كىچىككىنە مۇھەببەت ھىكايىسى

pidakar20

	كىچىككىنە بىر مۇھەببەت ھېكايىسى تۈركچدىن تەرجىمە قىلىندى ئايال ھەر كۈنى سەھەردىكىگە ئوخشاش ئۇ كۈنىمۇ ئاق ھاسا ۋە باشقىلارنىڭ ياردىمى بىلەن ئاپتۇبۇشقا چىقتى. شوپۇر: سولدىن ئۈچىنجىرەتتە بوش ئورۇن بار خانىم ، دېدى. ئايال 32 ياشقا كىرگەن گۈزەل بىر خانىم ئىدى ۋە يولدىشىمۇ كېلىشكەن بىر ھاۋا ئارمىيە جەڭچىسى ئىدى. بۇندىن بىر قانچە ئاي بۇرۇن بىر خاتا دىياگۇنۇز سەۋەبىدىن قىلىنغان ئوپىراتسىيەدە كۆزىدىن ئايرىلغان ئىدى ۋە   شۇندىن باشلاپ يورۇق دۇنيانى كۆرەلمىگەن ئىدى. يولدىشى ئوپىراتسىيەدىن كېيىنكى ئازاپلىق ئەمەلىيەتنى بىلىپ ئازاپلىنىپتۇ ۋە ئۆز-ئۆزىگە ۋەدە قىلىپ ھەرگىزمۇ ئايالىنى تاشلىۋەتمەيدىغانلىقىنى ،ئۇنىڭغا ئاخىرىغىچە يار-يۆلەكتە بولىدىغانلىقنى ،ئۆزى ئورنىدىن تۇرالىغىچە ئىلھاملاندۇرىدىغانلىقىنى دەپتۇ. كۈنلەر ئۆتىۋىرىپتۇ. ئايال   ئۆزى تولىمۇ ياخشى كۆرىدىغان يولدىشىغا يۈك بولۇپ قالغانلىقىنى ئويلاپ كۈندىن كۈنگە ئازاپلىنىپتۇ ،ئايالىنىڭ بۇ جىمغۇر ، چۈشكۈن ھالى ئېرىنى تولىمۇ ئازاپلاپتۇ .ئۇ دەرھال بىر ئامال قىلىشى كېرەكتى، ئايالى كۈندىن-كۈنگە ئۆز دۇنياسىغا بېكىنۋېلىپ جىمغۇرلىشىپ كېتپ باراتتى. يولدىشى پۈتۈن كۈن گۈزەللەرنىڭ گۈزىلى ئايالىغا قانداق ياردەم قىلىش توغرىسىدا ئويلىنىپتۇ. تۇيۇقىسىز ئۇنىڭ ئېسىگە ئايالىنىڭ بۇرۇنقى خىزمىتى كېلىپتۇ ھەمدە ئايالىنى قايتا خىزمەت قىلدۇرماقچى بولۇپتۇ. ئەمما بۇنى  ئۇنىڭغا قانداق دېيىش كېرەك؟ چۈنكى ئايالى ئىنتايىن نازۇك ۋە خاپىغانلىىشپ  كەتكەن ئىدى. كەچتە ئاخىر پۈتۈن جاسارەتكە كېلىپ ئېغىز ئېچىپتۇ. ئايالى بۇ گەپنى ئاڭلاپ كۆزىنى يوغان ئېچىپ « مەن  خىزمەتنى قانداق قىلىمەن مەن ئەما تۇرسام        » دەپ ۋارقىراپتۇ.  