بىزدىكى بولمىغۇر ئىللەت _ غەيۋەتخورلۇق

kar0923

	بىزدىكى بولمىغۇر ئىللەت _ غەيۋەتخورلۇق      كونىلاردا : < پۇت يۈگۈرىكى ئاشقا ، ئېغىز يۈگۈرىكى باشقا > دېگەن تەمسىل بار ئىدى . بۇ تەمسىل ھەرگىزمۇ مەقسەتسىزلا دېيىلىپ قالغان ئەمەس . بىز ھەربىرىمىز پەقەت ئۆزىمىزگىلا تەۋە بولغان ئېغىزىمىزنى جايىدا ئىشلىتەلمەي ئۆز - ئۆزىمىزنى زەئىپلىككە يۈزلەندۈرۋاتىمىز . ئىككى ئادەم بىر يەرگە كەلگەنىكەن ئۇلارنىڭ ئاغزىدىن < ئۇ ئۇنداق بوپتۇ ، بۇ بۇنداق بوپتۇ ؛ پالانىچىنىڭ بالىسى ئوغۇرلۇق قىپتۇ ، پالانىچى سودىدا زىيان تارتىپتۇدەك ..... > دېگەندەك سۆزلەر دائىملىق ئادەتكە ئايلىنىپ كەتتى .      مانا مۇشۇنداق غەيۋەتخورلۇق ئادىتى ئۆزىمىزنىڭ تەرەققىي قىلىشىمىزغا تەسىر يەتكۈزىدىغان ئامىللارنىڭ بىرى ئىكەنلىكىدىن ئايرىپ قارىغىلى بولمايدۇ ، ئەلۋەتتە .  بىرى يامان ئىش قىلسىمۇ ، ياخشى ئىش قىلسىمۇ غەيۋەت ، يېڭىلىق ياراتسىمۇ غەيۋەت ، نەتىجە قازانسىمۇ ، بېيىغان بولسىمۇ ھەتتاكى يېڭى كىيىم كەيگەن بولسىمۇ ئەتراپتىكى شۇ بىچارىلەرنىڭ غەيۋەت - شىكايىتىدىن قېچىپ قۇتۇلغىلى بولمايدۇ . ئۇنداق كىشىلەر دۇرۇس ئادەمنىمۇ ھەممىگە ئالۋاستى قىلىپ كۆرسىتىدۇ . ئۇلارنىڭ سۆز - ھەرىكەتلىرىنى ئادەتتىكى كىشىلەر ھەرگىزمۇ تەقلىد قىلالمايدۇ ، خۇددى ياراتقۇچى ئۇلارنى سىلەر پەقەت غەيۋەتلا قىلىسىلەر دەپ بېشىغا پۈتىۋەتكەندەك .      قايسىدۇر بىر شائىر ئاياللارنىڭ غەيۋەتخورلىقى توغرىسىدا مۇنداق دەپتىكەن :                             ئىككى ئايال بار يەردە چۆچۈرىدەك گەپ ،                             بەش ئايال بىر بولسا تۆرە ئالار غەيۋەت .                             يەتتە ئايال شۇنچىلىك ھەيۋەتكى ھەيۋەت ،                             دۇنيامۇ تەڭلىكتە قىلالماس غەيرەت .      ئويغۇر ئاياللىرىنىڭ كۆپ قىسمى ئائىلىدە . ئۇلار ئۆي تازىلاش ، تاماق ئېتىشتىن ئىبارەت كۈندە قايتىلىنىپ تۇرىدىغان ۋەزىپىسىنى تۈگىتىپلا مەھەللە دوقممۇشلىرىدا ئولتۇرۇپ تاغدىن - باغدىن غەيۋەتكە چۈشۈپ كېتىدۇ ، كىم جىقراق سۆزلىسە شۇ ئەقىللىق ھېسابلىنامدۇ قانداق بىلگىلى بولمايدۇ . ئۇلار يالغان - ياۋداق ئاڭلىغانلىرىنى ، ئەرلىرىنىڭ سىرتتىن ئېلىپ كىرگەن گەپلىرىنىڭ چىكىت ، پەشلىرىنى قالدۇرماي تېخى نەچچە ھەسسە ئاشۇرۇپ ھېسسىيات بىلەن سۆزلەشكە كىرىشىپ كەتسە زادى توختاتقىلى بولمايدۇ ، خۇددى رادىئو ئىستانىسىسىدىن خەۋەر بېرىۋاتقاندەك . ئىلگىرى ئەنە شۇ ئاياللىرىمىزنى غەيۋەتخورلۇقنىڭ يىلتىزى دەپ قارايتتى ، ئەمدىچۇ ؟ ئەتراپقا شۇنداق نەزەر سالساق ،ھېس قىلالايمىزكى ، ئەرلەر ئاياللارنى بېسىپ چۈشىدۇ . ئەسلى گەپنى ئەرلەر تاپىدىكەن ئاندىن ئاياللارغا يۇقىدىكەن . ئەرلەرنىڭ بىر ئىغىز گېپى ئاياللارنىڭ ئاغزىدا ئون ئېغىز بۇلۇپ كۆپىيىدىكەن . شۇڭا ئەرلەرنىڭ ئاغزىنى ئەسلى ئورگىنالغا ، ئاياللارنىڭ ئاغزىنى كۆپەيتىش ماشىنىسىغا ئوخشاتسا مەن ئويلايمەن ھەرگىزمۇ ئاشۇرىۋەتكەنلىك ھېسابلانمايدۇ . ئەنە شۇ تارقاتقۇچى ، كۆپىيىش ماشىنىلىرى سەۋەبلىك نۇرغۇنلىغان كىشلەر ياخشى بولمىغان ناملارغا ، بوھتانلارغا ئۇچراپ ئوچۇق - ئاشكارە ئىش قىلىشقا ئاجىزلىق قىلىۋاتىدۇ ، بەلكى .      توۋا دەيمەن ، ھەممە ئۆزى ئۈچۈن ياشايدۇ ، ھېچقايسىسى بىر - بىرى ئۈچۈن ياشاپ بەرمەيدۇ . ھەركىمنىڭ قانداق ياشىشى ئۆزى ئۈچۈن ، خالاس . ئەشۇ گەپدان ، ئەقىللىق ئەر - ئاياللارنىڭ باشقىلار ئۈچۈن بىھۇدە باش قاتۇرىشى ۋاقىت ئىسراپچىلىقى ئەمەسمۇ ؟ شۇنىڭ ئورنىغا بىر بەت كىتاپ ئوقۇغان بولسا كاشكى پەرزەنتىگە يەنە بىر پەلەمپەي ياخشى تەربىيە قىلالىغان بولار ئىدى . ئۇلار ھېس  قىلمايدۇ  . ئۆز تۇرمۇشىنىڭ پەقەت بىر ئىزدا كېتىۋاتقانلىقىنى ، شۇنچە جاپا تارتىۋاتقان بولسىمۇ راۋاجلىنىش بولمايۋاتقانلىقىنى قىلچىمۇ سەزمەيدۇ . بۇنداقلار ئۆزىنىڭ تۇرمۇشىنىلا ئەمەس بەلكى بىر پۈتۈن مىللەتنىڭ تەرەققىي قىلىشىنى تورمۇزلاپ قويالايدۇ .      دوستۇم ، ھەممە ئۆزى ئۈچۈنلا ياشايدۇ . كىشىنىڭ نېمە دېيىشىدىن قەتئىنەزەر ئۆزۈڭ بىلگەن يولدا ماڭغىن ، لېكىن ماڭغان يولۇڭ توغرا بولسۇن ، كەينىڭدىن گەپ قىلغانلارغا پىسەنت قىلما ، ئۇلار ئۆزلىرىگە ئەنە شۇنداق ئادەمگە قاراپ ھاۋشىدىغان ئىتنىڭ ئادىتىنى سىڭدۈرگەن ، ئۇلار پەقەت ئادەمگە قاراپ خىرىس قىلىشنىلا بىلىدۇ قولىدىن باشقىسى كەلمەيدۇ ، خالاس .                                        مەنبە : ئۆز قەلىمىم

