قەلەمىي شېئىرلار توپلىمى

kalamiy

	********************************* *شېئىرلىرىمدىن زوقلىنىڭ *- ئىجادىي *ئەمگەكلىرىمگە* ھۆرمەت قىلىڭ * مېنىڭ ھەقىقىي كەچۈرمىشىم * ئوبۇل ئوغلى قەلەمىي * تۇغۇلدۇم ئەڭ قەدىمىي يۇرت ئەزىز قەشقەر دىيارىدا . ئاڭا دارۋاز ئۈرۈك كانى  پىچاق يۇرتى- ماكانىدا . سۈيى ئەلۋەك ئوچار بوزغۇن مېنى چوڭ قىلدى قارچۇقتەك ئۈمىدىن ئاقلىماق قەرزىم ۋىسال تاڭى ئاتارىدا . * يىگىرمە سەككىز  ياز ئۆتتى   يىگىرمەسەككىز قىش ئۆتتى   يىگىرمە سەككىز كۈز يانداش- يېشىل دۇنيا باھار ئۆتتى . ۋۇجۇدۇم گاھ بولۇپ گۈلخان لاۋۇلداپ  كۆيسە ھەر جانلار، بولۇپ گاھ بىر سوغۇق قەلئە پەسىللەپ قەھرىتان كۈتتى  . كېلىپ تەقدىر ئاجايىپ كاج دادام بالدۇر كېتىپ قالدى . ئۈزۈلگەچ بىر قاناتلىرىمىز كۆڭۈللىرىمىز سۇنۇپ قالدى . ھاياتقا جان كېرەك بولغاچ ئۈمىدنى سۆيگۈ يار ئەيلەپ ، مېڭىپ مەزمۇت قەدەملىرىمىز ياشاشقا تىز كۆنۈپ قالدى . * سىنالدىم كۆپ داۋانلاردا يىقىلسام دەسىت تۇرۇپ كەتتىم . ھاياتقا زور ئۈمىد باغلاپ ھەقىقەتكە سىڭىپ كەتتىم . ئۆتۈپ سانسىز داۋانلاردىن تېپىپ ئاخىر يولۇمنى كەڭ ، ئۆمۈرلۈك بىر نىشاننى دەپ ئۇزۇن يولغا مېڭىپ كەتتىم ...... * ئۆمۈر مەنزىللىرىم سىرلىق ئۇلۇغ ئاللا راۋان قىلغاي . يولۇمنى كەڭ تېنىمنى ساق ئەبەدىي تېچ -ئامان قىلغاي . يىراقلاتقاي كۈلۈپ جاننى ئالار دۈشمەن توزاقلىرىدىن ، ھىدايەت نۇرلىرى ئىچرە بۈيۈكلىكىدە ئايان قىلغاي . مىلادىيە 2012-يىل 12-ئاپىرىل ----------------------------- ئەزەلدىنلا بىزنىڭ ئەمەستى قەلەمىي    مەلۇم بىر يىلى فېۋرالنىڭ 13-كۈنى ئىدى .تونۇشلىرىمدىن كىمدۇر بىرىنىڭ <<ئەتە ئۇنىڭغا نىمە سوۋغا قىلسام بولا >>دەپ باش قاتۇرۋاتقانلىقىنى كۆرۈپ ئۇنىڭدىن << نىمىشقا ؟>>دەپ سورسام  <<ۋاي مەتۇ ،ئەتە دۇنياۋى ئاشۇق -مەشۇقلار بايرىمى .تېخى بىلمەمسە ؟>>دەپ ئۆزىچە ھېجيىپ كەتتى .<<بىزنىڭ بايرىمىمىز ئەمەستىغۇ بۇ؟>> دىگىنىمچە تۇرۇپ قالدىم . ئەزەلدىنلا بىزنىڭ ئەمەستى ؟ نەدىن ئۇچۇپ كەلدى بۇ بايرام ؟ تەبرىكلەرگە ئاران تۇرۇپتۇ  .. ، نۇمۇس ھايا تىلەيدۇ سايرام . * ئەزەلدىنلا بىزنىڭ ئەمەستى ؟ غەربلەردىن كەپقالدىما يا ؟ يار يىلىمدەك يېپىشقاق قەۋېم ، ئىكەنلىكىمىز ئەپكەلدىمۇ يا ؟ * ئەزەلدىنلا بىزنىڭ ئەمەستى ، ئۆزىمىزگە خاس يۇقتۇردۇقمۇ يا؟ پىنھانلاردا يوقۇتۇپ  ھەممىنى ، پۇشايماندا ئولتۇردۇقما يا ؟ * ئەزەلدىنلا بىزنىڭ ئەمەستى ؟ كۆتۈرۋەتتۇق بىزنىڭكىدىنمۇ ؟ ئوبدان قاراڭ دۇنيادا بۈيۈك ، بايرام بارمۇ سىزنىڭكىدىنمۇ ؟ * ئەزەلدىنلا بىزنىڭ ئەمەستى ؟ بار تى ئېسىل قۇربان ھېيتىمىز . بارتى نەۋرۇز يەنە روزى ھېيت ،... دەردىمىزنى كىمگە ئېيتىمىز . * ئەزەلدىنلا بىزنىڭ ئەمەستى ، دورىمايمۇ يۈرەلەيتۇققۇ ؟ غۇرۇر -ۋىجدان -ھايالار بىلەن ، ۋىسال پەيزىن سۈرەلەيتۇققۇ ؟ تۇيدۇرماستىن كېتىمەن بىر كۈنى * ((قەلەمىي )) * تۇيدۇرماستىن كېتىمەن بىر كۈنى ، ئەسلەشكىمۇ قالدۇرماي ئىمكان . كۆز ئالدىڭدا بولۇمەن چوقۇم ، رەقىبىڭنىڭ ئۆيدىكى  مېھمان ، ------------------------ تۇيدۇرماستىن كېتىمەن بىر كۈنى ، سېغىنىشلىرىڭ بولۇدۇ ئوكيان . سەل ياشلىرىڭ ئېتلار - ئەسلەپ، بولۇپ قالىسەن قىشتىكى فۇنتان . -------------------------- تۇيدۇرماستىن كېتىمەن بىركۈنى ، ئازابىڭدىن قۇتۇلۇپ تامان ، ئۈلگۈرەلمەي ئۇزۇتۇپ قويۇشقا ، بولۇپ كېتەر ھالىڭ بەك يامان . ----------------------- تۇيدۇرماستىن  