مەشھۇر ئەدىبلىرىمىزنىڭ قىسقىچە تەرجىمھالى ( 1 )

qiqak1219

	تېيىپجان ئېلىيوف ( 1930 - 1989 )          ئۇيغۇر ھازىرقى زامان ئەدەبىياتىنىڭ ئاساسچىلىرىدىن بىرى ، بۈگۈنكى زامان ئۇيغۇر ئەدەبىياتىنىڭ داڭلىق ۋەكىلى ، مەملىكەت ئىچى - سىرتىغا تونۇلغان شائىر ۋە ئەدەبىيات - سەنئەت تەشكىلاتچىسى تېيىپجان ئېلىيوف ئىلى ۋىلايىتىنىڭ قورغاس ناھىيەسىدە مەرىپەتپەرۋەر دىنىي ئائىلىدە تۇغۇلغان . ئۇنىڭ << شەرق ناخشىسى >> ، << تىنىچلىق ناخشىسى >> ، << تۈگىمەس ناخشا >> ، << ۋەتىنىمنى كۈيلەيمەن >> ، << زەپمۇ چىرايلىق كەلدى باھار >> ، << باھار ئىلھامى >> ،<< تاللانغان شېئىرلار >> ، << يانتاق >> قاتارلىق شېئىرلار توپلاملىرى ، << تۆھمەت قۇربانى >> ناملىق داستانلار توپلىمى بار . ئۇنىڭ ماقالىلىرى ، خەت- چەكلىرى ، ئەسلىمىلىرى توپلىنىپ << تېيىپجان ئېلىيوف ئەسەرلىرى >> ناملىق كىتاب بولۇپ نەشر قىلىندى . يەنە << تېيىپجان ئېلىيوف شېئىرلىرى >> ناملىق توپلام نەشىر قىلىندى .                               ئابدۇرېھىم ئۆتكۈر  ( 1923 - 1995 )           ئاتاقلىق تىلشۇناس ، ئالىم ، تالانتلىق شائىر ھەم يازغۇچى ئابدۇرېھىم ئۆتكۈر 1923 - يىلى قومۇلدا بىر سودىگەر ئائىلىسىدە تۇغۇلغان . 1995 - يىلى 10 - ئاينىڭ 5 - كۈنى كېسەل سەۋەبىدىن 72 يېشىدا ئۈرۈمچىدە ۋاپات بولغان . ئابدۇرېھىم ئۆتكۈرنىڭ << ياخشى >> ، << ئىز >> ، << مەن ئاق بايراق ئەمەس >> قاتارلىق شېئىرلىرى ؛ << ئۇلۇغ ئانا ھەققىدە چۆچەك >> ، << قەشقەر كېچىسى >> قاتارلىق داستانلىرى شېئىرىيىتىمىزدە ئالاھىدە مۇھىم ئورۇن تۇتىدۇ . ئۇ يەنە << دېڭىزدىن سادا >> ، << باش ئەگىم >> ، << شېئىر ۋە شائىر >> ،<< قاشتېشىغا مەدھىيە >> قاتارلىق ئېسىل نەسىرلەرنى يازغان .                              ئابدۇكېرەم خوجا ( 1928 - 1988 )          ئاتاقلىق شائىر ، ئەدەبىي تەرجىمان ، ژۇرنالىست ئابدۇكېرەم خوجا 1928 - يىلى 11 - ئايدا قومۇل ۋىلايىتىنىڭ ئالتۇنلۇقۇم يېزىسىدا دېھقان ئائىلىسىدە تۇغۇلغان . 1988 - يىلى 3 - ئاينىڭ 7 - كۈنى 60 يېشىدا كېسەل سەۋەبى بىلەن ئالەمدىن ئۆتكەن . ئۇ 1953 - يىلىدىن تارتىپ دەسلەپ خەنزۇ تىلىدا ، كېيىنچە ئۇيغۇر تىلىدا كۆپلىگەن شېئىرلارنى ئېلان قىلىپ ، داڭلىق شائىرلارنىڭ بىرىگە ئايلانغان . ئۇنىڭ << 10 باھار >> ، << باھار ناخشىسى >> ، << تۇپراق ، باھار ۋە مەن >> ، << باھار بىلەن كەلگەن شېئىرلار >> ،<< باھار يامغۇرى >>  قاتارلىق شېئىرلار توپلاملىرى نەشر قىلىنغان .                              زوردۇن سابىر ( 1937 - 1998 )            بۈگۈنكى زامان ئۇيغۇر ئەدەبىياتىدىكى تەسىرى ئەك زور ، ئوقۇرمەنلەرنىڭ قىزغىن ئالقىشىغا سازاۋەر بولغان تالانتلىق يازغۇچى زوردۇن سابىر غۇلجا ناھىيەسىدە تۇغۇلغان . ئۇنىڭ << شەبنەم >> ، << ساداقەت >> ، << جىگدىلەر پىچىرلايدۇ >> ناملىق ھېكايىلەر توپلاملىرى ، << ئۇنتۇمايمەن ، گۈلسارە >> ، << باش - ئاخىرى يوق خەتلەر >> ناملىق ھېكايە - پوۋېستلار توپلىمى ، << ئارچا ياپرىقى >> ، << گۈلەمخان >> قاتارلىق پوۋېستلار توپلىمى ، << ئاۋرال شاماللىرى >> ،<< ئىزدىنىش >> ( ئىككى قىسىم ) ، << ئاتا >> ، << ئانا يۇرت >> ( ئۈچ قىسىم ) قاتارلىق رومانلىرى بار .                             بوغدا ئابدۇللا            شائىر بوغدا ئابدۇللا 1941 - يىلى 11 - ئايدا گەنسۇ ئۆلكىسىنىڭ لەنجۇ شەھىرىدە سودىگەر ئائىلىسىدە تۇغۇلغان . ئۇ ھازىر شىنجاڭ ئۇنىۋېرسىتېتىنىڭ پىروفېسسورى . بوغدا ئابدۇللانىڭ شېئىرلىرى تەسەۋۋۇرغا ، پەلسەپەۋى پىكىرلەرگە باي بولۇپ ، ئاساسەن چاچما شېئىر شەكلىدە يېزىلغان . ئۇنىڭ << باھار غۇنچىلىرى >> ، << يەلكەن >> ، << چۈش كۆرىدۇ بىر تۈپ ئانارگۈل >> ، << قىز قەلئەسى >> ، << كومزەك كۆتۈرگەن قىز >> ناملىق شېئىرلار توپلاملىرى بار . ئۇ يەنە يېزىقچىلىق ساھەسىدىمۇ ئىزدىنىپ بەزى ماقالىلەرنى ، جۈملىدىن << يېزىقچىلىق بىلىمى ئاساسلىرى >> ، << شېئىر مەڭگۈ ئاخىرلاشمايدۇ >> ، << شېئىرىيەتتىكى بوشلۇق >> قاتارلىق ئەسەرلەرنى يېزىپ نەشر قىلدۇردى .   داۋامى بار .               مەنبە : ئەدەبىيەتتىكى زۆرۈر بىلىملەر كىتابىدىن ئېلىندى ئەسكەرتىش : ئىملا خاتالىقى بولسا تورداشلارنىڭ تۈزۈتۈپ ئوقۇشىنى ئۈمۈد قىلىمەن .

