سۆيگۈم كەلدى

KOXGUL

	نەسىر سۆيگۈم كەلدى. سىنى سۆيۈشنى ئويلىغىنىمدا يۈرەكلىرىمنىڭ بىر يەرلىرى ئىچىشىشقا باشلىدى .ئوماققىنىە تۇرقۇڭ كۆز ئالدىمدا سۈرەتتەك نامايەن بولغاچ كۆزلىرىمگەئىختىيارسىزئىسسىق ياشلار تولدى. بۇ ياشلار سىرغىپ چۈشۈپ مەڭزىمنى سۆيگەندە ۋۇجۇدۇمغا تىترەك ئوۋلىشىپ كەتتى. سىنى سىغىنىش ،سىنى ئويلاش ماڭا شىرىن ئەمما ئازاپلىق ئەسلىمىلەرنى باشلاپ كەلدى .توۋا سەن شۇمۇ جىنىم يۈرەك پارەم ؟چوڭلا بولۇپ كىتىپسەن .راسىت بۇ يىل ئۈچ ياشقا كىردىڭ ھە؟شۇتاپ يارىماس بىر ئانا بولۇپ قالغىنىمغا قاتتىق ئۆكىنىۋاتىمەن. سىنى قىنىپ -قىنىپ بىر سۆيىۋالسام ،خالايىق ؛-كۆردىڭلارمۇ مىنىڭ شۇنداق تىمەن، چىرايلىق ئوغلۇم بار جۇمۇ  ؟-دەپ ۋارقىرىۋالسام نىمىدىگەن ياخشى بولاتتى ھە؟قارا ساڭا بولغان  مىھرىم يەنە يىلىنجاشقا باشلىدى. كونىلار <<كۆزدىن يىراق كۆڭۈلدىن يىراق >> دەپتىكەن ،بىراق بۇ كۆڭلۈم سىنى ئىزدەپلا ،سىنى سىغىنىپلا ئۆتىۋاتىدۇ. قاپقارا يۇلتۇزلۇق كىچىلەر ماڭا ئارام بەخىش ئەپ كەلگەن ئىدى.بىراق ئۇشبۇ كىچىلەردە يىگانە جىنىم سەن بولمىغاچ ئازاپتا ھەسرەتلىك تولغىنىشقا باشلىدى.چۈشلىرىمدە بولسىمۇ سىنى بىر كۆرىۋالسام  باغرىمغا مەھكەم بىسىۋالسام ،چۈشلىرىمدە بولسىمۇ << ئانا >> دىگەن ئاۋازىڭنى بىر ئاڭلىۋالسام قانچە ياخشى بولاتتى ھە! قارا ئوغلۇم ئاناڭنىڭ بۇ كىچىككىنەئارزۇسى ئاناڭنى مازاق قىلىۋاتىدۇ.يەنە ئۆزگىلەرنىڭ مەسخىرلىك كۈلكىلىرىنى ،نەشتەرلىك سۆزلىرىنى ئىشقىلىپ ھەممە ،ھەممىنى قايتىدىن ئەسكە سىلىۋاتىدۇ.مەن سىنىڭ سۈرىتىڭنى كۆزۈمگە سۈركەپ ئولتۇرۇپتىمەن.راستىنى ئىيتسام زار-زار يىغلاۋاتىمەن.تاڭنىڭ يەنە ئىتىشى بىلەن سىنى بىر كۆرىۋىلىش ئىشتىياقى مىنى يەنە بىر قىتىم بويسۇندۇردى. پۇت -قوللىرىم ماڭا تەن بەرمەي ناتونۇش كوچىلارغا باشلاپ كەلدى. مانا مەن شۇ تاپ شۇنچە بىچچارە ،خۇددى بىر تىلەمچىدەك بىر بوسۇغىنىڭ ئالدىدا  سىنى بىر كۆرىۋىلىشنى تاماقىلىپ تۇرىۋاتىمەن.ئىچىمدە سىنى كۆرۈشنى تەڭرىدىن تىلىمەكتىمەن ،بەندىلەرگە يالۋۇرماقتىمەن،يىلىنماقتىمەن!بۇ چاغدا غۇرۇم ماڭا ئىسىيان كۆتۈرۈپ كەلدى .مەن نائىلاج سىنى كۆرەلمىگەچكە قان- ياشلىرىمنى ئىچىمگە يۇتۇپ كەينىمگە بۇرۇلۇپ ئاشۇ بوسۇغىنىڭ ئالدىغا مەڭگۈ بارماسلىققا قەسەم قىلىپ ئۆزۈمنىڭ غىرىبانە كەپەمگە قايتىشقا مەجبۇر بولدۇم.قانچە ياز قانچە باھار دەريالىرىمدا سۇلار قان بولۇپ ئاقار ؟؟بۇ خىيال مىنى چۆچىتىۋەتتى .