇشۇرۇنغانلىقىنى بىر نىمە دىگىلى بولمايتتى. ناۋادا لەززەتنىڭ تەسىرى ھوزۇرلىنىش بىلەنلا تاماملىنىپ كەتكەن بولسا، پەيغەمبەرلەرنىڭ كاتتىسى بولغان مۇھەممەد ئەلەيھىسسالام بىلەن ئادەتتىكى بىر ئىنساننىڭ نېمە پەرقى بولسۇن دەيسىز..؟! ئەمما بۇ يەردىكى تەسىرات. روھلارنىڭ چۇڭقۇر قاتلاملىرىنى لەرزىگە سېلىپ تۇرمۇش،ئاچلىق ۋە ئۇنىڭ ھوزۇر ـ ھالاۋەت، تەلەپ ـ تەقەززالىرىدىن يىراق ئاجايىپ بىر يۈكسەكلىككە قاراپ ئىنتىلمەكتە ئىدى.‹‹بۇ ھالقىش ئالدىدا تۇرغىنى زادى قانداق قەدەم؟ ئۇنىڭ ئۆزگەرمەس سەپەر يۈنىلشى زادى قاياققا يۈزلەنگەن؟!›› ساھابىلەرنىڭ نەزەرلىرى ئەنە شۇنداق خىياللار بىلەن سۆيۈملۈك يېتەكلىگۈچىسى رەسۇلۇللاھقا تېكىلگەن ئىدى. ـ قىيامەت كۈنى كەلگەندە.... ـ پەيغەمبەر ئەلەيھىسسالامنىڭ تاغ تاشلارنىمۇ ئېرتىۋەتكۈدەك ۋەزىنلىك ئاۋازى ياڭرۋاتاتتى. ـ قىيامەت كۈنى كەلگەندە. مۇشۇ خورما ئۈچۈن جاۋاپ بېرىش يەر تەۋرىگەنگە ئوخشاش قاتتىق تۇيۇلىدۇ. سۇبھاناللاھ ! بۇ بىرەر  شائىرنىڭ، پەيلاسۇپ ياكى ئاستىرونۇمنىڭ سۆزى ئەمەس، بەلكى پۈتۈن كائىناتنىڭ ئەڭ بۈيۈك ھەقىقىتى بولغان مۇقەددەس ۋەھىي غۇنچىلىرى بىلەن بېزەلگەن، دانىش ئۇستازىنىڭ سۆزى ئىدى. بۇ سۆزنىڭ ئۆتكۈر تەسىرىدە ۋۇجۇدى لەرزىگە كىلىپ، ھەممە ئەزاسىنى بىردىنلا سوغۇق تېترەك باسقان ‹ئۆمەر رەزىيەللاھۇ ئەنھۇ›نىڭ قولىدىكى ئەمدىلا تېخى يېرىمى چىشلەنگەن خورما قورقۇنچتا ئىختىيارسىز يەرگە چۈشۈپ كەتتى. ئەسلىدە بۇ سۆزنىڭ ئۆتكۈر تەسىرى تېخى ئەمدىلا تەم، لەززەتتىن ھوزۇرلىنىشقا باشلىغان ساھابىلارغا ئاخىرەتتىكى خەتەرلىك ئاقىۋەتلەرنى ئەينەن كۆرسىتىپ بەرمەكتە ئىدى. ـ مۇشۇ خورما ئۈچۈنمۇ، ئى ئاللاھنىڭ پەيغەمبىرى؟! ـ ھەئە مۇشۇ خورما ئۈچۈن، ـ پەيغەمبەر ئەلەيھىسسالامنىڭ ئاۋازىدا ھەققانىيەتنىڭ ئۆچمەس ساداسى قەتئىيلىك بىلەن ياڭرىماقتا ئىدى. ـ شۇنداق ،پەقەت ئۈچلا نەرسە ئۈچۈن ھېساپ بېرىشتىن ساقلىنىپ قالىمىز. ئەۋرەتلەرىمىزنى ياپالىغۇدەك بىر قۇر كىيىم، ئاچلىقتىن قوتۇلدۇرۇپ ھاياتىمىزنى كاپالەتكە ئىگە قىلغۇدەك ئۇزۇقلۇق، باش تىقالىغۇدەك كىچىككىنە ئۆي. قارىماققا تولىمۇ ئاددى تۇيىلدىغان بۇ ۋەقە راستىنلا شۇنچە ئاددىمىيدۇ؟! تۈگمەس ـ پۈتمەس تۇرمۇش ئېھتىياجلىرى بىلەن شېرىن ئارزۇ ئارمانلار ئوتتۇرسىدىكى بۇ مىسلىسىز تەقۋالىق، نېمەتنى قەدىرلەشنىڭ بۇ نادىر تۇيغۇسى، ئاللاھنى ھەردائىم كۆز ئالدىدا كۈرۈپ تۇرۇشتەك بۇ گۈزەل مەنزىرە! مانا بۇلار ھەقىقى ئىتائەتمەنلىك، ھەقىقى ئىبادەت، ئاللاھقا بولغان چىن سۆيگۈ بولماي نېمە...؟؟! مۇسۇلمانلاردا بۇ خىل تۇيغۇ ھەقىقى روھى بىلەن مەۋجۇد بولغان چاغلاردا ئۇلار قاياققا بۇرۇلسا ،گويا شۇ يەردىكى تاغۇـ تاشلار زۇمرەتكە ئايلانغان ئىدى. مانا ئەمدى بۇ خىل تۇيغۇ يوقىلۋىدى، باشقىلاردىنمۇ بەكەرەك دەل مۇسۇلمانلارنىڭ ئۆزلىرى ئاللاھنىڭ نېمەتلىرىنى خۇددى ئاڭسىز جانىۋارلاردەك پەرۋاسىز يەنجىپ، چەيلەشكە باشلىماقتا، ھەممىگە ئېرىشكەندىن كىيىنمۇ پۇتىغا شوخا كىرگەنچىلىك يوقىتىشقا ئۇچىرسا، نۇمۇسلۇق ناشۈكۈرلىكىدىن خىجىل بولۇش ئۇياقتا، ھەتتا ئەرز ـ شىكايەتلىرىگە تولغان دەپتەرلىرىنى، ئاتا قىلىشتا دېڭىز  - ئوكياندىن ، بەخىش ئېتىشتە قۇياش نۇرىدىنمۇ كەرەملىك ئاللاھ تائالانىڭ ئالدىغا تاشلىماقتا، مۇشۇ مىنۇتلاردا ئاشۇ ناشۈكۈر ئىنسانلار ئۆز جىسمىدا ۋە ئەتراپىدا كەڭ يېيلىپ ياتقان، ھەربىر نېمەتنىڭ قانچىلىغان ئالتۇن تاغلىرىدىنمۇ ۋەزىنلىك ئىكەنلىكىنى بىلىپ يەتسىكەن، ئويلاپ باقسىكەن كاشكى؟؟!!.                                               ************************************* ھەزرىتى ئۆمەرنىڭ خەلىپلىك دەۋىردە بىر قېتىم قەھەتچىلىك يۈز بەرگەن بولۇپ. پۈتۈن دۆلەتتىن ئاختۇرۇپمۇ ئۆمەر رەزىيەللاھۇ ئەنھۇدەك ئاچلىق ئازابىغا دۇچار بولغان ئىككىنچى بىر شەخىسنى تاپقىلى بولمايتتى. ئۇ ئۈزىنىڭ كۈندىلىك يىمەكلىكلىرىنىڭ مېقدارىنى كېمەيتىۋېرىپ ئاخىرى كۈن ـ كۈنلەپ ئاچ يۈرىدىغان بولۇپ قالدى. گۆش ـ ماي ھەسەللەردەك نازۇ ـ نېمەتلەرنىغۇ ئاللىبۇرۇن تەرك قىلغان ئىدى. ئۇ جىسمانى ئاچلىق ۋە زېھنى پەرىشانلىقتىن ئىچىدە ھاجەتمەن ـ يوقسۇللارغا ئاشلىق تارقىتىش ئۈچۈن تاغارنى دۈمبىسىگە يۈدىگەن ھالدا يېراق ـ يېقىنغا قاتراپلا يۈرەتتى. بۇنى كۆرگەن كىشلەر چۇڭقۇر ئېچىنىش ئېچىدە ئۇنىڭ غېمىنى يەپ، ‹. قارىمامسىلەر، ئۇنىڭ قىپقىزىل ئاناردەك مەڭزىنىڭ ئولتۇرۇشۇپ قارداپ كەتكىننى›› دىيشەتتى. ئۇسسۇزلۇق ۋە ئاچلىقتىنمۇ بەكرەك ئۆمەر رەزىيەللاھۇ ئەنھۇنى روھى ۋە جىسمانى جەھەتتىن قاتتىق پۇچۇلاۋاتقىنى‹‹ ئەگەر قول ئاستىمدىكى پۇخرالارنى قەھەتچىلىك ئازابىدىن قوتۇلدۇرۇشقا ئىمكانىيىتىمنىڭ بېرىچە تىرىشمىسام، بۇ ئازابنى مەنمۇ ئۇلارغا ئوخشاش تەڭ تارتمسام، قىيامەت كۈنى رەببىمگە قايسى يۈزۈم بىلەن جاۋاپ بىرىمەن؟› دېگەن ئەندىشىلەردىن ئىبارەت ئۈممەتنىڭلا غېمى ئىدى. بۇنىڭ تۈرتكىسىدە ، ئۇ چۆللۈكنىڭ پىژ ـ پىژ ئاپتاپلىرىغا پەرۋاسىز، ئۈزىنى ئونۇتقان ھالدا ئاچ قورساق دۈمبىسىگە ئاشلىق يۈدۈپ تەرەپ ـ تەرەپكە توختىماي چاپاتتى. ئاشۇنداق مۇشەققەتلىك كۈنلەرنىڭ بىرىدە بىر قېتىم ئۇنىڭ گۆدەك بالىسىنىڭ بىر تىلىم تاۋۇز يەۋاتقانلىقىنى كۈرۈپ قالدى. تېخى ئانىسنىڭ سۈتى ئېغىزىدىن كەتمىگەن، ھەتتا كىچىككىنە تۇرۇپلا دادىسى بىلەن ئاچلىق ئازابىنى تەڭ تارتىۋاتقان بۇ گۆدەكنىڭ ئۆز يۈرەك پارىسى ئىكەنلىكىگىمۇ پىسەنت قىلماستىن ئاچچىقىغا چىدىماي ۋاقىراپ كەتتى. شۇ تاپتا ئۇنىڭ خىيالىدا ‹‹ پۈتۈن مۇسۇلمانلار قەھەتچىلىك ئازابىدا پۇچلىنۋاتسا خەلىپنىڭ ئوغلىنىڭ تاۋۇز يىيىشكە نىمە ھەققى بار؟