سالامنى ئۆزگەرتىش

aygul517

	سالامنى ئۆزگەرتىش مۇسۇلمانلارنىڭ " ئەسسالاممۇ ئەلەيكۇم " دەپ سالاملىشىشىنىڭ ئورنىغا ، باشقا مىللەتلەرنى دوراپ " ياخشىمۇ سىز ؟" دەپ سالاملىشىشى توغرا ئەمەس . ئىسلامىي سالاملىشىش بىز ئۇيغۇرلارنىڭ مىڭ يىلدىن كۆپرەك  ۋاقىتتىن بىرى  ئادەتلىنىپ كەلگەن دىنىي ۋە مىللىي ئېسىل ئەنئەنىمىزدۇر . ئاللاھ تائالا مۇسۇلمانلارنى ئىسلامىي سالاملىشىشقا بۇيرۇپ :" سىلەرگە بىراۋ سالام بەرسە ، ئۇنىڭغا تېخىمۇ ياخشى سالام بىلەن جاۋاب بېرىڭلار ياكى ئۇنىڭ سالىمىنى ئەينەن قايتۇرۇڭلار " دەپ ئەمىر قىلغان . ئايەتتىكى تېخىمۇ ياخشى سالام بىلەن جاۋاب بېرىش " ئەسسالاممۇ ئەلەيكۇم-سىلەرگە ئاللاھنىڭ ئامانلىقى بولسۇن " دەپ سالام بەرگەن كىشىگە :" ۋەئەلەيكۇم ئەسسالام ۋە رەھمەتۇللاھى ۋە بەرەكاتۇھۇ- ئاللاھنىڭ ئامانلىقى، رەھمىتى ۋە بەركىتى سىلەرگە بولسۇن" دەپ جاۋاب قايتۇرۇش .  سالامنى ئەينەن قايتۇرۇش دېگەن " ۋەئەلەيكۇم ئەسسالام- سىلەرگىمۇ ئاللاھنىڭ ئامانلىقى بولسۇن" دەپ جاۋاب بېرىشتۇر . دۇنيادا مۇسۇلمانلارنىڭ بۇ ئېسىل سالاملىشىش ئادىتىدىن ياخشى سالاملىشىش يوق . چۈنكى بۇنىڭدىن ئامانلىق تىلەش ۋە ياخشى تىلەكلەردە بۇلۇشتىن ئىبارەت چىرايلىق سۆزلەر ھېچقانداق بىر دىن ۋە ھېچقانداق بىر مىللەتتە يوق . " سالام " سۆزى بىلەن " ئىسلام " سۆزىنىڭ يىلتىزى بىر بولۇپ ، پۈتۈن ئىنسانىيەتكە تېنىچلىق ئېلىپ كېلىشنى غايە قىلغان ئىسلام دىنى بىلەن پۈتۈن ئىنسانىيەتكە تىنىچلىق ، ئامانلىق تىلەيدىغان مۇسۇلمانلانىڭ خاراكتىرىنى كۆرسىتىپ بېرىدۇ.   (دىن ۋە ھايات) دىن ئېلىدى.

ئۆل

	ئەسسالاممۇ ئەلەيكۇم ئايگۈل

zumrettash

	ئەسسالامۇئەلەيكۇم،سىز سالام بېرىشنى ئۇنتۇپ قاپسىزدە... دىگەنلىرىڭىز ئورۇنلۇق.«ئەسسالامۇئەلەيكۇم»دىنمۇ ئېسىل ،مېھىرلىك سالام بىرىش سۆزى بولمىسا كېرەك...

tapalmidim

	ئەسسالاممۇ ئەلەيكۇم ، بۇ توغرىسى،ئەمما نىمىشقاكىن بىزنىڭ ناھىيەدە سالاممۇ ئەلەيكۇم دەيدۇ ،بەك تەستە ئۆزگەرتكەن ئىدىم بۇنى ،لېكېن ھازىرمۇ ئۆيدىكىلەرگە تېلفۇن ئالساملا ياكى يۇرتقا قايتقاندا ،يەنىلا سالاممۇ ئەلەيكۇم دەپ سالىمەن.

