ھاراق ھەققىدە كونا-يېڭى پاراڭلار

sangun111

	قايسى بىر ئۇلۇغ زات ھاراق ھەققىدە مۇنداق دىگەنىكەن:بىر چوڭ دەريا بولسا،شۇ دەرياغا بىر قوشۇق ھاراق تۈكىلىپ كەتكەن بولسا،شۇ دەريانىڭ سۈيىدە بىر گىياھ كۆكلىگەن بولسا،شۇ گىياھنى بىر قوي يىگەن بولسا،شۇ قوينىڭ گۆشىنى مەن يىمەيمەن! مۇشۇ گەپنىڭ ئۈزىدىنلا بىز ھاراقنىڭ نەقەدەر يامان نەرسە ئىكەنلىكىنى ھېس قىلالايمىز ئەلۋەتتە.ئەگەر سىز بىر ھاراق ئىچىدىغان كىشى بولسىڭىز،شۇ مەستلىكتە قىلىپ يۇرگەن ئىشىڭىزنى، ئەتىسى مەستلىكىڭىز يىشىلگەندە ئويلاپ باقسىڭىز، ئۆلۈم دىگەن قاش بىلەن كىرپىك ئارلىقىدا ئىكەنلىكىنى ھېس قىلالايسىز.مەسىلەن: شۇ مەستلىكتە ماشىنىلار غۇيۇلداپ ئۈتۈپ تۇرۋاتقان يولدىن قانداق ئۆتكەنلىكىڭىز،ئۇستقاندىن ئۈتىدىغان سوغۇقتا سىرتتا قانداق يىقىلىپ قالغانلىقىڭىز،مەستلىكىڭىزدە قانداق پاسكىنا،خەتەرلىك جايلارغا بارغانلىقىڭىز،يەنە شۇ مەستلىكىڭىزدە قاناق پەسلىكلەرنى قىلغانلىقىڭىز......... بۇلارنى سۆزلەش ئەلۋەتتە ئارتۇقچە.چۈنكى مەسلىكتە مۇشۇ ئىشلارنىڭ ھەممىسى يۈز بىرىدۇ.باشقىسىنى دىمەي تۇرايلى،بىر قېتىم ھاراق ئىچسىڭىز،قىرىق كۈنگىچە ئىماندىن ئاجىرايسىز. ئايالىڭىز بىلەن بىرگە بولسىڭىز،ھاراق بىلەن بىرلىشىپ كەتكەن مەنى سۇيۇقلىقى بىر چالا ئەقىل بوۋاقنىڭ بۇدۇنياغا كىلىشىگە سەۋەب بۇلىدۇ.ئەگەر سىز بىر ئايال كىشى بولسىڭىز(ھازىر ھاراق ئىچىدىغان ئۇيغۇر ئاياللارمۇ بار) شۇ ھاراق بەدىنىڭىزدىكى پاكىز سۈتىڭىز بىلەن بىرلىشىپ،بۇلغىنىپ، بىر جىسمانىيىتى ۋە روھىيىتى ساق بوۋاقنىڭ ئېغىزىغا كىرىدۇ.شۇنداق ھاراقتا ئېغىزلانغان بوۋاق چوڭ بولغاندا قانداق ئادەم بۇلار؟  بۇلارنىمۇ دىمەي تۇرايلى.ھاراق بىرىنچىدىن  ئىمانىڭىزغا زىيانلىق.  ئىككىنچىدىن، ئىختىسادقا زىيانلىق، ئۈچىنچىدىن،  جىسمانىي سالامەتلىككە زىيانلىق،   تۆتىنچىدىن ،روھى ساغلاملىققا زىيانلىق، بەشىنچىدىن پەرزەنتىڭىزگە زىيانلىق،ئالتىنچىدىن نەۋرە-چەۋرىلىرىڭىزگە زىيانلىق،يەتتىنچىدىن،ئۈچ ئەۋلاتتىن يەتتىنچى ئەۋلادىڭىزغىچە زىيانلىق،يەتتىنچىدىن مىللەتكە زىيانلىق....... بۇنداق زىيانلارنى سۆزلەپ بولغىلى بولمايدۇ. سۆزلىسەك گەپ جىق.ھاراقنىڭ بىز ئۇيغۇرلارغا ئېلىپ كەلگەن زىيىنى بەك كۆپ.شۇڭا،ئەگەر سىز بىر ھاراق ئىچمەيدىغان مۇسۇلمان بولسىڭىز، بۇندىن كىيىنكى ئىمانىڭىزنىڭ مۇستەھكەم بۇلىشى ئۈچۈن  ئىمانىڭىزداتېخىمۇ   چىڭ تۇرۇڭ. ؟ھەم ھاراق ئىچىدىغان كىشىلەرگە ھاراقنىڭ زىيىنىنى توختىماي چۈشەندۈرۈڭ. بىر قېتىم كۆرسىڭىز بىر قېتىم،ئون قېتىم كۆرسىڭىز ئون قېتىم چۈشەندۈرۈڭ.ئاللا خالىسا ساۋابىنى ھەم بۇدۇنيادا،ھەم ئۇدۇنيادا كۈرىسىز! ئەگەر سىز بىز ئازغۇچى،ياكى بىلىپ بىلمەي ئىچىپ يۈرگۈچى بولسىڭىز ھەرھال توختىتىڭ.ئاللاھ ھەقىقەتەن مىھرىباندۇر.گۇناھلارنى مەغفىرەت قىلغۇچىدۇر.تۆۋبە قىلىپ،ئۈزىڭىزنىڭ ھەم كىيىنكى ئەۋلادلارنىڭ ھاراققا بىرىلىپ كىتىشىنىڭ ئالدىنى ئېلىڭ! ھەممىمىز كۈچ چىقىرىپ،ھاراق دىگەن بۇ نىجىستىن يىراق تۇرايلى!

