مانا مەن ئوقۇتقۇچىنىڭ قىزى

malika-turk

	مانا  مەن ئوقۇتقۇچىنىڭ قىزى بىلىم قىممىتىنى بىلىمىك بىلۇر ، ئەقلىنى قەدىرلەش بىلىمدىن كېلۇر . نېچۈك تەلۋە بىلگەي بىلىم قەدرىنى ؟ بىلىم نەدە بولسا بىلىملىك ئالۇر .                                     يۈسۈف خاس ھاجىپ   ئوقۇتقۇچى - ئىنسان روھىنىڭ ئىنجىنىرى . ئوقۇتقۇچى ئىنسان ماددى ۋە مەنىۋى ئوزۇقىنىڭ ، ئادىمىيلىك تەبىيتنىڭ  ، قەلىپ گۈزەللىكى ۋە روھى دۇنياسىنىڭ             نۇرلۇق مەشئىلى !   مۇشۇ مۇناسىۋەتلىك تىما بىلەن 30 يىللىق  ھاياتىنى گۈل- چېچەكلەر ئۈچۈن ھارماي تەقدىم قىلغان دادام ۋە ئاپامغا          سالامىمنى يوللايمەن . ھەمدە ئېرىقى ئايرىمىچىلىق قىلمىغان ئاسساستا دۇنيادىكى بارلىق بال يىغقۇچى ، ئىنسان مەنىۋىيىتىنى مول بايلىققا ئېرىشتۈرگۈچى ئۇستاز ، ئوقۇتقۇچىلارغا ئېگىلىپ سالاممىمنى يوللايمەن .   ئەلۋەتتە بۇ تېمىنى داۋاملاشتۇرۇشتىن ئاۋۋال ماڭا ئاتا - ئانامنىڭ قەلبىمگە تارقاتقان ئىلىم نۇرىنى بىرقۇر سۆزلەپ ئۆتەي . -ئەمدىلا چۈرۈك تىلىم چىققان ۋاقىتلاردا ئاپام ناھايتى ئالداراش ئۆز خىزمىتىگە كىرىشىپ كېتەتتى .مىنىڭ ئانىغا بولغان مىھرىم تېخى قانمىغان ئىدى . ئەمما ئاشۇ سىنىپلاردىكى جۈپ- جۈپ 60 بالا ئىلىم -مەرىپەت بۇلىقىدا سۇغۇرۇلماقتا   ئىدى. مەن 3-4 ياشلار دىكى ۋاقتىمدا تۇنجى ئىلىم دەرۋازىسى ماڭا كەڭ قاناتلىرىنى ئاچتى ئاپام ماڭا ھەركۈن ئاخشام ‹چىن تۆمۈر باتۇر › ‹نەسىردىن ئەپەندى لەتىپىلرى ›‹سەلەي چاققان ،موللا زەيدىن ›‹كۆچ-كۆچ قوشاقلىرى › قاتتارلىقلارنى ئېيتىپ بىلىمنىڭ تۇنجى شەربەتلىرىنى بىرقوشۇق ،بىر قوشۇقتىن ئىچكۈزۈشكە باشلىدى . داداممۇ بوش كەلمىدى ماتىماتىكا دادامنىڭ بىردىنبىر ھەمراھى ،موڭدىشى ،تەپەككۇرى ئىدى ،داداممۇ ‹1-10› غىچە بولغان سانلارنى ئۆگىتىپ دادىلىق ۋە ئۇستازلىق ئورننى ئۆز قەرەلىدە ئالغان ئىدى .    خوش ئەمدى نەق مەقسەتنى ئوتتۇرغا قويسام بىز ئۇيغۇرلار ناھايتى مەرىپەتپەرىۋەر ،ئىلىم سۆيەر ، دانا ، ئەقىللىق ئەجداتلارنىڭ نەسىىلىدىن بىز ! بۇنى تارىخ ئوقۇغان ھەربىر ئىنسان چۈشەندۈرمىسەممۇ بىلىدىغۇ دەيمەن ؟!