شېرخان : مىسرانىمدا كاتتا توي ( 2 - قىسمى )

XERHAN

	ئەسسالامۇ ئەلەيكۇم ! سەھەردىكى جامائەت ! ھاۋا سوغۇق بۇ كۈندە بولۇپ كەتتى قاباھەت . كۈلكە دىگەن ئوزۇقتۇر جانغا،راھەت ھەر قاچان ، كۈندە ئون رەت كۈلگەندە ئادەم بولار سالامەت ! شۇ مەقسەتتە يوللىدىم"كاتتا توينى"تەسۋېرلەپ ، دەۋاتقىنىم تويدىكى ئىشنىڭ ئاياغ داۋامدۇر . نىمە بولدى ئاقىۋەت قىزدىن قېچىپ خۇشچىراي ، مانا ئەمدى يازىمەن ، نەتىجىسى تامامدۇر . بايان قىلاي بىر  - بىرلەپ بۇ ئىشلارنىڭ بايانى ، ھۆكۈمراندىن ئەھۋالنى چالا قويماي ئەپ بولدۇم . گەپ ياتمايدۇ خالايىق زەررىچىلىك ئىچىمدە . قاق سەھەردە ئاشكارە ھەممە گەپنى دەپ بولدۇم . توي كىچىسى خۇشچىراي قىنقىنىغا پاتالماي ، كىلىنچەكنىڭ يۈزىنى ئاستاغىنا ئاچقان گەپ . ۋاي دات،بولدى ئالمىدىم،قاچاي ئەمدى نەگەلەرگە؟ ... دەپ كۆڭلىدە شۇ ھامان جىگدە تۈۋىگە قاچقان گەپ . ئېغىر كۆرۈپ سەلكىنئاي كىتىپ قاپتۇ يامانلاپ ، شۇنىڭ بىلەن خۇشچىراي جىگدە تۈيىدە ياتقان گەپ . ئانىسىنىڭ ئۆيىگە بېرىش ئۈچۈن كىچىدە . ئات ھارۋىسقا سەلكىنئاي مايماق ئىشەك قاتقان گەپ . غىچ-غىچ قىلىپ يول بويى سەلكىنئاينىڭ ھارۋىسى ، مىڭ ئويلاردا ئولتۇرۇپ خىيالىغا پاتقان گەپ ، ناماز ۋاختى بولغاندا يىتىپ بېرىپ ئۆيىگە ، ئانىسغا "ئاھ ،ئانا"دەپ ئۆزىنى ئاتقان گەپ . خۇشچىرايمۇ كىچىچە ئاھ ئۇرغانچە بېسىقماي ، كۈندۈزدىكى تويىنى تەنھالىققا چاتقان گەپ . ئەل خالايىق ئالدىدا نىمە بولار كۈنۈم دەپ ، داشىمىندەك يۈزىنى تۆت پۇڭچەنگە ساتقان گەپ . ************************************************** خوش كىلەيلى ئەمدى بىز سەۋەبىگە بۇ ئىشنىڭ ، يىگىت - قىزنى ئايرىغان زادى قانداق سەۋەپ بار؟ ھەممە ئىشنىڭ باشچىسى مۇسلىنەخان ئەسلىدە ، كۈيئوغۇل ھەم كىلىنگە قىلىپ قويدى يولنى تار . مۇشۇ ئاينىڭ توققۇزى نازىلە (0998 )خان باش بولۇپ ، ئەلچى بولۇپ بېرىشتى سەلكىنئاينى تالىشىپ . نازۇ نىئمەت ئالدىدا ئولتۇرۇشتى چۆرىدەپ  . ئاسلا - باقسا دىمىگەچ كالپۇكلىرنى يالىشىپ ... گەپ باشلىدى سورۇندا زۇلەيخاخان لىپپىدە ، مەقسەت مۇددا شۇدۇركى قىزلىرىنى سورايمىز . سەنەمجاندەك چوڭ بوپتۇ سىلنىڭ ماۋۇ قىزلىرى ، زەپەر قۇچار توي كۈنى گۈل چىچەككە ئورايمىز . گۈلبەشىكەر ئولتۇرار پەگاسىدا شۈمشىيىپ ، كەڭ كۇشادا