›› دېگەندىن باشقا نەرسە يوق ئىدى. شۇڭلاشقا ئۇ ئاچچىقىدا ئېتىلغىنچە بېرىپ، بالىسنىڭ قولىدىكى تاۋۇز تىلىمنى سىلكىپ تارتىۋالدى ـ دە: ـ رەسۇلۇللاھنىڭ ئۈممىتى ئاچلىقتىن ئۈلۈۋاتسا، سەن تېخى نۇمۇس قىلماي تاۋۇز يەۋاتامسەن؟ ـ دىدى. سۇبھانەللاھ! مانا كۆردىڭىزمۇ؟ بۇلار زادى قانداق كىشلەر؟ .ئۇلارنىڭ قەلبى قانداق كىشلەر؟ يۈركى قانداق يۈرەك؟؟؟؟ قېنى ئەستايدىللىق بىلەن بىر ئويلاپ بېقىڭ، مانا بۇ پەيغەمبەر ئەلەيھىسسالامنىڭ‹‹ مەڭگۈ زاۋال تاپماس ئاللاھ بىلەن قەسەمكى، مېنى ئۆز پەرزەنتلىرى، مال ـ دۇنيالىرى ۋە جانلىرىدىنمۇ بەكرەك سۆيمىگەن كىشى ھەرگىز مۆئمىن بۇلالمايدۇ›› دىگەن ھەدىسنىڭ ئەمەلى ئىپادىسى بولماي نىمە؟. لېكىن ھازىرقى ئىنسانلار ئەنە شۇ روھلارنىڭ پىداكارانە، مىننەتسىز قان ـ تەرلىرى بەدىلگىلا بۈگۈنكىدەك نەپەسلىنىشمىزگە سازاۋەر بولغانلىقلىرىنى بىلىپ تۇرۇپمۇ ئاللاھنى ، ئاشۇ قەدىرلىك روھ ئېگىلىرىنى، جۈملىدىن ئۆز ئۆزنىمۇ ئۇنتۇپ قىلۋاتقان تۇرۇغلۇق. يەنىلا:‘‘ بىز مۇسۇلمان‘‘ دەپ توختىماي جار سالماقتا.ئاللاھنىڭ ئاتا قىلغان ھېسابى ھەم جازاسى بار نېمەتلىرىنى توي ـ تۆكۈن، چاي ـ چىللاق، نەزىر ـ مەۋلۇتلاردا، شۇنداقلا رېستۇران، تانسىخانلاردا پەرۋاسىز دەسسەپ ـ چەيلىمەكتە. يۇرتىمىزدا بىر چىشلەم ھالال لوقمنى يۇتۇشتىن ئىلگىرى‹‹ بۇنىڭغا ئاللاھنىڭ ئالدىدا نىمە دەپ جاۋاپ بىرەمەن؟›› دېگەننى چىن قەلبى بىلەن ئويلايدىغان مەسئۇلىيەتچان مۇسۇلمانلار زادى قانچىلىكتۇ؟! بىزدىكى نۇرغۇن پۇلدار بايۋەتچىلەر يۇرتلىرىمىزدىكى يىتىم ـ يىسىرلارنىڭ مۇھتاجلىق ئازابىدا تۈكۈۋاتقان قانلىق ياشلىرى كىيمىگە يۇقۇپ قىلىشتىن ،ياكى ئۇلارنىڭ ئىچكەن سۈيدىنمۇ كۆپرەك ئاققۇزغان ھوسۇلسىز،ئاچچىق تەرلىرى بۇرنىغا پۇراپ قېلىشىدىن ئۈزىنى قاچۇرسا قاچۇرىدۇكى. دەرھال قولىنى ئۆڭكۈردەك يانچۇقلىرىغا تىقىپ ئاشۇ قېرىنداشلىرىمىزغا تەر ۋە كۆز ياشلىرىنى سۈرتىۋېلىشىغا ئەرزىگۈدەك قەغەز ياغلىق چاغلىق نەرسە سۇنۇپ بېرىشكە يارىمايدۇ. رېستۇران، تانسىخانلاردا نەچچە ئون مىڭ يۈەننى بىر قېتىملىق تاماق بۇيرۇش ئۈچۈن بۇزۇپ چاچسا ، چاچىدۇكى. تاماقلىرىنىڭ ئېشىندىلىرى ۋە داستىخانلىرىنىڭ قېقىندىلىرىغا تەڭ كەلمەيدىغن ئازراقلا پۇل بىلەن بىرەر تۇل ـ يېتىمنىڭ ئىللىق تۇرمۇشلۇق بۇلۇپ قالالايدىغانلىقىنى خىيالىغا كەلتۈرۈپمۇ قويمايدۇ. يەنىلا ئۇلارنىڭ ئاتا بوۋىسىدن مىراس قالغان ئاشۇ مۇسۇلمانلىق پولات ماركىسى ئۇلاردىن بىردەممۇ نېرى بولمايدۇ. يەنىلا ئۇلار مۇسۇلمانلىقتىن سۆز ئېچىشتا پەيلاسۇپ، ئۇلار ئىنساپ بىلەن ۋىجدانىدىن ئاھ ! بىزمۇ مۇسۇلمانمۇ؟! دپ سوراپ باقسىكەن كاشكى؟، قېرىندىشمىز كامىلجاننىڭ تەرجىمىسى.