مەن سىنى قايتا كۆرەلمەسلىكىمدىن سىنى بۇ جاھاندىن ئىزدەپ تاپالماسلىقىمدىن ،قىسقىسى سىنى ‹‹ ئوغلۇم ›› دەپ قايتا چاقىرالماسلىقىمدىن  ئەنسىرەپ ياشىماقتىمەن.پىشانەمگە بۇنداق قىسمەت پۈتۈلمىسە بولاتتى.ئۆيدە ھاڭۋىقىپ ئولتۇرۇپ بىرىنىڭ ئىشىكىمنى چەككىنىنى ئاڭلىماي قاپتىمەن. -رازىيىە بۇ مەن ئىشىكىڭنى ئاچساڭچۇ؟ -دىگەن ئاۋاز بىلەن چۆچۈپ كەتتىم. ئىشىكىمنى ئاچتىم -دە ئالدىمدىكى دوستۇم بىلەن كۆرىشىپ ئۇنىڭ قۇچىقىدىكى ئوماق بىغۇبار بالىسىنى قولۇمغا ئالدىم .ئۇ شۇنداق تاتلىق ئىدى .ئۆيگە كىرگەندىن كىييىنمۇ مەن دوستۇمنىڭ بالىسىنى قولۇمدىن چۈشۈرمەي ئۇنى سۆيۈپ كەتتىم .بىراق ئۇ ماڭا كۈلۈپ بەرمەكتە يوق ئەكسىنچە قاتتىق چىرقىراپ يىغلاپ كەتتى .ئانسى ئۇنى قولىغا ئىلىۋىدى ،ئۇ شۇئان يىغىسىدىن پەسىيىپ قالدى.ئەگەر سەن بولغان بولساڭ مەن سىنى سۆيگەن چىغىمدا بۇنچىۋالا يىغلاپ كەتمىگەن بولاتتىڭ .ماڭا قاراپ تاتلىق كۈلۈپ بىرەتتىڭ . نەدىندۇر يەنە سىنىڭ ئۈچ پارچە سۈرىتىڭ قولۇمغا يەنە چىقىپ قالدى.بىر پارچە سۈرەتتىكى ھومىيىپ تۇرغان چىرايىڭ ماڭا خۇددى سەن مەندىن ئاغرىنىپ ماڭا قىيداپ قاراۋاتقاندەك بىلىندى. ،مەن ئۆز- ئۆزۈمگە ‹‹ مەن نىمانچە سەۋرىسىز ،يارىماس ئايال ھە؟›› -دەپ كەتتىم .ئۆز ۋاختىدا سىقىلىش -سۈركىلىش ،موھتاجلىق ،ناچار موھىت مىنى سەندىن ۋاز كەچكۈزەلمىگەن ئىدى. ئەپسۇس ئاخىرقى ھىساپتا سەندىن ئايرىلماسلىققا پەقەت ئامال قىلالمىدىم .بۇلارنى ئىيىتقانچە كۆز ياشلىرىم تاراملاشقا باشلىدى.ئارقىدىن ئازاپلىق دىشۋارچىلىقتا ئۆتكەن شۇ كۈنلەر يەنە كۆز ئالدىمغا كىلىۋىلىپ مىنى قىيناشقا باشلىدى. شاپتۇللار چىچەكلىگەن ھەممە يەر باھار ھىدىغا تولغان گۈزەل پەسىلدە سەن قورسىقىمدا پەيدا بولۇپ ماڭا ئالەمچە خۇشاللىق ئىلىپ كەلگەن ئىدىڭ .چۈنكى مەن شۇ چاغدا ئۆز -ئۆزۈمگە ‹‹ئەمدى بۇ دۇنيادا ھەرگىز تەنھا بويۇن قىسىپ ياشىمايمەن . مىنىڭ يۈرەك پارەم بالام بار  بولىدىغان بولدى!››-دەپ ھاياجانلىنىىپ كەتكەن ئىدىم .كىم بىلسۇن سەن ئىككى ئايلىق بولغاندىن باشلاپ ماڭا تىل -ئاھانەت يىغىپ كەتتى. ھەر كۈنى كىملەردۇر بىركىملەر ھىچقاچان مىنى بار دەپ ئىزدەپ كىلىپ باقمىغانلار بوسۇغامدا ئۆچرەت بىلەن پەيدا بولۇشقا باشلىدى. ئۇلارنىڭ ‹‹ كىچىككىنە تۇرۇپ نىمە قىلىسىز بالىلىق بولۇپ يا دادىسى ئىگە بولمىسا ئەسكى ئادەمنىڭ بالىسى ھامان ئەسكى بولىدۇ.-ئانىڭىز بولسىدى كاشكى ئىغىرىڭىزنى كۆتۈرۈپ تۇغىتىڭىزنى بىقىپ سىزگە يار -يۆلەك بولاتتى..