يولدىشى ئۇنىڭغا ياردەمدە بولىدىغانلىقىنى ھەر كۈنى سەھەر ئىشقا ئۆزى ئاپىرىپ قويىدىغانلىقىنى ۋە كەچتە ئالغىلى بارىدىغانلىقىنى ھەمدە ئۇنىڭ تولۇق ئىشىنىدىغانلىقىنى دەپتۇ. چۈنكى ئايالىنى چۈشىنەتتى ۋە خىزمەتنىڭ ھۆددىسىدىن چىقالايدىغانلىقىنى بىلەتتى. ئايالى ئانچە رازى بولۇپ كەتمەيراق قۇبۇل قىلىپتۇ چۈنكى يولدىشىنى تولىمۇ ياخشى كۆرەتتى ۋە ئۇنى خاپا قىلىپ قويۇشنى خالىمايىتتى.شۇنداق قىلىپ بۇ پىداكار ئەر ھەر كۈنى سەھەردە ئايالىنى ئىشقا ئاپىرىپ كەچتە ئۆيگە قايتۇرۇپ كەپتۇ. كۈنلەر مۇشۇنداق ئۆتىۋىرىپتۇ. ئايالى بۇرۇنقىدىن ياخشىلىنىپتۇ. ئەمما يولدىشى   ئايالىنىڭ تېخىمۇ ياخشىلىنىشىنى ئويلاپتۇ ۋە ئاخىرىغىچە كۈچىۋىتىشكە ۋەدە قىلىپتۇ. بىر كۈنى كەچتە ئايالىغا : ئەمدى ئىشقا ئۆزىڭىز يالغۇز بېرىپ كېلىشىڭىز كېرەك دەپتۇ. ئايالى بۇ گەپنى ئاڭلاپ ھەيران قېلىپتۇ ۋە  بۇنى  ھەرگىزمۇ قىلالمايدىغانلىقىنى دەپتۇ. يولدىشى گېپىدە چىڭ تۇرغاچقا ئۇنىڭ گېپىنى يىرالماپتۇ ۋە شۇنداق قىلىشقا غەيرەتكە كېلىپتۇ  بۇنداق قىلىشىنى ئۆزىمۇ خالايتتى ئەمما ئانچە ئىشەنچى يوقتى. شۇنداق قىلىپ  ھەر كۈنى سەھەردە ئايال ئۆزى يالغۇر ئاپتۇبۇس بېكىتىگە  بېرىپ ، ئاپتۇبۇسقا چىقىپ ۋە ئاپتۇبۇستىن چۈشۈپ ئىشقا بارىدىغان بولۇپتۇ. كۈنلەر كۈنلەرنى قوغلاپ ئۆتىۋىرىپتۇ  ھىچبىر مەسىلىمۇ كۆرۈلمەپتۇ. بىر كۈنى ئايال ئاپتۇبۇسقا چىققاندا ،شوپۇر: سىزگە ھەۋەس قىلىمەن دەپتۇ. ئايال بۇ گەپنىڭ ئۆزىگە دېيىلىۋاتامدۇ ياكى ئۇنداق ئەمەسلىكىنى تازا ئاڭقىرالماي ، نېمە ئۈچۈن ، دەپ سوراپتۇ. شوپۇر،- چۈنكى ھەر كۈنى سەھەردە سىزنىڭ كەينىڭىزدىن بىر ياش ھاۋا ئارمىيە جەڭچىسى ئاپتۇبۇسقا چىقىدۇ ۋە پۈتۈن يول بويى سىزگە چۇڭقۇر مۇھەببەت بىلەن قاراپ ماڭىدۇ، ئاپتۇبۇستىن چۈشكەندىن كېيىن يېشىل چىراقتا سىزنىڭ يولدىن ئۆتىشىڭىزنى ساقلايدۇ  سىز بىناغا كىرىپ كەتكەندىن كېيىن ئارقىڭىزدىن تاتلىق بىر سۆيۈك يوللاپ سىزگە قول پۇلاڭلىتىپ سىز بىلەن خوشلىشىدۇ دەپتۇ. تولۇقلىما مەزمۇن (2012-12-1 12:02 PM): ماۋزۇسىدا ئىملا خاتالىقى كۆرۈلۇپ قاپتۇ ، كىچىككىنە  دەپ تۈزىتىپ ئوقۇغايسىلەر