بولمىغاچ پۇت قوللىرى قولاشقاچ . تىپىرلايدۇ ھە دىسە ئولتۇرالماي شوخ سەنەم ، بېشىدىكى پىتلىرى گەدىنىگە ئولاشقاچ . ئىشتەي ساقلاپ رىزۋانگۈل قوساقلىرى چىدىماي ، قاچانلاردا << ئاسلا >> دەر پىر پىيالە چېيىنى . نازارەتچى بوپ قالدى بۇ سورۇنغا فاتىمە ، مىھماندوسكەن دىمەڭ سىز مۇنداق ئادەم بېيىنى . جاۋاپ كۈتۈپ ئەلچىلەر ئىڭەك يۆلەپ ئولتۇرۇپ ، ماقۇل بولدى ئاخىرى قىز ئانىسى مۇسلىنە . قايتار چاغدا مەستۇرە زەللە قىلدى يەل - يىمىش ، بۇنى كۆرگەن مەرھابا دىدى ئەمدى ماڭغىنە ... شۇنداق قىلىپ كارۋاندەك سەپ تۈزۈشۈپ خوتۇنلار ، قايىتتى بىردەك ئۆيىگە بىر - بىرىگە كوتۇلداپ . يانپاش مېڭىپ ئايتۇغخان ئىچى تولۇپ ئاچچىققا ، مۇسلىنەنى پىخسىق دەپ تىنماي دىدى غوتۇلداپ . پۈتتى شۇنداق توي ئىشى ، مەسلىھەتكە كىلىشتى ، ئىككى تەرەپ سۆزلىشىپ بەش مىڭ بولدى تويلىقى . سەلكىنئايدا بار ئىدى ئايپاتەمدەك ئۇستىخان ، قانداقسىگە يارىغان ئەلچىلەرگە بويلىقى ؟ ئۆتتى ئارا نەچچە كۈن تويمۇ كەلدى يىقىنلاپ ، خۇشچىراي ۋە سەلكىنئاي كەلدى جاڭزا - پەتتىگە . تولۇق چۈشكەچ شەرىتلەرگە ئىش بىجىردى بوغالتىر ، شۇ چاغ تاما قىلىدۇ قاراپ باقسا ئەپتىگە . باشقا ئىشلار تۈگىدى توي كۈنىگە ئۇلاشتى ، تويمۇ شۇنداق قىززىدى ئاپتاپ چىقىپ زىمىنغا . جودا بولماي تىپ تىنىچ ئۇزاپ كەتتى مىھمانلار ، يىگەن ئېشى جىق كەلدى لىكىن نەپرەت ئىنىمغا . تويمۇ تۈگەپ كەچ بولدى كىلىنچەكنى ئەكىردى ، شاتئاي خېنىم يىتىلەپ قولداش بولۇپ جۈپ بولۇپ . نەچچە كۈندە سەمىرىپ كەتكەن ئىدى سەلكىنئاي ، توي كىيمىمۇ لىققىدە ئاران پاتقان كۈپ بولۇپ . خۇشچىراينىڭ يۈرىكى خۇددى گويا چوغ بولدى ، ئاھ ئەزىزىم نەدە سەن تىزراق كىرەي قېشىڭغا . كۆزۈم چۈشەر ساڭىلا بۇ جاھاندا ھەممىدىن ، مەن بىر بەخىت بولىمەن ، بەخىت قۇشى بېشىڭغا . شۇنداق ئويلاپ خۇشچىراي ئاخسا يىگىت ئاتالدى ، ئۇنىڭ نەپسى تاقىلدار ياۋا شىردەك ئالدىراپ . تاق - تاق مېڭىپ دوڭۇلداپ كىردى ئاخىر ھۇجرىغا ، ئولتۇراتتى سەلكىنئاي شاھلالەدەك يالتىراپ . ئاستا كىلىپ خۇشچىراي چۈمبەردىنى قايرىدى ، نەخ شۇ چاغدا گوممىدە چىقتى قاتتىق بىر ئاۋاز . پالاق - پۇلۇق ئۇچۇشتى تۈن نىسبىدە كەپتەرلەر ، قورقۇپ كەتتى ئاۋازدىن بوزقىر دىگەن كەپتەۋاز . چاچراپ كەتتى ئەپچىلەم مارىغاچقا