خېيىمخەتەر ئىچىدىكى ئەرافات.

riallik

	2012-يىلى 11-ئاينىڭ 27-كۈنى،پەلەستىننىڭ سابىق رەھبىرى ئەرافاتنىڭ قەبىرسى 8 يىلدىن كېيىن ئېچىلدى.ئەرافاتنىڭ جەسىتى قەبىرە ئېچىدىن ئېلىپ چىقىلىپ جەستىدىن ئەۋرىشكە ئېلىپ چىقىلىپ فىرانسىيە،روسيە،شىۋىتسارىيەگە تەكشۈرۈش ئۈچۈن ئېلىپ كېتىلدى.بۇنىڭ بىلەن ئۇتتۇرا شەرىق ۋەزىيتىدە ئاكتىپ رول ئۇينىغان ئەرافات پۈتۈن دۇنيانىڭ قايتا دېققىتىنى تارتتى. ئەرافاتنىڭ قەبىرسىنى ئېچىشنىڭ ئارقىسىدا قانداق سىر بار ؟ ئەرافاتنىڭ ئۆلۈش سەۋەبىنىڭ ھەقىقى ئەھۋالى قاچان ئاشكارلىندۇ.؟ ئۇنى راستىنلا ئىسرائىلىيە زەھەرلەپ ئۆلتۈرگەنمۇ ؟ خۇش ئۇنداقتا يىغىپ ساقلاپ قۇيغان ماتىريالىرىم ئىچىدىن پەلەستىننىڭ سابىق رەھبىرى مەرھۇم ئەرافات تۇغرىسىدا قىسقىچە ماتىريالنى مۇنبەرداشلارنىڭ ھۇزۇرىغا سۇنۇشنى لايىق تاپتىم. پەلەستىن ئازادلىق تەشكىلاتىنىڭ رەھبىرى ئەرافات بىر سىرلىق شەخىس.ئۇنىڭ پەلەستىن خەلقىنىڭ مۇستەقىللىقىنى قۇلغا كەلتۈرۈش يولىدىكى كۈرشى ئۇنى كۆپ قېتىملىق قەسىتلەپ يوقىتىشنىڭ نىشانى قىلىپ قۇيغان.ئۇ ئىلگىرى-ئاخىرى بولۇپ 50 نەچچە قېتىم قەسىتكە ئۇچىرغان بولۇپ كۆپ قېتىم ئەتراپلىق پىلانلانغان قەسىتلەپ يوقىتىشلاردا قوغدىغۇچى خادىملارنىڭ كۈچى تازا يېتەرلىك بۇلمايدۇ.ئەرافاتنىڭ بىخەتەرلىك ئىشلىرىغا مەسئۇل بىر خادىم ئۇنىڭ ھەر قېتىم ئۆلۈم چاڭگىلدىن ئامان-ئېسەن قېلىشى تۇغىرلىق توختىلىپ مۇنداق دەيدۇ. ئۇ ھايات قېلىشتا 60% بۇرنى ۋە كۆزىگە،30% تەلەيگە،پەقەت 10% لا قوغدىغۇچى خادىملارنىڭ كۈچىگە تايىنىدۇ.                                           سىرلىق 6 - سەزگۈ ئەرافاتنىڭ 6 - سەزگۈسى سىرلىق سېھرى كۈچكە ئىگە.ئۇ ھەر دائىم ئەزرائىل كېلىشنىڭ ئالدىدا ئۇنىڭ پۇرىقىنى سېزىدۇ.ئەرافات 1967-يىلى تۇنجى قېتىم قەسىتكە ئۇچىرغان،شۇ ۋاقىتتا ئىسرائىلىيە ئاخپارات ئۇرۇنلىرى ئۇنىڭ ئىئۇردان دەرياسىنىڭ غەربىي قىرغىقىدىكى رامئارا شەھرىدىكى بىر كەنىتكە چۈشكەنلىك ئاخپاراتقا ئىگە بۇلىدۇ.تاللانغان 10 نەپەر ئەسكەر بۇ كەنىتكە ئاستا ئاستا يىقىنلىشىدۇ.ئۇلار ئەرافاتنىڭ ياتىقىغا بېسىپ كىرگەندە كارىۋاتتىكى يوتقان-كۆرپىلەرنىڭ تېخى ئىللىق،ئىسسىق تۇرغانلىقىنى ئەرافاتنىڭ تېخى نەچچە مىنۇت ئىلگىرلا بۇ يەردە بارلىقىنى سېزىشىدۇ.ئەجىبا بىرەرسى ئۇنىڭغا ئالدىن سىگىنال بىرىپ قۇيغانمىدۇ ؟ ئەلۋەتتە ئۇنداق ئەمەس.ئىتلارنىڭ قاۋىغان ئاۋازى ئەرافاتنىڭ سەزگۈسىنى ئۇيغىتىدۇ.ئۇ دەرھال ئۆينىڭ كەينى دېرىزىسىنى ئېچىپ ئۆينىڭ كەينىگە توختىتىپ قۇيۇلغان ماشىنىغا سەكرەپ چۈشۈپ ئۇچقاندەك كېتىپ قالغان. 1969-يىلى 7-ئايدا ئەرافات ئىئۇردانىينىڭ پايتەختى ئامماندا << فاتاخ >> پارتىزانلىرىنىڭ تۇرالغۇسىدا يىغىن ئېچىپ ۋەزىيەتنى تەھلىل قىلىدۇ.