ھىتلېرنىڭ نۇتقى

satuq

	ھۆججەتلىك فىلىملەردىن،  ھىتلېرنىڭ كىچىككىنە بۇرۇتلىرىنى تىترىتىپ، تۈكرۈكلىرىنى چاچرىتىپ، ئىككى قولى بىلەن ئۈستەلگە مۇشتلاپ تۇرۇپ “ۋات ۋات ۋات ۋۇت، ۋات ۋات ۋۇت…“ قىلىپ سۆلىگەنلىرىنى كۆرسەم، مۇشۇ بايقۇش نېمىلەرنى دەپ ھاياجانلىنىپ كېتىۋاتقاندۇ دەيتتىم. بۈگۈن بۇ نۇتۇقنى ئۇچرۇتۇپ، ھەيران قالدىم.  قۇتراتقۇلىقى كۈچلۈك نۇتۇقلىرىدىن بىرى ئىكەن….      بۈگۈن، بىز بۇ يەردە، گېرمانىيىلىكلەرنىڭ زىمىنىدا ــ  بېرلىندا تۇرۇپتىمىز!  ئەجدادلىرىمىزنىڭ  ساپ قانلىرى ۋە غورۇرى بىلەن سۇغۇرۇلغان زىمىندا تۇرۇپتىمىز !      كۆز ئالدىمدا بىر مىللەت — ھاقارەت ئىچىدە ئىڭراۋاتقان بىر مىللەت تۇرۇپتۇ ! ئاشۇ ئۇرۇشتىن كېيىن، بىزنىڭ بۇ مىللىتىمىزنىڭ مەغرۇرلىقى يوقالدى !  ئاشۇ ئۇرۇشتا غەلىبە قىلغان دۆلەتلەر ھازىر بىزنىڭ شىللىمىزدە زورلۇق قىلماقتا. بىزنىڭ غورۇرىمىزنى دەپسەندە قەلماقتا، ياۋروپا قۇرۇقلىقىدىكى ئەڭ ئېسىل بىر مىللەتنىڭ غورۇرىنى دەپسەندە قىلماقتا ! ماڭا ئېيتىڭلارچۇ، سىلەر بېنيامىن. مارتىن*  دەك بىر ھۆرلۈك جەڭچىسى بولماقچىمۇ ياكى قۇل بولماقچىمۇ ؟!      سىلەر بەلكىم: ”ھىتلېر ئەپەندىم، ماڭا بىر كىشىلىك خىزمەت، قۇرساق تويغۇدەك بولكا بولسىلا بولدى“ دېيىشىڭلار مۈمكىن.  شۇنداق، سىلەرنىڭ دېگىنىڭلارمۇ توغرا، ھايات ھەقىقەتەنمۇ قىممەتلىك. بىراق سىلەرگە شۇنى دەپ قويايكى، بۇ دۇنيادا ھاياتتىنمۇ  قىممەتلىك بىر نەرسە بار، ئۇ بولسىمۇ ھۆرلۈك ! ئۇ بولسىمۇ غورۇر !      ئارزاس ۋە لوررېين كۆكلىرىدە فرانسىيەنىڭ دۆلەت بايرىقى لەپىلدەپلا  تۇرىدىكەن، بىزنىڭ غورۇرىمىز دىن سۆز ئاچقىلى بولمايدۇ!  ئاشۇ فرانسىيىلىكلەر، ئەنگىلىيىلىكلەر ۋەتىنىمىزنىڭ زىمىنىدا داۋاملىق زورلۇق-زومبۇلۇق قىلىدىكەن، بىزدىكى غورۇردىن ئېغىز ئاچقىلى بولمايدۇ ! ياۋروپا خەرىتىسىدە گېرمانىيە ئىسىملىك بۇ دۆۋلەت پارچىلىنىپ، مۇشۇنداق شۈمشىيىپلا تۇرىدىكەن، بىزدىكى غورۇردىن ئېغىز ئاچقىلى بولمايدۇ !      بىزگە كېرەكلىكى بىر پارچە بولكا بولماستىن بەلكى بىر ماكان، بىر مىللەتنىڭ مەۋجۇدلىقى ئۈچۈن ياشايدىغان ماكان كېرەك ! بۇ ماكانغا بىز يالۋۇرۇپ ياكى نارازىلىق بىلدۈرۈپ يۈرۈپ ئەمەس ئەكسىچە قورال ۋە قان تۆكۆۈشكە تايىنىپ ئېرىشىمىز!     باشقىلار بىزنى بۆزەك قىلسا، ھەتتاكى ئەڭ ئاجىز مىللەتلەرمۇ كېلىپ بىزنى دەپسەندە قىلسا، بىز غىڭشىپ: ”بىز كۈچلۈك نارازىلىقىمىزنى بىلدۈرىمىز..“ دەپلا يۈرسەك، بۇنداق ئادەملەرنى يۇمشاقباش دېسەك بولىدۇ! بۇنداق ئادەملەر پەسكەش ئادەملەردۇر !  بىز زەمبىرەكلىرىمىزنىڭ قۇلاقنى يارغۇدەك ئاۋازلىرى بىلەن دۈشمەنلەرنى غال-غال تىترىتىشىمىز، ئۇلارنىڭ غورۇرىنى يەنجىۋېتىشىمىز كېرەك، ئۇلارغا ئۆزىمىزنىڭ پەقەت نارازىلىق بىلدۈرۈشنىلا بىلىدىغان ئاجىزلاردىن ئەمەسلىكىمىزنى بىلدۈرۈپ قويۇشىمىز كېرەك !     