ھەتتا بىزنىڭ ئاۋام-پۇقرا لارغىچە ئىجاتچانلىقى كۈچلۈك خەلىققتۇر . مەسلەن : كۆچ-كۆچ قوشاقلىرى ۋە ئۇنىڭغا دائىر ھېكايىلەر ئاۋام-پۇقرالارنىڭ ئاغزىدىن بىزگە قەدەر يېتىپ كەلگەن، ‹خامان ناخشىسى › ، ‹ئورما ناخشىسى › ‹دېھقان ناخشىسى ›‹خەلىق  ناخشىسى › ھەممىسى ئاۋام پۇقرالار ئۆزلىرى توقۇپ ھارغىنلىق ئىچىدىكى چاڭقىغان يۈرەكلىرىگە مەلھەم سۈرگەن .  ھەمدە ئەۋلادىنى كەسىپ ئۆگۈنۈشكە ، مەدىرىس ، مەكتەپلەردە ئىلىم تەھسىل قىلىشىغا ئالاھىدە كۆڭۈل بۆلگەن ۋە ھازىرغا قەدەر ئىنتايىن كۆڭۈل بۆلىدۇ . بىز دەل مۇشۇنداق ئالىملىرمىزدىن ، يازغۇچىلىرىمىزدىن ، لوقمان ھەكىمدەك تىۋىپلىرمىزدىن ،ئاۋام-پۇقرا جامائەتلىردىن پەخىرلەنگۈدەك مىللەت ۋارىسى !!!ئەجداتلىرىمىز بىزنىڭ قىل -قان تومۇرمىزغىچە ئىلىم نۇرىنى ھۈجەيرىلىرمىزگە تارقاتقان ۋە ئىلىم ئۆگۈنىشىمىزگە يېتەكچىلىك قىلغان . ئەمدى بىز ھازىرقى دەۋىر ئىلىم -پەن سەھنىسىدىكى بىر قىسىم مەرىپەتچى ، ئوقۇتقۇچىلارغا دىققەت نەزىرىمىزنى ئاغدۇرايلى ! ‹سىڭلىم قەشقەر سەنئەت مەكتىۋىنىڭ چاقىرىق قەغىزىگە ئاساسان ئوقۇشقا ماڭدى .ماڭا مەكتەپتە بولغان ناھايتى قورقۇنۇشلۇق بىر ۋەقەنى سۆزلەپ ئۈلگۈردى . ئەر ئوقۇتقۇچى ‹ئۆيدىكىلىرڭىز كەپتۇ ›دىگەن بانا بىلەن ئوقۇغۇچىنى سىرتقا ئېلپ چىقىپ ناركوزۇق مەس قىلغۇچى ئىچىمىلىك بىلەن مەس قىلىپ ۋەھشى شەھۋىتىگە قانغانىلىقى ،ئۇقىزنىڭ ھوشىنى تاپقاندا ئۆز ياتىقىنىڭ كىچىك كاماسىغا كىرۋىلىپ دىر-دىر تىتىرەپ سىرتقا چىققىلى ئۇنمىغانلىقى ،ئەمدى ئۆز مەكتىۋىمىنڭ دەرىزە پەنجىردىن قارايدىغان بولسام بىزنىڭ سىنىپ مەسئۇلىمىز نىڭ چىريلىق قىز قەدىرىيە بىلەن مۇناسىۋىتى بارلىقى توغۇرسىدا مىش-مىش گەپلەر تارقالغان ئىدى ، يەنە بىر دوستۇم ئۆز ئاغزى بىلەن سىنىپىدىكى ‹فىلورە › ئىسىملىك قىزنىڭ سىنىپ مەسئۇلى بىلەن مۇناسىۋىتى بارلىقى ، ئۇ قىزنىڭ چەتئەلدە ئوقۇشىغا ئوقۇتقۇچىنىڭ ئالاھىدە ياردەم قىلدىغانلىقىغا ئائىت مۇلاھىزىلەرنى ئاڭلىغان ئىدىم .›  بۇلارنىڭ ھەممىسى غەيۋەت-شىكايەتتەك ئاڭلانغان بىلەن ھەققىقى بولغان ئىشلاردۇر . ئەمما بۇنىڭلىق بىر تال چىۋىنىڭ بىر قازان ئاشنى بولغىشىىغا ،دۇنيادىكى بارلىق ئۇستاز ،ئوقۇتقۇچىلارنى بىر تاياقتا ھەيدەشكە ۋىجدانىمىز يول قويمايدىغۇ دەيمەن؟ بىزنىڭ نوتىلىرمىزنى پەرۋىش قىلىپ ،ئاۋايلاپ كۆيۈنۈپ ئۆستۈرۋاتقان مىھرىبان ئۇستازلىرمىزغا تەڭسىزلىك ،ھاقارەت قىلساق تېخىمۇ بولمايدۇ .بىز بىر مەكتەپتە چىققان بىر ئوقۇتقۇچىنىڭ ساپاسىنىڭ چىركلىشىپ ،ئەيىش -ئىشرەت ، مەي-شاراپقا ،ھاۋايى -ھەۋەسكە بىرىلىپ كىتىشىنى بارلىق ئوقۇتقۇچىلارغا تاڭساق بولمايدۇ ؟! بۇرۇنقىلاردا بولسا ‹ئۇستازى زالىم بولسا ، شاگىرتى ئالىم بولۇر › ‹تېرىسى سىزنىڭ ،سۆڭىكى بىزنىڭ › دەپ تەربىيلەشكە ئەۋەتىدىغان ئاتا -ئانىلار نىمىدىگەن ئۇلۇغ ! - مانا ئۇستازىم كەلدى ،-ئاپلا قانداقمۇ قىلامەن ؟ مەن تېخى بۇنى يادقا ئالمىغان ئىدىم ›دەپ دىر -دىر تىتىرەپ ئۇستازىدىن ئەيمىنىپ ئولتۇرۇشلار !!! مانا ئەمدى ھازىرقى ئاتا -ئانىلارنىڭ ھەددىدىن زىيادە بالىلارنى ‹ياخشى كۆرۈش› تەسىرى بىلەن بالىلار ئاتا -ئانىسىنڭ پۇلىغا ياكى جەمىيەتىكى ئورنىدىكى ئىناۋىتىگە بەكىراق چوقۇنىدىغان ،مۇئەللىملەرگە پوش دېمەي گەپ ياندۇردىغان ھەتتا ئۇردىغان ، مۇئەللىملەرنى قەتئىي كۆزگە ئىلمايدىغان ، بەزى ئوقۇتقۇچىلار تەلىم-ساۋاق بەرگەندە بولسا ئاتا-ئانىسى بىلەن بىرلىشىپ ئەرز قىلىپ خىزمىتىدىن قالدۇرۋىتىدىغان ئىچىنىشىلىق ۋەقەلەر روياپقا چىقىشقا باشلىدى ؟؟؟ ئۇستازلار بىلەن تەلىم ئالغۇچىلارنىڭ مۇناسىۋىتىنىڭ يۇمشىشىغا ئەگىشىپ ، ئۇستازلارنىڭ ئوقۇغۇچىلار ئالدىدا ھىچ بىر ئىناۋىتى قالمايۋاتقانىلىقى سىلىق -سىپايە سۈركۈلۈشلەرنىڭ بولسا مانا ھازرىقى جەمىيتىمزدىكى بىر قىسىمى پاجىئەلەرنى، قاتتىق ساۋاقلارنى قەلبىمىزگە قالدۇردى . شۇنداققۇ دەيمەن ؟؟؟ ئەمدى بىر قىسىم مەسىلەرنى ئوقۇتقۇچىلارنىڭ زىممسىدىن ئىزدەيلى . مىنىڭ تولۇقسىز ئوتتۇردا ماتىماتىكا بىردىن بىر تاللىشىم ئىدى ،سىنىپتا 1ياكى ئالدىنىقى قاتاردا ئىدىم ، ئەمماتولۇق ئوتتۇرغا چىقىپلا قايناۋاتقان قازانغا سوغۇق سۇ  قۇيغاندەك ئىھامىم يىلتىزدىلا قۇرۇپ قالدى . مەسلىنى ماينۇر مۇئەللىمدىن ئىزدەشكە ھوقۇقلۇق مەن ، پىلانى بولمىسا قەتئى دەرىس سۆزلىيەلمەيدىغان بۇ مالىم مىنىڭ ئىلھاممىمنى يوققا چىقاردى .كىيىن ئاڭلىسام ھۆكۈمەتنىڭ ئىشقا ئورۇنلاشتۇرۇش سىياسىتىگە ئاساسان ،دادىسى رەھبەر بولغاچقا كەسپى باشقا بولسىمۇ ،ئوقۇتقۇچى بۇلۇپ قاپتىكەن . يەنى بەزى ئوقۇتقۇچىلارنىڭ ئەيمەنمەي ئوقۇغۇچىلارغا لەقەم قۇيۇشى ، ئوقۇغۇچىلار ئالدىدىلا ئوقۇغۇچىغا تەنبىھ بېرىشى ‹ئىشخانىسى يوقتەك› ئوقۇتقۇچىلارنىڭ ئۇقۇغۇچىلار ئوتتۇرسىدىكى پىسخىكىلىق مەسىلەرنى توغرا ھەل قىلالمايۋاتقانلىقى ، دەل بىر مۇنچە مەسىللىلەر 1960-يىلللاردىن كىيىن بىخلىنىشقا قەدەم قويدى . مانا ھازىر توسۇۋاغۇسىىز دەرىجىدە ئېغىرلاشقا قەدەم قويدى . مانا بەزى ئوقۇتقۇچىلارنىڭ ساپاسىنىڭ ھەددىدىن زىيادە تۆۋەنلەپ كىتىشى ئوقۇغۇچىلار ھاياتىدىكى بىر بوشلۇققا ئورۇن ھازىرلاپ بىرىۋاتىدۇ ؟؟ بۇ دۇنياۋى مەسىلە ، بىر تەرەپلىمە قارىماسلىقىڭلارنى ئۈمۈت قىلىمەن . ئەجداتلىرمىز دەۋرىدە بۇنداق مەسىلەر كۆرۈلۈپ باقمىغان ،كۆرۈلسىمۇ ئىنتايىن ئاز كۆرۈلگەن . ‹رىزۋانگۈل ، يەتتە قىزلىرىم ، ئاپپاق ئايىم ، ئەلانۇرخان ›قاتتارلىق قەھرىمان قىزلىرمىز شەرمى -ھايالىق ،نۇمۇسچان ،ئەخلاقلىق پاك بىر دەۋىردەچاقنىغان چولپان يۇلتۇزدەك ئۆز دەۋرىنىڭ ئاسمىنى يورۇتقان ۋە ھازىرغا قەدەر ئەۋلاتلار سىماسى ئالدىدا يۇقىرى ئورۇن تۇتۇپ كەلمەكتە .مانا مۇشۇ  بۇرۇنقى دەرۋرىمىزدە ئالىم- ئۆلىمالارنىڭ كۆپلەپ مەيدانغا چىقىشى ،ئەخلاقلىق خانىم-قىزلىرمىزنىڭ شەرمى-ھايا ئۈچۈن ئۆز جېنىدىن ۋاز كېچىشى  -نىمە بىلەن مۇناسىۋەتلىك ؟ پەقەتلا ئۆتمۈشكە ئايلانغان شۇ دەۋىر بىلەنمۇ ؟ ياكى شۇ دەۋىردىكى ئىنسانلار روھنى داۋاملىق ئۈلۈكسىز پاكىزلاپ تۇرغان ئېتقاد بىلەنمۇ ؟ سىز ئوقۇغۇچىڭىزغا تۈزۈك دەرىس سۆزلىيەلمىسىڭىز مەيلى دەيلى ،لىكىن ئوقۇغۇچىلىرىڭىزغا ھاياتىدا ئەستىن چىقارمىغۇدەك ئىنسانپەرىۋەرلىك ، ئەخلاق-پەزىلەت پەردىسىنى ئاچسىڭىز ۋە ھەقىقى ئادەم بۇلۇش دەستۇرىدىن بىر ساۋاق ،تەلىم بەرسىڭىز بونىڭدىن ئەھمىيەتلىك ئىش يوققۇ دەيمەن ؟؟مەڭگۈ ئەستىن چىقمىغۇدەك دەرىس ئەمەسمۇ ؟؟؟ ئوقۇتقۇچى بولۇش سۈپىتىڭىز بىلەن ئۆز ھۇجۇدىڭىزدىكى بوشلۇقلارنى تولدۇرۇشقا ،قۇسۇر تېپىلىشغا يول قويماڭ . ئەڭ ئالدى بىلەن ئىتقادىڭىزنى چىڭ تۇتۇڭ .                     تولا دۇر كىشى دەپ يۈرۈچى سانى ،                     كىشىگە ياراملىق دېسەڭ .ئۇ قېنى .                    قىلۇر بىر كىشى مىڭ كىشنىڭ ئىشىن ،                   تۇلامىڭ يىغىلسا قىلالماس ئۇنى . ئوقۇتقۇچى مىڭ-مىڭلاپ ئوقۇغۇچىنىڭ خىزمىتىنى قىلىدۇ ،ئىلىم-ئېسان ئۇلىنى چىڭىتىدۇ ،ئوقۇتقۇچى كاتتا ئېسىل پەزىلىتى بىلەن ھەربىر ئوقۇغۇچىنىڭ ئاغزىغا ئىلىم ئۇرۇقىنى چاچىدۇ ،ھۇجۇدىغا بال كىبى تامدۇردۇ ۋە يامرايدۇ . ئوقۇغۇچىلار ئۇستازىدىن ئاتا-ئانىسدىن پەرىقلىنىپ تۇرغۇدەك مىھىر -مۇھاببەت ئالالمىسا ،ئەخلاق پەزىلەت ئالالمىسا ئۇقۇتقۇچى بىلەن ئوقۇغۇچىلار ئارىسىدا پەرىق قالمايدۇ؟ پەرىقلىق بوشلۇق شەكىلەنمەيدۇ ؟ ئىززەت -ئېھرام تېخىمۇ يوق مەسلە بولۇپ قالىدۇ . شۇنداققۇ دەيمەن ؟ ئوقۇغۇچىلارغا ئۆدەككە سۇ يۇقمىغاندەك ئوقۇتقۇچىدىن ھىچ بىر مەنىۋى ئۇزۇق ئالالمايدۇ .   ئوقۇتقۇچى ئىنسان روھىنىڭ ئىنجىنىرى ،دەيدىكەنمىز پەننى ۋە دىننى بىلىملەرگە پىششىق بۇلۇشى قولىدا قورال ، روھى ھۇجۇدىدا ئىستاستىكا سىخىمىسى بولۇشى لازىمىغۇ دەيمەن ؟ ھەربىر ئۆزىڭىز ئۈچۈن قالدۇرغان بوشلۇق سىزنىڭ روھىڭىزنى مىتە چۈشكەندەك يەپ قۇرۇتۇشقا باشلايدىغۇ -دەيمەن ؟سىز قانداق قارايسىز ؟ ئوقۇغۇچىلىرڭىزنىڭ سىزدىن تەپ تارتىپ يۈرۈشى ،ئاتا -ئانىسىدىن يۇقىرى ئورۇنغا سىزنى قۇيۇشى ،سىزنىڭ مەكتەپتە ۋە جەمىيەتتە ئىناۋىتىڭىزنى قىلىشى سىز بىلەن پەرىقلىق ئىللىق مۇناسىۋەت ھېس قىلىشى ھەممىسى سىزنىڭ قولىڭىزدا ، ئىنتاين ئېغىر ۋە جاپالىق بىر كۆرەشكە ئاتلاندىڭىز ،ماسئۇلىيەت بەكمۇ ئېغىر  ! مەن ئىشىنىمەن ‹سىلەر چوقۇم قەد كۆتۈرۈلسىلەر ›  مەيداڭلارنى تىك تۇتۇپ ، داغدام بىر يولنى داۋاملاشتۇرالايسىلەر ! مۇئەللىم ،يەنە بىر قىتىم دەرس سۆزلەپ بەرسىڭىز ، مەن مۇشۇ مەكتەپتە ئۇقۇپ قالغىنىمغا مەڭگۈ پۇشايمان قىلمايمەن ، شۈكۈر ،مۇشۇ ئۇستازىم بولمىغان بولسا بۈگۈنكى كۈنۈممۇ بولمىغان بولاتتى، ئۆزەمنى تولىمۇ بەخىتلىك ،  تولىمۇ خوشال ھېس قىلىمەن › دېيشلەرنى سىز چوقۇم قولغا كەلتۇرالايسىز . ئەزىز مۆھتەرەم ئوقۇتقۇچى- ئۇستازلار بىلىم كاننى قازماق ھەققىقەتەن ئاسان ئەمەس ، قولىڭىزغا قەلەم كەتمىنىنى ئېلىپ ئاز-ئاز توپلاپ ،تەرلەپ -پىشىپ كېتىسىز ؟ ئەمما تاما -تاما كۆل  بولار دىگەندەك سىزنى ئاللابۇرۇن قۇرۇق بېسىپ ،چاچلىرىڭىزغا ئاق داستىخان يايخاندا ،تەڭرى تاغلىرى سىزگە بويۇن ئېگىدۇ ، كۆكتىن بەرىكەتلىك يامغۇرلار يېغىپ ،قاقاس زىمىنى يېشىلىققا پۈركەيدۇ . ئاشۇ دەۋىرلەرىكى سەبىيلەر نىڭ بۇرۇتلىرى خەت تارتىپ سىزنىڭ ئالدىڭىزدا پەيدا بولۇدۇ،گۈل -چېچەكلەر بىلەن سىزنى قارشى ئالىدۇ ،جەمىيەتتە ماڭغان ھەربىر ئىزىڭىز سىزنىڭ شانۇ -شەۋكىتىڭىزنى ھەر ۋاقىت نامايان قىلىپ تۇردۇ . ( ئەلۋەتتە مىنىڭ بۇ ئاددى تىلىم سىزلەنى تولۇق سۈپەتلەشكە ئاجىزلىق قىلىدۇ ،شۇنىڭدىمۇ تولۇقلاپ ئوقۇپ يېتەكچىلىك قىلارسىلەر )            2012.12.05 سائەت كېچە:12:20

