ھىجابلىق مۇسلىمەلەرنى ھاقارەت قىلماڭ..!!

بدر

	مەلۈمكى دىن ـ ئىنساننىڭ قەلىب ھۇجرەسىنىڭ پىنھانىغا يۇشۇرۇنغان نۇرلۇق گۆھەردۇر.كىمكى ئاشۇ گۆھەرنى مەسخىرە قىلسا ئېغىر ئازاپلارغا مۇپتىلا بولىدۇ.ھەر ـ كىمنىڭ ئۆز ئېتىقادىنى ئىفادە ئېتىش،ھەم ئۆزىنىڭ دىنى كۆرسەتمىسى بويىچە ياشاشنى تاللاش ھەققى بولىدۇ. نۆۋەتتە ئىسلام ئېتىقادىغا قايتىش دولقۇنى پۈتۈن دۇنيا بۇيىچە ئۆز ئىپادىسنى تاپماقتا،مىسالىگە دىيارىمىز مۇسۇلمانلىرىمۇ ھەم دىنسىز ئىدىيەدىن يىراقلىشىپ،پاك ئىسلام ئەقىدىسدىن ئۆز نېسۋەلىرىنى ئېلىپ ئىنسانغا خاس ياشاپ،قەلب خاتىرجەملىكىگە ئېرىشمەكتە. بۇنىڭ مىساللىرى: جۈمە كۈنلىرى جەمىيەتتىكى ھەر قاتلام ـ ھەر ساھە كىشلىرى مەسجىدلەرنى ئىلگىرى كۈرىلىپ باقمىغان بىر قىزغىنلىق بىلەن ئاۋات قىلىدىغان،توي ـ چايلارنى شاراپسىز ئۆتكۈزۈشنى تەشەببۇس قىلىدىغان،ياشلار(35 ياشتىن كىچىكلەر) ئارىسىدا بەش ۋاق نامازغا ئەھمىيەت بېرىدىغان،قىزلار ھىجاپلىنىپ ئاللاھنىڭ قۇرئاندىكى كۆرسەتمىسى بويىچە ياشاش يولىنى تاللايدىغان خاھىشلەر  كۈنسىرى كۆپەيمەكتە. كەمىنەنىڭ قارىشىچە بۇلار ئۇمۇمەن ناھايتى ياخشى باشلىنىش. بىراق جەمىيتىمىزدە يەنە دىن بىلەن قارشىلىشىدىغان،دىنى كۆرنىشى قۇيۇق كىشلەرنى چەتكە قېقىپ زەربە بېرىدىغان،مۇسلىمەلىرىمىزگە بۆھتان چاپلاپ نامىنى يەر قىلىپ، ئوبرازىنى خۇنۇكلەشتۈردىغان ئەھۋاللارمۇ ھەم ناھايىتى ئېغىر. بۇخىل دۈشمەنلىكلەر ـ ياتلاردىن بەكرەك، ئۆز دىنداشلىرى ـ مىللەتداشلىرى تەرپىدىن كۆپراق بۇلىۋاتىدۇ. مىسال: ئەۋرەت ئەزالىرى تامامەن ئېچىلىپ تۇرىدىغان خۇتۇن ـ قىزلار ئۆزلىرىنى ئۇنتۇپ، ئىسلام ئەھكاملىرى بۇيىچە ھىجابلىنىپ يۈرگەن مۇسلىمەلەرنى مەنسىتمەي‹‹زورو›› ‹‹ روپاش›› دەپ ھاقارەتلەيدىكەن، شۇ كىيىم بىلەن ئىنسانچىلىقتا ئازراق خاتالىق سادىر قىلىپ قويسا ئالەمچە كۆرسىتىپ ‹‹چاۋىسنى چىتقا يايدىغان››. مۇسلىمەلەرنىڭ ئەيپىنى ئېچىش ئۈچۈن تىرناق ئاستىدىن كىر ئىزدەيدىغان، ئاممىۋى سورۇنلاردا شۇلارنىڭ يامان گېپىنى ھوزۇرلۇنۇپ سۆزلەيدىغان... ئەھۋاللار بىزدە ھەم ئاچچىق بىر ھەقىقەت. شۇ غەيۋەتخۇرلار ناۋادا ئۆزلىرىنىڭ ھالىغا قارايدىغان بولسا ،ۋۇجۇدىدا يىتىپ ـ ئاشقۇچە نۇقسان ـ ئىللەتلەرنىڭ تۇلۇپ تۇرغىننى بىلگەن بولاتتى. ئەلۋەتتە، بىز ھەم روشەن كۆزلىرىمىز بىلەن شۇ پاك دىننىڭ لىباسىغا ئورنىۋېلىپ ھىجاپقا ئۇيغۇن كەلمەيدىغان ئىشلارنى سادىر قىلىۋاتقان ئاز ساندىكى نادان  خۇتۇن ـ قىزلارنىڭ مەۋجۇتلۇقىنىمۇ ئىنكار قىلمايمىز( ئاللاھ بۇلارنىڭ قەلبىگە ئىنساپ بەرگەي). ئەمما بۇ ئەھۋاللار قىسمەن ئاز ساندىكى ئەھۋال. بۇنداقلار ھەم بارلىق مۇسلىمە قىزلارغا ۋەكىل بۇلالمايدۇ. سىز كوچىلاردا، تورخانلاردا، تويلاردا يۈرگەن ناچار ‹‹ھىجابلىقلار››نى كۆپ كۈرىسىز ـ يۇ، بىراق ئۆز ئۈيىدە، ئاتىسىنىڭ ياكى ھالال جۈپتىنىڭ خىزمىتىنى بىجاندىللىق بىلەن قىلۋاتقان مۇسلىمەلەرنى كۈرەلمەسلىكىڭىز مۇمكىن. بازارلاردا ئۈزىنى ‹‹كۆز ـ كۆز›› قىلىپ يۈرگەن ‹‹تەقۋا››لارنى كۈرەلىگىنىڭىز بىلەن، ئىبادىتىدە ئىخلاسمەن بۇلۇپ تۇرغان قىز ـ ئاياللارنى كۈزىڭىزگە چېلىقتۇرالماسلىقىڭىز مۇمكىن. يۈز ـ كۆزلىرىگە قېنىق گىرىم قىلىپ، ئاستىغا غەربنىڭ پادىچى شىملىرىنى كىيىپ يۈرگەن ئاتالمىش ‹‹ ھىجابلىق قىز››نى كۈرۈپ ئۇچراتقىنىڭىز بىلەن سىدام، ئاددى رەختلەردىن ئۇرۇق ياكى سېمىزلىكىنى  بىلىندۇرمەي ئىسلام تەلپىگە ئۇغۇن كىيىملەر بىلەن باشقىلارنىڭ دىققىتىنىڭ سىرتىدا قالغان مۇسلىمەلەرنى خاتىرىڭىزغا ئالالماسلىقىڭىز مۇمكىن... خۇلاسە. ھىجابلانغان مەزلۈملەر ئۈز نەپسى ـ خاھىشى ئۈچۈن ئەمەس، بەلكى ياراتقان رەببىنىڭ بۇيرۇقىغا ئىتائەت قىلىش يۈزىسدىن شۇ كىيىملەرنى كەيدى، شۇ ھىجابقا ئوراندى. ئۇلار جەمىيەتتىن ـ دىن سىرتىدكىلەردىن قانداق بېسىم ھىس قىلسا پەقەت ئاللاھ رىزاسى ئۈچۈن ۋاز كەچمىدى. بىزلەرمۇ شۇ كەبى دىننى مەھكەم تۇتۇپ تۇرغان كىشلىرىمىزنىڭ شاراپىتىدىن خاتىرجەم رىزىقلىنىپ، شۇلارنىڭ دۇئاسى بەركاتىدىن بىمالال ياشاپ يۈرۋاتىمىز. شۇڭا قېرىنداشلارغا ئىلتىماس: بىز ئۈزىمىزنى ھەم ئائىلە تاۋابىئاتلىرىمىزنى ھىجابلىيالمىغان بولساق، بۇ گۇناھىمىز ئۈزىمىزگە يىتىپ ئاشىدۇ. ھېچ بولمىغاندا ئاللاھنىڭ شەرئىتى بۇيىچە ھىجابلىنىپ يۈرگەن ھەمشىرلىرمىزنى ھاقارەت قىلىپ، ئەيىپلىرىنى ئىزدەپ يۈرمىسەك،،، بۇلامدۇ...؟؟؟؟؟؟؟ مەنبە: ئۆزبېك مۇنبىرىدىن ھىدايەت ئەپەندىنىڭ خاتىرىسى.

