ئانىلارغا سۇنۇلغان ھىكمەتلەر

nuriman30

	ئانىلار ئايىغى ئاستىدىدۇر،                   گۈل- گۈلىستان جەننەت بېغى.                    جەننەت بېغى ئىستەر بولساڭ،                    بول ئاناڭ ئايىغىنىڭ تۇپرىقى.                                            -ئەلىشىر نەۋائى                    سىڭلىڭنى يەلكەڭدە كۆتەرسەڭ،                    ئاناڭنى بېشىڭدا كۆتەر.                                              - ئۇيغۇر                       يوق بىرگە ئانىدەك مىھرىبان،                    كۆكرەككە قالقان، باشقا سايىبان.                                         - ھەمزە ھەكىمزادە نىيازىي                    ئانىلار ئەمەس ئۇ قىممەت زات، ئۇلۇغ،                    ئۇنىڭ مەرتىۋىسى بۇندىنمۇ ئارتۇق.                    ئىشىم راۋاجىنى شۇنىڭدىن كۆردۈم،                    بۇ بەختىم تاجىنى شۇنىڭدىن كۆردۈم.                                       -ئابدىراخمان جامى                    ئانا نەسىھىتىنى ئەستە چىڭ ساقلا،                   دۇنيادا يامانلىق ئىزدىمە ئەسلا.                    سەن بولدۇڭ باغرىدا جاندىن ئەزىزى،                   جىنىڭدەك ئەزىزلە كېچە- كۈندىزى.                                      -ئۇبۇلقاسىم فىردەۋسى                    ئانا ئورنىنى ئاتا ئالالماس ئوغۇلغا،                    مۇمكىندۇر ئوغۇل بولماق ئاتىسىز.                    مەسىھ بىلەن مەريەمدىن قىياس قىل،                    كى ئىمكان يوقتۇر بولماق ئانىسىز.                                     - ئەلىشىر نەۋائى                    بېشىڭنى قىل پىدا  ئاتا بېشىغا،                    جىسمىڭنى قىل سەدىقە ئانا قېىشىغا.                    تۈن- كۈنىڭنى ئەيلىگىل يورۇق جاھان،                    بىرىنى ئاي دەپ بىل، بىرىنى قۇياش.                                    - ئەلىشىر نەۋائى                   ئاناڭ نەسىھىتىگە سەن قىل ئەمەل،                   يۈرۈيسەن بەختىيار بولۇپ ھەر مەھەل.                   ئاناڭنى، ئاتاڭنى سۆيۈندۈر تامام،                   بۇ خىزمەت يەتكۈزگەي تىلەككە ھەردەم.                                      - يۈسۈپ خاس ھاجىپ                                              مەنبە:<<ئاياللار ھەققىدە ھىكمەت>> دىن تاللانمىلار