تۇڭلۈكتىن ، سامانلىققا چۈپ كەتتى ، چاچرىغاچقا كەينىگە . چوڭ چاتاق يوق تەكشۈردى كەترەن دىگەن سىستىرا ، يۈزى ئازراق سۈرۈلگەن ، قولى كەتكەن سەينىگە . خۇشچىرايمۇ چاچرىدى ئارقىدىنلا تۈڭلۈكتىن ، توي ئاخشىمى تۈنىگەن دوناي جىگدە تۈۋىگە . تىگىپ كەتتى بىر تال تاش نەخ شۇ چاغدا بېشىغا ، ئۆلمىدىيۇ يىقىلدى دىمى چۈشتى ئۈنىگە . تۈن تەشۋىشى شۇ بولدى ئاشۇنداقلا ئايرىلىپ ، دەرىتمەن بولدى خۇشچىراي رىئاللىقتىن ياتلىنىپ . كۆپ خىياللار ئىلكىدە نىمىلەرنى ئويلىغاچ ، يالغۇز قالدى سەلكىنئاي ھۇجرىسىدا تاشلىنىپ . خوش ، كىلەيلى نە سەۋەپ نىمە ئاۋاز بىلەمسىز ؟ تاتلىق ياڭيو يەۋەرسە تويماس كىمنىڭ قورسىقى ؟ بىراق بەك كۆپ يەۋەتسە كۆپتىرىدۇ ئۈچەينى ، ئەسلى بىلسەك ئىكەن ئۇ سەلكىنئاينىڭ ئوسرىقى . ساقلا - ساقلا سەلكىنئاي قاراپ بېقىپ سائەتكە ، ئۈچ بولغاندا ئاخىرى ھارۋا قوشتى مېڭىشقا . توي قىلدىممۇ ، قىلمىدىم ؟ دەپ سورىغاچ ئۆزىدىن ، شۇ خىيالدا باغرىنى ئانىسىغا تېڭىشقا . ئەمدى سوراڭ نىمىشقا گۇناھكاردۇر مۇسلىنە ، ئەپتى - بەشرى ئاشكارە بولدى مانا ئاقىۋەت . كۈيئوغلىڭنى قىزىڭدىن تاتلىق ياڭيو يىگۈزۈپ ، قايسى شەيتان دىگەنكىن توي ئاخشىمى ئايرىۋەت . ئەسلى مەقسەت ئۇ ئەمەس ئىشنىڭ تىگى باشقىچە ، شۇنداق قىلىپ ئىرىشىش پىلانىدا تويلۇققا . ئاخىر ئاشتى ئەمەلگە ئۇنىڭ ئاشۇ پىلانى ، زىيان زەخمەت يەتكۈزمەي قىزى غۇنچە بويلۇققا . توي كۈنىسى ئەتىسى ئەتتىگەندە سەھەردە ، مۇسلىنەخان چىقاردى سەلكىنئايغا ئۈگەتتى.    ئىشىك ئالدى يولىنى سۈپىرىشكە تازلاشقا ، شۇنىڭ بىلەن سۈپۈرگە دەت - ئەلەمنى تۈگەتتى . كۆردى بۇنى ئارقۇجان تۇنجى بولۇپ ئىندىكىپ ، چەتئەللىكنى كۆرگەندەك ھەيرانلىقتا تەنجىرەپ . ناركوس قىلغان كىشىدەك تۇرۇپ قالدى داڭقېتىپ ، نىمە ئىشلار بولغاندۇ دىدى ئازراق ئەنسىرەپ . كىردى دەرھال ئۆيىگە << نادىرەخان قېنىدۇ >> ؟ << ۋاي مانا مەن دادىسى ، نىمە گەپتى دىسىلە >> . <<مۇھىم گەپ بار دەيدىغان ھويلا بىئەپ دىمەيمەن ، قويۇپ باشقا ئىشلارنى ما ئۆيگە بىر چىسىلە >> . شۇنىڭ بىلەن نادىرە چىقتى يەنە ئۆيىدىن ، بۇ ئىش زادى قانداقكىن ، كۆڭلىدە بار بىلگۈسى . مۇسلىنەدىن سورىدى << كىلىپ قاپتۇ سەلكىنئاي >> ؟ ئىرى بىلەن بولمامدۇ سەلكىنئاينىڭ كەلگۈسى ؟ << سورىمىسلا قىزىمغا ئۇۋال بوپتۇ ئەمەسمۇ ، تۈزۈك بولسا كۈيئوغۇل كىلەرمىدى يامانلاپ . ئاھ ئانا ئۇ ساق ئەمەس،كىرىپ كەپتۇ ساراڭدەك، دەيدۇ قىزىم سورىسام ، يۈز كۆزىنى قاماللاپ >> ... شۇنىڭ بىلەن نادىرە دىدى بۇنى مارشالغا ، مارشال دەپتۇ بابۇرغا چالا قويماي تېمىتىپ . بابۇر دەپتۇ زوخرانغا شاتۇتىدەك قايتىلاپ ، گەپ سۆزلەرنى مۇشۇلار بۇ مۇنبەرگە ئېقىتىپ ... ئاڭلاپ قالغان ھۆكۈمران يېزىپ چىقتى ئەھۋالنى ، << مىسرانىمدا كاتتا توي >> ماۋزۇ قويۇپ ئۆزگىچە . لىكىن گەپ سۆز بولۇنار خۇشچىراينىڭ كەينىدىن ، توي ئاخشىمى قاچقان دەپ كىلەر يىلى كۈزگىچە . بۈگۈن سەھەر ئاخىرى ئايدىڭ بولدى بۇ ئىشلار ، بىلمىگەنلەر بىلسۇن دەپ ھېيىقماستىن يوللىدىم . ئىمىر - چىمىر خەتلەرنى يېزىپ يۈرۈپ ئاخىرى ، مىسرانىمنىڭ بېتىنى ئۇھ دىگەنچە توللىدىم . خۇشچىراينى دىمەڭلار قاچقۇن ياكى قورقۇنجاق ، سالاپىتى ، غورۇرى كۈچلۈك ئۇنىڭ ئەسلىدە . قاچقان ئەمەس كۈچلۈك يەل ئېتىۋەتكەن ئاسمانغا ، چاچراپ كەتتى تۈڭلۈكتىن مۇسلىنەخان قەستىدە . شۇندىن بۇيان خۇشچىراي ئاغرىپ قاپتۇ ئاڭلىسام، دىدىكەنكىن ئەلتىكىن ئالىدىكەن بالنىسقا . ئوكۇل ئېسىپ داۋالاپ ساقايتارمىش يارىنى ، ھەي كۆپچىلىك ئەمدى بىز نىمە دەيمىز بۇ ئىشقا ؟ مۇسلىنەخان قىزىنى ئاپىرۋىلىپ ئۆيىگە ، گەپ ئەۋەتسە خۇشچىراي تېخى ئاندىن گېپى چوڭ . دەرت ئىچىدە خۇشچىراي بىلەلمەيدۇ ھۇشىنى ، تىگىپ قويماڭ چىشىغا ئەمەس ھازىر ئۇبىر ئوڭ . قىلغۇلۇقنى قىپ بولدى ، بولار ئىشمۇ بوپ بولدى ، خۇشچىراينىڭ كەينىدىن بۇ مۇنبەردە گەپ بولدى . تۇيۇقسىزلا ئاسماندىن چۈشۈپ قالغان مال مۈلۈك ، قىز تەرەپكە ھازىرچە تويلۇق دەسمى نەپ بولدى . خۇشچىرايغا دەپ قويدۇم بوزەك بولماي تىك تۇرۇڭ ، خوتۇن خەقنىڭ ئالدىدا ئەركەك ھامان سىز ئەبەت . بىرەلمەيمەن ۋە دىدىم سىزنىڭ ئۈچۈن يوليورۇق ، ئۈزۈمتال دىن سورايسىز قالغان ئىشتا مەسلىھەت . كۆرۈنمەيدۇ ئۈزۈمتال لىكىن ماۋۇ مۇنبەردە ، كەتتىمۇ يا قۇملۇققا سەيلە قىلىش ئىلىكىدە . ھېلىغىچە كىلىدۇ مەسلىھەتكە - چاقرىققا ، ياپونىيە سائىتى باردۇر چەپپە بىلىكىدە . قېنى دوسلار ، كۆپچىلىك تىزدىن ئاۋاز بىرەيلى ، ئۈزۈمتالمۇ كەپ قالا ساقلىمايلى ئۇنىڭغا . قانداق قىلسا بولىدۇ خۇشچىرايجان كىيىنچە ، مۇنبەر ئەھلى بىرلىكتە جاۋاپ بەرسۇن بۇنىڭغا .

