ئەگەر سىز دوختۇر بولسىڭىز

yultuz112

	ئەگەر سىز دوختۇر بولسىڭىز . . . شەنبە كۈنى دوستۇمنى يوقلاش ئۈچۈن دوختۇرخانىغا باردىم  ۋە دوستۇم بىلەن ھال-مۇڭ بولۇشۇپ بىردەم ئولتۇرۇپ قالدىم. دوستۇمنىڭ كەيپىياتى شۇنداق ياخشى بولۇپ ئۇنىڭغا قاراپ مەنمۇ خوش بولۇپ قالدىم. ئۇ ماڭا : - قارا دوستۇم، بۇ قېتىمقى دوختۇرۇم بەك ياخشى ، ماڭا ناھايىتى كۆڭۈل بۆلىدۇ. ئۇ دائىم  ماڭا : " ئۆزىڭىزنى خوشال تۇتۇڭ ،سىزنىڭ كېسىلىڭىز ئادەتتىكى كېسەل، پەقەت كەيپىياتىڭىزنى ياخشى تۇتۇپ، بىزگە ماسلاشسىڭىزلا ساقىيىپ كېتىسىز، ئويلاپ بېقىڭە، راك كېسەللەر ھەتتا ياشانغان بوۋاي-مومايلارمۇ شۇنچە ئۈمىدۋارلىق بىلەن ياشاۋاتقان يەردە، سىز نېمە ئۈچۈن شۇنداق قىلالمايسىز، ئۈمىدۋار بولۇڭ، كەيپىياتىڭىزنى ياخشىلاڭ، روھىڭىزنى چۈشۈرمەڭ . . . " دېگەندەك سۆزلەرنى  قىلىپ ماڭا تەسەللىي بېرىدۇ. شۇڭا ھەر قېتىم دوختۇرۇمنى كۆرگەندە ئۆزەمنى خۇددى ساقىيىپ قالغاندەك ھېس قىلىمەن. ئالدىنقى قېتىم دوختۇرخانىدا ياتقاندا مەسئۇل  دوختۇرۇم ماڭا دائىم: "سىزنىڭ كېسىلىڭىز خېلى بار، كېسەللىك پۈتۈن بەدىنىڭىزگە تارقاپ كېتىپتۇ ، بىز سىزنى كۆڭۈل قويۇپ داۋالىمىغان بولساق ئاللىقاچان ئۆلۈپ كېتەتتىڭىز . . ."دېگەندەك سۆزلەرنى قىلغان ئىدى. مەن ئۇنىڭ سۆزلىرىنى ئاڭلاپ كۆڭلۈم ئىنتايىن يېرىم بولغان ھەم يولدىشىمغا ئۇنىڭ گەپلىرىنى دەپ بەرسەم يولدىشىمنىڭمۇ ئاچچىقى كېلىپ:"بولدى، كۆڭلىڭىزنى يېرىم قىلماڭ، قاچان ئۆلۈپ كېتىدىغىنىمىزنى خۇدايىم بىلىدۇ . . ." دېگەنىدى.مەن تېخى ھەممە دوختۇرلار شۇنداق بولىدىغان ئوخشايدۇ دەپتىكەنمەن، ئەمەلىيەتتە، كۆيۈمچان دوختۇرلارمۇ بار ئىكەن دەپ كەتتى دوختۇرىنى  ئاغزى-ئاغزىغا تەگمەي ماختاپ. دوختۇرخانا ئادەم داۋالىنىدىغان،  كېسەللەر  شىپالىق ئىزدەيدىغان ئورۇن . دوختۇر بولسا ئۆزىنىڭ دوختۇرلۇق سالاھىيىتى بىلەن كېسەللەرنى داۋالايدىغان ئادەم. مەن دوستۇمنىڭ يېنىدىن يانغاچ ئويلىنىپ قالدىم، ھەقىقەتەن دوختۇرلارنىڭ سالاھىيىتى، كەسپىي ساپاسىمۇ ئوخشىمايدىكەن. بەزى دوختۇرلار  مۇلايىم، ئىللىق مۇئامىلىسى، كۆڭۈلگە تەسەللىي سۆزلىرى بىلەن كېسەللەرگە دورىدىنمۇ بەكرەك شىپالىق ئاتا قىلسا، يەنە بەزى دوختۇرلار ئۆزلىرىنىڭ ساپاسىزلىقىدىنمۇ ئېيتاۋۇر كېسەللەرگە كۈچلۈك روھىي بېسىم ئېلىپ كېلىدىكەن.شۇڭا تورداشلارنىڭ مۇشۇنداق ئەھۋالدا ” ئەگەر سىز دوختۇر بولسىڭىز  قانداق قىلاتتىڭىز ؟ “دېگەن تېمىدا مۇنازىرىلىشىپ بېقىشىنى تەۋسىيە قىلىمەن.                                                                           مەنبە: قەلىمىم