bugaltir

	نەسىھەت جامائەتلەر مەن سۆزلەيىن ئاتا-ئانا بايانىدىن، ھەقتىئالا ئۆتمەيدىكەن ئاسىيلارنىڭ گۇناھىدىن، ¬   مەن بۇ سۆزنى كۆرۈپ ئۆتتۈم قۇرئان ھەددىس كىتابىدىن،    بۇرادەرلەر رەنجىپ قالماي قۇلاق سېلىپ تۇرغايسىزلەر. بۈگۈنكى كۈندە ياش ئەۋلادلار يولدىن چىقىپ قالاقلاشتى،    ئاتا-ئانىسنى كۆزگە ئىلماي شەرىئەتتىن يىراقلاشتى،    ئاتا-ئانىغا خىزمەت قىلماي قارغىش ئېلىپ خاراپلاشتى، شۇ ۋەجىدىن نەسھەتكە ئېغىز ئاچتىم بىلگەيسىزلەر.    بۇرادەرلەر دىنىمىزدا كۆپتۇر ئاتا –ئانا ھەققىي،    يەتتە نۆۋەت يۈدۈپ ھەرەم ئاپارساقمۇ ئۇلار ھەققى،    ئادا تاپماس بىر كېچىلىك تارتقان جەبرى-جاپا ھەققى،   ئاتا-ئانىنىڭ سىز –بىزلەردە ھەققى شۇنداق بىلگەيسىزلەر. ئاتا-ئانىنى ھۆرمەت قىلىپ خىزمەت قىلساق ئوبدان بۇلۇر،    كۆزگە ئىلماي بۇيۇن تولغان ئازار بەرسەك قارغاپ سالۇر،    قارغىش ئالغان ئۇنداق بالا ئۆمۈرۋايەت نامرات بۇلۇر،    ئاتا-ئانا نەپسى گۇيا مىلتىق ئوقى بىلگەيسىزلەر.      ئاتا-ئانا رەھمەت دېسە ئىككى ئالەم سىزنىڭ بولۇر،    ئۆمرىڭىزنىڭ ئاخىرغىچە بەخىت-دۆلەت ھەمدەم بولۇر،    ئەگەر ئۇلار ئاھ! دەپ قويسا يۇرۇق ئالەم زۇلمەت بۇلۇر،    شۇنىڭ ئۈچۈن خىزمەت قىلىپ دۇئا رەھمەت ئالغايسىزلەر.   ئاتا-ئانا ئۇلۇغ دۆلەت قەدرىنى بىلگەنلىگە،    ئاتا-ئانىنىڭ سۆزىنى كۆزىگە ئىلگەنلىگە،    پىشقان قوغۇن بېغىدا تۇرماس يوق ئۇ تەڭلا ئەتىگە، ھەسرەت چېكىپ قالماس ئۈچۈن ياخشى خىزمەت قىلغايسىزلەر.       بۈگۈنكى كۈندە ئاتا-ئانىغا ھۆرمەت قىلماي ئازار قىلساق، ئۆزۈمىزنى دانا چاغلاپ ئىشقا بۇيرىسا كۆز ئالايتساق، تەنقىد-تەربىيە بەرسە بىزگە ھەدەپ تىللاپ-ئۇرۇپ قويساق،    كېيىنكى كۈندە بالىڭىزدىن سىز ھەم شۇنى كۆرگەيسىزلەر.    ئۇشبۇ ئالەم ئۆتنە ئالەم كىشى قىساسى كىشدە قالماس،    ئاتا-ئاناڭغا نېمە قىلساڭ بالاڭمۇ ھەم نىسى قويماس، ھىچبىر دېھقان قۇناق تېرىپ كۈزدە يەردىن بۇغداي ئورماس،   يەرگە قانداق ئۇرۇق چاچساڭ كۈزدە شۇنى ئالغايسىزلەر.    كۆرگەنسىزلەر بەزى كىشلەر ئاتا-ئانىسنى ئۇرغان ئىدى،    ھەقسىز كۆرۈپ،ھاقارەتلەپ كۆپ ئەسكىلىك قىلغان ئىدى،    بۈگۈنكى كۈندە باللىرىدىن بىر مۇش ئۈچۈن ئوننى يىدى،    مۇنداقلاردىن ئىبرەت ئېلىپ پەرمانىنى تۇتقايسىزلەر.      سەككىز جەننەت ئانىڭىزنىڭ تاپىنىنىڭ ئاستىنىدا،    بۇ مېنىڭكى سۆزۈم ئەمەس ئېيتتى ئۇنى ھەق مۇستاپا، ئانىڭىزنى رازى قىلماي مەدىنىگە بارغان بىكار، ئاتا-ئانا رازى بولماي جەننەت يۈزى كۆرمەيسىزلەر.       ئون ئاي،ئون كۈن قۇرساق كۆتۈرۈپ تۇغۇپ باققان،   يىمەي يىدۈرۈپ،كىيمەي كىيدۈرۈپ جاپا تارتقان،    سىزلەرنى دەپ كىشلەر بىلەن يۈز قىزارتقان،    ئاناڭلارنىڭ خىزمىتىدە كېچە-كۈندۈز تۇرغايسىزلەر.      سىلەرنى دەپ ياخشى كەيمەي،تاتلىق يىمەي پۇل توپلىغان،    تاپقان پۇلغا سەرەم ئېلىپ،بالامنىڭ دەپ ئۆي جابدۇغان،    كىشلەرنىڭ قىزنى تىلەپ ھەش-پەشلەر قىلىپ توي-تويلىغان،    ئاتاڭلەرنى تاشلىۋەتمەي ھالىدىن خەۋەر ئالغايسىزلەر.   ئۆزىمىزنى سېلىشتۇرۇپ بۆشۈكتىكى بالىلارغا، قاراپ بېقىپ قۇرساق كۆتۈرۈپ بالا تۇققان ئانىلارغا، بالىلارنى باقىمەن دەپ جاپا تارتقان ئاتىلارغا، ئاتا-ئانىڭىزنىڭ قەدرىگە يېتىپ دۇئاسىنى ئالغايسىزلەر.   دۇئا-رەخمەت ئالغان كىشلەر بۇ ئالەمدە دۆلەت كۆرگەي،    ھەقتىئالا خەزىنىسدىن يۈزمىڭ بەركەت ئاڭا بەرگەي، ئۇ ئالەمدە جەننەتلەرنىڭ خالىغىنىغا چاغلاپ كىرگەي،   خىزمەت قىلىپ ئاتا-ئانىغا دۇئاسىنى ئالغايسىزلەر.       تىرىكلىكتە خىزمەت قىلىپ،قازا تاپسا ئىززەت قىلىپ، ئازنا-پەيشەنبە تەرىك قىلماي قەبرىسىگە ئىزدەپ بېرىپ،    دۇئا-تەكبىر،خەتمە-قۇرئان ساۋابىنى بەخىش قىلىپ،    ئاتا-ئانا روھىغا دۇئا قىلىپ تۇرغايسىزلەر.      نەچچە ئونلاپ ئوغۇل- قىزلار ئاتا-ئانىسنى خارلاپ قويدى،   تىرىكلىكتە قەدرىنى بىلمەي كۆز ئالايتىپ تىللاپ قويدى،    قازا تاپسا ساۋاپ ئىش قىلىپ،ئاتىماستىن تاشلاپ قويدى، بۈگۈنكى كۈندە خار-زارلىقتا كۈن ئۆتكۈزدى كۆرگەنسىزلەر.    ئاتا-ئانىمىزنى نامرات كۆرۈپ،ساراڭ كۆرۈپ قېچىپ كەتمەي،    نامرات،ساراڭ تۇرۇپ سىزنى باققىنىنى ئۇنتۇپ كەتمەي،    كېسەل بولسا،قېرى بولسا تاشلىۋېتىپ نېرى كەتمەي،    پوق-سۈيدۈك يەپ باققىنىغا لايىق خىزنەت قىلغايسىزلەر.      ئوتتا كۆيدۈرمەي، سۇدا ئاقتۇرماي بېقىپ چوڭ قىلغان، ياخشى ئات قۇيۇپ مەكتەپكە بىرىپ بىلىم ئالدۇرغان،    بالىغ بولغاندا ھەش-پەشلەر قىلىپ تويىڭىزنى قىلغان،    ئاتا-ئاناڭلەرنى تاشلىۋەتمەي ھالىدىن خەۋەر ئالغايسىزلەر.       ئاتا-ئانا:-بالا ئۈچۈن تۈگىمەس بەركەت ئۆزى، ئاتا-ئانا رازى بولسا بالىسى كۆرمەس خارلىق يۈزى،    نەگە بارسا ئەزىز بولۇپ يەردە قالماس قىلغان سۆزى،    شۇنىڭ ئۈچۈن ئاتا-ئانىغا ئىززەت-ئىكرام قىلغايسىزلەر.!!! مەنبە   :   ساقلاپ قويغانلىرىم  .

