ساختا پۇلنى بىلىپ تۇرۇپ ئىشلىتىش قانۇنغا خىلاپ

bugaltir

	ساختا پۇلنى بىلىپ تۇرۇپ ئىشلىتىش قانۇنغا خىلاپ تۇرمۇشىمىزدا راست خەلق پۇلى بىلەن ساختا خەلق پۇلىنى پەرقلەندۈرەلمەيدىغان ياكى كىچىككىنە بىخەستەلىك تۈپەيلىدىن مۇئەييەن سوممىدىكى ساختا خەلق پۇلىنى ئېلىپ قالىدىغان ئىشلار يۈز بېرىپ تۇرىدۇ. بۇنداق ئەھۋاللار كۆپىنچە سودا ئىنتايىن بېسىق چاغلاردا، كېچىلىرى سودا - سېتىق قىلغاندا، غۇۋا چىراغ يورۇقىدا ئۇچرايدۇ. ئالدىنىپ ساختا پۇلنى ئېلىپ قالغان كىشىلەرنىڭ ئاز بىر قىسمى ساختا پۇلنى ئالاقىدار تارماقلارنىڭ قانۇن بويىچە بىر تەرەپ قىلىشىغا تاپشۇرۇپ بەرسىمۇ، يەنە بىر قىسمى بۇنداق قىلماي، مەنمۇ باشقىلارنى ئالدايچۇ، دەپ ئويلايدۇ - دە، ساختا پۇلنى داۋاملىق ئىشلىتىپ، ئوبيېكتىپ جەھەتتە دۆلىتىمىزنىڭ خەلق پۇلىنى باشقۇرۇش تەرتىپىگە بۇزغۇنچىلىق قىلىدۇ. دۆلىتىمىزدە خەلق پۇلى دۆلەتنىڭ قانۇنىي پۇلى بولۇپ، ئۇنىڭ يۈرۈشۈشىنىڭ نورمال بولۇش - بولماسلىقى پۈتكۈل خەلق ئىگىلىكىنىڭ مۇقىملىقىغا بىۋاسىتە تەسىر كۆرسىتىدۇ. 2009 - يىلى 9 - ئايدا ئېلان قىلىنغان «جۇڭگو خەلق بانكىسى قانۇنى»نىڭ 42 -، 43 - ماددىلىرىدا: »خەلق پۇلىنى ياسىۋېلىپ، ئۆزگەرتىۋېلىپ، ياسىۋالغان، ئۆزگەرتىۋالغان، ئۆزگەرتىۋالغان خەلق پۇلى ئىكەنلىكىنى بىلىپ تۇرۇپ ئىلكىدە تۇتۇپ، ئىشلىتىپ ياكى توشۇپ جىنايەت شەكىللەندۈرگەنلەر قانۇن بويىچە جىنايى جاۋابكارلىققا تارتىلىدۇ. جىنايەت شەكىللەندۈرمىگەنلەرنى جامائەت خەۋپسىزلىكى ئورگىنى 15 كۈندىن تۆۋەن توختىتىپ قويىدۇ، 10 مىڭ يۈەندىن تۆۋەن جەرىمانە قويىدۇ» دەپ بەلگىلەنگەن. مۇشۇ قانۇننىڭ 44 - ماددىسىدا: «خەلق پۇلىنىڭ نۇسخىسىنى تەشۋىقات بۇيۇملىرىدا، نەشر بۇيۇملىرىدا ياكى باشقا تاۋارلاردا قانۇنسىز ئىشلەتكەنلەرنى جۇڭگو خەلق بانكىسى تۈزىتىشكە بۇيرۇيدۇ ھەمدە خەلق پۇلىنىڭ قانۇنسىز ئىشلىتىلىش نۇسخىسىنى كۆيدۈرۈۋېتىدۇ، ئۇلارنىڭ قانۇنغا خىلاپ تاپاۋىتىنى مۇسادىرە قىلىدۇ، قوشۇمچە 50 مىڭ يۈەندىن تۆۋەن جەرىمانە قويىدۇ» دەپ بەلگىلەنگەن. يەنە مۇشۇ قانۇننىڭ مۇناسىۋەتلىك بەلگىلىمىلىرىدە: «يالغان پۇل ئىكەنلىكىنى بىلىپ تۇرۇپ ئىلكىدە تۇتقان ۋە ئىشلەتكەنلىرىدىن مىقدارى كۆپرەك بولغانلىرىغا ئۈچ يىلدىن تۆۋەن مۇددەتلىك قاماق جازاسى ياكى تۇتۇپ تۇرۇپ ئەمگەككە سېلىش جازاسى  بېرىلىدۇ، قوشۇمچە ياكى ئايرىم ھالدا 10 مىڭ يۈەندىن يۇقىرى، 100 مىڭ يۈەندىن تۆۋەن جەرىمانە قويۇلىدۇ. مىقدارى ناھايىتى كۆپ بولغانلىرىغا ئۈچ يىلدىن  يۇقىرى، ئون يىلدىن تۆۋەن مۇددەتلىك قاماق جازاسى بېرىلىدۇ، قوشۇمچە 20 مىڭ يۈەندىن يۇقىرى، 100 مىڭ يۈەندىن تۆۋەن جەرىمانە قويۇلىدۇ، مىقدارى پەۋقۇلئاددە كۆپ بولغانلىرىغا ئون يىلدىن يۇقىرى مۇددەتلىك قاماق جازاسى بېرىلىدۇ، قوشۇمچە 50 مىڭ يۈەندىن يۇقىرى، 500 مىڭ يۈەندىن تۆۋەن جەرىمانە قويۇلىدۇ ياكى مال - مۈلكى مۇسادىرە قىلىنىدۇ« دەپ بەلگىلەنگەن. شۇڭا باشقىلارغا ئالدىنىپ ساختا پۇلنى ئېلىپ قالغان كىشىلەر مېنى باشقىلار ئالدىغان ئىكەن، مەنمۇ بۇ پۇل ئارقىلىق باشقىلارنى ئالدايمەن، دەپ قاراپ، قانۇنغا خىلاپلىق قىلىپ ئىقتىسادىي جەھەتتىن تېخىمۇ چوڭ زىيان تارتىپ قېلىشتىن، ھەتتا جىنايى جازاغا تارتىلىپ قېلىشتىن ساقلىنىشى كېرەك.      مەنبە  :   جۇڭگو رادىيو تورى شىنجاڭ تارماق تورى  . http://www.radioxj.com/n17974c26.aspx

