ھاياتلىق سېۋىتى

tarsayi

	ئەسسالاممۇ ئەلەيكۇم تورداشلار!  بۈگۈنكى قار ناھايىتى ياخشى يېغىۋاتىدۇ، بۇ قار بەخت-خوشھاللىقنىڭ سېھىرىي مەنبەسى بولۇپ قالار،بەلكىم..... ئۇنداق دېگىنىم باياتىن بىر ئۈچ بالىسى بار ئاغىنەم قار سەيلىسى قىلىپ كەلدىم-دەيدۇ، ئۇنىڭغا شۈنچە گۈزەللىك ۋە ئازادىلىك ھېس قىلدۇرغان بەلكىم ئاپئاق پاختىدەك قارلار ئەمەستۇ دەپ ئويلىدىم.... يەنە بىردەمدىن كېيىن زىممىسىگە مىللىتمنىڭ مائارىپ يۈكىنى ئارتىپ، ئاپئاق بور توزاندىلىرى ئىچىدە يۈرىدىغان،  يۈرىكىدىن ئەۋلادلار ئۈچۈن ياش تۆكۈۋاتقان مۇئەللىم ئاغىنەمنىڭ پەرىشتە مومامنىڭ بېشىدىكى ئاپئاق ياغلىقتەك ئاپئاق قارلارنى بىر كۈن خىزمەت قىلىپ چارچىغىنىغا قارىماي تازلاشقا تۇتۇنغانلىقىنى ئاڭلىدىم.... ئەنە ئالدى 9-10 ياشلاردا، كەينى 5-6ياشلاردىكى بىر نەچچە بالا قىن-قىنىغا پاتماي ئاپئاق قاردا سەبىيلىك قىلىقلىرى بىلەن پاك، كىرسىز سەبىي ئويۇنلارغا غەرق بولىۋاتىدۇ.... ئاجايىپ دۇنيا بۇ، ئاپئاق قاردا يۈنىلىشنىڭ نەدىلىكىنى ئۇنتۇپ قالغان بىر غەمسىز مەس يول چېتىدە ئىغىناپ ياتاتتى، يېنىدىن نەچچىمىز ئۆتتۈق، بىرىمىز ھېسداشلىق قىلمىدۇق، ئەكسىچە ھەمىمىز ئۇنىڭغا نەپرەتلەندۇق، ئۇ ھاياتنىڭ پەيزىنى ھەقىقىي سۈرۋاتقاندەك شېرىن ئۇيقۇغا كەتكەندەك قىلاتتى...... ماۋدۈن ئېيتقاندەك:<<قويۇۋەت، تېخمۇ قاتتىقىراق گۈركىرسۇن بوران.....>> ياغسۇن، تېخمۇ مول ياغسۇن، ئاپئاق قار ئۆزىنىڭ ئاقلىقى ھەم پاكلىقى بىلەن زېمىندىكى مەينەتچىلىكلەرنى بېسىپ قالسۇن، ئاپئاق قار كىلەركى يېلدىن مول-ھوسۇلنىڭ شادلىقىنى بەرسۇن، ئاپئاق قار گۈزەللىكى بىلەن  كىشىگە ھوزۇر بەرسۇن، يۇرتىمىزدەك تۆت پەسىلى ئېنىق، ھەر پەسىلنىڭ ئۆزگىچە گۈزەللىكى ھەم ئۆزگىچە ھوزۇرى بىزدىن ئايرىلمىسۇن، ئاھ، ھەممىگە قادىر ئۇلۇغ خۇدا، مېنىڭ سەبىي چاغلىرىم گۈزەل يايلاقلاردا، نىممىتى ئۇلۇغ باغلاردا، سۈيى كەۋسەر ئۆستەڭ-بۇلاقلاردا، خەلقى ئېسىل گۈزەل سەھرالاردا ئۆتكەن، مەن ئاشۇ ئېسىمىنى بىلگەن گۆدەك چاغلىرىمىدىن باشلاپ ھېچقانداق ئىش قىلمايلا ئۇلۇغ ئاللانىڭ دەرگاھىغا كېتىش بىلەن يۇرتىمىنىڭ تۆت پەسىلنىڭ ھوزۇرىدىن ئايرىلىپ قىلىشتىن بەك قورقاتتىم، مانا ئاشۇ ۋاقىتلارنى بەك سېغىنۋاتىمەن، قەلبىگە ھېچقانداق مەنپەئەت ۋە غەرەزنى يۇشۇرماي، سەھرا كېچىلىرىنىڭ ئايدىڭلىرىنى چاڭ كەلتۈرۈپ، باللىقنىڭ گۈزەل ئويۇنلىرىغا غەرق بولاتتۇق، ئوغۇل ئوغۇلدەك، قىز قىزدەك ياشايتتۇق، ھەتتا ئوغۇللار ئارىسدىمۇ ئوغۇللاردىن قىلشمىغۇدەك بىرە-ئىككى قىزلارمۇ بولاتتى، ھەي باللىقىم، سەندە كوللىكىتىپچانلىق دېگەن ئىدىيە ھەقىقەتەن ئۇلۇغ ئىكەنتۇق، ئامال يوق                                                                       باللىقىم كەتتى ئۇزاپ، قالدىم ئەجەپ يىراقتا،                                                تۇنجى سۆيگەن يارىمنىڭ ئوتلىرىدا پىراقتا،                                                ساقال باستى ئېڭەكنى، ئەكىلەيدۇ باللىرىم،                                                بىلىندۈرمەي باللىقىم كېىتپ قاپتۇ نەۋاقتا. شۇنداق جاھان ئىكەن، ھەش-پەش دېگۈچە باللىقنى تۈگىتىپ، چاقماق ياشلىق دەۋرىگە كىلىپ قالدۇق، بەزىدە ئۆزۈمنى نۇر زىياۋدونۇف(ئانا يۇرت روماندىكى باش پىرسۇناژ) بىلەن لوتپۇللا مۇتەللىپكە سېلىشتۈرۈپ، ئۆزۈمدىن رازى بولمايمۇ قالغان يەرلىرىممۇ بولغان، بىراق ئۆمۈچۈك تورىدەك تورلاشقان، ئالدىراش دەۋىردە بازار ئىگىلىكىگە يۈزلىنىپ كەتكەن بۇ قەۋىمىم بىلەن يۇرتىمدىن گۈزەللىكىنى روھىيتىم تولغىدەك ھېس قىلالمايىۋاتىمەن، ياكى مەن باللىقتىكى گۈزەل تەسەۋۋۇرلىرىم بىلەن ياشاشتىن ئايرىلىپ قالدىممۇ- بىلەلمىدىم، شۇڭا بۇ ئاپئاق قار مەن ئۈچۈن سەبىي باللىقىم ھەم كىرسىز گۆدەكلىكىمگە بەك ئوخشاپ كەتتى، شۇ ئىشلار كېنۇ لىنتىسىدەك كۆز ئالدىمدا زاھىر بولغاندا كۆزلىرىمىدىن ئېختىيارسىز ئىككى تامچە ياش ئېقىپ چۈشتى.... ياشلىرىمىنى سىلەرگە كۆرسەتمەي، ئەمسە تورداشلار تۆۋەندىكى ھېكمەتلىك ھېكايەتكە قۇلاق سېلىڭلار..... بىر كىشىگە تۇرمۇش كەچۈرۈش ناھايىتى ئېغىر كەپتۇ ۋە بۇنىڭدىن قۇتۇلۇشنىڭ ئامالىنى تاپماقچى بولۇپ، بىر پەيلاسوپنى ئىزدەپ بېرىپتۇ. پەيلاسوپ ئۇنىڭغا بىر سېۋەتنى بېرىپتۇ ۋە بىر شېغىللىق يولنى كۆرسىتىپ تۇرۇپ: << ھەر قەدىمىڭىدە بىر تاشنى ئىلىپ سېۋەتكە سال، مەن يولنىڭ ئۇ بېشىدا سېنى كۈتىمەن>> دەپتۇ. بىز ھازادىن كېيىن ئۇ كىشى يولنىڭ ئۇ بېشىغا چىققاندا، پەيلاسوپ ئۇنىڭدىن قانداق تەسىراتقا كەلگەنلىكىنى سورىغانىكەن، ئۇ كىشى:<<بارغانسېرى ئېغىرلاشقانلىقىنى ھېس قىلدىم>> دەپتۇ. پەيلاسوپ ئۇنىڭغا :<<شۇنداق، بىز ھەمىمىز دۇنياغا بىردىن قۇرۇق سېۋەت كۆتۈرۈپ كېلىمىز، ھەربىر قەدىمىمىزدە بۇ دۇنيادىكى بىر خىل نەرسىنى سېلىپ ماڭىمىز>> دەپتۇ. ئۇ كىشى : <<ئۇنى ئازىراق يېنىكلەتكىلى بولماسمۇ؟>> دەپ سورىغانىكەن، پەيلاسوپ:<<بۇنىڭ ئىچىدە مۇھەببەت، خىزمەت، ئائىلە، دوستلۇقلار بار، ئۇنداقتا سەن قايسىسنى ئالىسەن؟>> دەپ سوراپتۇ. ھېلقى كىشى گەپ-سۆز قىلالماپتۇ. پەيلاسوپ يەنە : <<ھەربىرىمىزنىڭ سېۋىتىگە قاچىلانىغىنى ئۆزىمىز كۆڭۈل قويۇپ تاللىۋالغان نەرسىلەرلا بولماستىن، مەسئۇلىيەتمۇ بار>> دەپتۇ.                                                        -------تەرسائىي (قەدىمى قىزىل كۈرە)  29-نويابىر كەچ