توساتتىن بىر قاراۋۇل ئۈستىگە << ئەرافاتنىڭ يېقىن تۇغقىندىن >> دېگەن خەتلەر يېزىلغان بىر بولاق پوچتا يوللانمىسىنى كۆتۈرۈپ كىردۇ.بۇنى كۆرگەن ئەرافات بۇ بولاقنى دەرھال ئېلىپ كېتىشنى بۇيرۇيدۇ ۋە كەسكىنلىك بىلەن << بۇ بىر پارتىلاتقۇچ بومبا،مەن ئۇنىڭ پۇرقىنى سەزدىم >> دەيدۇ.ئۇنىڭ بىر قوغدىغۇچىسى بۇ بولاقنى ئېلىپ بىخەتەر جايغا ئاپپىرىپ ئاچقاندا تۇساتتىن پارتىلاش يۈز بېرىدۇ. يەنە بىر قېتىم ئەرافات بۇيرۇققا بىنائەن ئىسرائىلىيە ئىشغالىيتىدىكى رايون ئىرۇسالېمغا ۋەزىپە ئۆتىگىلى بارىدۇ.قاراڭغۇ كېچىدە ئۇ يېقىن ئەتراپدىكى بىر مەخپى ئالاقىلىشىش ئۇرنىدا كېچىنى ئۆتكۈزمەكچى بۇلىدۇ.ئۇ بىر قېرى ئادەم سىياقىدا ئالاقلىشىش ئورنىنىڭ ئىشكى ئالدىغا كەلگەندە،تۇساتتىنلا ئۇنىڭدا بىر غەيرىي سېزىم پەيدا بۇلىدۇ.ئۇ قەدىمىنى دەرھال توختىتىپ ئۆز-ئۆزىگە << بۇ يەردە قۇنغىلى بۇلمايدۇ >> دەيدۇ-دە دەرھال كەينىگە بۇرۇلۇپلا كېتىپ قالىدۇ.دېگەندەكلا ئۇ كېتىپ يېرىم سائەتكە يەتمىگەن ۋاقىت ئىچىدە ئىسرائىلىيە قوشۇنلىرى بۇ ئۆينى قورشىۋالىدۇ.             ئۆزىنىڭ ھۆرمىتى ۋە دۇنياۋى كۈچ ئەرافاتنىڭ سېھرى كۈچى ئۇنى كۆپ قېتىم غەلبىلىك ھالدا ئەزرائىلنىڭ چاڭگىلدىن قۇتۇلدۇرۇپ قالىدۇ. 1976-يىلى <<مۇسادى>> ئىككى يۈزلىمىلىك ئۇسۇل قۇللىنىپ،ياۋرۇپادا ئوقۇۋاتقان پەلەستىنلىك ئوقۇغۇچىلار ئارسىدا بىر تۈركۈم جاسۇسلارنى تەرەققى قىلدۇردۇ.بۇلارنىڭ ئارىسىدا بەزىلىرى پۈتۈن كۈچى بىلەن خۇجاينلىرىغا خىزمەت قىلىدۇ،ئەمما يەنىلا كۆپ ساندىكىلىرى ئۆزىنى ۋە ئۆزىنىڭ كىملىكىنى بىلىپ ياشايدۇ. ئەرافاتنىڭ يېنىغا يوشۇرۇنغان جاسۇس <<ئەبۇ سەيىد>> كېيىنكىلەرگە مەنسۇپ. ئىسرائىلىيە ئۇنىڭغا مىكرو تىپلىق تارغاق شەكىللىك ئىنتايىن ئىلغار خەۋەرلىشىش ئاپپاراتى سەپلەپ بەرگەن بولۇپ ئۇ بىر نەچچە يىل ئىچىدە مۇشۇ خەۋەرلىشىش ئاپپاراتى ئارقىلىق <<مۇسادى>>غا نۇرغۇنلىغان قىممەتلىك ئاخپاراتلارنى يوللاپ،پەلەستىن ئازادلىق تەشكىلاتىنىڭ خىزمەتلىرىگە ئاز بۇلمىغان بۇزغۇنچىلىقلارنى كەلتۈردۇ، بىر كۈنى سەيىد يوقىرنىڭ بۇيرىقىنى تاپشۇرۋالىدۇ.بۇيرۇقتا،ئۇنى ئەرافاتنى زەھەرلەپ ئۆلتۈرۇش بۇيرۇلغانتى،زەھەر گۈرۈچچىلىك چوڭلۇقتا بولۇپ تاماققا قوشۇۋېتىلسە پەرىقلەندۈرگىلى بۇلمايتى،سەيىد ئەرافاتنىڭ يېنىدا خىزمەت قىلغانلىقى ئۈچۈن زەھەر سېلىش ناھايتى ئاسان بولسىمۇ،ئۇ يەنىلا قول سالالمايدۇ.چۈنكى ئۇنىڭ ۋۇجۇدىدا ئېقۋاتقىنى يەنىلا پەلەستىنلىكنىڭ قېنى.ئۇنى زەھەرلەپ ئۆلتۈرگەندە ئۆزىنىڭ پەلەستىن خەلقىنىڭ ئەشەددى دۈشمىنى بولۇپ قالدىغانلىقىنى ئويلاپ يېتىدۇ.شۇ سەۋەپلىك پەلەستىن بىخەتەرلىك ئورنىغا ئۆزىنى مەلۇم قىلىدۇ.ئەرافات يەنە بىر قېتىم ئەزرائىلنىڭ چاڭگىلدىن قۇتۇلۇپ قالىدۇ.   ار

