بۇنداق تەسىرلىك پائالىيەتنىمۇ كۆرۈپ باققانمۇ؟ (قۇياش فوتوسى

kuyax

	بۇنداق تەسىرلىك پائالىيەتنىمۇ كۆرۈپ باققانمۇ؟     18 - قۇرۇلتاينىڭ روھىنى قىزغىن ئۆگىنىۋاتقان مۇشۇ ۋەزىيەتتە، ئوقۇغۇچىلارنىڭ ئاتا – ئانىسى بىلەن بولغان مېھرى - مۇھەببىتىنى كۈچەيتىش، ئوقۇتقۇچىلار بىلەن بولغان مېھرى - مۇھەببەتنى ۋە ئوقۇتقۇچىلىرى بىلەن بولغان قارشىلىشىش پىسخىكىسىنى يېڭىش مۇناسىۋىتى بىلەن خوتەن شەھەرلىك 1 - ئوتتۇرا مەكتەپ، خوتەن شەھەرلىك 5 - باشلانغۇچ مەكتەپ چوڭ تىپتىكى «دۇنيا مېھرى - مۇھەببەتكە تولسۇن، كۆڭۈل - كۆڭۈللەردىن سۇ ئىچسۇن» دېگەن تېمىدىكى چوڭ تىپتىكى كوللېكتىپ پىسخىك مەسلىھەت بېرىش پائالىيىتى ئېلىپ بېرىلدى. بۇ پائالىيەتتە خوتەن شەھەرلىك مائارىپ ئىدارىسى ئوقۇتۇش تەتقىقات ئىشخانىسىدىن دۆلەت 3 - دەرىجىلىك پىسخولوگىيە تەتقىقاتچىسى ئالىي دەرىجىلىك ئوتتۇرا مەكتەپ ئوقۇتقۇچىسى سالامەت ئىمىن نۇتۇق سۆزلىدى.     پائالىيەتكە خوتەن شەھەرلىك مائارىپ ئىدارىسى، شەھەرلىك 1 - ئوتتۇرا مەكتەپ، خوتەن شەھەرلىك 5-باشلانغۇچ مەكتەپ، خوتەن شەھەرلىك مائارىپ ئىدارىسىنىڭ مەسئۇللىرى، شەھەرلىك مائارىپ ئىدارىسى ئوقۇتۇش تەتقىقات ئىشخانىسىدىكى تەتقىقاتچىلار شەھەرلىك 1 - ئوتتۇرا مەكتەپ، 5- باشلانغۇچ مەكتەپتىكى  ئوقۇتقۇچى، ئوقۇغۇچىلار، ئىشچى - خىزمەتچىلەر ۋە ئوقۇغۇچىلارنىڭ ئاتا - ئانىلىرى، خوتەن پېداگوگىكا ئالىي تىخنىكومى، خوتەن مائارىپ ئىنىستىتۇتى، شىنجاڭ رادىيو - تېلېۋىزىيە ئۇنىۋېرسىتېتىنىڭ خوتەن تارماق مەكىتىپىدىكى ئالاقىدار ئوقۇتقۇچىلار ۋەكىللىرىدىن بولۇپ 5000 نەپەردىن كۆپرەك كىشى قاتناشتى.     پائالىيەتتە ئاتا - ئانا ئوقۇتقۇچى توغرىسىدىكى تەسىرلىك ھېكايىلەرنى سۆزلەش ئارقىلىق، ئۇلارنى تەسىرلەندۈرۈپ، «ئانا، دادا مەن سىزگە ئامراق، رەھمەت سىزگە، جاپا تارتتىڭىز، مېنى كەچۈرۈڭ»، «مۇئەللىم، مەن سىزگە ئامراق، جاپا تارتتىڭىز، رەھمەت سىزگە» دېگەن پىسخىكلىق بىشارەتلەر ئارقىلىق ئوقۇغۇچىلارنىڭ تىلى ئارقىلىق تىلغا تەسىر كۆرسىتىش ئارقىلىق ئۇلارنىڭ ئاتا - ئانا، ئوقۇتقۇچىلارنى ھۆرمەتلەيدىغان، ئەجىر - مېھنىتىگە رەھمەت بىلدۈرەلەيدىغان كۆيۈمچان، مېھرىبان، ئەخلاق - پەزىلەتلىك قىلىپ يېتىشتۈرۈشتىن ئىبارەت.     خوتەن شەھەرلىك مائارىپ ئىدارىسى