akbar0997

	ناھايىتى ئەھمىيەتلىك تىمىدىن بىرنى يېزىپسىز . ئوقۇتقۇچى ھەقىقەتەن مەدىھلەشكە ،سۈپەتلىنىشكە ھەقلىق ئىنسان . لىكىن ئوقۇتقۇچىمۇ ئادەم بولغاندىكىن ئارىدىن بىر قىسىم ناھەللى ،مىللەتنىڭ دۇشمىنى چىقىپ قالدىغان ئەھۋالنى يوق دىگىلى بولمايدۇ . تىمىڭىزغا رەھمەت .

fireman

	مەنمۇ بۇنداق ئىشلارنى جىق ئاڭلىغان..........

kelin

	شۇڭا دەيمەن قۇرئاندىن ئايرىلسا ھېچكىم ياشيالمايدۇ. ئۆزنىڭ نىمش قىلۋاتقىنىنى،قايسى ئىشنىڭ توغرلىقنمىۇ پەرق قىلالمايدۇ. ھەتتا ئۆزنىڭ دۇنيادىكى مەۋجۇتلىقنى ئۇنتۇپ،قەدىر قىممىتنى ھىس قىلالمايدۇ. بۇلۇپمۇ نەپسنى تىزگىنلىيەلمەيدۇ. ئۇنىڭدىن ئايرىلىش جەننەتنى ياراتمىغان بىلەن باراۋەر. گۈزەللىكىڭگە كۆز تەگمىسۇن................................!!!!!

jalipkar!