بۇغداي

	ئاياللارنى سۆيۈش مىللەتنى سۆيۈش دېمەكتۇر.قىزلىرىمىز- مىللەتنىڭ غۇنچىللىرى،ئانا بولغۇچى مۇبارەك كىشىلىرىمىز. ئۇلارنىڭ ئىپپەت سارىيىنى قوغداش بىر پۈتۈن مىللەتنىڭ ئىپپەت غۇرۇرىنى قوغداش دېگەنلىكتۇر. ئابدۇشۈكۈر مۇھەممەتئىمىن.

MiRul

	ياخشى ھېمەتلەركەن، رەھمەت سىزگە، ئاللاھ ئىشلىرىڭىزنى ئوڭۇشلۇق قىلسۇن قېرىندىشىم.

azizgul

	ئانا كۆپ سۆزلىسە دىمىگىن ئارتۇق ، كۈن ئۈتۈپ بىر كۈنى بىرىدۇ تارتۇق . بىلسەڭ شۇ ئانىنىڭ ئەجىرى - مىھرىدە ، تۇرمۇشتا قازىنىپ كەلگەنمىز ئۇتۇق .

mastura5200

	bugaltir يوللىغان ۋاقتى  2012-11-23 06:00 PM نەسىھەت قالتىس    ئىنكاس    بۇپتۇ

azizgul

	ئانىلا بولماقلىق تەس ئەمەس ئۇنچە ، بىر ياخشى ئانىنىڭ چىقمىغى قىيىن . كۆچەتنى تىكىپلا قىلمىساڭ پەرۋىش ،. جامائەت ئالدىدا قەدرىڭ بىر تىيىن !

mahmut0992

	مەن ھاياتلىق دۇنياسىدا بىر دېڭىزنى كۆردۈم.مانا ئۇ --ئانا، ئانىسىنى يىغلاتقان كىشى مەرتىۋىسى قانچىلىك يۇقىرى ۋە قانچىلىك داڭلىق شەخس بولسۇن، ئۇ قەبىھ شەرمەندىدۇر.

helel007

	قالتىس    بوپتۇ.

azizgul

	ئانىنى رەنجىتىش گۇناھ بىل كۆڭۈل ، ئانىسىز شادلىقنى جۇدا بىل كۆڭۈل . ئانىدىن ئىرىشكەن ھەربىر رەھمەتنى ، روھىڭنى ياشنىتار دۇئا بىل كۆڭۈل .