كېتىمەن بىر كۈنى ، تاپالمايسەن مەندىن ياخشىنى ، كۆرگەن چېغىڭ قالىسەن يىغلاپ، تاپالايمەن سەندىن ياخشىنى . ------------------------- تۇيدۇرماستىن كېتىمەن بىر كۈنى ، بولالمايسەن بەخىتلىك چوقۇم . ۋۇجۇدۇڭدا بۇلدۇقلار  ئازاب ، يىغلاش بولۇپ قالىدۇ ئۇدۇم . =============================== شۇنداق قىزلار چىقىپ قاپتىمىش . * قەلەمىي ------------------- <<سۆيگىنىمگە بەردىم >>دەپتىمىش. <<بارلىقىمنى >>ھاماقەت بىر قىز . دوستى ئاڭلاپ چۆچۆپ دەپتىمىش، <<نىمە دىدىڭ ئەي ھاماقەت قىز ...>> ------------------------ <<ئالالامدۇ -بىلمەي يۈرۈپسەن ، ئۆز يۈرىكىڭنى ئۆزۈڭ يۇلۇپسەن ، ھەۋەس ئۈچۈن سۆيگەن بولسا گەر ، تىرىك تۇرۇپ بالدۇر ئۆلۈپسەن ...>> ----------------------- ئاڭلاپ قىزچاق قاقاقلاپ كۈلۈپ ، <<تۇنجى سۆيگەن يايرىم >>دەپتىمىش، <<قىزمەن دىسەم گومۇش  بىرسىگە ، بولۇپ قالىمەن لازىم >>دەپتىمىش. ----------------------- دوستى ئاڭلاپ ئېغىر ئۇھسىنىپ، تەستەك بىلەن بىرنى ساپتىمىش . راستمۇ يالغان بىلمىدىم توۋا؟ ... شۇنداق قىزلار چىقىپ قاپتىمىش . ئاللىبۇرۇن   ئۆلتۈرۈپ  قويغان ------------------ قەلەمىي ---------------- كەلگەن ئۇزۇن يوللارنى بېسىپ سۇ ئەكىلەي دىگەن ئىرىگە . ئېرىقلارنىڭ سۈيىگە قانماي ، قالغان بېرىپ شۇنداق نېرىگە . ---------------------- ئۇچراپ قالغان سىرداش بىر  يىگىت ، سېغىنغان ھەم ئىرىنى چوكان . ئىرىدەكلا كۆرۈنۈپ يىگىت  ، كۈچىيىپ كەتكەن ھەۋىسى شۇئان . ---------------------- قۇچاق ئاچقان  سىرداشقان  يىگىت ، چوكان نازدىن  يىراقلاپ سالغان . ئېچىرقىغان دەھشەت بىر يۈرەك ، يۈگۈرۈپ كېلىپ قۇچقىغا ئالغان -------------------- خىيالىدا ئىرىنى چوكان ، ئاللىبۇرۇن ئۆلتۈرۈپ قويغان ، ئىمانىنى ھەيدىگەن شەيتان ، لەۋلىرىنى يالاپمۇ تويغان . ئالدىمىغىن قىزلارنى يىگىت ------------------------- قەلەمىي يېڭىنى كۆرۈپ كونىنى تاشلاپ، ئالدىمىغىن قىزلارنى يىگىت. كۆڭۈلنى دەپ ئېرىقلا ئاتلاپ، ۋىجدانىڭغا ئۇرمىغىن چېكىت. * سۆيمىسەڭمۇ سۆيدۈم دەپ يۈرۈپ، كۆيمىسەڭمۇ كۆيدۈم دەپ يۈرۈپ. ۋاقىتلىق  دەپ كەلتۈرۈپ يۈرۈپ... ئالدىمىغىن قىزلارنى يىگىت. * بەلكىم باردۇر بەك ئوماق سىڭلىڭ، ئۆتنە ئالەم ئاغرىمىسۇن دىلىڭ. ئۆز -ئۆزۈڭگە تەگمىسۇن تېشىڭ... ئالدىمىغىن قىزلارنى يىگىت -------- بولۇپ باقسام ئۆزۈمگە باشلىق قەلەمىي سەيلە قىلىپ جىمى جاھاننى ، بولۇپ باقسام ئۆزۈمگە باشلىق . سۆيۈپ ئەقىل دىگەن جاناننى ، بولۇپ باقسام ئۆزۈمگە باشلىق . --------------- ئۇللاپ ئەجداد تۇتقان زۇلىنى ، بولۇپ باقسام ئۆزۈمگە باشلىق . بويلاپ ئەل يۇرت ئەھلى يولىنى ، بولۇپ باقسام ئۆزۈمگە باشلىق . ----------------------- سۆيۈپ ئەللەر غېمىن يىگەننى ، بولۇپ باقسام ئۆزۈمگە باشلىق . ئەل قەسلەرگە تاشلاپ كېپەننى ، بولۇپ باقسام ئۆزۈمگە باشلىق . ----------------- ئاڭلاڭ يارەن يۈرەك سۆزۈمنى ، بولۇپ باقسام ئۆزۈمگە باشلىق . قىلىپ ئەركىن ئۆزۈم ئۆزۈمنى ، بولۇپ باقسام سۆزۈمگە باشلىق . كىمنڭ كىمدە قالار جاھان بۇ قەلەمىي كۆڭلۈڭنى دەپ كۆڭۈلنى ئازاب چۆلگە تاشلىما . قەدىرلىگەن قەدىرلىك كۆزلىرىنى ياشلىما . ئۆتنە ئالەم كىملەرنىڭ كىمدە قالغان جاھان بۇ ، بىر كۈن كېلەر ساڭىمۇ - باغدىن تاغقا باشلىما . بىلمەي خۇدىنى كۈلگەنلەر ھالاك بولۇر بىر زامان . ئەقلى بىلەن شادلانغان بولۇر مەڭگۈ تېچ ئامان . كۈلگەنلەرنىڭ ھەممىسى ئەمەس بەلكىم بەخىتلىك، ئۆزۈڭنى بىل ئۆزگىنىڭ ئىززىتىن قىل -بول ئامان. ئۆمۈر دىگەن ئاتقان ئوق بىردەمچىلىك جاھان بۇ ، ئۆلمەيدىغان ئىنساندەك ئوڭمۇ  تەتۈر ئاينىما . سورىقى باردۇر ھەرمىنۇت ھەر دەقىقە كۈننىڭمۇ ، قەدىرلىمەي شەيتاننىڭ  قازانلىرىدا قاينىما. ئۇنتۇپ كەتكەن ئوخشايسەن مېنى قەلەمىي ئۇزۇن بولدى چۈشەپ باقمىدىم . ئۇنتۇپ كەتكەن ئوخشايسەن مېنى . بەلكىم چۈشەپ قالدىڭ نەچچە رەت ، ئۇنتالمىدىم پەقەت ئاھ  سېنى . * تېلفۇنۇڭمۇ  ئېچىلماس بولدى ، ئالماشتۇرۇپ بولدۇڭ ئېھتىمال . ئۇنتۇپ كەتكەن ئوخشايسەن مېنى ، قىلمىغانمۇ ئوخشايسەن خىيال . * شاماللاردىن سوردۇم نەچچە رەت ، يوللىماپسەن بىرەر رەت سالام  . ئۇنتۇپ كەتكەن ئوخشايسەن مېنى ، ساقايماستىن  سەن سالغان يارام . * بولدى قىلغىن  دەيدۇ يۇلتۇزلار . توختاپ قالغىن دەيدۇ ھەم ئايمۇ . ئۇنتۇپ كەتكەن ئوخشايسەن مېنى ، قان يىغلىدى قاقاس چۆل -سايمۇ . چىقىۋالدىڭمۇ ئاينىڭ ئۈستىگە ئوبۇل ئوغلى قەلەمىي جىمجىت كېچە يۇلتۇز جىلمىيىپ ، ئاي قارايدۇ كۈلۈپ بەك ئوماق . چىقۋالدىڭمۇ ئاينىڭ ئۈستىگە ، ئەۋەتتىمۇ ئاي ساڭا قولۋاق . * ھىدلىرىڭنى تاپتىم شامالدىن ، ئەۋەتىپمۇ ئۈلگۈردۈم سالام . ئايدىن چۈشۈپ قويغىنا مېنى - بىر قۇچاقلاپ -ساقايسۇن يارام . * ئاينى ئەسلى بىر گۈزەل دەيدۇ ، ئايدىن گۈزەل كۆرۈنىسەن ماڭا . ئۇزاتقىنا -     قولۇڭنى گۈلۈم ، يۈرىكىمنى  سۇناي مەن ساڭا . ئۆز دۇنيا ئوبۇل ئوغلى قەلەمىي بىلىنىدۇ ھەر كىمچۈن شىرىن شېكەر ئۆز دۇنيا . باغاش ئەتسەڭ ھەسسىلەپ باغاش ئېتەر ئۆز دۇنيا. * ئۆزگىلەرنىڭ دۇنياسى مەڭگۈ سېنىڭ بولالماس ، قەدرىن قىلساڭ قەدرىڭگە ئەڭ بەك يېتەر ئۆز دۇنيا. * ھېچكىم سېنى چۈشەنمەس ئايرىلساڭ گەر ئۇنىڭدىن، ئۆز بىلسەڭ گەر ئۆزلۈكتە چاقناپ كېتەر ئۆز دۇنيا . * بەختىڭ قايدا ئۇنىڭسىز تەلمۈرسەڭمۇ يىللارچە ، ئۇلۇغلىساڭ  ئىزىڭغا گۈللەر تېرەر ئۆز دۇنيا . * گۈزەل ئەخلاق ئىلىمپەن بولۇپ ئۆتسە ئاڭا يار ، بىھىشتىنمۇ ئەتىۋا بۈيۈك بىلىنەر ئۆز دۇنيا . * كەتكىنە * ئوبۇل ئوغلى قەلەمىي * كەل يۈرەك پارەم مېنى خۇشھال ئېتىپ بىر كەتكىنە . سەن ئۈچۈن قەلبىم گېلەم ئېغناپ يېتىپ بىر كەتكىنە . * بارلىقىم بىر سەن ئۈچۈن بىلگىن ئېسىڭدىن چىقمىسۇن ، بار ئازابنى قالدۇرۇپ شاتلىق ئېلىپ بىر كەتكىنە . * ئۇسسىساڭ چۆللەردە گەر ئابى ھايات كەۋسەر بولۇپ- قۇيۇلاي ئالتۇن چىنەڭگە گۈپ-گۈپ ئىچىپ بىر كەتكىنە . * ئارمىنىم بىر سەن بىلەن كەزسەم ھاياتلىق سەپىرىنى ، گەر ئاڭا ماقۇل دىسەڭ بىرگە ئېلىپ بىر كەتكىنە . (1)ئانىلار ئوبۇل ئوغلى قەلەمىي بالىلارنى دەپ بىر ئۆمۈر ياشايدىكەن ئانىلار . راھەت كۆرسۇن دەپ دائىم ئايايدىكەن ئانىلار. ۋاپا-كەلسۇن كەلمىسۇن ئىنساۋىنى تىلەپلا ، مىھىر بېرىپ مىھرىدىن قارايدىكەن ئانىلار . قاقشاتسىمۇ ئۆزگىگە يامان ئەمەس دەيدىكەن . تاپالمىسا يولىنى كېچلەپ غېمىنى يەيدىكەن . شۇنداق تۇرۇپ قەدىرىنى بىلمەيدىغان پوچىغا ، كۈندە توقماق نەچچە رەت يىمەك ھەركۈن سەي ئىكەن . ئەڭ ئاخىرقى تىنقىدىمۇ يەنىلا بالام دەيدىكەن . لېكىن بالىلار بالىدەك ئۆز غېمىنى يەيدىكەن . راھەت كۆرسۇن ئۇلارمۇ ئەھۋال سوراپ تۇرايلى ، تۈنۈگۈنكى ئانىلار بۈگۈن قاراڭ نەدىكەن ؟ (2)ئۇلۇغ ھېكايە ئوبۇل ئوغلى قەلەمىي بىر پارچە گۆش كەبىي چۈشكەن ئىدىڭسەن ، زاكىغا يۆگىدى مىھرىبان ئاناڭ . قان بەردى جان بەردى ھالال تەر بىلەن ، پۇتلىشىپ تۇرسىمۇ نەچچە رەت   كاتاڭ . قانچىلغان كېچىلەر قاقمىدى كىرپىك ، كۈنلىرى سەن بىلەن بولدى ئاۋارە . سېنى دەپ تۈزۈكرەك ئالالماي ئارام ، پۈتتى ئاھ جاپادىن ئۇلۇغ ھېكايە ئالماڭمەن شۇ تاپتا يەۋاتقان يارىم قەلەمىي تاتىلايدۇ قەلبىمنى لىپمۇ لىق ئازاب  . پىراقىڭ بىر-بىرلەپ يۇتماقتا  بارىم. چاقىرغان ئۈنلىرىم قالار جاۋابسىز، ئالماڭمەن شۇ تاپتا يەۋاتقان يارىم . سۆيگۈڭنىڭ چۆلىدە دائىم ئېچىرقاپ ، بىر چىنە سۈيۈڭگە ئىنتىزار يارىم ، ھىدىڭنى تاپمىدىم ماڭغان يولۇمدىن، ئالماڭمەن شۇ تاپتا يەۋاتقان يارىم . قاراسلاپ سۇنغاندا سۆڭەكلىرىم ھەر، لەۋلىرىم سۆيىدۇ يەرنىلا دائىم . قەدىمىڭ يەتكىچە يەتتىغۇ ئەجەل، ئالماڭمەن شۇ تاپتا يەۋاتقان يارىم . تورداش * ئاپتۇرى : قەلەمىي * يۇرتتىن ئايرىلىپ بىلدىم يۇرتنىڭ ئاھىنى دوستۇم . يۇرتتىن ئايرىلىپ يۈرگەن مۇساپىر زارىنى دوستۇم  . * سېغىندىم جان -جىگەرىمنى ئانامنى غەمگۇزارىمنى ، ئۇلار قىلغان مېنى چوپچۇڭ بېرىپ سۈت جاننى دوستۇم . * سېىغندىم دوسىت بۇرادەرلەر قاتار كەتكەن مەھەللەمنى ، ئۇلار تۇتقان ماڭا ھەر چاغ مۇھەببەت جامىنى دوستۇم  . * يىراقلارنڭ سۈيى ياقماس تۇرار يەكلەپ تۇرۇپ سەپتە، سېغىندىم زەپ شىرىن كەۋسەر بۇلاق كارىزىنى دوستۇم . * ۋەتەن مىللەت ئۈچۈن تىنىقىم چىقار دائىم ئۈمىدئىچىرە ، ۋەتەن مللەت ماڭا بەرگەن يۈرەك ھەم جانىنى دوستۇم . * ئۈمىدىم گۈل بولۇپ دائىم سۇنۇلسام ھەر ئەزىزلەرگە، ئاڭا جىسمىم ئاتاپ كەلسە ئۆمۈرلۈك بارىنى دوستۇم . * ھامان بىر كۈن ئۆلۈپ كېتىمىز قەدىرلەيلى ھاياتنى بىز ، قىلايلى سۆيگىدە شاتلىق مۇھەببەت ئايىمى دوستۇم . * يار مېنى سۆيمەيدىكەن قەلەمىي ئەي يارەنلەر ئول دىلرەبا سۆيسەم مېنى سۆيمەيدىكەن . ئىشقىدا چۇل -چۇل يۈرەك سۆيگەن جېنى سۆيمەيدىكەن . ئاڭلىسام چۈشكۈن يۈرۈيمىش ئول ئۆزىن خار-زار قىلىپ ، سۆيمىگەن سۆيسە قەۋەت -سۆيگەنلىرى سۆيمەيدىكەن  . سۆيمىسە مەيلى لېكىن ھالى بەتەر مەندىن ئوسال ، ئول دىلرەبا سۆيگەن يىگىت ئۇنى پەقەت سۆيمەيدىكەن . ئول ئۈچۈن تارتقان پىراق شىرىن شېكەر كەۋسەر ئىدى ، ئول چېكىپ يۈرسە ئازاب كۆڭلۈم خۇشال بولمايدىكەن . بىرسىگە قىلسا بىراۋلەر بىرسىدىن شۇنداق يانار ، سۆيمىگەننىڭ قۇلى بولۇپ سۆيگەننى چىن سۆيمەيدىكەن . ئۇزۇن بولدى كۆيۈپ يۈرگىلى قەلەمىي ئۇزۇن بولدى كۆيۈپ يۈرگىلى، چىقمىدى ھېچ سېنىڭدىن سادا. قىينىغاندىن ھىجران -ئازابتا، قىلساڭچۇ بۇ دۇنيادىن ئادا . * ئۇزۇن بولدى كۆيۈپ يۈرگىلى بىرەر قېتىم چىقاي دىمەيسەن . ئوتلىرىڭدا بولساممۇ كاۋاپ، ئېچىپ قوياي چىراي دىمەيسەن. * ئۇزۇن بولدى كۆيۈپ يۈرگىلى ، نىچۈن كۆڭۈل ئالاي دىمەيسەن ، ئىشقىڭدا تاغ كەچكەن  يۈرەككە، پاك مىھرىمنى سالاي دىمەيسەن . * ئۇزۇن بولدى كۆيۈپ يۈرگىلى ، بەلكىم كۆيۈپ خىيال سۈرمەيسەن  . كۆيگەن بولساڭ ئەزەلدىن ماڭا، جاۋابىڭنى سۈرۈپ يۈرمەيسەن . چىرايلىق قىز ئوبۇل ئوغلى قەلەمىي ئۆزىنى چىڭ   تۇتقانمىدۇ چىرايلىق قىز ؟ پاك كۆڭۈل   ئۇتقانمىدۇ چىرايلىق قىز ؟ يا چىراي تاللاپ يۈرۈپ يوللارمۇ يول، دەرد ئازاب يۇتقانمىدۇ چىرايلىق قىز ؟ * قەلبىنى ئەخلاق غۇرۇر ۋىجدان بىلەن ، يورۇتۇپ يۈرگەنمىدۇ چىرايلىق قىز ؟ خۇشپۇراقلىق لالە ئەنبەر گۈل بولۇپ، ئۇز خىيال سۈرگەنمىدۇ چىرايلىق قىز ؟ تۇرسا پاك تەبئىي گۈزەل ئەسلا ئۆزى ، يۈز بوياپ يۈرگەنمىدۇ چىرايلىق قىز؟ ساپ ئىمان ۋىجدانغا يار مەپتۇن بولۇپ، پاك پېتى يۈرگەنمىدۇ چىرايلىق قىز ؟ * قاش ئېتىپ ئويناتسا كۆز شەيتانلىرى ، تاش ئېتىپ قاچقانمىدۇ چىرايلىق قىز ؟ بىر ئۆمۈر بىرگە كۆيۈپ بىرنى سۆيۈپ، خۇش چىراي ئاچقانمىدۇ چىرايلىق قىز ؟ كەچۈرۋەتتىم - سۆيگەچكە گۈلۈم * قەلەمىي * ئازاب بىلەن قىلساڭمۇ  جۇل جۇل ، ھىجران  بىلەن قىلساڭمۇ قۇل- قۇل . يۈرىكىمنى گەر تىلساڭمۇ چۇل-چۇل .. كەچۈرۋەتتىم - سۆيگەچكە گۈلۈم * مەيلى مېنى باغقا باشلىما ، گۈللىرىمنى دائىم تاشلىما، كۆزلىرىمنى قىيناپ ياشلىما ... كەچۈرۋەتتىم - سۆيگەچكە گۈلۈم * بارلقىمنى  قىلساڭمۇ خازان ، جانلىرىمنى قويساڭمۇ ئاران ، بىلمىسەممۇ مېڭشىمنى قايان ... كەچۈرۋەتتىم - سۆيگەچكە گۈلۈم . * سېنى بار ياشاپ كەپتىمەن ، كېچە -كۈندۈز غەملا يەپتىمەن ، شۇنچە كۈنلەر مېنىڭ دەپتىمەن ... كەچۈرۋەتتىم - سۆيگەچكە گۈلۈم . * بەلكىم سېنى قالدىم ياقتۇرۇپ   قەلەمىي نەگە قارىسام سېنىڭ سىمايىڭ ، سەندىن باشقا ھېچكىم كۆرۈنمەس . بەلكىم سېنى قالدىم ياقتۇرۇپ، كۆڭلۈم سەندىن ئۆزگە بۆلۈنمەس . دەرەخلەرمۇ سېنىڭ ھىدىڭنى ، ئالغان كەبىي باش ئىگىپ يۈرەر، بەلكىم سېنى قالدىم ياقتۇرۇپ ، كۆزۈم پەقەت بىر سېنى كۆرەر . ئاسماندىمۇ باردەك ئىزلىرىڭ ، يۇلتۇز ئايمۇ جىلمىيىپ كۈلەر ، سەن كۈلگەندە ئۇلار غىپپىدە ، خىجىللىقتىن جىم بولۇپ ئۆلەر ئۈرۈمچى ئوبۇل ئوغلى قەلەمىي مىھرى ئىسسىق باغرى ئوت قەلبى ئاتەش ئۈرۈمچى. بارچە شەپقەت قاينىغان   سۆيۈملۈكسەن  ئۈرۈمچى . ئىشچانلارغا گۈل تۇتۇپ ئاش-نان بېرىپ سۇ بېرىپ، كەلدىڭ شۇنداق  ھەممىدىن  كۆيۈملۈكسەن ئۈرۈمچى . ماشىنىلار دۇنياسى ئاسفالىت كەڭ يوللىرىڭ ، تازلىقچىلار تەپتىدە باغرىڭ جەننەت ئۈرۈمچى . كەلمەس كىمنىڭ كۆرگۈسى  تۇرساڭ شۇنداق بىر گۈزەل ، بىلىنىدۇ سېنىڭدە قەدىر-قىممەت ئۈرۈمچى . بىر كەلمىگەن كەلگۈلۈك كۆرۈپ بىر چاڭ كەتكۈلۈك ، بارچە سۆيگۈ بىخلىغان باغۇ-بوستان ئۈرۈمچى . رەھىمدىلگە رەھىمدىل رەھىمسىزگە بىر چايان ، ھاجەتمەنگە ھەر زامان مىھرى فۇنتان ئۈرۈمچى . دۆڭكۆۋرۈك ھەم چوڭ بازار ،مىللەتلەرنىڭ كوچسىدا ، ئۇيغۇرلارئۈچۈن خۇش كۈلۈپ باققان سەھەر ئۈرۈمچى . دىيارىمنىڭ كىندىكى - بار مەدەنيەت قاينىغان ، شۇنداق بولغاچ سەن تەرەپ بولار سەپەر ئۈرۈمچى . مۇڭداشقۇدىن دوسىت ئىزدىمەڭ ئالدىراپ ئوبۇل ئوغلى قەلەمىي جاھان سىرلىق ئادەملەر بەك مۇرەككەپ ، مۇڭداشقۇدىن دوسىت ئىزدىمەڭ ئالدىراپ. بىلسە دۈشمەن بۇلدۇقلايدۇ ئۆسەك گەپ ، مۇڭداشقۇدىن دوسىت ئىزدىمەڭ ئالدىراپ . يېقىن دىگەن تۇرسا شۇنداق  گۇمانلىق ، ناتونۇشلار قەلبى ئاندىن تۇمانلىق . ئەۋىج ئاپتۇ ساختىلىق ھەم يوغانلىق ... مۇڭداشقۇدىن دوسىت ئىزدىمەڭ ئالدىراپ . ياخشى بولسا توردا يولنى تورامتى ؟ تونۇماي تۇرۇپ دوسىت توزىقى قۇرامتى ؟ گەپ قىلمىسڭىز بىرسى سىزنى ئۇرامتى ؟... مۇڭداشقۇدىن دوسىت ئىزدىمەڭ ئالدىراپ . (2) مۇڭداشقۇ ئوبۇل ئوغلى قەلەمىي گاھ ۋاقتىڭنى ئېلىپ كەتتى مۇڭداشقۇ . گاھ ھىجرانغا سېلىپ كەتتى مۇڭداشقۇ . گاھ كىمنىدۇر ھازىر قىلىپ ئكراندا ، گاھ يۈرىكىڭنى تىلىپ كەتتى مۇڭداشقۇ . گاھ يۈرىكىڭنى تىلىپ كەتتى مۇڭداشقۇ . كىم - كىملەرنى كۆرۈشتۈردى مۇڭداشقۇ . كىم- كىملەرنى ئۇچراشتۇردى مۇڭداشقۇ . كىم-كىملەرگە تۇيدۇرماستىن شىپپىدە ، كۈلكە -يىغا ئولاشتۇردى مۇڭداشقۇ . گاھ توردىكى تېلىفۇن بولدى مۇڭداشقۇ . گاھ سىھىرلىك ئەينەك بولدى مۇڭداشقۇ . ئەقىلسىزلەر ئۈچۈن بولسا پىر - شەيتان ، ئەقلى بارغا يۆلەك بولدى مۇڭداشقۇ

