بىلىۋال،كىمدىندۇر ھەقىقى سۆيگۈ؟

cholpan

	بىلىۋال،كىمدىندۇر ھەقىقى سۆيگۈ؟              سەئىدىيە ئىزدەركەن بەزىلەر سۆيگۈ ئىلاھى ، باقماسمۇ ئالەمگە نەدىدۇر ئۇ دەپ، قويىدۇ ئۆگىتىپ مۇھەببەت نىمە؟ بولسا گەر سۆيگۈگە ئىلاھ ياكى رەب. مەن باقتىم دىللاردا بار ئىكەن سۆيگۈ، مەيلى ئۇ قاتىلدۇر يا روھى كېسەل، ئەنە شۇ سۆيگۈدىن باققان كۆزلەردە، يەردىكى خازانمۇ ئۆزگىچە گۈزەل. باقسام مەن ئاي قۇياش،تاغ دەريا تامان، بۇ دۇنيا گۈزەلدۇر ئەسلى بەك گۈزەل، پەسىللەر ئۆزگىچە ،كېچە ھەم سىرلىق، دەرەختە مىۋىلەر،ھەرىدىن ھەسەل. گۈزەللىك ،سۆيگۈدىن پۈتكەن مەۋجۇدات، قەتئىي بىر تۈزۈمدە قىلىدۇ خىزمەت، بولسىمۇ كۆپ ئاجىز قۇۋۋەتتە ئىنسان، ھەر نەرسە ئۇنىڭغا كۆرسىتەر ئىززەت. دىمەككى،مەخلۇقنى ياراتقان زات بار، ھەرنەرسە ئۈستىدە سۆيگۈسى ياتار، بارچىنى ئىنسانغا بويسۇندۇردى ئۇ، نە بىلەن ئۇ ئىنسان ئەجىر قايتۇرار؟ ھەممىمىز ئوخشاشلا يارالدۇق گۈزەل، چۈشەنمەس دىلىمىز بۇنى بەزىدە، مىسالىم شۇ پەقەت،ئىشەنمىسەڭ گەر، مۇھەببەت ئەكسى بار ھەربىر قەلىپتە. ئەمدى كۆر زۇلۇمنى ，قايغۇ ھەسرەتنى، سەۋەپچى ئەمەسمۇ ؟ئىنساننىڭ نەفسى؟ دەرەخلەر،يۇلتۇزلار ئازمايدۇ ھىچبىر، سەۋەپ شۇ ئىنساندا باردۇر ئەركىسى. قوراللار، ئەمەسمۇ يۈرەكنى تىلغان، يالغانلار ئەمەسمۇ بىزنى ئالدىغان؟ كىم كۆيەر بىزلەرگە ئەشۇ زات كەبى؟ كىم ئىدى بىزنى تۈز يولغا باشلىغان؟ كىتاپ ۋە ئەلچىلەر ئەۋەتتى بىزگە، بۇزغۇنچى بولما دەپ زىمىن يۈزىدە، ئۆگەتتى ياشاشنى،مۇھەببەتنى ھەم، بۈيۈكلۈك بابىدا ئۇدۇر يىگانە. ئادەم ۋە ھاۋادىن باشلانغان قىسمەت، يۈسۈف ھەم زۈلەيخا مىسال ۋە ھىكمەت، ياراتقان ئەشۇ زات قىلدىلەر بايان، ئۆگەتتى بىزلەرگە نەدۇر مۇھەببەت. سۆيگۈنىڭ ئىلاھى يوقتۇر ئەزەلدىن ، باشقىسى ھەم شۇنداق بەرباتتۇر ئەبەت يىگانە ئاللاھتىن بارچە ياخشىلىق، زاتى پاك ئاللاھتىن چىن سۆيگۈ،ھىكمەت. ئۇ بىرەر رىزىقنى ،يارىتۇر نىممەت، مۇھتاجمىز ئۇنىڭغا ،ئۇدۇر بىھاجەت، سەن سۆيگەن قەلپىنى باشقۇرغۇچى ئۇ، يىگانە ئاللاھقا قىلغىن ئىبادەت.

babursalam

	ماڭا بەك ياقتى ، قولىڭىزغا دەرت كەلمىسۇن.

يولۇچى

	شېئىرىڭىز ياخشى يېزىلىپتۇغۇ...مۇھەببەتلىشىش ماڭا قاچان نىسىپ بولار..ھازىرغىچە مۇھەببەتلىشىپ باقمىغانتىم....

cholpan

	بۇ تىمىنى تولۇق ئوقىمىساڭلار چېنىپ ‹چۈشەنمەي ›سىلەر

akbartaxna

	شئېر  بەك  ياخشى يىزىلىپتۇ !!!  تىلى راۋان ، پاساھەتلىك چىقىپتۇ ، ،مەندە چوڭقۇر تەسىر قالدۇردى. قولىڭىزغا دەرت كەلمىسۇن باقسام مەن ئاي قۇياش،تاغ دەريا تامان، بۇ دۇنيا گۈزەلدۇر ئەسلى بەك گۈزەل، پەسىللەر ئۆزگىچە ،كېچە ھەم سىرلىق، دەرەختە مىۋىلەر،ھەرىدىن ھەسەل.

tawpikkizi

	بەك ياخشى چىقىپتۇ ،تىرىشىڭ

ئىپارە

	بۇ ئېسىل شېئىرىڭىزنى كۆرمەي قاپتىمەنغۇ؟

cholpan

	ئىپارە يوللىغان ۋاقتى  2012-12-12 12:17 PM بۇ ئېسىل شېئىرىڭىزنى كۆرمەي قاپتىمەنغۇ؟ ھەممە يەردە بوپ قالمىسۇن دەپ كۆكلەمگە يوللىمىغانتىم،مىسرانىمدا تىما كۆپ،كۆمىلىپ قاپتۇ

IPAR12

	چولپان قىز ،شېئېر لىرىڭىز مۇنبەر يۇزىدە ھەر قاچان چولپان كەبى چاقناپ تۇرسۇن

IPAR12

	سىز بىلەن تۇنىشىشقا مۇمكىن بولارمۇ؟