كېلىچەك ئۈچۈن پىلان تۈزۈشكە بولامدۇ؟

yanhin918

	كېلىچەك ئۈچۈن پىلان تۈزۈشكە بولامدۇ؟ 2012- يىل 11- نويابىر admin ئەقىدە ، ئىمان ، تەۋھىد, 0 كېلىچەك ئۈچۈن پىلان تۈزۈشكە بولامدۇ؟ 8630-نومۇرلۇق سوئال سوئال: كېلىچەك ئۈچۈن پىلان تۈزۈشكە بولامدۇ؟ مەسىلەن بىراۋ ئەتە شۇنداق قىلىمەن، كېلىدىغان ئايدا شۇنداق قىلىمەن، كېلەر يىلدا شۇنداق قىلىمەن دېگەنگە ئوخشاش پىلانلارنى تۈزىدۇ. بۇ دىنىمىزدا توغرىمۇ؟ جاۋاب: بۇنىڭدا ھېچقانداق چەكلىمە يوق. ئىنسان ئۆزىنىڭ قىلىدىغان ئىشلىرىنى تەرتىپكە سېلىپ، كېلىچەك ئۈچۈن پىلان تۈزسە بولىدۇ. لېكىن شۇنى دېگەندە ئاللاھ خالىسا شۇنداق قىلىمەن دېگەننى ئۇنتۇماسلىقى لازىم. ئاللاھ بىزگە تەلىم بېرىپ:« سەن بىرەر ئىشنى قىلماقچى بولساڭ، «ئەتە ئۇ ئىشنى چوقۇم قىلىمەن» دېمەي، «ئاللاھ خالىسا» دېگەن سۆزنى قوشۇپ دېگىن (يەنى ئاللاھ خالىسا قىلىمەن دېگىن)» (كەھف سۈرىسى 24- ئايەت). ئىنساننىڭ كېلەچەكتە قىلماقچى بولغان ئىشىنى نىيەت قىلىشى، بەل باغلىشى، پىلانلىشى پەقەت ئۈمىت ئارزۇغا يۆلەنگەن بىر ئىش بولۇپ، ئارزۇ نىڭ ئەمەلگە ئېشىشى ئىشلەشكە باغلىقتۇر. لېكىن مۇسۇلمان ئادەم بۇ ھاياتلىقتا ئۆزىنىڭ دىنىغا، دۇنيالىقىغا پايدىلىق بولغان ئىشلارغا قىزىقىدۇ، سەۋەب قىلىدۇ ۋە ئاللاھقا تەۋەككۇل قىلىدۇ، ئۇنىڭدىن ياردەم سورايدۇ، ئۇنىڭ ۋۇجۇتقا چىقىشى ئۈچۈن تىرىشىدۇ. پەيغەمبەر ئەلەيھىسسالام « ساڭا پايدىلىق ئىشلارغا تىرىشقىن، ئاللاھتىن ياردەم سورىغىن» دەپ تەلىم بەرگەن. ئاللاھ قۇرئاندا:« ئاللاھقا ئىبادەت قىل ۋە ئۇنىڭغا تەۋەككۇل قىل» دەپ كۆرسەتكەن. ئەمما كاپىر ياكى غاپىل كىشى سەۋەبلەرگىلا يۆلىنىپ، ھەممە ئىش باشقۇرۇشىدا ۋە ئىلكىدە بولغان پەرۋەردىگارىنى ئۇنتۇيدۇ. دۇنيادا ھېچقانداق ئىش ئاللاھنىڭ ئىرادىسىدىن تاشقىرى بولمايدۇ. ئىنسان ئۆزىنىڭ ئىستىگىنىگە يېتەلمەسلىك، زىيانغا ئۇچراش ۋە باشقىلار قاتارلىق ئىشلارنى ئويلىغىنىدا بىلىدۇكى، ئۇ بۇ ھاياتلىق ئالىمىدە پەقەت ئارزۇ ۋە ئۈمىد بىلەنلا ياشىيالايدۇ. ئارزۇ ئارمان ئۇنى ھەرىكەتلەندۈرۈپ، ئىشلەشكە قىزىقتۇرىدۇ. لېكىن مۇسۇلمان ئادەم ھىممىتىنى دۇنياغىلا بېغىشلىماسلىقى بەلكى ئاخىرەتنى ئالدىنقى ئورۇندا قويۇشى لازىم. ئاللاھتىن ياردەم سوراپ، سەۋەب قىلىشنىمۇ قولدىن بەرمەسلىكى لازىم. ئاللاھ ھەممىدىن ياخشى بىلگۇچى زاتتۇر مەنبە؛--------------------http://www.islamhouse.com/p/162786

lawa0998

	مانا مۇشۇنىڭغا ئوخشاش ناھايتى مۇھىم بىلدۇگىلەر  ئاۋامغا يەتكۈزۈلىشنىڭ ئورنىغا ھازىرقى بىر قىسىم ئاقساقاللىرىمىز -چېكىنى ئىزاھلىمىغان ھالدا سەۋىرنى تەشەببۇس قىلىش، يوققا سەۋەپ قىلىشنى تەكىتلەشنىڭ ئورنىغا بارغا شۇكرى قىلىشنى كۈچەپ تەرغىبات قىلىشتەك ‹‹ياڭزىڭشىڭ››لارچە چۈشكۈنلىكنى ئىسلامىيەتنىڭ مەڭگۈلۈك شۇئارى قىلىپ ئاۋامنى بىخۇتلۇققا ئۈندىمەكتە.

57gulyar

	بىلىۋالدىم تەشەككۇر

aa0998

	بىز چوقۇم ئاخىرەتلىك ئېشلارنى ۋە كەلگۇسى ئۈچۈن بولدىغان ئېشلار ئۈچۈن ئويلنۇپ قويۇشقا .. تېگىشلىك مەسلە ئېكەن

sargarda

	ئاللاھقا   تەۋەككۇك  قىلىمىز  ،  ئىرادە   قىلىپ   ،  تېرىشىمىز  .   تەقدىرىم  شۇنداق ئوخشايدۇ   دەپ   ياشىمايمىز  .   ‹‹  ئىنساننىڭ   تېرىشچانلىقىغا   لايىق  نەتىجە  باردۇر . ››    ‹‹ئايەت›› تىن  .

azizgul

	ئەسسالامۇ - ئەلەيكۇم ، تولىمۇ ئەھمىيەتلىك تېما يوللاپسىز قېرىندىشىم ، اللە ئىلىمىڭىزنى زىيادە قىلسۇن ، ئامىن ! اللە خالىسا  ، مۇشۇنداق ئىسىل يازمىلارنى داۋاملىق يوللاپ تۇرارسىز .

arzubanana

	ئىنسان شۈكرى قىلىش كېرەك ،لېكىن قانەئەت قىلماسلىق كېرەك!

xaxbuy

	نىمىشقا ؟؟؟؟؟؟      ،لېكىن قانەئەت قىلماسلىق كېرەك!  ئاللاھنىڭ بەرگىنىگە  قانائەت قىلىشىمىز كىرەققۇ

zular

	不بۇ تېمدىكى ‹قانائەت قىلش› دېگەن سۆزنى قانداق چۇشنمز