joda☠

	شاراپ يوق تويدىغۇ جودا چىقمايدۇ زادى ..ئىككى قېتىم جىمجىت ئۆتۇپ كەتتى .

qurbanjan

	ھە شىرخان رىۋايەتلەردە ئېيتىلىشىچە سەن مۇنبەردە يوقاپ كىتىپ ،خوتەنلىك بىر قىز بىلەن ئارلىشىۋېتىپتۇ .....3ئايدىن كىيىن  توي قىلدىكەن دەۋاتاتتى ....ماۋۇ  شىئېرنىزە خوتۇنىڭغا يالۋۇرۇپ يۈرۈپ تىزلىنىپ ئولتۇرىۋىرىپ تىزلىرىڭمۇ يارا  بوپ كەتكەندۇ ھە ..... جاپا چەكتىڭ .. ئەمدى توي قىلىپلا سايىم پوچى بوپ كەتمەي ئوچاققا ئوت قالاپ كىرى يۇيوپ ئولتۇردىغان .ئانچە مۇنچە كەپ تۇرارسەن ماياقلارغا ... يا ھېلقى 1998-يىلى ئالغان windows95قاچىلانغان داس كومپىيۇتىرىڭ تورغا چىقالماس بوپ قالدىمۇ يا ؟

زامانى

	يازغۇچىلارنىڭ ‹‹يەنە تېخى جىگدە ،زاغرا نان يىسڭىز ئۇسسايسىز، ئۆرە تۇرۇپ ئۇخلىسڭىز بىلىڭڭىز تالىدۇ،كۆزڭىزنى يۇمۋالسىڭىز ھېچ نىمنى كۆرەلمەيسىز ،ئايقىڭىزنى كىيىپ پۇتىڭىز بىلەن ماڭسىڭىز ،ئايقىڭىز تىگنىڭ يەرگە تىگدىغانلىقنى بايقايسىز، .. ››دىگەندەك مېغزى يوق ،تۈكى كۆپ يازمىلىرىدىن بەك زېرىكتىم . يىنىك تىل ۋە  تەبئىي گىرىمسىز يىنىك كۈلكىلەر  يۈرەككە خوپتۇر،     كۆڭۈللۈك كۈنلەرگە قايتىپ كىلىپ شىرخان بۇرادەرنىڭ مۇنۇ كاتتا توي يازمىسىغا  ھەمداستىخان بولاي، مۇشۇ بانادا يېڭى ۋە كونا مۇنبەرداشلىرىم بىلەن دىدارلىشۋالاي..  چۇنكى دىدار غەنىمەت ئىرۇر.

huxqiray

	ھوي مىسرانىم ئەھلى بۇ توي ئەسلى ئىنتايىن ياخشى بولغان توي ئىدى ، توي كۈنى چىققان كىچىككىنە جىدەلنى چوڭايتىپ توي بۇزۇلۇپتۇ دەپ گەپ ئېقىپ يۇرمىسۇن دەيمەن.... سەلكىنئاي ھەدەڭلا بارجۇمۇ ئۆيدە ، قىزىق نۇقتىغا ئايلىنىپ قالدىغۇ ئەمدى بۇتوتۇم ...

1670154432

	بۇ تويغا مىنى چاقىرمىغاندىكىن ،مەن مەسلىھەتكە قاتناشمايمەن تازا.

XERHAN

	زامانى يوللىغان ۋاقتى  2012-11-23 04:49 PM يازغۇچىلارنىڭ ‹‹يەنە تېخى جىگدە ،زاغرا نان يىسڭىز ئۇس ... ئالدىنقى كۈنى ھەممىسى تويى بولغان ئادەممۇ قېچىپ كىتەمدۇ ؟دەپ مازاق قىلىشقان ئىدى . ئەسلى ئىشنىڭ ئۇنداق ئەمەسلىكىنى ھەممە خالايىققا بىلدۈرۈپ قوياي دىگەنتىم شۇڭا يوللىدىم . قىيىنچىلىققا ئۇچرىغاندا ھەممە تەرەپ ياردەم ۋە مەسلىھەتتە بولۇش بولۇپمۇ سىلەردەك كونا ، پىشقەدەملەرنىڭ مەسلەھىتىنى ئېلىش لازىمدۇر ! ....

بۇغداي

	بەكلا ياخشى چىقىپتۇ، سەلكىنئاينىڭ يامانلىشى ئەسلى مۇنداق ئىشكەن دە ،مۇنبەر يەنە بىر قىززىيدىغان بولدى .

كارۋان

	بايا كۆڭۈل قۇيۇپ بىر مۇنچە ئنكاس يېزىپ يوللىسام بۇ تېما ئۆچۈرۈلگەن دەپ يوللانمىدى،ئەمدى بولغان ئېچىلىۋاتىدۇ.قارىغاندا بۇ توي ئەمەس توي بولۇپتۇ.

rizwangul0995

	ئەسلى ئىشنىڭ سەۋەبى مۇنداقكەندە مۇنبەرنىڭ چوڭلىرى بىر مەسلىھەت بېرىڭلارچۇ قېنى.