faruk063

	توغرا يېزىلىشى ئەسسالامۇ ئەلەيكۇم، ئەسسالاممۇ ئەلەيكۇم ئەمەس. سالام ئەلەيكۇم دېگەنمۇ ھەم توغرا سالام قىلىش ئۇسۇلى. ئۆلچەملىكى بولسا يەنىلا ئەسسالامۇ ئەلەيكۇم. تۈرۈكلەر ھەم سالام ئەلەيكۇم دەپمۇ ئىشلىتىدىكەن. قۇرئان كەرىمدە بىر نەچچە ئورۇندا جەننەت ئەھلىنىڭ سالام دېيىشىدىغانلىقى زىكىر قىلىنغان، لېكىن ئاللاھ ئەسسالام دەپ كەلتۈرمەپتۇ، بەلكى سالام دەپلا كەلتۈرۈپتۇ، بەلكى بۇ ئەسسالامۇ ئەلەيكۇم سۆزىنى قىسقارتىپ ئىپادىلىگەندۇ ياكى جەننەت ئەھلى پەقەس «سالام» دەپلا بىر- بىرىگە سالام قىلىدىغاندۇ. قالغىنىنى ئىنشائاللاھ جەننەتكە كىرگەندە بىلەرمىز، سالام سۆزىنىڭ بېشىغا «ئەس» نى قوشامدۇ ياكى قوشمامدۇ... شۇڭلاشقا بۇنى قايسى شەكىلدە بولسۇن ئاللاھنىڭ سالامىنى ھەرگىز تاشلاپ قويمايلى، ھەم ئۆزگەرتمەيلى، چۈنكى بۇ ئادەم ئەلەيھىسسالام يارىتىلىپ جەننەتتە ئېيتقان سالام شۇنداق مۇئمىنلەر جەننەتكە كىرگەندە دەيدىغان سالامدۇر. ئەسسالامۇ ئەلەيكۇم ۋەرەھمەتۇللاھى ۋەبەرەكاتۇھۇ....

faruk063

	تېمىڭىزغا رەھمەت!!!...

ANSWER

	پەيغەمبىرىمىزدىن ساھابىلەر « يا رەسۇلىللاھ ( س ئە ۋ ) ! بىز جامائەت كىتىپ باراتتۇق ، ئالدىمىزغا يەھۇدىلاردىن بولغان بىر جامائەت ئۇچراشتى ، ئۇلارنىڭ سالامىغا قانداق جاۋاب قايتۇرىمىز  ؟ » دەپ سورىغاندا ، سۆيۈملۈك پەيغەمبرىمىز ( س ئە ۋ ) « ۋە ئەلەيكۇم ، دەپ سالام قايتۇرۇڭلار ! چۈنكى بىزدىن بولمىغان قەۋىمگە ۋە ئەلەيكۇم كۇپايە » دىگەنىكەنلەر . ئاللاھ ھەممىنى بىلگۈچىدۇر ! ئاللاھ خاتالىقلىرىمىزنى ئەپۇ قىلغاي ۋە مىھرىبان ، شەپقەتلىك ، رەھىمدىل دىگەن سۈپەتلىرى بىلەن بىزنىڭ گۇناھلىرىمىزنى كەچۈرگەي ، دەۋزەخ ئازابىدىن يىراق قىلغاي ، قىيامەتتە بىزنى شەرمەندە قىلمىغاي ، ئىيتقان ئىمانىمىزدا مۇستەھكەم قىلغاي ( ئامىن ! )

ablajan722

	ئەسسالامۇ ئەلەيكۇم ،بۇ بىر ئېغىز سۆز ئاڭلىماققا ئاددىدەك تۇرغىنىدەك ،مەنىسى ناھايىتى چوڭقۇر،كىشىنى بەكمۇ ئىللىقلىق ھېس قىلدۇرىدۇ،ھازىر بەزى ياشلىرىمىز كۈرۈشكەندە : ئوخخو ،بالاڭزا،يوقاپ كەتتىڭغۇ ،بامۇسەن ؟  دىگەندەك،بەزىلەر خۇددى چەتئەللىكلردەك خاي،(hi)دەپلا قولىنى پۇلاڭلىتڭپ قۇيۇپلا ئۆتۈپ كىتىدىغانلارمۇ بار ،،شۇنداقلارنىڭ بالدۇرراق تۈزىتىۋېلىشىنى ئۈمىد قىلىمەن،

كۆكنۇر

	مەنمۇ بۇنداق ئىشلارغا كۆپ ئۇچراپ تۇرىمەن ،بەزىلەر «ئەسسالامۇئەلەيكۇم»نىڭ ئورنىغا «تېچلىكمۇ»،«ئوبدان تۇردىڭىزمۇ» دېگەندەك گەپلەرنى تولا ئىشلىتەتتى ،مەن بولسام ئۇلارغا : بىر چىرايلىق سالامىمىز تۇرسا نېمىشكە بۇنداق دەيدىغانسىلەر ،سىز مۇسۇلمان بالىسىمۇ ياكى ؟؟؟؟ سەپمۇ سالاتتىم .ئاللاھ بۇيرىغاننى قىلايلى قېرىنداشلار ،كاتتا خىسلەت بار ئۇنىڭدا .

ئاجايىپ

	ئەسسالامۇ ئەلەيكۇم سالاملارنىڭ گۈزىلى  مەن باشقىلارغا باھا بەرمەكچى بولسام سالامغا دىققەت قىلىمەن ، ئۆيدىن سىرىتقا چىقىپ ئۆيدىكىلەر بىلەن خوشلاشقاندا بولسا ئاپام ھەمىشە ئاللاھقا ئامانەت دەيدۇ شۇنداق خوش بوپ كىتىمەن ئەلۋەتتە ئاپام مىنى ئاللاھقا تاپشۇرۋەتتى ئەمەسمۇ.