چېقىمچىلىقنىڭ جازاسى(ئىبرەتلىك ھىكايە)

بدر

	ئەبۇبەكرى ئىبن ئابدۇللاھ شۇنداق ھىكايە قىلدى: بىر پادىشاھنىڭ دانا ۋەزىرى بار ئىدى.ھەر كۈنى پادىشاھنىڭ قېشىغا كىرگەندە:‹‹ياخشىلىق قىلغانغا ياخشىلىق قىل. يامانلارغا ئۈزىنىڭ يامانلىقى كۇپايە››،ـ دەيدىكەن. پادىشاھ ئۇ ۋەزىرنى ھۆرمەت قىلدىكەن. ئەمما مۇلازىملاردىن بىرى ئۇ دانا ۋەزىرنى كۈرەلمەيدىكەن.بىر كۈنى ئۇ ھەسەتخۇر مۇلازىم پادىشاھقا ئېيتتى: ـ ۋەزىرىڭىز دائىما سىزنى يامانلاپ:‹‹ پادىشاھنىڭ ئاغزىدىن بەدبوي،سېسىق ھىد كېلىدۇ.يېنىغا بېرىشقا ئەسلا تاقەت قىلالمايمەن››، ـ دىدى. پادىشاھ ھەسەتخۇردىن: ـ بۇ سۈزۈڭگە دەلىل تاپالامسەن؟ ـ دەپ سورىدى. ھەسەتخۇر: ـ ۋەزىرنى ھۇزۇرىڭىزغا چاقىرىڭ، بۇرنىنى تۇتۇپ كىرسە، توغرا سۆزلىگىنىمنى بىلىسىز،ـ دېدى. ئۇ پاسىق مۇلازىم پادىشاھنىڭ يېنىدىن چىقىپ، ۋەزىرنىڭ يېنىغا باردى،ئۈيىگە زىياپەتكە تەكلىپ قىلدى.ۋزىر زىياپەت تامام بولغاندىن كىيىن ھەسەتخۇرنىڭ ئۈيىدىن چىقىپ، توپ-توغرا پادىشدھنىڭ يېنىغا يېنىغا.پادىشاھ:‹‹يېقىنراق كەل!›› دىگەچ، ۋەزىر ‹‹پادىشاھ سېسىق سامساق پۇرقىدىن پادىشاھقا مالال كەلمىسۇن›› دەپ بۇرنىنى تۇتۇپ پادىشاھنىڭ يېنىغا يېقىن كەلدى،پادىشاھ بۇنى كۈرۈپ، مۇلازىمنىڭ سۈزى توغرا ئىكەنلىكىگە ئىشەندى. پادىشاھنىڭ بىر ئادىتى بار ئىدى:كىمگە ئىلتىپات ۋە ياكى غەزەپ قىلسا خەت يېزىپ مۆھىرلەپ:‹‹بۇ خېتىمنى مىنىڭ ساريىمنىڭ باشلىقىنىڭ قولىغا بەر›› ـ دەپ خەتنى ئۇ كىشىگە تاپشۇراتتى. ساراي باشلىقى خەتنى ئۇقۇپ پادىشاھ نىمىگە بۇيرۇغان بولسا، شۇنى ئەمەلگە ئاشۇراتتى. پادىشاھ ئادىتى بۇيىچە خەت يېزىپ مۆھىرىنى بېسىپ ،ۋەزىرگە بەردى ،ساراي باشلىقىغا تاپشۇرۇشنى بۇيرۇدى.ۋەزىر خەتنى ئېلىپ يولدا كېتىپ بارسا، يولدا ھېلىقى ھەسەتخۇر مۇلازىم ئۇچراپ قېلىپ ۋەزىردىن : ـ بۇ نىمە خەت دەپ سوراپ قالدى. ۋەزىر:‹‹پادىشاھ ماڭا قىممەتباھالىق لىباس ئىنئام قىلدى›› ـ دىدى. شۇنىڭ بىلەن ئۇ ھەسەتخۇر مۇلازىم ۋەزىرگە يېلىنىپ-يالۋۇرۇپ: ـ ئىككىمىزنىڭ ياخشى تۇنۇش ئىكەنلىكىمىزنىڭ ھۆرمىتى ئۈچۈن بۇ خەتنى ماڭا بىرىڭ، لىباسنى مەن ئالاي،بۇ سىزنىڭ ماڭا قىلغان زور ئىلتىپاتىڭىز بولغاي، بۇ ئىلتىپاتىڭىزنى ھېچقاچان ئۇنۇتمايمەن، ـ دېدى. ۋەزىرنىڭ رەھىمى كېلىپ خەتنى ئۇنىڭغا بەردى. ھەسەتخۇر خۇشال بولۇپ ،خەتنى ئېلىپ بېرىپ ساراي باشلىقىغا تاپشۇردى. ساراي باشلىقى ئۇقۇپ كۈرۈپ مۇلازىلمىرىغا: ــ بۇ ئادەمنى ئۆلتۈرۈڭلار، پادىشاھمىز شۇنداق بۇيرۇپتۇ، تىزدىن ئەمىرىنى بەجا كەلتۈرۈڭلار!! ــ دىدى. ساراي باشلىقىنىڭ گېپىنى ئاڭلىغان ھەسەتخۇر: ــ بۇ خەت ۋەزىرگە بېرىلگەن خەت ئېدى، مەن ئۇنىڭدىن تىلەپ ئالغان ئىدىم! ــ دەپ داد ـ فەرياد قىلىشقا باشلىدى. ساراي باشلىقى بۇ ۋەقەنى پادىشاھقا مەلۈم قىلدى. پادىشاھ بۇنى تەپتىش قىلىپ، ھەسەتخۇرنىڭ ۋەزىرنى سامساق قۇشۇلغان تائام بىلەن ۋەزىرنى مېھمان قىلغانلىقىنى، ۋەزىر ئېھتىيات يۈزسىدىن بۇرنىنى تۇتقىنى پادىشاھقا مەلۈم بولدى، ۋەزىرنىڭ گۇناھسىز ئىكەنلىكىنى بىلىپ، ئۇنىڭ مەرتىۋە- دەرجىسنى تېخىمۇ يۇقىرى كۆتۈردى. ھەسەتخۇرغا بولسا قاتتىق جازا بەردى. پادىشاھ ۋەزىرىگە: ــ ھەر كۈنى يېنىمغا كىرگەندە دەيدىغان بىرىنچى سۈزىڭىز‹‹ ياخشىلىق قىلغانغا ياخشىلىق قىل، يامانلارغا ئۈزىنىڭ يامانلىقى كۇپايە›› دەيتىڭىز، راس دەپسىز، ھەسەتخۇرنىڭ يامانلىقى ئۇنىڭ ئۈز بېشىغا بالا بولدى. ــ دىدى. مەنبە: ئىبرەتلىك ھىكايىلەر دىگەن كىتاپتىن ئېلىندى ـــ پەيغەمبىرىمىز مۇھەممەد(س ئە ۋ) مۇ شۇنداق دىگەن ھەدىسىدە: ‹‹ھەسەت خۇددى ئوت قۇرۇق ئوتۇننى يەپ تۈگەتكەندەك، ياخشىلىقلارنى يەپ تۈگتىدۇ››. شۇنىڭ ئۈچۈ قېرىنداشلار ھەسەت قىلىشمايلى. مۇسۇلمانلار ئۆز-ئارا بىر-بىرمىزنى قوللايلى...!!!

