ئوت ئىچىدىكى ئانا...

barnakiz886

	ئوت ئىچىدىكى ئانا (ھىكايە) بەرنا قىز قۇربان ھېيىت،ھەممە ئائىلىلەر ھېيىت تەنتەنىسىگە چۆمگەن بۈگۈنكى قۇتلۇق كۈندە بىزنىڭ ئائىلىمۇ ئوخشاشلا بۇ شادلىقتىمن مەھرۇم قالمىغان ئىدى.... سەھەر تۇرۇپ ئاپامغا ياردەملىشىم تۈنۈگۈن تازىلاپ پاقىرتىۋەتكەن ئۆينى يەنە بىر قېتىم تازىلىدۇق،چىقىپ پەلەمپەيلەرنى بىرىنچى قەۋەتكىچە سۈپۇرىۋېتىپ ئۆيگە كىردىم. ئاپام- قىزىم،داداڭ ھېيىت نامىزىدىن تارقاپ بولغۇچە ئىپتارلىق ئۈچۈن بىر نەرسە تەييار قىلايلى،مەن داستىخانلارنى تىزغاچ تۇراي،سەن چىقىپ گۆش ئەكىرگىن ،ھېيىت نامىزىدىن يېنىم قوينى چىقىرىپ بولغۇچە چۈش بولۇپ كىتىدۇ،قورساقنى توقلاپ ئاندىن قوينى سويسۇن -دېدى. مەن ماقۇل بولۇپ گۆش ئېلىپ كىرىش ئۈچۈن ماڭدىم،بىزنىڭ قوروغا ئانچە يىراق بولمىغان يەردە بىر ئاھالىلەر كومىتىتى بار ئىدى ،شۇنىڭ ئالدىدا بىر قاسساپ گوش ساتاتتى،مەن ئۇ يەرگە بارغاندا قاسساپ قوينى سويۇپ ئىلغۇچقا ئىلىپ قويۇپ ئۆزى يوق ئىدى،بۇنىڭدىن قاسساپنىڭمۇ ھېيىت نامىزى ئۆتەش ئۈچۇن مەسچىتكە كەتكىنىنى پەرەز قىلىپ،بىر دەم ساقلىماقچى بولدۇم،تۇيۇقسىز نەزىرىم ئاھالىلەر كومىتىتى بىناسى ئالدىغا سەپ بولۇپ تىزىلىپ تۇرغان ئادەملەر توپىغا چۈشتى... -بۇلار ھېيىت ئوينىماي نىمە ئىش قىلىدىكىنە ،بۇيەردە؟ دېگەن سۇئال خيالىمدىن كەچتى،ۋە ئۇلارنىڭ ئارىسىدىكى سەپنىڭ كەينىدىرەك تۇرغان ،30-35 ياشلاردىكى ،كىيىمى ئاددى بولسىمۇ رەتلىك كىيىنكەن،ئاق سۈزۈك چىرايىغا خويمۇ ياراشقان چولپان كۆزلۈك ،قاپقارا ئولاشما قاشلىق سەل سېمىزگىنە كەلگەن بىر چوكان،چوڭى 10ياشلاردا كىچىكى5-6ياشلاردا بار ،چىرايىدىن چىچەنلىگە چىقىپ تۇرىدىغان،شۇنداق ئۇماق ئىككى ئوغلىنى ئىككى قولىدىن چىڭ تۇتقىنىچە تۇراتتى. مەن ئۇلارغا يېقىنلا يەردە بولغاچ ئۇلارنىڭ گەپ -سۆزلىرىنىمۇ ئىنىق ئاڭلاپ تۇراتتىم. -ئاپا،كەلمەيدىغۇ ئۇلار،سوغۇققا توڭلاپ كەتتىم. بىر دەم چىدا بالاپ ،ھازىرلا كىلىدۇ. ئۆيدە قالساقمۇ بوپتىكەن -ھە؟ -بۇيەردىن يېنىپلا بازارغا بارىمىز شۇڭلاشقا سىلەرنى بىللە ئېلىپ كەلدىم. -ئاكامغا قايسى كۈندىكى چاپاننى ئېلىپ بىرەمسە؟ -ھەئە بالام،ئېلىپ بىرىمە. -ماڭا ئويۇنچۇق ماشىنىنىچۇ؟ ئانا سۆزلەپ بولغۇچە بالىنىڭ ئاكىسى سۆزگە ئارلاشتى. -تۇلا جىدەل قىلمىساڭچۇ ئۇكام،مەن ياساپ بەرگەننى ئوينىغاچ تۇر،ئاپام پۇلنى يەتكۈزەلمەيۋاتسا،شۇ تاپتا گۆشمۇ ئالمىدۇق،ئۆيدە كۈمۈر يوق ئوتمۇ قالىمىدۇق. ئانىنىڭ كۆزلىرىگە لىققىدە كەلگەن كۆز ياشلىرىنى ئىچىگە يۇتۇپ تۇرۇپ، -بولدى تالاشماڭلار،كاپالەت پۇلىنى ئالساقلا چاپانمۇ ئالىمىز،كۈمۈرمۇ ئالىمىز،گوش ئېلىپ بېرىپ خوشال ھېيىت ئۆتكىزىمىز...يەنە تېخى ھېيتلىق پۇل بەرسەم خالىغىنىڭلارنى ئالىسىلەر... كىچىك ئوغۇل خوشلىقىدىن سەكرەپ كەتتى...ئەجەپ ياخشى ،رەخمەت ئانا.... مەن بۇلارنىڭ پارىڭىدىن بۈگۈن كاپالەت پۇلى تارقىتىدىغىنىنى ئۇقتۇم،ھەم بۇيەردە سەپكە تىزىلىشنىڭ سەۋەبىنى بىلدىم،شۇ ئارىدا بىر ماشىنا توختاپ ئۇنىڭدىن ئۈچ ئادەم چۈشتى،ئۇلاردىن بىر ئايال ساقلاپ تۇرغانلارغا قاراپ يۇقۇرى ئاۋازدا، -تۈنۈگۈن بىزدە كىنىشكىسى قالغانلار قېلىپ قالغىنىڭلار كىتىپ ھېيىت تۈگىگەندە كېلىڭلار،بۈگۈن بانكىنى ئاچمايدۇ،بار پۇل كىنىشكىسىنى بارلارغا ئاران يىتىدۇ،بۇ يەردە تۇغىنىڭلار بىكار -دېدى بۇ گەپنى ئاڭلىغان بىر قانچە ئادەملار غۇدىراشقىنىچە كىتىپ قالدى،ھېلىقى ئايال بولسا سەل جىددىلىشىپ قالدى،ئۇ بايا ئۇختۇرۇش قىلغان ئايالنىڭ يېنىغا ئاستا باردى-دە،پەس ئاۋاز بىلەن، -خانىم،تۈنۈگۈن كىچىك بالام قىزىپ قېلىپ كىلەلمىگەن،خاپا بولماي مىنىڭكى كىنىشكەمنىمۇ ئالغان بولسىڭىز،ماڭا ئۇ پۇل بۈگۈن بەك لازىمتى... -پۇل دىگەن ھەممە ئادەمگە لازىم،مەندە كىنىشكىسى قالغانلار ،تۈنۈگۈن بەك كەچ بولۇپ كىتىپ كىنىشكىسى مەندە قالغانلار ئىدى،بۈگۈن ھېيىت كۈنى بولسىمۇ ئۇلارنى ئويلاپ پۇل تارقاتقىلى كەلدۇق،سىزگە يەتمەيدۇ خاپا بولماي كىتىپ كىيىن كىلىڭ... -ئەمىسە بۇ كىنىشكەمنى ئېلىپ تۇرۇپ ماڭا 200يوەن قەرىز بىرىپ تۇرغان بولسىڭىز،پۇلۇمنى ئېلىپلا قايتۇرىمەن،ماڭا ئىشىنىڭ دىدى،ۋەكۆزلىرىدىن تاراملاپ ياش چىقىپ كەتتى.... ئۇئايال