-يا ئۆيىڭىز يائىش ئورنىڭىز ياكى پۇلىڭىز بولمىسا بالىنىڭ دادىسى‹‹ چۈشۈرۋەت ›› دىگەندىكىن چۈشۈرۋىتىڭ ،ھەرگىز تۇغماڭ .،-دەل ۋاختىدا چۈشۈرۋىتىڭ ،مۇشۇنداق غۇنچىدەك چىغىڭىزدا ئوبدان ئەر چىقسا تىگىۋىلىڭ بولمىسا مەن ئىنىمغا ئەپ بىرەي.-دادىڭىز قاچانلىققا ئۆينىڭ ئجارە پۇلىنى تاپشۇرىدۇ،ئىككى قات ئوخشىمامسىز ؟ ۋاي ئانىمەي بىزنىڭ كىلىن ‹‹ تۇغمايمەن ›› دەپ ئوغلۇمغا ئۇقتۇرماي بالىنى چۈشۈرۋىتىپتۇ.ئوغلۇم  ئايالىنى ئۇرۇپ ھەيدىۋەتتى .ماۋۇ ھىچنىمسى  يوق يىتىمەك جىنىدا ‹ تۇغىمەن› -دەپ يۈرىدۇ توۋا خۇدايىمەي توۋا !!..››دىگەن سۆزلىرى ھىلھەم ئىسىمدا  .بولدىلا شۇ گەپلەرنى ئاڭلىمىغان بولاي . ئەگەر سەن بولغان بولساڭ ئىدىڭ كاشكى يۈرىگىىمگە مەلھەم بولاتتىڭ  نىمە قىلاتتىم ئۆتمۈشنى ئەسلەپ ؟ مەرھۇمە ئانام دائىم ‹‹ قۇياش كۈلسىلا ئۈمۈ د تۇغىلىدۇ ››دەيدىغان . ئۇنىڭ نىمە ئۈچۈن شۇنداق دەيدىغىنى ئەمدى چۈشەنگەندەك بولىۋاتىمەن .ئوغلۇم سەن مۇشۇ تاپتا مەھەلىدىكى بالىلار  بىلەن بىللە ئويناۋاتامسەن ؟ ئۆگەي ئاناڭ ساڭا تاماق بەرگەندۇ ،ئۇ سىنى تىللىمىغاندۇ؟ بەلكىم ياخشى ئايال بولسا سىنى بىھۇدە تىللاپمۇ كەتمەس . ھىيىت- ئايەم يىقىنلىشىۋاتقان مۇشۇ كۈنلەردە قاياققا قارىسام سەن كۆزۈمگە كۆرىنىپ قىلىۋاتىسەن .ساڭا بولغان ئانىلىق مىھرى -مۇھەببىتىم مىنى قۇل قىلماقتا. مانا قاچانكى ئاچچىقىمدا يىرتىۋەتكەن سۈرىتىڭنى يەنە قايتىدىن چاپلاپ ئولتۇرۇپتىمەن . بۈگۈن قۇياش كۈلۈپ بىقىپتۇ، جاھان شۇنچە ئىللىق . جىنىم قوزام ئانام ئىيىتقاندەك سەن  بىلەن ماڭا ئۈمىد تۇغىلارمۇ ، سىنى ئىزدەپ بارسام بۇ قىتىم كۆرۈشىشكە نىسىپ بولارمۇ ؟ سىنى باغچىلارغا ئاپىرىپ ئويناتقۇم ،ھىيىتلىق داستىخانلاردا سەن بىلەن بىرگە ئولتۇرغۇم ،بىر كۈن بولسىمۇ سەن بىلەن بىللە ئۆتكۈم كىلىۋاتىدۇ. كىلىۋاتقان ھىيتىڭغا مۇبارەك بولسۇن !       داۋام قىپ كەلمەكتە تەنھا تۈنلىرىم ،                  يۇلتۇزلار كىم ئۈچۈن چاقنايدۇ بىلمىدىم.        يامغۇربوپ چۈشمەكتە كۆز - ياش ،         سەن نەدە تىىنچلىقمۇ سورىيالمىدىم .   يەنە شۇ تۆت تام ماڭا قەدىناس، مەيلى كۈن مەيلى تۈن ئۆتەر مۇشۇندق ، سەن ماڭا بىردەملىك بەخىت بىرىپلا ،كۈلكەڭنى قالدۇرۇپ كەتتىڭ يىراقلاپ. تەڭرىم مىنىڭ ئوغلۇمنى بەكلا كۆرگۈم چۇڭقۇر ئانىلىق مىھرىم بىلەن سۆيگۈم كەلدى . ماڭا خۇش -خەۋەر بەرگىن !                             بۇ يازمىلار دوستۇمغا مەنسۈپ                                                                    1 -12   - 2010