يولتۇز

	مىنىڭچە دوختۇرلار دەل مۇشۇ دوستۇڭىزنىڭ دوختۇرىدەك بۇلىشى كېرەك .

يولتۇز

	لىكىن ھازىر بۇنداق دوختۇرلار قالمىدى ، مۇئامىلىسى بەكلا ناچار ، چوڭ - كىچىك ، قېرى - ياش دەپ ئايرىماي قۇپاللىق قىلىدۇ ، گەپ قىلسىڭىز چىرايىڭىزغا قارايدىغانغىمۇ چولىسى يوق تېخى .

osal147

	مەن دوختۇر بولغان بولسام چوقۇم مەئۇلىيات چان دوختۇر بۇلاتتىم

NAZIF

	ئۇنداق ياخشى مۇئامىلە قىلىدىغان دوختۇرلا ئاز ،ئشلەپ چارچاپ كەتكەندە مۇئامىلىسى تىخىمۇ ناچارلىشىپ كىتىدۇ....

lawa0998

	دوختۇرلارنىڭ بىمارلارنى ئاۋۋال پىسخۇلوگىيە جەھەتتىن روھلاندۈرۈپ داۋالاشى تىببى داۋالاش نوقتىسىدا تەكىتلىنىدىغان مەسىلە. قىسقا ۋاقىت ئىچىدە جىددى ‹‹باش كۆتىرىش››نى ئالى مەخسەت قىلغان  ئاز ساندىكى سەبداشلىرىمىزدىكى- بۇ خىل توغرا بولمىغان ‹‹قەھرىمانلىققا ئنتىلىش›› روھى ، تىمىدا دىيىلگىنىدەك- داۋالاش نىشانىغا قارشى تەقدىرگە سەۋەپ بولماقتا. كېسەللىك ئەھۋالى ئېغىر بولسىمۇ بىمارنى بۇ خىل روھى يۈكتىن خەيرلىك ئىپادىلەر بىلەن يېتەكلەپ ، ئائىلە تاۋاباتىغا بىمارنىڭ كېسەللىك ئەھۋالىدىكى خەتەرلىك ئۆزگىرىشلەرگە ئىددىيە تەييارلىق بولىشىنى تەكىتلەش-تىببى مەسئۇلىيەتتۇر. مەن بۇ تىمىغا داخىل بولغۇچى دوختۇر بولۇش سۈپىتىم بىلەن تىمىدا شەرھىلەنگەن بىماردىن كەچۈرۈم سوراش بىلەن بىرگە ئىنكاسىمدا كۆرسىتىلگەن ئەقەللى مىزاننى تەشەببۇس قىلىمەن.

sahipjamal

	نىمە دىگەن ياخشى دۇختۇر ئۇ،مەن ئاسما سالدۇر غاندا سىستىرادىن بىر سى قۇلۇمنى بەك رەك ئاغرىتىپ ئۇكۇل سىلىپ،تىخى ئاسما تۇگەپ چاقىرسا بىمار غا ئاليىپ ۋىيى،ئەگەر مەن سىستىرا بۇپ قالغان بۇلسام بىمار لار مىنى تالشىپ كىتىەتتى.

ئەخمەد

	شاتئاي گەپ قىلمايدىغۇ؟؟!!!

kaynam999

	مۇامىلىسى ياخشى دوختۇر ۋە سىستىرالارمۇ ئاز ئەمەس،ھەممە يەرگە مىھىر مۇھابەت سىڭگەن ئەمەسمۇ،بۇندىن كىيىنكى ۋەزيەت  ياخشى دوختۇر سىستىرالارغا مۇھتاج.

widika

	مەنمۇ مۇشۇنداق  دوختۇر بۇلاتتىم