سۆزلەپ بولغۇچە مەن ئالدىراپ يېنىغا باردىم ۋە ئايالنىڭ قولىنى تۇتتۇم،دە- يىغلىماڭ ھەدە،قەرىز ئېلىپمۇ يۈرمەڭ،ئاز بولسىمۇ بۇ ئىككى يۈز كوينى ئىشلىتىپ تۇرۇڭ،شۇنداق دىگەچ ئاپام گۆش ئېلىش ئۈچۈن بەرگەن پۇلنى ئۇ ئايالنىڭ قولىغا تۇتقۇزۇپ ئۆزۇممۇ ئىسەدەپ كەتتىم... خەلىق ئىشلار ئىدارىسىدىن كەلگەن ئۇ ئايال ئىشنىڭ تەكتىگە يىتەلمەي،بىر ماڭا بىر ئۇ چوكانغا قاراپ قالدى،مەن قىسقلا قىلىپ، بايا بۇ ئاچاش بىلەن بالىلىرىنى پارىڭىغا دىققەت قىلغان ئىدىم،ئۆيىدە كۈمۈرمۇ قالماپتۇ،گۆش ئېلىشقا پۇلىمۇ يوقكەن،يەنە تېخى بالىسىغا چاپانمۇ ئېلىپ بىرەلمەپتۇ..... مىنىڭ سۆزۈمنى ئاڭلاپ ئۇ ئايالنىڭ كۆزلىرىدىن تاراملاپ ياشلار تۆكۈلۈشكە باشلىدى ،ئىككى بالىسىمۇ ئانىسىغا مەھكەم يېپىشتى،پۇل تارقىتىدىغان ئايالمىنىڭمۇ كۆزلىرى نەملەشكەن ئىدى... -بالىلارنىڭ دادىسىچۇ؟ -ئۇ ئۇكاشنى باقىدۇ،بىز بىلەن كارى يوق...ئانا سۆزلەپ بولغۇچە،كىچىك بالىسى جاۋاپ بىرىپ بولدى،بالىنىڭ جاۋابىدىن ئۇ ئايال بىر نىمىلەرنى ھىس قىلدى بولغاي،قولىدىكى كىنىشكىنى ئالدى دە-يۇرۇنە،ئىشخانىغا كىرەيلى ،دەپ باشلاپ كىرىپ كەتتى مەن كىتەي دەپ ئويلاپ ماڭدىم-يۇ ،لىكىن ئۇ ئايالغا بولغان قىزىقىش مىنى يولۇمدىن توستى،شۇنداق كەينىمگە يېنىشىمغا ئۇ ئايالغا سوقۇلۇپ كەتكىلى تاسلا قالدىم. -ھەر نىم بولسا باركەنسىز سىڭلىم،مەن سىزنى ئىزدەپ چىققان ،بۇ پۇلنى ئېلىڭ،ئۇلار پۇلۇمنڭ بىرىدىغان بولدى،رەخمەت سىزگە.... -بولدى ھەدە،بۇ مىنىڭ سىلەرگە قىلغان كىچىكىنە سوغام بولۇپ قالسۇن.... -ئۇنداق قىلساق قانداق بولىدۇ،بولدى ئېلىپ قويۇڭ... -مىنى يات كۆرمەڭ ھەدە،ھەممىمىز قېرىنداشقۇ؟ ئۇنداق بولسا...رەخمەت سىزگە قانداق جاۋاپ قايتۇرامە؟ئۆيگە كىلىپ ئولتۇرۇپ كىتەسىز ،مەن ئۆيدە ياستۇق كەشتىلەيمەن،سىزگە بىر جۈپ كەشتىلەپ بىرەي،ئاۋۇ كۈچىغا كىرىپ مىھرىگۈل ھەدەمنىڭ ئۆيى قايسى دىسىڭىز باشقىلار كۆرسىتىپ قويىدۇ،دەپ يولنىڭ ئۇ چېتىدىكى كۇچىنى كۆرسەتتى. مىنىڭ كۈتكۈنۈممۇ شۇ ئىدى،مەن ماقۇل بولۇپ ئۇنىڭ بىلەن خوشلاشتىم.... داۋامى بار