ANSWER

	مەنبەسى يوق تىما بەئەينى ئاتا - ئانىسى نامەلۇم يىتىم بالىغا ئوخشايدىكەن

kukhelal

	سۈكۈت.

mastura82

	چۈشىنىكسىز يەرلىرى باركەن ، بالىنى دادىسى چۈشۈرۋەت دەپتۇ ، بىراق چۈشۈرگۈزۋەتكەن بالىنى دادىسى يەنە بېقىپتىما ، ئۆگەي ئاناڭ دىگىنىگە قارىغاندا شۇ دادىنىڭ  ئۆيىدىكەن ئۇ بالا بىراق .........

913

	سۈكۈت.

199371

	سۈكۈت.

فاتىمە

	ئۇلۇغ ئاللا سەۋىر  ئاتا  قىلسۇن !  كۆڭلڭىزنى يېرىم  قىلماڭ!

gulbaxikar

	ئانىنىڭ پەرزەنىتكە بولغان ساپ ھىسياتىنى ئىپادىلەيدىغان ياخشى نەسىركەنتۇق، مەستۇرە 82 دىگەندەك سەل چۈشۈنۈكسىز ، دادىسى تەرىپىدىن بىقىلىۋاتقانمۇ؟ نىمە سەۋەپتىن ئايرىلىپ قالغان بالىدىن مەزمونى سەل چولتا تۇرىدۇ.

BARBI

	بالىنىڭ ئوتى      بالاچە.....................

mastura5200

	سۈكۈت.