TáwpéK0903

	شائىرلىرىمىزنىڭ ئىش -ئىزلىرىنى تونۇشتۇرغىنىڭىزغا كوپ تەشەككۇر !!!!

ۋاقتىم

	رەھمەت ، جاپا چېكىپسىز...

qiqak1219

	lebronjames يوللىغان ۋاقتى  2012-11-24 01:19 PM مۇشۇنداق ئازمۇ بىزنڭ ئەدىپلىرىمىز .،....ئابدۇخالق ئۇيغۇ ... ۋاقىت مۇناسىۋىتى بىلەن مۇشۇنچىلىك يوللىغان ، داۋامى بار . ئابدۇخالىق ئۇيغۇرنى چوقۇم يوللايمەن .

abdulahad7

	داۋامىنى چوقۇم يوللغايسىز،

دىيارىم

	مانا ئەمدى ياخشى بوپتۇ ، ئالدىنقى تىمىلادا تورداشلار ئەدىبلىرىمىزنىڭ رەسىمىنىلا يوللىغان ئىدى ، سىز ئەدىبلىرىمىزنىڭ قىسسقىچە تەرجىمىھالىنى يوللاپ ياخشى قىلىپسىز . داۋاملىق ئۈزۈلدۈرمەي يوللىشىڭىزغا تىلەكداشمەن .

arkenkaxka

	ھارمىغايسىز ، ئاخىرىنى كۈتىمەن.

xadman0997

	بۇ بەك ئاددىي قىسقارتتىلمىسىمۇ .

qukan

	شائىرلىرىمىزنىڭ ئىش -ئىزلىرىنى تونۇشتۇرغىنىڭىزغا كوپ تەشەككۇر !!!!