ئەخمەد

	داۋامىنى قاچانغىچە كۈتەرمىز ئەمدى؟؟ تېمىڭىزدىكى ئاۋۇ رەسىمنى نەدىنمۇ تاپقانسىز؟؟  شۇنداق پەيزىكەن جۇمۇ!

NurlanKelbim

	ھەي ... نامراتلىق تاشتىن قاتىىق دەپتىكەن كونىلار.... ئۇيغۇر «ئەركەك» لىرىمىزدىن ئەركەكلىك كۆتۈرۈلمەكتە.... جاھان ئۇلارنىڭ «ئەركەك» لىكىدىن سۆيۈنۈپ تىترىمەكتە... خوتۇن- قىزلىرىمىز ئوت ئىچىدە كۆيمەكتە....پەرزەنتلىرىمىز كىچىك تۇرۇپلا  تۇرمۇشنىڭ ماددى قۇللىرىغا، روھىي زەئىپلىكىنىڭ كاندىداتلىرىغا ئايلانماقتا.... ئەركەكلىك ئۆلمىسۇن، ۋىجدان كۆيمىسۇن!!!

xam12

	بەك تەسىرلىككەن داۋامىنى تېزرەك يوللاڭە .

xirinnisa

	بەك تەسىرلىك يىزىپسىز .ئاخىرىنى تىزراق يوللىۋەتسىڭىز

mastura5200

	بەك تەسېرلىككەن  داۋامىنى ئۇقۇشقا  ئنتىزارمەن  ،تېزراق  يۇللىۋېتەرسىز جۇمۇ

barnakiz886

	داۋامى.... ئۆيگە مېڭىۋېتىپ ئاپامنىڭ گۆش ئالماي كەلگەنلىگىمنى كۆرۈپ ماڭا كايىپ كىتىشىدىنمۇ سەل ئەنسىرىدىم،بۇ گەپلەرنى دەپ بەرسەم بەلكىم ئارتۇق ئىشلارغا ئارلىشىپ نىمە قىلاتتىڭ دەپ دوق قىلىشىمۇ مۇمكىن....شۇ خىياللار بىلەن ئۆيگىمۇ كىلىپ قالدىم-دە،قوڭغۇراقنى باستىم... ئاپام ئىشىكنى ئېچىپ بىرىپ ھەيرانلىق بىلەن سورىدى، -سىز كەتكىلى نەۋاق قىزىم،ھايال بولۇپ قالدىڭىزغۇ؟ گۆش قېنى؟ مەن،دۇدۇقلاپ تۇرۇپ،قاسساپ تېخى كەلمەپتىكەن،گۆش يوقكەن -دىدىم. ئاپام نىمانچە جىددىلىشىسىز،بولمىسا يېنىپ كىلىۋەرمەي سوغۇقتا،بولدى ھېچقىسى يوق،دادىڭىز سويۇغان قوينى ئېلىپ چىققىلى چۈشۈپ كەتتى،تاماق تەييارلىقىنى قىلايلى،ئاپاملارنى سىلەر بۈگۈن بىزنىڭ ئۆيگە جەم بولۇڭلار دىگەن،ئۇلار كىلىدۇ -،دىدى. مەنمۇ ئارتۇق گەپ قىلماي كىيىملىرىمنى ئالماشتۇرۇپ ،ئاپامغا ياردەملەشكىلى ئاشخانىغا كىردىم..... مىنىڭ گەپ -سۆز قىلماي ئىش قىلغان ھالىتىم ئاپامنى ھەيران قالدۇردىمۇ بىلمىدىم ،ئاپام سوراپ قالدى. -نىمە ئىش بولدى قىزىم،قاپاقلىرىڭىز تۇرۇلۇپ كىتىپتىغۇ؟ مىجەزىڭىز يوقمۇ -يە؟ -ياق ئاپا،مىجەزىم بار،ئاپامغا بايا كۆرگەنلىرىمنى سۆزلەپ بەردىم. -ئاپام ئاچىقلىنىش ئۇ ياقتا تۇرسۇن،كۆزلىرىدىن تاراملاپ ياش تۆككىنىچە، -ناھايىتى توغرا قىلىپسىز قىزىم ،مۇشۇنداق قۇتلۇق كۈنلەردە،كۆمۇر ئالغىلى پۇلى يوق،ھېيتمۇ ئۆتكىزەلمىگەن شۇ سوغۇق ئويدىكى بىچارىلەرگە ئۇۋال بوپتۇ... ئۇ ،شۇنداق دىگىنىچە ئاسقۇغا ئىلىپ قويغان پەلتۇسىنى ئالدى-دە،يۈرۈڭ قىزىم،شورپا قايناپ تۇرسۇن،توڭلاتقۇدىكى بىر پۇت گوشنى ئاپىرىپ بەرگەچ ئۇ بىچارىدىن ھال سوراپ كىلەيلى.... مەن ئاپامغا ئۈنسىز ئەگەشتىم.بىز بارغاندا،مىھرىگۈل ھەدەم،توكلۇق موتوسىكىلىتقا بېسىلغان ئۈچ -توت خالتا كۈمۈرنى ھويلىسىغا ئېلىپ كىرىۋېتىپتىكەن،ئۇنىڭ ھويلىسىغا كىرىپ ئازراق ھەيرانلىق ھىس قىلدىم،چۈنكى قورو جاي خېلىلا ھەشەمەتلىك ئىدى،بۇىڭغا قاراپ مىھرىگۈل ھەدەمنىڭ بايامقى بىچارە تۇرقىغا ھەيران قالغان ئىدىم. ئۇمىنى كۆرۇپ خوشال بولۇپ كەتتى،ۋە بىزنى دەرھال ئۆيگە باشللىدى،ئۇنىڭغىچە چوڭ ئوغلى مەشكە ئوت يېقىپمۇ ئۈلگۈردى،كىچىك ئوغلى بولسا،خوشاللىقتىن، ئەمدى قېلىن كىيىملىرىمنى كەيمىسەممۇ توڭلىمايدىغان بولدۇم،دەپ توختىماي ۋىچىرلايتتى.... -ئاز بولسىمۇ بۇ بىزنىڭ كۆڭلىمىز،بالىلارغا تاماق قىلىپ بىرەرسىز ،دىدى ئاپام گۆشنى مىھرىگۈل ھەدەمگە ئۇزۇتۇپ تۇرۇپ،ۋە يانچۇقىدىن يېڭى پۇل ئېلىپ بۇ ئىككى ئۇماق بالىغا ھېيتلىق بەردى. -مىنى نىمانچە خىجىل قىلىدىغانسىلەر؟سەھەردە تېخى ماۋۇ سىڭلىم 200كوي بەرگەنتى ئۇنىڭدىن خىجىل بولۇپ تۇرسام.... ئۇخىجىللىق بىلەن گۆشنى ئاپامنى قولىدىن ئالدى... ئاپام سورىدى-سىڭلىم بالىلارنى دادىسى يوقما؟ياكى يىراق بىر يەرگە كەتكەنمىدى؟ مىھرىگۈل ھەدەمنىڭ كۆزلىرىدىن ياشلار تامچىلىدى... -بىز ئاجىرشىپ كەتكەن،بۇ ئىككى بالىنى مەن ئۆزەم ئېلىپ قالغان،ئۇ ئىسەدەپ تۇرۇپ شۇ سۆزلەرنى دىيەلىدى،ئىككى ئۇماق بولسا بىزنىڭ سۆزلىرىمىزگە قولاق سالماي تىلۋۇزۇردىن كارتۇن فىلىم كۆرىۋاتاتتى،ئۇلارنىڭ غەمسىز كۈلكىلىرىدىن،دادا مىھرىگە نائىل بولالمىسىمۇ،ئانا مىھرىدىن قانغۇچە بەھىر ئېلىۋاتقانلىغىنى بىلمەك تەس ئەمەس ئىدى. بىز