mardan.

	maslik paslik digan gapmu bar

mujahid-0997

	ناھايىتى ياخشى تىما بوپتۇ. اللە ئەجرىڭىزنى بەرسۇن.

مۇشتاق

	راست ، ھاراق بوتۇلكىنىڭ ئىچىدە جىم تۇرغان بىلەن ئادەم ئىچكەندىن كىيىن ھەر كويغا سالىدۇ ، ھەر خىل پەسكەشلىكلەرنى قىلدۇرىدۇ !!!!!    ئۇنىڭ ئۈستىگە ئىماندىن ئاجرايدىغان گەپ !!!         ئاللاھ ھەممىمىزنىڭ كۆڭلىگە ئىنساپ ئاتا قىلسۇن !!!!!!!!

tax☆kampit

	بەزىدە ھەقىقەتەن ئامال يوق،ئىچمىسەڭ ياراتمىدى دەيدۇ،ئىچسە تىما ئەگسى دىگەندىنمۇ بەتتەر.

akbar0997

	ھاراقنىڭ زىيانلىرىنى بىلىپ تۇرۇپ يەنە ئىچىپ قالىمىز .مەنمۇ بۇندىن كىيىن ئىچمەسلىككە تىرىشىمەن . تىما ئىگىسىگە رەھمەت .

سېرداش

	ياخشى تىما بوپتۇ،بەزى ئادەملەر ئۆزىنىڭ ئىچكىنى ئازكەلگەندەك،دوسلىرىنى بىرگە ئاپىرىپ ئۇنمىغىنىغا ئۇنماي ئېچكۈزىدىكەن،مۇشۇ ھاراق مىللىتىمىزنىڭ كۆپ ياشلىرىنى خۇنۇكلاشتۇرۇپ،ئۇلارنى ئەقلىدىن ئازدۇرۇپ جەميەتنىڭ داشقىلى،بىر ئائىلىنى بۇزىشقاسەۋەپ بوپ قالدى،مۇشۇھاراق سەۋەپتىن،قانچىلىك بىگۇناھ بالىلار قان يىغلىماقتا،

