ئاز ۋە تولا (شىئېرى چاقچاق)

mahatjan

	ئاز ۋە تولا                                  شىئېرى چاقچاق                         بوستانلىقتا بۇلبۇل ئاز،پاختەك بىلەن غاز تولا،                      ئېتىزلىقتا قوناق ئاز، پاختا بىلەن ماز تولا.                     ئورمانلىقتا يولۋاس ئاز،مايمۇن بىلەن ئات تولا،                      ئىتوتلاردا ناخشا ئاز، چاقچاق بىلەن دات تولا.                        كاۋاپچىدا بۆرەك ئاز، جىگەر بىلەن ئۆت تولا،                       كەسپى تېخنىك خادىم ئاز،ئەقلى ئاجىز دۆت تولا.                           باشلىرىدا تۇماق ئاز،چاچلىرىدا ئاق تولا،                          رەقەملەردە جۇپ سان ئاز،ساناپ كۆرسەك تاق تولا.                           ئۆي ئالمىغان ئادەم ئاز،يەنە ئالسا جاي تولا.                            قەرز ئالمىغان ئادەم ئاز،كەمبىغەلدىن باي تولا.                             ئارقا ئىشىكتە ساقچى ئاز،تەتۈر ماڭسا يول تولا،                             بەرگىن دىسە قۇلاق ئاز،ئالغىن دىسە قول تولا.                              باغۋەنلەردە شاپتۇل ئاز،باققاللاردا قاق تولا،                               يالغانچىدا ماقۇل ئاز،ئالدامچىدا ياق تولا.                                رېستۇراندا تاماق ئاز،پۇشۇرمىغان سەي تولا،                                 قوشۇق بىلەن تاۋاق ئاز،پىيالىدا مەي تولا.                                 ناۋايلاردا سامسا ئاز،يوغان ياپقان نان تولا،                                دېھقانلاردا كىسەل ئاز،تومۇرلاردا قان تولا.                               دىگەن گىپىم بەكمۇ ئاز،دىسەم يەنە گەپ تولا،                                دىگەنلەرنىڭ گەپنى ئاز،يۈرۈكىدە دەت تولا.                                               مەنبە؛ ئوز ئىجادىيتىم

ANSWER

	تاققا تۇقا

MiRul

	ھاھاھاھا تازا بەلەن كەپتۇ. مېسرانىمدا نېمە ئاز، ئەزا بىلەن باشقۇرغۇچى تولا، مەخەت مەلىمدە ناخشا ئاز، شېئىر بىلەن تاققا-تۇققۇ تولا.

nazi0997

	مىسرانىمدا نىمە ئاز ، ئىنكاس بىلەن تىما تۇلا، چىشلىرىغا يىگىپ قويساڭ ، تىللايدىغان ئەزا تۇلا.

xabnam00

	چاقچاقلار بەكمۇ كەپتۇ خىل-خىلىغا مەخەتكا، ھوزۇرلاندىم ئولتۇرۇپ،چاققاچ گازىر-شىمىشكا. خىجىل بولدۇم ئۆزۈمچە قىلغان مۇشۇ ئىشىمغا، ئىلھام كەلمەي ئولتۇرغاچ،ياخشى ئەسەر يىزىشقا.

yawa-xir

	سۆزلەپ باققان سۆزۈم ئاز،سۆزلىمىگەن دەرت تولا، ئىش قىلغانلار تېخى ئاز،ئېغىز بىلەن مەرد تولا. ئۆي-ئۆيلەردە گۆشمۇ ئاز،بازارلاردا قوي تولا، ساخاۋەتكە ئادەم ئاز،ھەشەمەتلىك توي تولا. ناخشا ئۇسۇل قالدى ئاز،نايناق بىلەن ماز تولا، ئەركەكلەرمۇ قالدى ئاز،مايماقلارغا ياز تولا. ياۋاشلارغا كۈن بەك ئاز،ساراڭ بىلەن كاج تولا، ھالال پۇلمۇ خېلى ئاز،باراڭ بىلەن باج تولا.

naildin

	خې  خې......    ئوبدان   كەلتۈرۋاتىسىلەغۇ !!!   مەن  كەلتۈرەي  دېسەم ئىلھام ئاز ،  قىلىدىغان  ئىش تولا!

cholpan

	ئېسىل گەپتىن بىرنى قىستۇراي : ئىنسان تولا ،ئادەم ئاز دەپتىكەن بىرسى

nalazar

	hekmat-uyghur يوللىغان ۋاقتى  2012-12-5 02:41 PM ئۇيغۇرلاردا ئالىم ئاز،ناخشا بىلەن ساز تولا،     شەھەر ... ..............  بەك قاملىشىپتۇ ............