ئەسلى شۇنداق بەخىتلىك ئائىلە ئىدۇق دەپ سۆز باشلىدى،ئۇ... مەن دادامنىڭنىڭ ئارزۇلۇق بىرلا  قىزى ئىدىم ھەر ئىككىلىمىز ئۆتتىرا تېخنىكۈمدا بىرگە ئوقىغان، ھەم خىزمەتكىمۇ تەڭ بۈلۈنگەن ئىدۇق،ئىككىلىمىز باشلانغۇچ مەكتەپتە خىزمەت قىلاتتۇق،كىيىن چوڭلارنىڭ قوشۇلىشى بىلەن خىزمەتكە چىقىپ بىر يىلدىن كىيىن توي قىلدۇق،كۈنلىرىمىز شۇنداق خوشال،بەخىت ئىچىدە ئۆتىۋاتقان شۇ ۋاقىتلاردا چوڭ بالامنىڭ بويۇمدا قالغانلىغىنى بىلدىم،يولدىشىممۇ بۇنىڭدىن قەۋەتلا خوش بولۇپ كەتتى،بالىمىزمۇ تۇغۇلدى،ئۇ بىزگە يېڭى خوشاللىقلارنى ئاتا قىلدى،ئۇنىڭ تاتلىق قىلىقلىرى،چۈچۈك تىلدا سۆزلەشلىرى بىزنى تېخىمۇ بەخىت قوينىغا چومۇلدۇرەتتى... كىيىن ئىكىنچى بالامغا ئېغىر ئاياق بولدۇم بۇ ۋاقىتلاردىمۇ ئۇ شۇنداق خوشال بولدى ،بىزنىڭ شادلىقىمىزغا شادلىق قوشۇلدى،كىچىك ئوغلۇمنىمۇ ئوڭۈشلۇق يەڭگىۋالدىم،بۇ ۋاقىتلاردا يولدىشىم ئىشتىن سىرتقى ۋاقىتلاردا قاشتېشى سودىسى بىلەن شۇغۇنلانغاچقا تۇرمۇشىمىز گۈلدەك ئۆتىۋاتاتتى،ھازىرقى بۇ قورۇ جايىمىزنى يېڭىلاپ سالدۇق،يەنە بىر يۈرۈش بىنا ئۆي سېتىۋالدۇق... ئۇنىڭ سودىسى بارغانچە روناق تېپىۋاتاتتى،شۇڭلاشقا ئۇ خىزمەتنى تاشلاشنى قارار قىلدى،مىنىڭ دادام قارشى تۇرغان بولسىمۇ ئۇ يالغۇز ئانىسىنى قايىل قىلغان ئىدى،مەنمۇ ئۇنىڭ تىجارەتتىكى قابىلىيىتىنى بىلگەچكە ئارتۇق قارشىلىق قىلمىدىم،ئۇ خىزمەتنى تاشلاپ پۇل تېپىشقا چۈشۈپ كەتتى،تىجارەت جەيرانىدا باشقىلاردىن ئاڭلىغىنى بويىچە،ئيال كىشىنىڭ تاپقان پۇلى ھارام ئىكەن ،سەنمۇ ئىشلىمە ،سىلەرنى گۈلدەك باقىمەن ،دېدى. مەنمۇ بىكار قالساملا دىننى كىتاپلارنى كۆرەتتىم،شۇڭلاشقا ئۇنىڭ دىگەنلىرىنى ئۇرۇنلۇق دەپ ئويلاپ خىزمىتىمنى تاشلىۋەتتىم. دادام شۇنچە قارشى تۇرغان بولسىمۇ لىكىن پەرۋاقىلمىدىم،مەن خىزمەتنى تاشلاپ بىر يىلدىن كىيىن مىھرىبان دادام يۈرەك مۇسكۈل تىقىلمىسى بىلەن ئالەمدىن ئۆتتى،مەن شور پىشانە تىكەندەك يالغۇز قالدىم،چۇنكى مەن يالغۇز قىز ئىدىم ،ئانام مەن بەش ياشقا