zarra

	ئۈزىمىزدىن ھىساپ ئېلىپ  تۇرايلى.  ئاللاھ  بىزنى  توغرا  يولغا  باشلىغاي!

يەكەن

	ئاللاھ رەھمەت قىلسۇن قېرىندىشىم ياخشى تېما ئىكەن ! ئاللاھ ھەممىمىزگە ئىمان نۇرىنى بىر ئۆمۈر چاچسۇن !

بدر

	kaLGundi يوللىغان ۋاقتى  2012-12-5 12:37 PM ئۆمەر رەزىيەللاھۇ ئەنھۇنىڭ ئاۋۇ كىچىك بالا يەۋاتقان ت ... توغرا دەيسىز . تېمىدىكى رەسۇلۇللاھنىڭ ھەدىسنى ئۇقۇمدىڭىزمۇ؟ ـ مېنى  ئۆز پەرزەنتلىرى، مال ـ دۇنيالىرى ۋە جانلىرىدىنمۇ بەكرەك سۆيمىگەن كىشى مۆمىن بولالمايدۇ. ھەزرىتى ئۆمەر پەقەت رەسۇلۇللاھنىڭ ئۈممىتىنىڭ شۇ چاغدىكى قەھەتچىلىك ئازابىدا پۇچلىنۋاتقانلىقىنى كۈرۈپ يۈرەك پارىسى ئىكەنلىكىنى ئۇنۇتقان ھالدا، شۇ ھەدىسكە ئۇيغۇنلىشىش ئۈچۈن شۇنداق قىلىغان

