غۇلجا شەھەرلىك 3-ئوتتۇرا مەكتەپتە لوتپۇللا مۇتەللىپ

uzbik

	غۇلجا شەھەرلىك 3-ئوتتۇرا مەكتەپتە لوتپۇللا مۇتەللىپ رەسىم: غۇلجا شەھەرلىك 3-ئوتتۇرا مەكتەپتە لوتپۇللا مۇتەللىپ تۇغۇلغانلىقىنىڭ90 يىللىقىنى خاتىرلەش ئەدەبىيات-سەنئەت پائالىيىتى ئۆتكۈزۈلدى      غۇلجا شەھەرلىك 3-ئوتتۇرا مەكتەپ قوش تىللىق 2-يىللىق 13-سىنىپ ئوقۇغۇچىلىرى تىل-ئەدەبىيات ئوقۇتقۇچىسى ئابدۇرېشىت ئوسمان مۇئەللىمنىڭ تەشكىللىشى ۋە يىتەكلىشىدە 2012-يىل11-ئاينىڭ 21-كۈنى ھازىرقى زامان ئۇيغۇر ئەدەبىياتىدىكى ۋەتەنپەرۋەر شائىر،قەيسەر ئىنقلاپچى لوتپۇللا مۇتەللىپ تۇغۇلغانلىقىنىڭ90 يىللىقىنى خاتىرلەش ئەدەبىيات-سەنئەت پائالىيىتى ئۆتكۈزدى.     بۇ پائالىيەتكە<<ئىلى دەرياسى>>،<<ئىلى كەچلىك گىزىتى>>قاتارلىق گېزىت-ژۇرناللارنىڭ بىر قىسىم مۇھەررىر،مۇخبىرلىرى ۋەئىلى پېداگۇگىگا ئىنستېتۇتىنىڭ تىل-ئەدەبىيات فاكۇلتېتىنىڭ بىر قىسىم  ئوقۇغۇچىلىرى بولۇپ،200 نەپەر كىشى قاتناشتى.بۇ پائالىيەت بىر ئوقۇغۇچى ئېيتقان<<سالام لوتپۇللا>> ناملىق ناخشا بىلەن باشلاندى.بۇ پائالىىيەتكە ئالاھىدە تەكلىپ بىلەن قاتناشقان<<ئىلى دەرياسى>> ژۇرنىلىنىڭ پېشقەدەم مۇھەررىرى،لوتپۇللا مۇتەللىپ ھەققىدە<<شاۋقۇن>> ناملىق رومان يازغان يازغۇچى مۆمىن مۇھەممىدى ئاكا لوتپۇللا مۇتەللىپ ھەققىدە ئەسلىمە سۆزلەپ ،شائىرنى چوڭقۇر ياد ئەتتى.ئوقۇغۇچىلار يەككە ۋە كوللىكتىپ ھالدا شائىرنىڭ<< يىللارغا جاۋاب>>،<< خىيالچان تىلەك>>،<< ياشلىق ئۆگەن>> قاتارلىق شېئىرلىرىنى جانلىق، ئۆزگىچە ماھارەت بىلەن دېكلاماتسىيە قىلىپ،سورۇن ئەھلىنى كۈچلۈك ھاياجانغا سالدى.ئوقۇغۇچىلار يەنە شائىرنىڭ ئۆمۈر مەنزىلى ۋە ئەدەبىي ئىجادىيىتىگە ئائىت گىزىت-ژۇرناللاردا ئىلان قىلىنغان<<لوتپۇللا مۇتەللىپ  تەرجىمىھالى>>،<<لوتپۇللا مۇتەللىپ  قوللانغان تەخەللۇسلار>>، <<قارا تۈندە چاقنىغان چاقماق>>،<< ئالەم ئاسمىنىدا چاقنىغان چولپان ئىدىڭ>> قاتارلىق ماقالە-ئەسەرلەرنى ئوقۇپ شائىرنىڭ كەچمىشلەرگە باي،شانلىق ئۆمۈر مەنزىلى ۋە ئەدەبىي ئىجادىيەت ئەھۋالىنى سۆرۇن ئەھلىگە تونۇشتۇردى.تىل-ئەدەبىيات ئوقۇتقۇچىسى ئابدۇرېشىت ئوسمان  بىزگە ئۇنتۇلماس سيما، نۇرلۇق ئابىدە،قىممەتلىك يالداما بولۇپ قالغان شائىرنىڭ  سۈرەتلىرىنى بىر-بىرلەپ ئىكرانغا چىقىرىپ ئىزاھلىدى ۋە پائالىيەتتىن قىسقىچە خۇلاسە چىقاردى. پائالىيەت ئاخىرىدا ئوقۇتقۇچى،ئوقۇغۇچىلار تەكلىپ قىلىنغان مۇھەررىر، مۇخبىرلار بىلەن كۆللىكتىپ خاتىرە سۈرەتكە چۈشتى   مەنبە: ئىلى كەچلىك گېزىتى

awyamatka

	لوتپۇللا مۇتەللىپ مەن ئەڭ ياخشى كۆردىغان شائىر.23يىللىق قىسقىغىنە ھاياتىدا شۇنداق جۇشقۇن شىئىرلارنى يازغان.ئەگەر ئاقسۇغا بارغىلى پۇرسەت بولسا قەبرىسنى بىر يوقلىغىم بار.

pamdur

	بەك ئەھمىيەتلىك پائالىيەت بوپتۇ..

xahboy

	ئەھمىيەتلىك  بىر  ئىش  بوپتۇ

دىيارىم

	شائىرىمىزنى چوڭقۇر سىغىنىش ئىلكىدە  ئەسلەيمىز .

kukhelal

	مەندىن بالدۇر چىقىپ كىتىپسىزدە.يامان كەنسىز جۇمۇ.بۇ يغىنغا مەنمۇ قاتناشقان .تىما يوللاي دەپ ماتىريالمۇ يىققان ئىدىم. رەسىمدىكى شاۋقۇننىڭ ئاپتورىنىڭ سۆزلىگەن سۆزىنىڭ سىن لىنتىسىنىمۇ يوللاپ قويغان بولسىڭىز بوپتىكەن.

abaytarim

	ئابدۇرېشىت ئوسمان مۇئەللىمگە بارىكاللا ، بەك ئەھمىيەتلىك پائالىيەت بوپتۇ . بۇ مۇئەللىمنىڭ ئۇلۇغ يازغۇچىمىز زوردۇن سابىر ھەققىدىكى ماقالىلىرىمۇ شۇنداق ياخشى چىققان . يازغۇچىنىڭ تەرجىماھالىدىكى خاتالىقلارنى ئېنىقلاپ تۈزۈتۈپ چىققانلىقىنى ئالاھىدە ئەھمىيەتكە ئىگە . مەن بىر ئوقۇرمەن بولۇش سۈپىتىم بىلەن بۇ مۇئەللىمگە ئالىي سالام ، چۇڭقۇر تەشەككۈرۈمنى بىلدۈرىمەن .

arkenkaxka

	پۇرسەت بولغان بولسا بىرىپ ئاڭلاركەنمەن. ئوقۇلغان ياخشى ماقالىلەر بولسا يوللاپ قويۇشىڭلارنى ئۈمىد قىلمەن.

osal147

	ئەھمىيەتلىك  بىر  ئىش  بوپتۇ