riallik

	بەخىسىزلىك ئىچىدىكى بەخىت:ئەرافات يەنە بىر قېتىم خەتەردىن قۇتۇلۇپ قالدى. ئەرافاتنىڭ بۇ قېتىملىق خەتەردىن قۇتۇلۇپ قېلىشى پۈتۈنلەي تاسادپىيلىق.چۈنكى،ئالدىنقى كۈنى ئاخشىمى ئەرافات تۇنىسقا كەلگەندىن كېيىن ئەسلى پىلان بۇيىچە پەلەستىن ئازادلىق تەشكىلاتنىڭ باش شىتابىدىكى تۇرالغۇسىغا قايىتماقچى ئىدى.ئەمما ئەرافات يېرىم يولدا تۇيۇقسىزلا ئالدى بىلەن پەلەستىننىڭ تۇنۇستىكى ئىش بېجىرىش ئورنىغا بېرىشنى قارار قىلدى.شۇ كۈنى ئاخشىمى ئەرافات بۇ ئىش بېجىرىش ئورنىدا تۈن نىسپىگىچە خىزمەت قىلىدۇ،ئەمما ئۇ كېچىلەپ بولسىمۇ پەلەستىن ئازادلىق تەشكىلاتىنىڭ باش شىتابىغا قايتىپ ئارام ئېلىشنى ئۇيلايتى،ماشىنا ئەمدىلا قۇزغىلاي دەپ تۇرۇشىغا ئۇنىڭ ياردەمچىسى دەرھال بىر تەرەپ قىلمىسا بولمايدىغان بىر تۈركۈم مۇھىم ھۆججەتنىڭ بارلىقىنى ئېيتتى.ئەرافات ماشىنىدىن چۈشۈپ ئىش بىجىرىش ئورنىدىكى ئىشخانىغا كېرىپ خېلى بىر ۋاقىتقىچە خىزمەت قىلغاندىن كېيىن ئىش بېجىرىش ئورنىدا قونۇپ قالدى. 2-كۈنى ئەتىگەندە ئەرافات پەلەستىن ئازادلىق تەشكىلاتىنىڭ باش شىتابىغا كەلگەندە،بۇ يەر ئاللىبۇرۇن خارابىلىككە ئايلانغانىدى.خىزمەت بىناسى ۋە ئۇنىڭ تۇرالغۇسىنىڭ ئىزى كۆرۈنميتى.خىش-كېسەك ئاستىدىن جەسەتلەر كولاپ ئېلىنۋاتاتتى.ئەگەر ھېلىقى مۇھىم ھۆججەت بۇلمىغان بۇلسا ئەرافات بەلكىم ھايات قالمىغان بۇلاتتى.           تامام.

