مېھىر-مۇھەببەت ياشىسۇن!

tarsayi

	بۈگۈن ماتېرىيال كۆرىۋىتىپ مۇنداق بىر ھېكمەتلىك ھېكايەتنى ئوقۇپ قالدىمدە، ئۆزۈم ئاجايىپ تەسىرلىنىپ كەتتىم، شۇڭا بۇنداق ياخشى ھېكايەتتىن بارچە تورداشلارنى ھەمبەھرىمان قىلىش ئۈچۈن بۇ يەرگە ئىلىپ كىردىم، تالانتلىق شائىرىمىز ھەم ھۆرمەت تۆرىدىكى ئاكىمىز مۇختەر بۇغرا قايسىدۇر بىر شئېرىدا << مېھىر-مۇھەببەت ئىنسانغا قانات >> دەپ ھەقىقەتەن ياخشى ئېيتقان ئىدى، بۈگۈنكى كۈندە ئەتراپىمىزدىكى بولۇۋاتقان ھەر تۈرلۈك ئىشلار مېھىر-مۇھەببەتنىڭ ئۇلۇغ كۈچىدىن يارىتىلىۋاتقانلىقى ھەمىمىزگە ئايان، مەن مېھىر-مۇھەببەتنىڭ ھەقىقەتەن ئۇلۇغلۇقىنى ھەم كۈچلۈكلۈكىنى رەيھان ئاپپاي باشچىلىقىدىكى <<مېھىرىبان ئانىلار>> سىماسىدىن ھەققىي ھېس قىلدىم، مېھىر-مۇھەببەتنىڭ مەۋجۇتلۇقىنى ياقا يۇرتلاردا كۆرگەن يۇرتدىشىم ھەم قېرىندىشىم چېھىرىدىن ھەققىي ھېس قىلدىم. 2009-يىلى  11-ئايدا ئىچكىرى ئۆلكىلەرگە قىلغان ساياھىتىمدە،  شاڭخەي پويېز ئىستانسىدا ئۈچ نەپەر ئۇيغۇر قېرىندىشىمنى كۆرۈپ، ھاياجىنىمنى باسالماي<< ۋاي ئۇيغۇرلار ئىكەن>> دەپ توۋلاپ سالدىمدە-ئالدىغا يۈگۈرۈپ بىرىپ مېھىر-مۇھەببەت سالىمىنى يەتكۈزدۈم، ھەمدە ئۇلار بىلەن ئۆز ئۇرۇق-تۇغقانلىرىم بىلەن كۆرۈشكەندەك كۆرۈشۈپ، ھال-مۇڭداشتىم، ئۇيغۇر تىنىقىدا ھەمسۆھبەت بولدۇق، ئۇلارنىڭ ئېيتىشچە:<< 90-يىللاردا خوتەندىن ئۈرۈمچىگە ئىش-ئوقەت قىلىش ئۈچۈن بارغاندا ئۈرۈمچىدىكى ئۆز قېرىنداشلىرىمىز، ئۆز دىنداشلىرىمىز بۇلارنى ئالتەشەلىك سېسىقلار دەپ بازارغا پاتۇرمىغان ئىكەن، ئۈرۈمچىگە پاتمىغان ئۇيغۇر، ئۆز بېشىنى ئىلىپ تۇرمۇشنىڭ ئۇرۇندى-سوقۇندىلىرىدا ئىچكىرى ئۆلكىلەرنى ئايلىنىپ، مەن كۆرگەن مۇشۇ شاڭخەيگە ماكانلىشىپ قاپتۇ، مانا ھازىر كۈنلىرى يامان ئەمەس ئىكەن، بىرەسى ئۇيان ئۆت، بۇياققا ماڭ دېمەيدىكەن، بازار ھەققى تاپشۇرىدىكەن، ئىككەيلەن كاۋاپچىلىق قىلىدىكەن، يەنە بىرەيلەن گۈلە-قاق، ياڭاق-كىشمىش ساتىدىكەن (مېنىڭ كۆرگىنىم) ، ئۇلار كۈنلىرىنىڭ قانداق ئۆتىۋاتقانلىقى ۋە شەھەرنىڭ ئەھۋاللىرىنى بەس-بەستە سۆزلەپ كەتتى.>> بۇلارنىڭ ئەھۋالىدىن بۇرۇنراق ئۆز قېرىندىشىنى قوغلىغان قېرىنداشلارغا بەك ئىچىم قاينىدى، بەس........ ئىنسانلار توغۇلۇشىدا تەپمۇ-تەڭ، ھەممىسى باراۋەر ئىكەن، بىراق موھىت، ئىقتساد، مەدەنىيەت ئۇلارنى يۇقىرى-تۆۋەن، باي-كەمبەغەل دەپ ئايرىيىدىكەن، ھاۋا ھەم قۇياشتىن تەڭ بەھرىلەنسىمۇ ، ئىنسانلار ئارىسىدىكى مېھىر-مۇھەببەتتىن كۆڭلى سۇ ئىچمەي تالاي قېرىنداشلىرىمىز بۇلۇڭ-پۇچقاقلاردا بويۇن  قىسىپ قىلىۋاتىدۇ، شۇڭا بۈگۈنكىدەك قورسىقىمىز توق، كىيمىمىز پۈتۈن، ماددىي مەئىشەتلىرىمىز  ياخشىلىنىشقا قاراپ يۈزلىنۋاتقان كۈنلەردە مېھىر-مۇھەببەتكە تەشنا قېرىنداشلىرىمىزغا ھەققىي مېھىر-مۇھەببىتىمىز بىلەن كۆڭلىمىزنى بەرسەك دەيمەن .... جەمئىيتىمىز ھەقىقەتەن ياخشى بىر كەيپىياتتا راۋاجلىنۋاتىدۇ، بىراق چوڭ-كىچىك دەرەخلەر سۇنى تەڭ ئىچىپ، ھاۋانى تەڭ سۈمۈرۈپ ياشىيالىغان بىلەن چوڭ-كىچىك قېرىنداشلىرىمىز ئۇنداق بولمايىۋاتىدۇ، خۇددى بۇغرا ئاكىمىز ئېيتقاندەك--- بەزەن قېرىنداشلىرىمىز دوزاققا تۇتۇرۇق بولغىدەك يامانلىقلار ئۈستىدىن چۈشەلمەي، ھەتتا يېتىمىنىڭ رىسقىغىمۇ چاڭ سىلىۋاتىدۇ، بەزەنلىرىمىز دانكوغا ئوخشاش ئۆز يۈرىكىنى باشقىلارغا بىرىۋاتىدۇ، ھەي، ھەممەيلەن ئىللىق بىر مېھىر-مۇھەببەتكە ھەم ھەقىقىي خوشھاللىققا مۇھتاج، دۇتار بىلەن ئۇسۇل تېخى بىزنى باي قىلالمىدى، يەنە شۇ تەقدىر شۇنداق دەپ <<ئاچچىق>> كۈلدۈق. دىللىرىمىز مېھىر-مۇھەببەتتىن سۇ ئىچكىندىن بۇرۇنراق، قەلبىمىز ئىچ-ئىچىدىن سېسىشقا باشلىدى،  ھەمىمىز ئىنسانىي مېھىر-مۇھەببەتكە مۇھتاج، بۇ ھايات مېھىر-مۇھەببەتكە تولسۇن، غەيۋەت-نەپرەت بىزدىن يىراق تۇرسۇن................. شۇنداق بۇ ھېكمەتلىك ھېكايەتنى ئەمدى سىزگە سۆزلەپ بىرەي دوستۇم.... چەت ئەلدىكى بىر سېستىرالىق مەكتىپىدە، پروفېسور ئوقۇغۇچىلاردىن تۇيۇقسىز كىچىك سىناق ئاپتۇ. ئىمتىھان سۇئالىدىكى ئەڭ ئاخىرقى سۇئال مۇنداق ئىكەن:<< ھەر كۈنى مەكتەپ قورۇسىنى سۈپۈرىدىغان ئايالنىڭ ئىسمى نېمە؟>> بۇ سۇئالغا قاراپ ئوقۇغۇچىلار پروفېسورنىڭ نېمىشقا بۇنداق سۇئال چىقارغانلىقىدىن ھەيران قاپتۇ. ئۇلار مەكتەپ تازىلىقىنى قىلدىغان ئايالنى كۈندە كۆرۈپ تۇرسىمۇ، لېكىن ئۇنىڭ ئىسمىنى ھېچكىم سوراپ باقمىغانىكەن. دەرستىن چۈشىدىغان چاغدا بىر ئوقۇغۇچى پروفېسوردىن : << ئەڭ ئاخىرقى سۇئالغىمۇ  نومۇر قويامسىز ؟>> دەپ سورىغانىكەن، پروفېسور : << ئەلۋەتتە نومۇر قويىمەن. سىلەر كەسپىي ھاياتىڭلاردا نۇرغۇن كىشلەر بىلەن ئۇچرىشىسلەر، ئۇنىڭ ھەمىمىسى سىلەر ئۈچۈن مۇھىم، ئۇلارنىڭ ھەممىسى سىلەرنىڭ دىققەت قىلىشىڭلارغا، كۆيۈنىشىڭلارغا ئەرزىيدۇ، ھىچ بولمىغاندا ئۇلارغا كۈلۈمسىرەپ قويۇڭلار، ئۇلاردىن ئەھۋال سوراپ قويۇڭلار>> دەپتۇ. ئوقۇغۇچىلار : << بۇ بىر سائەتلىك دەرس بىزگە ناھايىتى چوڭقۇر تەسىر قىلدى>> دىيىشىپتۇ.                                 ---------تەرسائىي     (قەدىمى قىزىل كۈرە  27-نويابىر )