OTيۈرەك

	ياخشى يېزىپ سىز ئاپىرىن

panama

	چىۋىىن پاشىدىن ھەسەت قىلىپ چاقىدىغان بولىۋالدى دېسە.

zmatjan@

	panama يوللىغان ۋاقتى  2012-11-29 06:54 PM چىۋىىن پاشىدىن ھەسەت قىلىپ چاقىدىغان بولىۋالدى دېسە.

zmatjan@

	ئاللاھ رھمەت قىلسۇن بە ك ياخشى تىما يۇللاپ سىز.

ئەخمەد

	مەنمۇ يامانلارغا شۇنداق كۈننىڭ بالدۇرراق كىلىشىنى تۆت كۆزۈم بىلەن كۈتىمەن.

dolantograk004

	بەك ياخشى ھىكايە ئىكلەن

0908220

	ھەقىقەتەن ئەھمىيەتلىك  تىما يوللاپسىز   ئاللاھ ھەقىقەتەن سەت گەپ قىلغانلارنى چېقىمچىلىقنى يامان كۆرىدۇ

mahliya

	چېقىمچقنى يوقاتقىن خۇدا، ئۆلتۈرمەستىن ئايلاندۇر تاشقا. بىزدىن بۇرۇن بارسا ئالدىڭغا، بالا بولۇر بىزنىڭ بۇ باشقا.

ئەلپىدا2

	ھەقىقەتەن ئىبرەتلىك،مەزمۇنلۇق تېما يوللاپسىز....ياخشىلىققا يېتەكلەيدىغان مۇشۇنداق ياخشى ئىشىڭىزنىڭ ئەجرىنى مېھرىبان ئاللاھ ئۆزى بەرگەي.... لېكىن ئىملا خاتالىقى بەك كۆپكەن.بەكرەك دىققەت قىلارسىز......