شۇنى ئەستە تۇتۇشىمىز كېرەككى، پەقەت نارازىلىق بىلدۈرۈشنىلا بىلىدىغان دۆلەت ياكى نارازىلىق بىلدۈرۈشنىلا بىلىدىغان ھۆكۈمەت يۇمشاقباش دۆلەت ياكى ھۆكۈمەتتۇر! بىزنىڭ غورۇرىمىز، زىمىنىمىز، ياشاش ماكانىمىز دەپسەندە قىلىنىۋاتقان مۇشۇنداق پەيتتىمۇ، يەنىلا ئىزا تارتماستىن «نارازىلىق بىلدرۈپ» يۈرگەن ھۆكۈمەت بىزگە كېرەك ئەمەس ! سىلەر ھامان بىر كۈنى ئۇلارنى تاشلىۋېتىسىلەر ! شۇنىڭدىن ئىپتىخارلىنىمەنكى، سىلەرنىڭ ئاراڭلاردا، بۇنداق يۇمشاقباشلار يوق دېيەرلىك! مېنىڭ ئالدىمدا تۇرۇۋاتقانلار مىڭ يىللاپ قان ئاققۇزغان بولسىمۇ تىز پۈكمىگەن بىر قوشۇن~!     بۇ قانلار ئىلگىرى بىزنىڭ ئەجدادلىرىمىزنىڭ تومۇرىدا ئاققان، ئۇلار تىز پۈكمىگەن! ھازىر بۇ قان بىزنىڭ تېنمىزدە قايناپ تاشماقتا! ئېيتىڭلارچۇ، سىلەر بۇ قاننىڭ مۇزلاپ قېلىشىنى خالامسىلەر؟!      كىشىلەرنى ئىتتىپاقلاشتۇرالايدىغان ئىككى نەرسە بار، يەنى، ئورتاق غايە ۋە ئورتاق جىنايەت. بىزنىڭ گېرمانىيە بايرىقىغا نەقىشلەپ قويغان ئۇلۇغۋار غايىمىز بار، بىز بۇ غايىمىز ئۈچۈن ئەڭ ئاخىرقى بىر تامچە قېنىمىزنىمۇ ئايىمايمىز! بۈگۈنكى بېرلىندا ھېچقانداق نەرسە بىزنىڭ ۋەتىنىمىزنى قۇتقۇزالمايدۇ، پەقەتلا مۇشۇ غايىمىز بار!      ۋېرسال شەرتنامىسى بىز ئۈچۈن غايەت زور ھاقارەت ! بىزنىڭ بۇنداق شەرتنامىنى ئىجرالاشنى رەت قىلىش ئىرادىمىز ۋە ھەققىمىز بار! ئۆزەڭلارنىڭ ئويلىغىنىنى قىلىڭلار! خۇددى بىنيامېن. مارتىنغا ئوخشاش، قولۇڭلارغا قورال ئېلىپ، خۇددى ئۇنىڭ باشلاپ ماڭغان قېرىنداشلىرىدەك ھۆرلۈك بايرىقىنى ئىگىز كۆتۈرۈپ، دۈشمەنگە باتۇرلارچە ئېتىلىڭلار!  ئەگەر شۇنداق كۈرەشلەرنى قىلىشنى ئويلىغان بولساڭلار كۈرەشكە ئاتلىنىڭلار! شۇنداقتىلا بىز سىلەرنىڭ 70 مىليون قۇل ياكى تىز پۈكمەس ئارىئانلار ئىكەنلىكىڭلارنى كۆرىمىز !     ناۋادا شۇنداق بىر كۈنلەر كېلىپ، پېقىر ئادولف.ھىتلېر، ئۆزىمىزنىڭ يەنى گېرمانىيەنىڭ بايرىقىنى ئىگىز كۆتۈرۈپ، خۇددىي بىنيامېن. مارتىندەك، سەپنىڭ ئەڭ ئالدىدا ماڭالىسام، جەڭدە ئۆلسەممۇ، جەننەتكە كۈلۈمسىرەپ كىرىپ كەتكەن بولاتتىم. ئۇ يەردە مەن گېرمانىيەنىڭ سەلتەنەتلىك ئەجدادلىرى بىلەن كۆرۈشەتتىم،  بېشىمنى تىك تۇتۇپ بۈيۈك ئىمپراتور فرېدېرىكنىڭ ئالدىغا بېرىپ، مەغرۇر ھالدا ئۇنىڭغا: ”سېنىڭ ئەۋلادلىرىڭ سېنىڭ يۈزۈڭنى تۆكمىدى، مەن ئۇلۇغ گېرمانىيە ئۈچۈن ئەڭ ئاخىرقى بىر تامچە قېنىمنىمۇ ئايىمىدىم، بىز قۇللۇققا قارشى كۈرەش قىلدۇق! بىز ھۆرلۈك ئۈچۈن كۈرەش قىلدۇق! بىز ماشىنا ياكى ھايۋان ئەمەس، بىز ئادەم! ئەزەلدىن قەددىمىزنى پۈكمىگەن ئارىئانلار ! بىز ھۆرلۈك ئۈچۈن ئۇيۇشتۇق!  يېڭى، ئادالەتلىك بىر دۇنيا ئۈچۈن كۈرەش قىلدۇق! بىزنى قۇل قىلماقچى بولغانلارنى گېرمانىيە تۇپرىقىدىن قوغلاپ چىقىرىش ئۈچۈن كۈرەش قىلدۇق ! غورۇرىمىز ئۈچۈن كۈرەش قىلدۇق! كۈنبويى نارازىلىق بىلدۈرۈپلا يۈرمەسلىك ئۈچۈن كۈرەش قىلدۇق! بىز ئۆز لەۋزىمىز ئۈچۈن كۈرەش قىلدۇق! بىز بۇ دۆلىتىمىز ئۈچۈن جەڭ قىلدۇق! بىز ئارىئانلار، ئەجدادلىرىمىزنىڭ شەرىپى ئۈچۈن،  ئەۋلادلىرىمىزغا مەغرۇر ھالدا: بىز ئەزەلدىن تىز پۈكمىگەن ئارىئانلار دېيەلىشىمىز ئۈچۈن كۈرەش قىلدۇق! “ دېگەن بولاتتىم. قېرىنداشلىرىم! گېرمانىيە شۇنداقلا گېرمانىيە خەلقى ياشىسۇن! ئەركىنلىك - ھۆرلۈك ياشىسۇن!