lawa0998

	بۇ تىمىدىكى سەيد-‹‹مەن››دىن غورۇرلۇق ھەم ئىمانلىق كىشى ئىكەن ئاللاھ ياخشىلارنىڭ قاتارىدىن قىلغاي،،،،،،،،،،،،،،،،،،،،،،ئۇ بىر مەزگىل دۈشمەن ئۈچۈن خىزمەت قىلغان بولسىمۇ ھالقىلىق پەيىتتە ئۆز ئىتىقادى ۋى غورۇرى ئۈچۈن ئۆزىنى ئاشكارىلىغان. ھەم دۇشمەننى ھەيران قالدۇرغان.

ZERO903

	ئەرافات،ۋاپات تاپقاندا،بىر فەلەستىنلىك مۇسۇلمان مەن ئۆز دادام ئۆلگەنىمۇ بۇنداق قايغۇرمىغانتىم دەيدۇ...........         ئۇ ھەر قېتىم نۇتۇق سۆزلىگەندە قۇلنى كۆتۈرۈپ تۇرۇپ،بىزنىڭ پەيتەختىمىز.ئېرۇسالىم.ئېرۇسالىم،ئېرۇسالىم،ئېرۇسالىم دەپ ۋاقىراشلىرى بەك تەسىرلىكتى.

aa0998

	گوردا ياتقان ئۆلۈكلەرگىمۇ ئارام بەرمەي بۇ خەقلەرنىڭ قىلىپ يۇرگەن ئېشىنى.... ۋاقىتى ئۆتۈپ كەتكەندىن كېيىن ھەرقانچە قىلسىمۇ باكا.... بۇ ئادەمنىڭ ئۆلشىدە يەھۇدىلارنىڭ قولى بولىشى مۇمكىن؟؟؟؟؟؟؟

feroza

	قايسى كۈنى تېخى تېلىۋېزوردا كۆرۈۋېدىم ، ئەرافاتنىڭ جەسىتى تەكشۈرۈلىدۇ دەپ ، ئايالى سۇخا تەكشۈرۈشتە چىڭ تۇرۇۋاپتىمىش.

57gulyar

	ھەي  تەكشۇرۇپ ئىنىقلىسىمۇ نىم پايدىسى  ئۇ دۇنيالىقىنى بەرسۇن ئۇ كىشىنىڭ ئاللا  بىر ئۇمۈر  ۋەتەن خەلىقى ئۈچۈن ياشىغان كىشى

ئەخمەد

	داۋامىغا قىزىقىپ قالدىم!

ANSWER

	داۋامىنى تىزراق يوللاڭە ، تەقەززا قىلماي !!!!

╰︶￣原地守候

	مەنمۇ قىزىقىپ قالدىم.  ئۇ كىشىنىڭ 6-سەزگۈسى ھەقىقەتەن بەكلا كۈچلۈككەن.