شېئىر-رۇبائىيلار (بارچۇق8)

barquk8

	ئەسسالامۇ ئەلەيكۇم مۇنبەداشلار دىدار غەنىمەت سىلەر بىلەن بۇ مەھھۇم دۇنيادا يەنە بىر قېتىم دىدارلىشىالىغانلىقىمدىن تولىمۇ خۇشالمەن . ئاچچىقىڭ كەلسىمۇ بەزى چاغلاردا ، ئەقىلنىڭ كۈچىدە چىڭ تۇت ئۆزۈڭنى . ئويلاپ قىل ھەر ئىشنى نادان ئەمەسسەن ، سەن ئۆزۈڭ ساقلىغىن ئابروي_يۈزۈڭنى . ئابرويغا ئىرىشىش ئىناۋەت تېپىش ، ئابروينى ساقلاشتىن ئاسانراق ئىشتۇر . ئابرويى تۇرۇقلۇق ئۆزى تۆككەنلەر ، ئۇلارغا باھار ئەمدى زىمىستان قىشتۇر . *************************************** سۆيگۈنۈم سۆيگۈنۈم مۇھەببەت كۈتتۈم بەك ئۇزاق ، ئىشەنگىن مەن ساڭا قۇرمۇدۇم تۇزاق . يۈرىكىم   بىئارام  دورىسى  ۋىسال ، ۋىسالسىز تەنھالىق يالغۇزلۇق دوزاق . كۈن-تۈنۈم ئازاپتا ئۆتەر مۇشۇنداق . ئۇنتاي دەپمۇ ئۇنتالمىسام قىلىمەن قانداق ، سەن مىنىڭ قەلبىمدە ئېچىلغان گۈلسەن . مەن سىنىڭ كۆڭلۈڭدە بولساممۇ يانتاق . گۇناھمۇ ئەي جانان ساڭا كۆيىنىش ، يەتمەسمۇ سىنىڭدىن ماڭا سۆيىنىش . ئىشەنگىن ھەممىنىڭ تۇتار خارلىقى ، ئۇۋالكەن كۆيۈنۈپ دۈشمەن كۆرۈنۈش . ****************************************** يۈرىكىمدە زەرداپ بار يىتەلمىگەچ ۋىسالغا يۈرىكىمدە زەرداپ بار ، بۇلۇپ ئۆتكەچ مۇساپىر يۈرىكىمدە زەرداپ بار . ياخشىلىقنى قىلاي ياخشى سۆزلەر قىلغاندا ، ئاڭلىغاچقا يامان گەپ يۈرىكىمدە زەرداپ بار . يىتىملىكنىڭ رەڭگىدىن يۈرىكىمدە زەرداپ بار . دوستلار ئارا بەك ئۇزۇن ئىزدەشمىگەچ كۆرۈشمەي ، كەتتۇققۇ بىز پەقەتلا ھالىڭ نىچۈك بىلىشمەي . ئۇچرىغاندا تۇيۇقسىز بىرەر گەپ-سۆز دىيىشمەي ، ئالتە كۈنلۈك ئالەمدە يۈرەمدۇق بىز كىلىشمەي . سەبىي دوستنى ئويلىسام يۈرىكىمدە زەرداپ بار . تۇققانلار جەم بۇلالماي ئايەمدە ھەم بولالماي، ياتلىشىشتىن تۇققاندىن قىلچىلىكمۇ ئۇيالماي . شەھەرنىڭ دۇت ئىسىغا كۈندە شوراپ تۇيالماي ، مەنپەئەتنى تۇققاندىن زىنھار ئۈستۈن قۇيالماي . شۇنداقلارنى ئويلىسام يۈرىكىمدە زەراداپ بار . كىلىپ شۇنچە يىراقتىن قالسا ئانا پىراقتىن ، ئىستىقبالنى ئىزدىگەن دىبادىكى چىراقتىن . تاشلاپ شەرمى-ھايانى ئىزەپ مودا پۇراقتىن ، سوقۇشتۇرۇپ رومكىنى بەخىت ئىزدەپ ھاراقتىن . يۈرگەنلەرنى ئويلىسام يۈرىكىمدە زەرداپ بار . جان بالام دەپ يىراقتا قالسا ئانا چۆل تاغدا ، ئانىسىنى ئويلىماي  يۈرۈپ ئۈزى گۈل باغدا . تۇيالمايدۇ بىرەر ۋاخ  ئانىغا يوق نان زاغرا، رېستۇرانمۇ -رېستۇران ئۆزى تويۇپ گۆش ياغدا. شۇ ياشلارنى ئويلىسام يۈرىكىمدە زەرداپ بار . مېڭىشلىرى يات قەۋىم چىقىرىپ تېخى ساغرا ، بىر نان تاپسا داپ چېلىپ يەتمەي چالىدۇ ناغرا . دەپ يۈرەر شۇ ھالىغا ئەجدادىم مىنىڭ بۇغرا ، ئىزدەپ يۈرەر ھەممىسى پايدا نەدىنمۇ ئۇچرا . ئۇنداقلارنى ئويلىسام يۈرىكىمدە زەرداپ بار . پايدا چىقماس جىدەلگە كۈندە ئىزدەپ ئارلىشىپ ، قېرىندىشى تۇرۇپمۇ  دەسسەپ - پۇلاپ  قانلىشىپ . ۋىجدان سېتىپ نان تېپىپ ھاياتىىنى قامدىشىپ ، ئورا كولاش كويىدا كىچە-كۈندۈز چامدىشىپ . يۈرگەنلەرنى ئويلىسام يۈرىكىمدە زەرداپ بار . بىلىم ئېلىش نىيەتتە كەلگەن تۇرۇپ ئۆزلىرى ، ئويناپ يۈرەر تاماشا كىتاب كۆرمەس كۆزلىرى . ئاتار پونى باج ئالماس بەك يوغاندۇر سۆزلىرى ، قىلسىمۇ گەر يامان ئىش قىزارمايدۇ يۈزىلىرى . شۇ دوسلارنى ئويلىسام يۈرىكىمدە زەرداپ بار . ئاپتۇرى:مۇھەممەتئەلىجان.چۇڭقۇرچاق قېرىنداشلىرىمنىڭ كۆپرەك قوللاپ بىرىشىنى ئۈمىد قىلىمەن . ئۆزۈم ئەڭ ياقتۇرۇپ ئوقۇيدىغان <<مەن ئۆلەرمەن>>دىگەن ناخشىنى سىلەرگە كۆڭۈل سوۋغىسى قىلىمەن . (يانفۇندا ئاۋازغا ئالغان ) گىتتاردا:نۇرئەلىجان ئۆمەر ناخشىدا:مۇھەممەتئەلىجان.چۇڭقۇرچاق