0908220

	راسىت  غەيۋەتخورلۈق  ھەقىقەتەن  ناچار ئىللەت    ئاللاھ ھەقىقەتەن بۇنداقلارنى يامان كۆرىدۇ

YAZR

	غەيۋەت  ،  ئىسلامدىمۇ  بەك ئېغىر گۇناھلارنىڭ  بىرسى ،  دىققەت قىمماي بولمايدۇ

zumrettash

	بار ئەيىپنى سۆزلىسە غەيۋەتتۇر،يوق ئەيىپنى سۆزلىسە بۆھتاندۇر. ئاللا ھېچقايسىسىنى ياقتۇرمايدۇ.بۇ دۇنيالىقتا ياخشى ئەمەللەرنى كۆپرەك قىلايلى.

شىرئەلى

	غەيۋەتنى ئاياللارلا ئەمەس ، ئەرلەرمۇ قىلىدۇ ؛ ھەتتاكى ئاياللارنى بېسىپ چۈشىدۇ . بۇنداق ئېيتىپ تۈگەتكۈسىز ئىللەتلەر قاچانمۇ تۈگەر !

kukhelal

	ياخشى يوللاپسىز  بۇ ھەقىقەت. لىكىن ئىھتىيات قىلىڭ. ئۆزىنى قاردىن ئاق بىلىپ بىزدە ئىللەت يوق دەيدىغان ماختانچاق .ئىلھامغا كۆيۈنۈشكە مۇھتاش بىچچارىلەر كۆرۈپ قالمىسۇن.

tuntaxvixi

	تۇرمۇشتىن سۈزۈپ ئىلىپ قۇرتۇپلا ئەپ چىقىپسىز ، دوستۇم ، ھەممە ئۆزى ئۈچۈنلا ياشايدۇ . كىشىنىڭ نېمە دېيىشىدىن قەتئىنەزەر ئۆزۈڭ بىلگەن يولدا ماڭغىن ، لېكىن ماڭغان يولۇڭ توغرا بولسۇن ، كەينىڭدىن گەپ قىلغانلارغا پىسەنت قىلما ، ئۇلار ئۆزلىرىگە ئەنە شۇنداق ئادەمگە قاراپ ھاۋشىدىغان ئىتنىڭ ئادىتىنى سىڭدۈرگەن ، ئۇلار پەقەت ئادەمگە قاراپ خىرىس قىلىشنىلا بىلىدۇ قولىدىن باشقىسى كەلمەيدۇ ، خالاس . بۇ گەپلەر ماڭا بەك تەسىر قىلدى...غەيرەت قىلىڭ كالۋا....

kar0923

	tuntaxvixi يوللىغان ۋاقتى  2012-12-1 10:12 PM تۇرمۇشتىن سۈزۈپ ئىلىپ قۇرتۇپلا ئەپ چىقىپسىز ، دوستۇم ، ... ماقۇل غەيرەت قىلىمەن چۇقۇم .... كالۋا ئەمەس ______

بدر

	كاشكى شۇ غەيۋەتخۇرلۇق - ھەسەت ۋە ئىتتىپاقسىزلىق بولمىغان بولسا مېللىتمىزدە ، قانداق ئۆزگىرىشلەر بۇلار ئىدى.

yasinawut

	شۇ غەيۋەتخۇرلارنى جازالايدىغان قانۇن بولسىدى ھە _