سۇلياۋ خالتا ساتقۇچى بالا

barnakiz886

	سۇلياۋ خالتا ساتقۇچى بالا شېئىر زىمىستان قىش ئاچچىق سوغۇقتا، ئاپپاق قاردا بىزەلگەن دالا، دىققىتىمنى تارتىغۇ ئەجەپ، خالتا سېتىپ يۈرگەن بىر بالا.      ئۇماق يۈزى سوغۇق دەستىدىن، كىرىپ قاپتۇ شەپەق رەڭگىگە. بۇدرۇققىنە جۈپ قوللارمۇ ھەم، قولاشمايتتى پەقەت ئۆزىگە.      گاھ سەكرەيتتى تۇرغان يىرىدە، گاھ ماڭاتتى ئۇياق- بۇ ياققا. ئۈمۈت بىلەن بىغۇبار كۆزلەر، تىكىلەتتى يىراق -يىراققا.      كېلىپ قالسا بىرەر خېرىدار، كۆزلىرىدە چاقنايتتى شاتلىق. چەبدەسلىكتە پۇلنى قايتۇرۇپ، رەھمەت دەيتتى كۈلۈپ بىر تاتلىق.      قاراپ تۇردۇم بىر چەتتە ئۇزۇن، سىرىلدى دىل بوغۇلدى نەپەس. بۇ سەبىنىڭ ئانىسى قېنى؟ دادىسىچۇ كەلدى قانداق نەس.      قىزىقساملا يىشىمەن تۈگۈن، بۇرۇندىنلا ئۇدۇمدۇر ماڭا. بىلمەك بولۇپ ئۇنىڭ سىرىنى، ئاستا باردىم سەبى يېنىغا.      تۇتتۇم ئۇماق مۇزدەك قولىنى، سورىدىم-دە، ئاناڭ قېنى دەپ. ئۆمچەيدى لەۋ كىرپىكتە شەبنەم، جاۋاپ بەردى يىراق كەتتى دەپ.      ئەسلى بالا بەخىتلىك ئىكەن، باركەن يەنە ئۇماق سىڭلىسى. بۇ ئىككىسى ئاتا-ئانىنىڭ، ئارزۇلىقى يۈرەك پارىسى،      ئالجىپ ئانا پۇل تاپىمەن دەپ، يىراقلارغا كىتىپ سودىغا. ئۇزۇنغىچە قايتىپ كەلمەپتۇ، دادا قاپتۇ قاراپ بالىغا.      ھالسىرىتىپ قويۇپتۇ ئۇنى، خىزمەت بېسىم بالىنىڭ غېمى. كىسەل بولۇپ يېقىلىپ ئاتا، چوڭ ئانىغا قاپتۇ يىتىمى.      ئۇ ئانىمۇ كىسەلچان ئېكەن، بۇ ئۇماققا يۈكلىنىپتۇ غەم. ئوقۇشتىنمۇ توختاپتۇ ئاخىر، ئويلاپ يۈرۈپ تېپىپتۇ بىر پەم.      خالتا سېتىپ ھەم ئاياق مايلاپ، كۈنلىرىنى ئۆتكۈزۈپ تەستە. تۈجۈپىلەپ كۈننى ئۆتكۈزۈپ، ئېشىنغاننى يىغاركەن يەنە.      يول چىقىمى بولغاندا تەپ-تەل، ئانىسىنى ئىزلەپ تاپاركەن. تەشنا بولۇپ ئانا مىھرىگە، قۇچىقىغا ئۆزنى ئاتاركەن...      ئاڭلاپ بۇندا سەبى زارىنى، تىلغاندى دىل يېرىلدى يۈرەك. مەنغۇ تېخى بىرنى ئۇچراتتم، سانسىز لېكىن بۇنداقلار گۈدەك.      يول يوقمىدۇ ئاشۇ ئانىغا؟ قوزغالدىغۇ مىڭلارچە نەپرەت. ئوتتا كۆيسە يۈرەك پارىسى، ھەممە ئاڭا دىمەسمۇ لەنەت.      ئەي ئانىلار سەبى نالىسى! ياڭرىمىسۇن باغرى سۇلمىسۇن! بېسىڭلارچۈ باغرىڭلارغا چىڭ! غۇنچە گۈلى ئەمدى سۇلمىسۇن! مەنبە:شۇ مەن يەنە

axek13999649893

	كېلىپ قالسا بىرەر خېرىدار، كۆزلىرىدە چاقنايتتى شاتلىق. چەبدەسلىكتە پۇلنى قايتۇرۇپ، رەھمەت دەيتتى كۈلۈپ بىر تاتلىق.

يولتۇز

	بۇ ئۇماقمۇ سەرەڭگە ساتقۇچى قىزچاقتەك توڭلاپ ئۈلۈپ قالمىسلا بۇلاتتىغۇ .

azizgul

	بۇ شىئېرىڭىز بىلەن مۇڭلىنىپ قالدىم ..................

ئاپتاپ

	سۇلياۋ خالتا ساتقۇچى بالا ... ئىسىل چىقىپتۇ . ۋەزنىلىك شىئىر بولۇپتۇ .

tax☆kampit

	بەك تەسىرلىك يېزېپسىز،لىكىن شۇنداق ئانلارمۇ بارمىدۇ؟مەن ئانچە ئىشەنمەيمەن. بىزنىڭ ئۆيدىكى چىشى يولۋاسقا قاراپ دەيمىنا،باللارغا كىچىككنە چېچېلىپ قويسام شۇ ھامان تۇقۇمنى قارنىغا ئالىدۇ،شۇڭمۇ ئۇنۇڭ گىپىنى ئاڭلىمايدۇ بۇ بەڭۋاشلار.

ئەخمەد

	بۇ شېئىرنى يېزىپسىز بەرنا، شېئىرىڭىز ھېكايىدەك ئاينا. بالىسى تۇرسا تەلمۇرۈپ يولغا، بالىنى تاشلاپ ئانىسى قايدا. مۇنداقلا يېزىپ قويغان ئىدىم،قاملاشمىغان بولسا تۈزتۈش بېرەرسىز ھە!تەلىمىڭىزنى ئايىماڭ ماخما؟!

barnakiz886

	tax☆kampit يوللىغان ۋاقتى  2012-11-23 11:58 AM بەك تەسىرلىك يېزېپسىز،لىكىن شۇنداق ئانلارمۇ بارمىدۇ؟ ... ئەتراپقا نەزىرىڭىزنى ئاغدۇرسىڭىز،بۇنىنڭ ئەمىلىيەت ئىكەنلىگىنى ھىس قىلالايسىز

barnakiz886

	ئەخمەد يوللىغان ۋاقتى  2012-11-23 12:02 PM بۇ شېئىرنى يېزىپسىز بەرنا، شېئىرىڭىز ھېكايىدەك ئاينا. ... ۋاي قاملىشىپ ئۆتەپ كىتىپتۇيا ئەينا

tuntaxvixi

	بۇ سىزنىڭ ئۆز كۆزىڭز بىلەن كۆرگەن مەزمۇنلار ئوخشىمامدۇ