بدر

	kaLGundi يوللىغان ۋاقتى  2012-12-5 01:03 PM رەسۇلۇللاھ نىمىشقا شۇنداق دەيدۇ؟ ئەجىبا رەسۇلۇللاھن ... بۇ ھەزرىتى رەسۇلۇللاھنىڭ ھەدىسى. يەنى رەسۇلۇللاھنى ھەممىدىن بەكرەك ياخشى كۈرۈش، ئۆز ئاتا _ ئانىسدىنمۇ. مال _ دۇنيا ، ۋە سۈيۈملۈك بالا _ چاقىلىردىنمۇ بەكراق ياخشى كۆرمىگۈچە ھەقىقى مۆئمىن بولالمايدۇ. بۇ يەردىكى ياخشى كۈرۈش، پەقەت قەلبىمىزدىلا بولۇپ قالماستىن ئەمەليىتىمىزدىمۇ ھەم كۆرسىتىشىمىز كېرك قېرىندىشىم. رەسۇلۇللاھنىڭ زامانىدىكى ساھابىلەر ئەنە شۇنداق ئىدى. شۇنىڭ ئۈچۈن بىزلەرمۇ ھەم شۇلارنىڭ روھىدىن ئۆلگە ئىلىشمىز كېرەك. پەيغەمبەر ئەلەيھىسسالام شۇنداق دىدىمۇ _ بولدى بىز شۇنداق قىلىشمىز كېرەك..!

NurlanKelbim

	شۇنداق، مۇسۇلمان دىگەنلىك، ئېغىزدىن مۇنداقلا چىقىدىغان ئېغىزنىڭ يېلى ئەمەس! بەلكى مۇسۇلمان دىگەنلىك، ئۆزىنى ۋە پۈتكۈل كائىناتنى ياراتقۇچى رەببى ئالدىدا، ئۆزىنىڭ ۋە ئۆز ھامىلىقىدىكىلەرنىڭ قىلمىش ئەتمىشلىرىگە  بولغان كۈچلۈك ئىنسانى مەسئۇلىيەتچانلق ۋە جاۋاپكارلىقتىن ئىبارەتتۇر! كۈچلۈك ئىمان ۋە ھەقىقى تەقۋادارلىق بولماي تۇرۇپ،  بۇ خىل مەسئۇلىيەت ۋە جاۋاپكارلىقتىن  ھەقىقى سۆز ئېچىش مۈمكىن ئەمەس!!! دۇنيادا مۇسۇلمانلارنى  ھەقىقى مۇسۇلمانلار  (Real Muslim)  ۋە ئۆرىپ- ئادەت تىپىدىكى مۇسۇلمانلار (Cultural Muslim)  دەپ ئىككى تۈرگە ئايرىشقا بولىدۇ. بىز زادى قايسىسىغا كىرىمىز؟ بىز ئەسلىدە ھەقىقى مۇسۇلمانلارنىڭ پۇشتى ئىدۇق، ھالا بۈگۈنكى كۈنگە كەلگەندە، ئىسلامى ئەھكاملارنى ھەقىقى ئەمەس، پەقەت ئۆرىپ- ئادەت تۈسىدىلا ئىجرا قىلىدىغان شەكلى (پەقەت نامدىلا بار) مۇسۇلمانلارغا ئايلىنىپ قېلىۋاتماقتىمىز....          جانابى ئاللاھنىڭ بىزگە ئاتا قىلغان رىزىقلىرى ئۈچۈن شۈكۈرلەر ۋە ھەمدىلەر ئېيىتماق، ئۆز ھامىلىرىمىزگە ئىمكانىيىتىمىز يار بەرگەن دائىرىدە ئىگە چىقمىاق، ئۆزىمىزنىلا ئەمەس، ھامىلىرىمىزنىمۇ ھارامدىن توسۇپ، قۇرئان ۋە سۆيۈملۈك پەيغەمبىرىمىزنىڭ  يولىغا ھەقىقى راستچىللىق بىلەن ئەگىشىپ ماڭماق، بىزنىڭ-ئۆزىنى مۇسۇلمان ئاتىغان ھەر بىرىمىزنىڭ باش تارتىپ بولمايدىغان مۇقەددەس بۇرچىمىزدۇر!