kalamiy

	ئۈچ كۇپلىتلىق ئۈچ شېئىر ئوبۇل ئوغلى قەلەمىي (1) قاق سەھەر كۈنگە قاراپ سۈردۈم خىيال مەكتەپتە مەن . كۈن كەبىي چاچماق بولۇپ كۆپلەپ يورۇق شۇ دەمدە مەن . بارچىنى ئاپتۇ قۇچاقلاپ مىھرىدىن تاتلىق كۈلۈپ ، نۇرغا جور بولماقتىمەن شىرىن -شېكەر بىر تەمدە مەن . كۈن چىقىپ پاتسا لېكىن ئەتىسى چىقىدۇ يەنە ، مەن پېتىپ قالسام يورۇرمەنمۇ ئەنە شۇ غەمدە مەن . (2) تاڭ سەھەر قۇشلار دەرەختە سۆھبەت قۇرۇپ يۈرگەنمىدۇ ؟ دەرت ئېلىپ دەرتنى تۆكۈپ ئۈلپەت بولۇپ يۈرگەنمىدۇ ؟ توختىماي ۋىچچىرلىشىپ ئويغاتتى بار جانلىقنى تەڭ ، تاڭ سەھەرگە جور بولۇپ خەندان ئۇرۇپ يۈرگەنمىدۇ ؟ قۇش كەبىي تاپماي ئەقىل تاڭ سەھەر ئويغانمىغان ، چۈش كۆرۈپ شەيتان بىلەن سۆھبەت قۇرۇپ يۈرگەنمىدۇ ؟ (3) ئاخشىمى ئايغا قاراپ ئايدەك بولۇپ قالغۇم كېلۇر . ئاي كەبىي جىمجىتقىنە كۆكتە تۇرۇپ قالغۇم كېلۇر. تۇرسا ئۇ سىرلىق ئۆزى ئاشىق بولۇپ قالغان چېغىم ، بىر كۈنى ئىزدەپ چىقىپ بىرگە ئۇيۇپ قالغۇم كېلۇر. ئاي نىچۈن شۇنداق سۈكۈتتە دەردى بار بەلكىم ئۇنىڭ، بارچە غېمىنى غاچچىدە بىر يۇلۇپ ئالغۇم كېلۇر .

kalamiy

	نىكاھ  ئوقۇپ يۈرسە  بولغىدەك * ( بىر مىللەت كىشلىرى شۇ مىللەتنىڭ ئەخلاقىدىن چەتنەپلا كېتدىكەن تەبئىتىنى يوقۇتۇپ قويىدۇ ) * (بۇ ئەسرىمنى مۇھەببەتلىشىش مەۋقەسى ئېنىق بولمىغان قىسمەنلەرگە بېغىشلايمەن ) * ئاپتۇرى : قەلەمىي * ئويلاپ قالدىم ئالىي مەكتەپتە ، نىكاھ ئوقۇپ يۈرسە بولغىدەك . نىكاھسىز قول بەدەن چاپلىشىپ ، قەلبى گۇناھ بىلەن  تولغىدەك . * يۈرگەن دىگەن شۇنداقمىكىن دەپ ، سۆيگەن دىگەن مۇنداقمىكىن دەپ ، بىر تەن بولۇپ زىنا قىلغاندىن ، نىكاھ ئوقۇپ يۈرسە بولغىدەك . * تەگمەي تۇرۇپ ئىرىم دىگەندىن . ئالماي تۇرۇپ خوتۇن دىگەندىن . پىنھانلاردا پوقنى يىگەندىن ... نىكاھ ئوقۇپ يۈرسە بولغىدەك . * ئادەم بارمۇ- يوقمۇ -دىمەستىن ، نىمە دەپ قالار دەپ غەم يىمەستىن . چاپلاشقىچە گەپكە كىرمەستىن ... نىكاھ ئوقۇپ يۈرسە بولغىدەك . * غېرىب -سەنەم تاھىر- زۆھرەدەك ، لەيلى مەجنۇن ۋامۇق -ئۇزرادەك . ئىپپەت ساقلاپ يۈرەلمىگەندىن ، نىكاھ ئوقۇپ يۈرسە بولغىدەك