qog

	بۇ ئادەمنىڭ نۇتىقى ھەر قانداق بىر ئادەمنى ئويغا سالىدۇ جۇمۇ،رەخمەت سىزگە تېما ئىگىسى

izqel

	ئامىرىكىنىڭ كالفۇرنىيە شىتاتىنىڭ سابىق شىتات باشلىقى،ھۇللىۋۇدنىڭ داڭلىق چولپىنى شىۋاشىنگىرمۇ بۇ ئادەمنىڭ نۇتۇق قابىلىيتىنى ماختىغان.

umut47

	مەنمۇ قايىل . ئۇرۇش قىلماي نۇتۇق سۆزلەپ شەھەر ئالغان تارىخىمۇ بار بۇ كىشىنىڭ ......

riallik

	بۇ دۇنيادا ھاياتتىنمۇ قىممەتلىك بىر نەرسە با ئۇ بۇلسىمۇ ھۆرلۈك ئۇ بۇلسىمۇ غورۇر. ھېتلىرنىڭ مۇشۇ سۇزى شەخسەن ئۆزەمگە بەك تەسىر قىلغان ئىدى.

يا

	بىزدىمۇ مۇشۇنداق نۇتۇقلارنى قىلالايدىغان كاللا بولسىچۇ كاشكى .

turantikin

	ھۆنەرنىڭ ئەڭ ئەۋزىلى نۇتۇق.

barnakiz886

	ئەپسۇس ،مەن تۇنىمايدىكەنمە