bugaltir

	سوئال: ھاراقنىڭ ئاساسلىق زىيانلىرى قايسىلار؟     جاۋاب: تېببىي مۇتەخەسسىسلەر ھاراقنىڭ زىيانلىرىنى تەتقىق قىلىپ، مۇنداق 14 تۈرلۈك زىيىنىنى ئېلان قىلغان:     (1) ھاراق ئىنساننىڭ يۇقىرى نېرۋا سىستېمىسىنى زەھەرلەپ، ھاراق ئىچكۈچىنى ۋاقىتلىق ساراڭ قىلىدۇ. شۇنىڭ بىلەن ئۇ قالايمىقان سۆزلەپ كىشىلەرگە ئەزىيەت بېرىدۇ.     (2) يۈرەكنى قاتتىق قوزغىتىپ، ئارقىدىن ئاجىزلاشتۇرىدۇ.       (3) ئىنساننىڭ كېسەللىككە قارشى كۈچىنى ئاجىزلاشتۇرىدۇ. ئىنساندىكى يۇقۇملۇق كېسەلگە قارشى تۇرىدىغان ئاق قان ئايلىنىشىنى ئىشلىمەس ھالغا كەلتۈرۈپ قويىدۇ.       (4) ھاراق ئىچىشكە ئادەتلەنگەن ئادەم سىل كېسىلىگە گىرىپتار بولىدۇ. ئەگەر ئۇ ئۈچەي ياللۇغى كېسىلى بولۇپ قالسا، قۇتۇلۇش ئىمكانى بولمايدۇ.       (5) ھاراققا ئادەتلەنگەن ئادەمنىڭ ئوپېراتسىيىدە قۇتۇلۇش نىسبىتى ئىنتايىن ئاز بولىدۇ. شۇڭلاشقا سۇغۇرتا شىركەتلىرى ھاراقكەشلەرنىڭ ھاياتىنى سۇغۇرتىغا ئالمايدۇ.       (6) دۇنيانىڭ ھەر قايسى جايلىرىدىكى دوختۇرخانىلاردا ناھايىتى چوڭقۇر تەكشۈرۈش ئېلىپ بارغاندىن كېيىن، ساراڭلار دوختۇرخانىسىغا كىرگەن كېسەللەرنىڭ % 50 دىن كۆپرەكى ھاراق ئىچىدىغان ئادەمنىڭ بالىلىرى ئىكەنلىكى ئىسپاتلاندى.       (7) ھاراق يۈرەك بىلەن جىگەرنى كاردىن چىقىرىدۇ.       (8) قان بېسىمى، شېكەر سىيىش ۋە يۈرەك كېسىلى بار ئادەم ھاراق ئىچىدىغان بولسا، ئۆزىنى ئۆزى ئۆلتۈرگەن بىلەن ئوخشاش بولىدۇ.       (9) ھاراق بەزىلەرنىڭ گۇمان قىلغىنىدەك تاماق سىڭدۈرۈشكە ياردەم قىلمايدۇ، بەلكى ئۇ تاماق سىڭدۈرۈش ئورگانلىرىنىڭ پائالىيىتىگە توسالغۇ بولىدۇ ۋە ئاجىزلىتىدۇ.       (10) ھاراقنىڭ ھېچقانداق غىزا قىممىتى يوق. شۇنى بىلىش كۇپايە قىلىدۇكى، بىر بوتۇلكا ھاراقنىڭ بىر قوشۇق گۈرۈچچىلىكمۇ غىزا كۈچى يوقتۇر.       (11) ھاراقكەش نامراتلىققا گىرىپتار بولىدۇ. چۈنكى ئۇ بارلىق پۇلىنى ھاراققا خەجلەيدۇ. ئۇ ھاراق ئۈچۈن ئايالىنى ۋە بالىلىرىنى ئاچ قويىدۇ. شۇنىڭ بىلەن ئائىلە ئەزالىرى ياخشى غىزالانمىغانلىقى ئۈچۈن ھالاك قىلغۇچ كېسەللىكلەرگە دۇچار بولىدۇ.       (12) تېببىي ستاتىستىكىلارنىڭ كۆرسىتىشىچە، جىنسىي كېسەللىككە دۇچار بولغانلارنىڭ كۆپ سانلىقى ھاراقنىڭ سەۋەبى بىلەن بولغان.       (13) ھاراقكەشلەردىن كۈچلۈك ئەۋلاد چىقارغان ئادەم يوق، چۈنكى ھاراق قورساقتىكى بالىنىڭ ئورگانلىرىنىڭ زەئىپ ۋە ئەيىبلىك ئۆسۈشىگە سەۋەب بولىدۇ.       (14) قاتناش ۋەقەسىنىڭ % 40 ى دىن كۆپرەكى ھاراق سەۋەبى بىلەن مەيدانغا كېلىدۇ. چۈنكى ھاراق خەتەرنى ھېس قىلىش ئورگانلىرىنى ئاجىزلاشتۇرغانلىقى ئۈچۈن، بىر سېكۇنت ئىچىدە ماشىنىنى توختىتىش كېرەك بولغان بىر ۋەقەدە ھاراق ئىچكەن ئادەم ئىككى سېكۇنتتىن كېيىن توختىتالايدۇ. بۇ چاغدا بولىدىغان ئىش بولۇپ بولغان بولىدۇ.        مەنبە   :   توردىن  ساقلاپ  قويغانلىرىم   .

XIRELI1051

	بەزىدە ھەقىقەتەن ئامال يوق،ئىچمىسەڭ ياراتمىدى دەيدۇ،ئى.. سىزدىن سوراپ باقسام ، سىز ئۈچۈن شۇ ناكەس بۇرادەرلىرىڭىزنىڭ ياراتمىدى دەپ قېلىشى ئاللاھنىڭ رازىلىقىدىنمۇ مۇھىممۇ ؟؟؟!!!            ئاللاھىم ھەممەيلەنگە ھىدايەت ئاتا قىلغايسەن....

wissal@131

	ئاللا ھەممىمىزگە ئىنساپ ئاتا قىلسۇن ئىچكەنلەر ئىچمەڭلەر ئىچمىگەنلەر مەڭگۈ مۇشۇنداق ئىچمەڭلار