kalamiy

	چۈشۈمدىن چىقمىدى * ئاپتۇرى ؛ئوبۇل ئوغلى قەلەمىي * ھەر كۈنى شاڭخەيدە مەن قەشقەر چۈشۈمدىن چىقمىدى . خۇشپۇراقلىق گۈلئۇزار ئەنبەر چۈشۈمدىن چىقمىدى .    سەركىسى ئوتتۇرا ئەسىرنىڭ قەدىمىي ئالتۇن بۆشۈك ، تۇپرىقى ئابىي ھايات كەۋسەر چۈشۈمدىن  چىقمىدى . كۆز ئېچىپ چۈشكەندە مەن سۆيگەن قۇچاقلاپ خۇش بولۇپ ، جۇت- بوراندىن ساقلىغان ئەستەر چۈشۈمدىن  چىقمىدى . ھىدى بىلەن بەرگەن ھايات بەرگەن يەنە ئىقبال بەخىت مەن يۆلەك -تاپقىن ۋىسال دەر-دەر  چۈشۈمدىن چىقمىدى . يېڭىسار يەكەن ئوپال ھېيتىگاھ .. سەپ -سەپ بولۇپ ، قوينىدا -مەغرۇر ماڭار نەۋكەر چۈشۈمدىن چىقمىدى . گۈللىتىپ گۈللەشنى ئىستەپ كەلدىم كېچىپ تاغۇداۋان ، مەن ئۈچۈن قىلغان ئەجىر تەرلەر چۈشۈمدىن  چىقمىدى

kalamiy

	قىش كەلدى ئاپتۇرى : قەلەمىي ******************* يەنە دىر -دىر تىترىتىپ جاندىن ئۆتەر قىش كەلدى . توڭغان مىسكىن پەقىرلەر باھار كۈتەر قىش كەلدى . *********************** مەش تۈۋىنى تالىشىپ يېزا -قىشلاق بالىلىرى ، قولىنى قولىغا سۈركىشىپ يۈگىرەپ يۈرەر قىش كەلدى . ********************************************** ئېرىق - ئۆستەڭ دالىلار - ئېتىز -ئورمان بېغىرلار ،.. كەتمەن ئۆتمەس توڭ بولۇپ مۇزلا يۈتەر قىش كەلدى . ************************************ چانىلارنى مۇز-دالىدا  پىر- پىر ئويناپ ۋارقىراپ ، كۆڭۈل ئېچىپ تاغلاردا كۈننى كۆرەر قىش كەلدى . ********************************************* لەپىلدىگەن قارلاردىن سوراپ سۆيگەن يارىنى ، قار كەبىي پاك ھەم سەبىي خىيال سۈرەر قىش كەلدى . *********************************************** كەلمەي ئۆلگۈر ئابتۇبۇس -سوغۇق نەشتەر سانجىغان ، قېلىن كىينىپ ھەر ئىشقا يەڭنى تۈرەر قىش كەلدى . ***************

kalamiy

	چولپانلار * ئاپتۇرى : ئوبۇل ئوغلى قەلەمىي * يۇلتۇز نامى قويۇلغانكەن سىلەرگە ، يۇلتۇزدەك نۇر چېچىڭلار ئەي چولپانلار . سەھنىلەردە نىمە دىگەن بولساڭلار ، ئەمەلىيەتتە كۆرسىتىڭلار چولپانلار . * سىلەرنى ئەل چىن يۈرىكىدىن ماختايدۇ ، ئەلسىز خىيال سۈرمەڭلار ئەي چولپانلار ، سەھراغىمۇ كېلىپ سورۇن تۈزەڭلار ، شەھەرنىلا كۆرۈۋەرمەي چولپانلار . * ئەللەر ھەۋەس قىلار لېكىن چوقۇنماس ، ۋىناستەك تىك تۇرۋالماڭلار چولپانلار . ئۆلۈپ كېتىمىز ھامان بىر كۈن ھەممىمىز ، بەك ھاكاۋۇر بولۋالماڭلار چولپانلار . * قېيىپ كەتسە ئاندا -مۇندا سۆزىمىز ، قاپاق تۈرۈپ تۇرۋالماڭلارچولپانلار . پۇلنى دەپلا چىقىۋېرىپ ئېلانغا ، تىرىك تۇرۇپ ئۆلۋالماڭلار چولپانلار .

kalamiy

	دانىشلارنىڭ مەسلىھەتلىرى   ئاپتورى:ئوبۇل ئوغلى قەلەمىي بىراۋ يازاي دەپ ئەسەر مەسلىھەتلەر سوراپتۇ . دانىشلارنىڭ يولىنى بىردەملىكلا توراپتۇ . موللا ئۆلىما پىر ئۇستاز كەبىي دانىش موللىلار، خۇرسەن بولۇپ ئۆزىدىن دەپتۇ ئوبدان بولاپتۇ. ساقال سىلاپ بىردانىش كەلگۈسىنى ياز دەپتۇ . ئەلمىساقنى تارىخنى توختىماستىن قاز دەپتۇ . كۈيلەۋەرمەي بۈگۈننى ئۆتمۈشنىمۇ كۆزىتىپ ، ئويلاندۇرۇپ ھەممىنى پەيلاسوپچە ياز دەپتۇ . كۈلۈپ يەنە  بىر دانىش خاپلىقنىمۇ ياز دەپتۇ . خەلق نىمە ئويلايدۇ چۆكۈپ تۇرۇپ قاز دەپتۇ . بىرگە يىغلاپ بىرگە كۈل ئوتتا -سۇدا تاۋلىنىپ ، ئەل يۈركىگە شىپالىق دەرمان بولۇپ ياز دەپتۇ . مېڭىپ تۇرۇپ بىر دانىش كۈيلەۋەرمە بەس دەپتۇ . پەسىللەرنى -بايرامنى كۈيلەۋېرىش غەش دەپتۇ . پەسىللەرنى -بايرامنى ئۇنتۇلدۇرماي كۈيلىگەن ، شائىر ئەمەس قوشاقچى شائىر بولىشى تەس دەپتۇ . يەرنى تېپىپ بىر دانىش كۆزۈڭنى زور ئاچ دەپتۇ . ئۆگىنىپ ئۆزگە ئەللەردىن ئەنئەنىگە چاچ دەپتۇ . ياۋروپانىڭ غەربنىڭ ئۇسلۇپلىرىدىن ئىزلىنىپ ، بۇرۇلۇش ياسا ئۆزگىچە تۇرۇۋەرمەي غاچ دەپتۇ . ئاچچىق كۈلۈپ بىر دانىش بىز كىم ئويلان تىز دەپتۇ . مىللەت ئۆزلۈك ھەققىدە قالدۇرغىن سەن ئىز دەپتۇ . ئەنئەنىنى ئۇنۇتماي ۋارىسلىق قىل توختىماي ، ساڭا ئىزچىل تىرىشىپ يەتكۈزدۇق ئاھ بىز دەپتۇ . ****************************************