barnakiz886

	شۇنداق...... دۇنيا مىھىر-مۇھاببەت بىلەن گۈزەلدۇر!

banker625

	ئۇ ئىچكىرىدە يۈرگەن ھەممە كىشى ئۇنداق بولمايدىكەن ، مەن ئالدىنقى يىلى  چىڭدۇ پويىز ئىستانىسىسىنىڭ ئالدىدىكى  2-يول كوچا ئاپتۇۋۇزىدا  ئوندىن كۆپرەك ئويغۇرنى ئۇچراتتىم . ئۇلاردىن بىر ياشقا چوڭراق ئادەمگە  تىشلىقمۇ ئاكا يۇرتتىن ھازىر چىقتىڭلارمۇ دەپ سورىسام  بىر ئېغىزمۇ گەپ قىلماي تەتۈر قاراپ ئولتۇرىدۇ ،باشقىللىرىدىن بىرەرسى گەپ قىلىدىغاندەك ئەمەس  توۋا دىدىم ، يا ئۇيەردىن  قىزغىنىۋاتامدۇ ،    شۇنىڭ بىلەن مەنمۇ گەپ قىلماي ئولتۇردۇم.

ANSWER

	ھازىر كىشىلەردە ئۆز - ئارا مىھىربانلىق كۆتۈرىلىپ كىتىپ بارىدۇ

panama

	مېنىڭچە بۇ زاماندا بىر بىرسىگە .ئىشنىپ كەتكۈلى بولمايدۇ

913

mahatjan

	ئىنسانلار بىر-بىرى بىلەن بولغان مىھرى-مۇھەببىتىنىلا ئەمەس بەلكىم تەبىئەت دۇنياسىغا بولغان مىھرى-مۇھەببىتىنىمۇ ئىپادىلىشى كىرەك.چۈنكى؛مال سېتىۋالماقچى بولغاندا يۈز يىۋەنلىك پۇل بەك چىرايلىق ھەم رولى چوڭ.ئەمما خالاغا  كىرىپ ھاجەت قىلغاندا بەش موچەنلىك تازىلىق قەغىزى بەك چىرايلىق ھەم بەك موھىم.

kokbora520

	دۇنيا مىھرى-مۇھەببەت بىلەن گۇزالدۇر

篮球美女

	بىز ھەقىقەتەنمۇ مىھرى - مۇھەببەتكە مۇھتاج . لېكىن ھازىر پۇل ... تۇققاننى ياتقىلىپ ياتنى تۇققاندىن ئەزىز قىلىۋىتىپ بارىدۇ ئەمەسمۇ ؟ مەنپىئەت ھەممىدىن ئۈستۈن بولۇپ قىلىۋاتىدۇ .

zumrettash

	كىشىلەر ھازىر ماددى مەنپەئەتنىلا كۆرىدىغان بولۇپ كېتىۋاتىدۇ،مىھىر -مۇھەببەتنى كىشىلەر ئارىسىدىن كۆرۈش تەس بولۇپ كېتىۋاتىدۇ...ئەگەر ئاللانى ھەقىقىي تۇنىغان بولسىدى ھەرگىز بۇنداق بولمايتتى........ئەگەر شۇ سۈرئەتتە كافىرلار يولىدا كېتىۋېرىدىغان بولسا ،بۇ جاھان بىر-بىرىنى قىرغىن قىلىپ ،جاھاندا سوغۇق جۇد دەۋىر سۈرىدۇ...بۇنداق جاھاندا قانداقمۇ ياشىغىلى بولسۇن...ئاللانىڭ قىيامىتى بالدۇر كېلىپ قېلىشى مۇمكىن..........ئاللامۇ مېھىرلىك كىشىلەرنى ،ئاقكۆڭۈل كىشىلەرنى ،ياخشى ئەمەللەرنى قىلغۇچىلارنى ئەڭ ياخشى كۆرىدۇ......ئاللا ھەممىمىزنى ھىدايەتكە باشلىغاي..... تېمىلىرىڭىز مۇنبەردىن ئۈزۈلمىگەي.