دىيارىم

	ناھايىتى ياخشى پائالىيەت بوپتۇ ، رەسىملەرنى كۆرۈپ كۆزۈمدىن ياشلار ئىختىيارسىز چىقىپ كەتتى . دۇنيا مىھىر-موھەببەت بىلەن گۈزەلدۇر ، ھەقىقى بىر ئەمەلىي دەرسلىك بوپتۇ . مىڭ سۆزلىگەندىن مۇشۇنداق بىر ئەمەلىي ھەركەت ياخشى . ئاپىرىن قېرىنداشلارغا .

TáwpéK0903

	بۇ پائالىيەتنىڭ ئاۋازلىق ياكى م ت ۋ  لىق شەكلى باتۇمۇ ؟    بولسا بەك ياخشى بولاتتىكەن !!!    ھەقىقەتەن ياخشى پائالىيەتكەنتۇق !!!!!

burkut327

	يۈرەكتە يوق ياش كۆزدىنمۇ چىقمايدۇ. رەھمەت، مۇھەببەتنىڭ ئۇلۇغلىقىغا گەپ كەتمەيدۇ.

Umidim

	ئىچكىرىدىكى خىلى ئوتتۇرا-باشلانغۇچ مەكتەپلەردە مۇشۇ خىل پائالىيەت ئۆتكۈزۈلۇپ  جەمىيەتكە بەلگىلىك تەسىر كۆرسەتكەن ،بۇ  پائالىيەتنىڭ ئورۇنلاشتۇرىلىشى ئىنتايىن ياخشى بوپتۇ ، بەلكىم بۇ پائالىيەت شىنجاڭدا ئۆتكۈزۈلگەن تۇنجى قىتىملىقى بولسا كىرەك ، ئەمەلىي تەسىرى بولۇشىغا ئىشىنىمەن

57gulyar

	بەك ئەھمىيەتلىك پائالىيەت بوپتۇ ، پەرزەنىتلەر بىلەن ئاتا- ئانىلار ئوتتۇرسىدىكى چۈشىنىشنى ئىلگىرى سۇرۇپ ، بىر بىرنىڭ مېھىر مۇھەبىتىنى ھەقىقى ھىس قىلىدىغان ھەم ئىپادىلەيدىغان، ئەمەلى پائالىيەت بوپتۇ. تېما ئىگىسىگە رەھمەت

mastura82

	رەسىملەردىكى كۆرۈنۈشكە قاراپ مەنمۇ يىغلاپ كەتتىم .نىمىدىگەن تەسىرلىك كۆرۈنۈشلەر بۇ .

albax

	قارىغاندا بەكمۇ تەسىرلىك سۆزلىگەن بولسا كىرەك ............ تەسىرلەنگەنلەرگە قاراپ تەسىرلىنىپ كەتكىنىمگە قارىغاندا...........................   ئۈنگە ئېلىنغان  بولسا  يوللاپ قويساڭلار ئاڭلاپ باقمامدۇق ؟

kanat

	مەنمۇ كۆز ياشلىرىمنى توختىتالماي قالدىم،جاپاكەش ئاتا-ئانىمىزغا قانچىلىك قىلساق يەنە ئازلىق قىلىدۇ،ئاللاھ ئۇلارنىڭ تېنىنى سالامەت ئۆمرىنى ئۇزۇن قىلغاي،تىزراق ئاتا-ئانامنىڭ خىزمىتىنى قىلىشىمغا نىسىپ قىلغاي!

kuyax

	تەڭرىتاغ مۇنبىردىكى ئادىرسى : http://bbs.xjtsnews.com/forum.php?mod=viewthread&tid=321