barnakiz886

	<<ھەربىرىمىزنىڭ سېۋىتىگە قاچىلانىغىنى ئۆزىمىز كۆڭۈل قويۇپ تاللىۋالغان نەرسىلەرلا بولماستىن، مەسئۇلىيەتمۇ بار>> دەپتۇ. بۇ ئەڭ ئاقىلانە پىكىر

913

	ئەجرىڭىزگە رەخمەت.

mahatjan

	ئادەملەر مەسئۇلىيەت ۋە مەجبۇرىيەتتىن قاچالمايدۇ.

yawa-xir

	خاتالاشمىسام <<قويۇۋەت، تېخمۇ قاتتىقىراق گۈركىرسۇن بوران.....>> دىگەن جۈملە م.گوركىينىڭ ‹‹بورانقۇش قوشىقى››دىكى جۈملە تېخىمۇ تىرىشىڭ

naildin

	ajiringizga barikalla!

delazar

	تېخىمۇ تىرىشىڭ

abaytarim

	ئەجرىڭىزگە رەھمەت ..

matros1

	ياخشى يېزىلىپتۇ.    مەنمۇ ئۆزۈمنى لۇتپۇللا مۇتەللىپكە سېلىشتۇرۇپ ..  ئىچىم ئاچچىق بۇلۇپ قالىدۇ.

uyguray505

	ئەجرىڭىزگە راھمەت،بەك ياخشى يېزلېپتۇ