كىرگەن ۋاقتىدا توغۇتىدا ئۇلۇپ كىتىپتىكەن. كىچىك بالام ئىككى ياشتىن ئاشقاندا ئىرىمدە ئۆزگۈرۈش بولدى،ئۇ پات-پات ئۆيگە قايتمايتتى،گەپلىرىمۇ شۇنداق قوپال بولۇپ قالغان ئىدى،بالىلارغىمۇ بۇرۇنقىدەك مىھرىنى بەرمەس بولدى،شۇندىمۇ شۈكرى قىلىپ ئولتۇردۇم،لىكىن قوشنىلارنىڭ كۇس-كۇس پاراڭلىرىدىن ئۇنىڭكى ئىككىنچى خوتۇنلۇق بولغانلىقىنى بىلدىم،بۇنىڭغا بىر ئىشىنىپ بىر ئىشەنمەي،ئۇنىڭ ئىچكىردىن چىقىشىنى كۈتتۈم.... ئۇ كەلدى،مىن تاماقنى ئالدىغا چاندۇرمەي ئېلىپ كەلدىم،ئۇ تاماق يەپ بولغۇچە بالىلارنى ئۇخلاتتىم.ئاندىن ئولتۇرۇپ ئۆزىمنى بېسىۋېلىپ ،تەمكىنلىك بىلەن بۇ ئىشنىڭ راس،يالغانلىغىنى سورىدىم،ئۇ خىيالىدا يوق،شۇنداق بولسا نىمە بوپتۇ ؟دېدى. كۆزۈمگە قاراڭغۇلۇق تىقىلدى،پۇتۇن يەر -جاھان چۆرگىلەۋاتقاندەك بىلىندى،لىكىن ئۇنىڭ ئالدىدا بىر تامچە ياش تۆكمىدىم،بارلىق غەيرىتىمنى يېغىپ ئۇنىڭغا ئاجىرشىپ كىتىش تەكلىۋىنى قويدۇم،ئۇمۇ قوشۇلدى،بالىلارنى قانداق بىر تەرەپ قىلىدىغىنىمىزنى سورىدى،مەن ھەر ئىككىلىسىنى ئۆزۇم باقىدىغانلىغىمنى ئېيتتىم،ئۇ بىرىنى ئۆزىگە بىرىشىمنى ،بولمىسا تۇرمۇش خىراجىتى ئۈچۈم ئۆزىدىن بىر موچەن ئالالمايدىغانلىغىنى ئېيتتى،مەنمۇ ئۆزۇمنىڭ بېقىپ كىتەلەيدىغىنىمنى ئېيتىپ چىڭ تۇردۇم،شۇنداق قىلىپ ئەتىسى بېرىپ ئاجراشتۇق ،ئۇ ئىنساپ قىلىپ ئولتۇرىدىغان ئۆينى بىزگە بىرىپ كىتىپ قالدى... مەن ھەركۈنى كىچىسى يىغلايتتىم ،لىكىن بالىلىرىمغا بىلدۇرمەيتتىم،ئۇلارنىڭ دادام قېنى؟دەپ سورىغان سۇئاللىرىغا يالغان ئېيتىپ جاۋاپ بىرەتتىم،تۇرمۇشنىڭ غېمى بىلەن بىر تاماقخانىدا قاچا يۇغۇچى بولۇپ ئىشلىدىم،ئىشتىن چۈشۈپ كەلگەندە بولسا،بىچارىلەرچە ئۇخلاپ قالغان بالىلىرىمغا قاراپ يۈرۈگۈم ئېچىشاتتى،ئۇلارنىڭ بىچارە تۇرقىغا قاراپ بىر ئاي ئىشلەپلا ئىشلىمىدىم،چۈنكى ئۇلار بەك كىچىك ئىدى... ئۇيدىكى گىلەم ،سافا...ئىشقىلىپ پۇلغا يارايدىغانكى نەرسىلەر بىر-بىرلەپ سېتىلدى،ئويمۇ قورۇغدىلىپ بولدى،بىزنىڭ ئەھۋالىمىزنى بىلگەن ئاھالە كومىتىتىدىكىلەر تۇۋەن تۇرمۇش كاپالىتى ئالىدىغان ئاھالىلەر  قاتارىغا كىرگۈزۈپ قويغاندىلا ئاندىن ئۇھ ...