oyqan0999

	شېئىرلىرىڭىز شۇنداق ياخشى يىزىلىپتۇ.داۋاملىق تېرىشىڭ دوستۇم!!! ئەپسۇس ناخشىڭىز چىقمىدى.

delazar

	شېئىرلىرىڭىز شۇنداق ياخشى يىزىلىپتۇ ئەپسۇس ناخشىڭىز .......................

barquk8

	ناخشىنى ئاڭلىيالمىغان دوستلار ئۇدۇن تورىدىن ئاڭلىساڭلار ئاڭلىغىلى بولىدۇ . ئادىرىسى:http://www.mp3uy.com/play_user_music.asp?id=42379

othor

	ئالدىنقى ئىككىسى  رۇبائېي  ئەمەسكەن ،  رۇبائىينىڭ مۇقىم قاپىيە  شەكىلى بار  ، سىزنىڭ  يازغىنىڭىز  قائىدىگە چۈشمەپتۇ . ئەسلى  تۆتلۈك  دېسەك  مۇۋاپىق بولىدۇ . ئاخىرقى  شىئېرلىرىڭىز  ياخشى چىقىپتۇ .

naildin

	bak yahxi yezipsiz tehimu mol asarlarni wujudka kalturixingizga tilakdaxman!

barnakiz886

	يازمىڭىرىڭىز ئىسىلكەن،قەلەم كۈچىڭىزگە ئاپىرىن

akkani

	ھۆرمەتلىك تورداش بارچۇق8 ،ئۇزۇن بولدى مۇنبەرلەردە كۆرۈنمەي قالدىڭىزغۇ؟ بۇ شېئىرلارنى ياخشى يېزىپسىز،تىرىشسىڭىز سىزدە خېلى زور ئۈمۈد باركەن.دوستانە پوزۇتسىيە بىلەن شېئىرىڭىزدىكى كىچىككىنە نوقسان بار جاينى سىز بىلەن ئورتاقلاشقۇم كەلدى،توغرا چۈشۈنەرسىزمۇ؟ 1-بارماق ۋەزىن شەكلىدە يېزىلغان،بېشىدىكى تۆتلۈك شېئىرلىرىڭىزنىڭ 2-كوبلىت 4- مىسراسىدىكى ‹‹ ئۇلارغا باھار ئەمدى زىمىستان قىشتۇر››دىگەن مىسرادا،11بۇغۇم بىلەن داۋاملىشىپ كىلىۋاتقان شېئىرى شەكىل بىراقلا 12بۇغۇمغا ئۆزگۈرۈپ شېئىرنىڭ رېتىمىغا تەسىر يەتكۈزۈپ قويۇپتۇ. 2-‹‹سۆيگۈنۈم››ناملىق شېئىرىڭىزنىڭ2-كوبلىت2-مىسراسى، 3-‹‹يۈرۈگۈمدە زەرداپ بار››ناملىق شېئىرىڭىزنىڭ 1-كوبلىت 3-مىسراسىدا شۇنىڭغا ئوخشاش نوقسان بار دەپ قاراپ سىزگە سەمىمى مەسلىھەت بەرگۈم كەلدى.قايتا بىر كۆز يۈگۈرتۈپ باقسىڭىز.بەك ياخشى يېزىپسىز دەپلا ئىشنى تۈگەتكىم كەلمىدى.بىلەلىسەك بۇ بىر مەسئولىيەتچانلىق دەپ قارايمەن.

barquk8

	akkani يوللىغان ۋاقتى  2012-12-3 04:35 PM ھۆرمەتلىك تورداش بارچۇق8 ،ئۇزۇن بولدى مۇنبەرلەردە كۆر ... ھەققانىي ئەپەندىم دوسلۇق دوستلۇق پوزىتسىيەسى بىلەن مەسئۇليەتچانلىق تۇيغىسدا تۇرۇپ شېئىرلىرىمغا بەرگەن قىممەتلىك تەكلىپىڭىزگە كۆپتىن-كۆپ تەشەككۈر ... مەن تۈزۈتۈش ئۈچۈن چۇقۇم تىرىشىمەن ... يەنە داۋاملىق يازمىللىرىمغا تەكلىپ-پىكىر بىرىپ تۇرىشىڭىزنى سەمىمىي ئۈمىد قىلىمەن . يېقىندىن بېرى ئوقۇشۇم بەك ئالدىراش (كەسىپكە چۈشكەچكە) شۇ سەۋەپتىن مۇنبەرگە كىرىپ بۇلالمىدىم . ئاللاھ ئىگىمىز خالىسا قىشلىق تەتىلدە چۇقۇم سىزلەر بىلەن مۇنبەر يۈزىدە تۇلۇق دىدارلىىشىپ تۇرىمىز ...