adil2052103

	بىز ئۈزىمىزنى ھەم ئائىلە تاۋابىئاتلىرىمىزنى ھىجابلىيالمىغان بولساق، بۇ گۇناھىمىز ئۈزىمىزگە يىتىپ ئاشىدۇ..........................   قەتتى ئويلىنىشقا تىگىشلىك مەسلە .

فاتىھ

	ھەقىقەتەن كىشىنى ئويلاندۇرغۇدەك گەپلەر ئىكەن، رەھمەت قېرىندىشىم سىزگە

polat0903

	ياخشى تىرىشىڭ

zumrettash

	ئاللا سىزگە رەھمەت قىلسۇن،سىز ئېيتقاندەك ھازىر جەمئىيىتىمىزدە شۇنداق بىر خىل ئىللىق مۇھىت بەرپا قىلىنماقتا.چوڭلىرىمىز ھەق دىن يولىنى تېپىۋېلىۋاتىدۇ،ياشلارمۇ بالدۇر ئەقلىگە كېلىۋاتىدۇ.نۇرغۇن قىزلىرىمىزمۇ ئۆزىنىڭ نىمە قىلىۋاتقىنىنى بىلىپ يىتىپ ،قايسى يولنىڭ نۇرلۇق يول ئىكەنلىكىنى ھېس قىلىپ ،ئۆز يوللىرىنى تېپىۋېلىۋاتىدۇ،ئاللا ھەممىمىزنى ھىدايەتكە باشلىسۇن........قەلىبلەرنى ئىمان نۇرى بىلەن يۇرۇتسۇن. تىرناق ئاستىدىن كىر ئىزدەيدىغانلارنى ئاللا ھەرگىز ياخشى كۆرمەيدۇ،ھەممە ئادەم قىلسا ئۆزىگە قىلىدۇ...شۇ ھىجاپلىنىپ يۈرگەنلەرنى مەسخىرە قىلىپ كۈلگەنلەرنىڭ ھالى قانچىلىك ئۆزلىرى بىلىشمەيدۇ،ئەمەلىيەتتە ئاللا ھەممىنى كۆرۈپ تۇرغۇچىدۇر،بىلگۈچىدۇر...ھىجاپلىقلارغا بوھتان چاپلىمايلى،شۇنداق ئېسىل خانىم-قىزلىرىمىز باركى ،سىلەر ئارىلاشساڭلار بىلىسىلەر ئۇلارنىڭ نەقەدەر مېھرىبان ئىكەنلىكىنى.....ئاللا بىلسە بولدى... باشقىلارنىڭ بار ئەيىبىنى باشقىلارغا ئېيتىش غەيۋەتتۇر،يوق قۇرۇغ ئەيىبنى ئېيتىش بوھتاندۇر...

Hijab

	راستىنلا ياخشى تېمىنى يوللاپسىز قېرىندىشىم    مېنىمۇ    نەۋرە ئاكام  زورودەك  بوپ قاپسەن دەپ  بەك كۈلۈپ مازاق قىپكەتكەنتى                تازا ئەدىپىنى بەرگەنتىم              ھازىر   ساختا ھىجابلانغانلارنىڭ  تەسىرىگە ھەقىقىي ھىجابلانغان  ھەمشىرىلىرىمىز ئۇچراپ كېتىپ بارىدۇ   بىرەسى  يېڭىدىن ئاللاھنى تونۇپ ھىجابلانسا     ئاللاھ ھىدايەت بىرىپتۇ  دىمەي (نىمە) ئويناپ  بۈۋۈم بوپتۇ  دەپ  مازاق قىلىپ كېتىدىكەن          شۇ گېپىنىڭ قانچىلىك ئېغىر ئىكەنلىكىنى بىلسىدى كاشكى   ئاللا ھەر بەندىسىنىڭ كۆڭلىگە ئىنساب بەرگەي

urhunbaturi

	ئاللا رەھمەت قىلسۇن . بەك ياخشى تىما يوللاپسىز. زامانىمىزدا ياخشىلىنىش خېلىلا كۈرۈنەرلىك. كۆپ ياشلىرىمىز ھىدايەت تېپىۋاتىدۇ.بۇ ھەممەيلەننى بەكمۇ سۈيۈندۈرىدۇ. بۇ ھەقىقەتەن ئويلىنىشقا تىگىشلىك مەسلە. يازنىڭ پىژغىرىم ئىسسىقلىرىدىمۇ  ئۇلار شۇنداق ئۆلچەملىك كىيىنىپ يۇرىدۇ. توغرا يولدا ماڭالمىغان كىشى چۇقۇم توغرا يولدا مېڭىۋاتقانلارنى ئۇزىگە ئوخشاش قىلىشقا ،سېسىتىشقا ھەرىكەت قىلماي،ئۇلارنى ئاسرىشى ئۇلارغا  قۇلىدىن كىلىشچە ياردەم قىلىشى كىرەك.

nurmuhammat

	Hijab يوللىغان ۋاقتى  2012-12-1 06:43 PM راستىنلا ياخشى تېمىنى يوللاپسىز قېرىندىشىم    مېنىمۇ   ... ئاللاھ دەپ يازماي  اللە دەپ يىزىڭ؟

fatima

	اللە رەھمەت قىلسۇن قېرىندىشىم.تۇلىمۇ ياخشى تىيما يوللاپسىز.ھازىر نۇرغۇن ياشلىرمىز ھىدايەت يولىغا قايتىپ خانىم -قىزلىرنى ھىدايەت يۇلىغا باشلاۋاتىدۇ.بۇ بىز ئۈچۈن تۇلىمۇ خۇشاللىنارلىق ئىش.ھەركىم ئۆزىنىڭ قىلمىش-ئەتمىشلىردىن جاۋاپ بىردىغان كۈن ھامان كىلىدۇ.ئۆزۈڭنىڭ يۇلى ئاق بولسا باشقىلار قارا دىسىمۇ قارىغا ئۆزگىرىپ قالمايدۇ.

TáwpéK0903

	ياخشى تىمىكەن !!!