0908220

	راست   خېلى جەلىپ  قىلارلىق يېزىلىپتۇ

katran

	0908220 يوللىغان ۋاقتى  2012-12-1 01:33 PM راست   خېلى جەلىپ  قىلارلىق يېزىلىپتۇ قانداق يېرى، سىز قايسى چۈشەنچىڭىز بىلەن يېزىلىپتۇ دەپ ئالدىڭىز ئىنكاسىڭىزدا، تېمىنى ئوقۇپراق ئىنكاس يېزىڭ قېرىندىشىم. خېلى بولدى سىزنىڭ ئىنكاسلىرىڭىزغا دىققەت قىلىۋاتقىنىمغا. بۇ يازما بەك چۈشىنىشلىك ھەم تەسىرلىك تەرجىمە قىلىنىپتۇ. ئەرنىڭ ئايالغا بولغان مۇھەببىتى چۈشىنىشلىك ئەكىس ئەتتۈرۈلۈپتۇ. دىققەت قىلىڭ. ئىككىنچى قېتىم ئىنكاستا ئوچۇق ئەسكەرتىلدى. ھەمكارلاشقىنىڭىزغا رەھمەت!

0908220

	رەھمەت  قېرىندىشىم  مەنمۇ  شۇ  ياخشى چىققانلىقىدىن سۆيۈنگەچكە  شۇنداق يازغان ئىدىم

pidakar20

	يەنە بىر ھېكايە بۇ ۋەقە ئەنگىليەدە يۈز بەرگەن ياشانغان بىر ئەركىشى سەھەردە ئۆيىدىن چىقىپ ،يولدا كېتىپ بارغاندا ،بىر ۋەلىسپىتلىك كىشى ئۇنى سوقۇپ يېنىك يارىلاندۇرۇپ قويۇپتۇ، يولدىن ئۆتۆۋاتقانلار ئۇنى دەرھال يېقىن ئەتراپتىكى  دوختۇرخانىغا ئاپىرىپتۇ. سېستىرالار بۇ بىچارىنىڭ يارىسىنى تېڭىپتۇ ۋە بىر ئاز ساقلاپ تۇرىشىنى ،رىنتىگىن نۇرىدا تەكشۈرۈپ سۇنۇق ۋە باشقا يارىنىڭ بار يوقلۇقنى تەكشۈرۈپ باقىدىغانلىقىنى دەپتۇ. ياشانغان كىشى جىددىلىشىپتۇ ۋە ئالدىراش ئىشى بارلىقىنى رىنتىگىن نۇرىدا تەكشۈرتكۈسى يوقلۇقىنى دەپتۇ. سېستىرالار ھەيرانلىقتا ئالدىراشلىقىنىڭ سەۋەبىنى سوراپتۇ  . ياشانغان كىشى:« ئايالىم ياشانغانلار ساناتورىيىسىدە قالغان ھەر كۈنى سەھەردە ئۇنىڭ بىلەن بىللە ناشتا قىلىمەن ، كېچىكىپ قېلىشنى خالىمايمەن         » دەپتۇ .  سېستىرالار: «سىز كېچىكىپ قالسىڭىز ئايالىڭىز چوقۇم سىزدىن ئەنسىرەپ قالىدۇ شۇنداقمۇ؟»دەپتۇ . ياشانغان كىشى سۇلغۇن ھالدا :« ئەپسۇسكى ، ئايالىم دىۋەڭلىك كېسىلىگە گېرىپتار بولۇپ قالغان مېنىڭ كىم ئىكەنلىكىمنىمۇ بىلمەيدۇ        » دەپتۇ. سېستىرالار ھەيرانلىقتا:« ئۇنداقتا سىزنىڭ كىملىكىڭىزنىمۇ بىلمىسە يەنە نېمىگە ھەر كۈنى سەھەردە ئۇنىڭ بىلەن ناشتا قىلىشقا ئالدىرايسىز                » دەپتۇ. ياشانغان كىشى بوغۇق ئاۋازدا:« ئەمما مەن ئۇنىڭ كىملىكىنى بىلىمەن        » دەپتۇ

soygu7654321

	ئايالى قارغۇ  بۇلۇپ قالسا ئىرى قارىغىنى بىلەن ،ئىرى قارغۇ بۇلۇپ قالسا،ئايال  جەزمەن ئۇنىڭدىن ئاجىرشىپ كىتىدۇ.

dilara124

	تورداش ئاياللارمۇ ئۇنچە ۋاپاسىز ئەمەس جىمۇ؟ئايال بولسىمۇ چوقۇم پۈتۈن ۋۇجۇدى بىلەن قارايدۇ.........

dilara124

	بۇ تىمىنى ياخشى يوللاپسىز.....

banker625

	تەسىرلىككەن ،

yakupibrahim

	كارامەت تەسىرلىك  مۇخاببەت ئىكەن