دىدىم،كۆندە سەھەردە بالىلارنى مەكتەپكە ئاپىرىۋېتىپ كىلىپ ،گۈل كەشتىلەيمەن،ئۇنى ئالغىنىغا سېتىپ تۇرمۇش غېمىنى غەملەپ كەلدىم.... دەپ سۆزىنى تۈگەتتى ئۇ. ئاپاممۇ ،مەنمۇ ياشلىرىمىزنى توختىتىۋالالمىغان ئىدۇق،مەن سورىدىم،-بايا كىچىك ئوغلىڭىز ئۇكامنى باقىدۇ دادام دىدىغۇ؟ئۇكىسى قايسى ؟ يولدىشىمنىڭ  ئىككىنچى ئايالىدىن بولغان بالىسى،قايسى كۈنى بالىلىرىمنى مەكتەپتىن ئېلىپ كىلىۋاتسام،ئۇ 18ياشلاردىكى بىر قىز بىلەن قولىدىكى بۇۋاقنى كۆتۈرۈپ  ماشىنىدىن چۈشۈپ تاماقخانىغا ماڭغان ئىدى،كىچىك ئوغلۇم كۆرۈپ قېلىپ ،دادا....دەپ ۋاقىرىدى،ئۇ بالىغا مۇنداقلا قاراپ قويۇپ ،ئىچىگە كىرىپ كىتىۋەردى،مەن ئۇنى ئاران تارتىپ ئۆيگە ئېلىپ كەلدىم،ئۇ يىغلاپ تۇرۇپ دادام نىمىشقا ماڭا قارىمايدۇ،كۆتىرىۋالغىنى كىمنىڭ بالىسى دەپ سورىدى،مەن ئۇنىڭغا تەسەللى بىرىپ،سىزنىمۇ كىچىك ۋاختىڭىزدا كۆتۈرۈپ باققان ئۇ سىزنىڭ ئۇكىڭىز كىچىك بولغاچقا دادىڭىز كۆتۈپ باقىدۇ دىدىم...... ئۇنىڭ ھىكايىسنى ئاڭلاپ بولغۇچە كۈن خېلى بىر يەرگە بېرىپ قالغان ئىدى،بىز ئۇنىڭقا تەسەللى قىلىپ خوشلاشتۇق.ئۆيگە قايتىپ كەلگۈچە ئىككىمىز بىر ئېغىزمۇ گەپ كىلمىدۇق... كۆز ئالدىمدا،پەرزەنىت غېمى ئۈچۈن تۇرمۇش يالقۇنىدا تاۋلىنىۋاتقان،شامدەك كۈيۈپ پەرزەنىتلىرىگە،ھارارەت ۋە ۋە يۇرۇقلۇق ئاتا قىلىۋاتقان،.....يەنى ئوت ئىچىدىكى بۇ ئانىنىڭ سىماسى .... تامام

barnakiz886

	باشقۇرغۇچىلار، مۇمكىن بولسا تىمىنى بىرلەشتۇرۇپ قويساڭلار....

biyjingkizi

	داۋامىنى قاچانغىچە كۈتەرمىز ئەمدى؟؟ تېمىڭىزدىكى ئاۋۇ رەسىمنى نەدىنمۇ تاپقانسىز؟؟  بەك تەسېرلىككەن  داۋامىنى ئۇقۇشقا  ئنتىزارمەن  ،تېزراق  يۇللىۋېتەرسىز جۇمۇ

barnakiz886

	biyjingkizi يوللىغان ۋاقتى  2012-12-5 06:49 PM داۋامىنى قاچانغىچە كۈتەرمىز ئەمدى؟؟ تېمىڭىزدىكى ئاۋۇ  ... داۋامىنى ئىنكاس شەكلىدە يوللاپ بولدۇم،تۈگىدى ئەمدى