	مەنمۇ ئوقۇتقۇچىنىڭ قىزى ھەم ئۆزۈممۈ ئوقۇتقۇچىمەن ~ پەخىرلىنىمەن بۇكەسپىمدىن

hekmat-uyghur

	لېكىن ھازىرقى ياش ئوقۇتقۇچىلارنىڭ 60پىرسەنتىدە  ئوقۇتقۇچىلىق كەسپى ئەخلاق دەيدىغان نەرسە يوق،مائارىپ ئۈچۈن ئەجىر قىلىۋاتقانلار يەنىلا پىشقەدەم ئۇقۇتقۇچى ئۇستازلار بىلەن  بىر قىسىم غۇرۇر - ۋىجدانىنى يوقاتمىغان  ئوقۇتقۇچى ياشلاردۇر.             ئوقۇتقۇچىنىڭ قىزىكەنسىز، بولسا ئاتا - ئانىڭىزنىڭ ھۆرمىتى ئۈچۈن بولسىمۇ مۇنبەردىكى ۋەزىپىڭىزنىڭ مۇقەددەس ئىكەنلىكىنى ئۇنتۇپ قالماڭ،ھايا - ۋە ئىمانىڭىز ناراسىدىلەرگە  ئۆرنەك بولغۇسى.گەرچە مەكتەپلەردە دىن چەكلەنگەن بولسىمۇ.

سېرداش

	ئوقۇتقۇچى دىگەن ئاددى گەپ ئەمەس، بەزى ئوقۇتقۇچىلار ئوقۇغۇچىلىرىنى ئەدەپلىك ئەخلاقلىق تەربىلەپ چىقىدىكەن .ناچار ئوقۇغۇچىلار ئالدىغا كەپقالسىمۇ مۇلايىم ،ئەخلاقلىق ئوقۇغۇچىغا ئايلاندۇرالايدىكەن،بىرقىسىم ئوقۇتقۇچىلار نىڭ ئوقۇغۇچىلىرى ئەخلاقسىز ،مەدىنىيەت سەۋىيەسى تۆۋەن ئوقۇغۇچىلارنى تەربىلەپ چىقىدىكەن،مەن ئويلايمەن بىرئوقۇغۇچىنىڭ قانداق ئادەم بولۇشى ،ئوقۇغان مەكتىپىگە،شۇنداقلا ئوقۇتقۇچىسىغا باغلىقكەن

mostafa

	hekmat-uyghur يوللىغان ۋاقتى  2012-12-5 01:08 PM لېكىن ھازىرقى ياش ئوقۇتقۇچىلارنىڭ 60پىرسەنتىدە   ... ماۋۇ ئىنكاسىڭىزدىن بەكلام سۈيۈندۈم ، نادىر ئىنكاس

tewelgha

	ھەقىقىي ئوقۇتقۇچى سۆزلىمىسىمۇ ئۇنىڭ سىماسىدىن تەربىيەنىڭ نۇرلىرى چېچىلىپ  تۇرىدۇ ؛ تىل ئارقىلىق بالىلارنى قايىل قىلغانغا قارىغاندا ،ئوبراز ئارقىلىق بالىلارغا تەسىر كۆرسىتىشنىڭ ئۈنۈمى يوقۇرىدۇر ؛ مېنىڭ گۇدەك قەلبىمگە تەسىر قىلغىنى ۋە يادىمدا قالغىنى  ئوقۇتقۇچۇمنىڭ چوڭقۇر مەنىلىك سۆزلىرى بولماستىن بەكلى ئۇنىڭ پەرىشتىدەك سىماسىدۇر .

yulgunjay

	مېنىڭ گۇدەك قەلبىمگە تەسىر قىلغىنى ۋە يادىمدا قالغىنى  ئوقۇتقۇچۇمنىڭ چوڭقۇر مەنىلىك سۆزلىرى بولماستىن بەكلى ئۇنىڭ پەرىشتىدەك سىماسىدۇر