kalamiy

	ئىگىسى بار قىز قەلەمىي ئىگىسى بار قىز سىرتلاردا يۈرمەس تەمتىرەپ . ئانىسى بار ، دادىسى بار ، ھەدە -سىڭلىسى بار، ئاكا-ئىنىسى بار ... ھاي دەيدىغان سۆيۈملۈك ئەجەپ . ئىگىسى بار قىز ھېسسىياتى ئەقلىدىن ئاجىز . تۇتۇۋالغان -ھەربىر سۆزىنى ، ھەر تەرەپكە چاپچىتىپ تۇرغان، يەڭگىلگىنە چاققان پۇتىنى . قوياش خىجىل ئالەم ھەسەتتە، قالغان  نۇرلۇق شەھلا كۆزىنى ... ئىگىسى بار قىز . يۇلتۇز ساناپ يۈرمەس كېچىدە. ئويلار - ئاتا-ئانىسنى ، ئاكا-ھەدىسنى ، ئىنى-سىڭلىسنى ، چەكسىز ھۆرمەت -ئىززەت  ئىچىدە . ئىگىسى بار قىز ئاتا-ئانا رازى بولماستىن ، كىرىپ كەتمەس شەيتان كەينىگە . كۆيدۈم -پىشتىم دىمەس ئالدىراپ ، قويۇپ بېرىپ ئۆزىنى مەيلىگە . ساقلاپ يۈرەر نازاكىتىنى - ئىپپەت -قىممەت - لاتاپىتىنى ... چىقىپ يۈرمەس پىنھان  سەيلىگە .

kalamiy

	ئىگىسى بار يىگىت قەلەمىي ئىگىسى بار يىگىت ۋەدىسدىن قالمايدۇ يېنىپ ، جانى ئۈچۈن جېنىنى بېرىپ ، كېرەك بولسا بارىدىن كېچىپ ، ئىگە بولغان ئادىمى ئۈچۈن ، ھەر دەقىقە قۇچقىنى ئېچىپ ، قەيسىرانە ياشايدۇ شۇنداق ، كەلسە -كەلمەس يۈرمەيدۇ ئېزىپ. . ئىگسى بار يىگىت ، پەرھات كەبىي كۈچتۈڭگۈر بولۇپ - جانى ئۈچۈن تاغلارنى تېشەر، ئالىدۇ ھەتتا يۈرىكىنى يۇلۇپ . ئىگە بولغان ئادىمى ئۈچۈن ، بىر جان ئەمەس مىڭ جان بولسىمۇ، كېچەلەيدۇ ئۈمىدكە تولۇپ. ئىگسى بار يىگىت ، چىقارمايدۇ ئېسدىن دائىم ، ئىگە بولغان ئادەملىرىنى . ئاتا-ئانا قېرىنداش نىگار، سۆيگۈ تولغان ئالەملىرىنى . ئۇلار ئۈچۈن مىنۇت دەقىقە ، ئاتا قىلار خۇشلۇقلىرىنى ، كۆرسەتمەيدۇ سىرلىق ھاياتنىڭ ، كەلسە -كەلمەس خورلۇقلىرىنى . ئىگىسى بار يىگىت غۇرۇرىنى  ئۇلۇغلاپ ئۆتەر. ئۆمۈر بويى بىرنىلا كۈتەر . بىرى ئۈچۈن ئاچچىق تاتلىقنى، بىرلە تېتىپ بىرلە تەڭ يۈتەر .

kalamiy

	ئۆكتەبىرنىڭ ئالتۇن ھەپتىسى ئوبۇل ئوغلى قەلەمىي ئۆكتەبىرنىڭ ئالتۇن ھەپتىسى ، ئېتىزىنى قۇچاقلاپ دېھقان . قىزىرىپ -قىزىرىپ  پىشقان باشاقنى ، ئۇخلىماستىن بىر-بىرلەپ يىغقان . كەچكۈدىكى ئورما ناخشىسى ، دەل شۇلارنىڭ  يۈرىكىدىن چىققان . ئۆكتەبىرنىڭ ئالتۇن ھەپتىسى ، ئاغدۇرۇلدى  مۇنبەت ئېتىزلار . چېچېلماقتا ئۇرۇقلار ئەنە  ، سىيالكىلاريەرنى بېغىرلار . كېلەريىلنىڭ غېمىدە دېھقان ، توختىماستىن شۇنداق تىپىرلار . ئۆكتەبىرنىڭ ئالتۇن ھەپتىسى ، دېھقاننىڭلا تۈگىمەس ئىشلىرى. كېچە-كۈندۈز ئېتىز  غېمىدە ، چارچاپ كېتەرپۇت قول تىزلىرى . ئالالمايدۇ تۈزۈكرەك  ئارام ، ئىشتا پىشقان  يىگىت -قىزلىرى. ئۆكتەبىرنىڭ ئالتۇن ھەپتىسى ، قويۇپ بەردى سەككىز كۈن مېنى ، ‹‹دەل ۋاقتىداقويۇپ بېرىپتۇ،›› دېدى ئانام ‹‹كەتمەن ئال قېنى ›› يالغۇزچىلىق تارتىپ تۇراتتىم ، خۇش قىلىۋەتتىڭ ئەجەپ بىر مېنى .>> توۋا دەيمەن - دېھقان بالسىنىڭ ، ئارامى يوق - تۆمۈرمۇ جېنى ؟