يولتۇز

	ئۇھ  نىمە دىگەن قۇرقۇنۇشلۇق

bugaltir

	100يۈەنلىك ئەڭ يېڭى ساختا پۇلنى پەرىقلەندۈرۈش مەركىزى بانكا ئەڭ يېڭى يۈز يۈەنلىك ساختا پۇلنىڭ ئالاھىدىلىكىنى ئىلان قىلدى      يېقىندا كۆپ قىسىم جايلاردا باش ھەرىپ نومۇرى “tj55”“az88”“wl15”“yx86”دىن باشلانغان يۈز يۈەنلىك ساختا پۇل پەيدا بولغان بولۇپ، مەركىزى بانكا: كۆرۈپ، تۇتۇپ پەرىقلەندۇرگىلى بولىدۇ. دېدى. باش ھەرىپ نومۇرى “tj55”“az88”“wl15”“yx86” دىن باشلانغان يۈز يۈەنلىك ساختا پۇل تۆۋاندىكىدەك ساختىلىق ئالاھىدىلىكىگە ئىگە: 1. بۇ تۆت خىل باش ھەرىپ نومۇرى ساختا پۇللار ئوخشاشلا مىخانىكىلىك رېزىنكە باسمىدا بېسىلغان ساختا پۇل. 2. قەغىزى سىلىق، پاقىراق، چۇرىس بولۇپ، ئولترا بىنەپشە نۇردا يالتىراق نۇر چىقارمايدۇ ھەم يالتىراق نۇر چىقىرىدىغان تالاسىمۇ يوق. 3. مۇقىم باش سۈرەت سۇ باسمىسى تۇتۇق بولۇپ، سىترو تۇيغۇسى يوق، ئاق رەڭلىك باسما مېيى بىلەن قەغەز يۈزىگە بېسىپ ياسالغان. 4. ئاق سۇ باسمىنىڭ نۇر ئۆتكۈزۈش ئۈنۈمى ناچار. 5. بىخەتەرلىك تالا يىپى باسمىدىلا ياسالغان. 6. مىكرو خەتلەر ئوچۇق ئەمەس. 7. رېزىنكە باسمىدا نەقىش،سىزىقلاردا بېسىلماي قالغان ۋە خاتا بېسىلغان ئورۇنلار بار. 8. نۇردا ئۆزگىرىشچان باسما مېيىدا بېسىلغان سومما سان يېشىل رەڭلىك باسما مېيىدا بېسىلغان بولۇپ، نۇردا ئۆزگىرىش ئۈنۈمى  يوق. 9. باش ھەرىپ نومۇرى رېزىنكە باسمىدا بېسىلغان، ھەرىپلەر رەتلىك ، ئارىلىقى تەكشى ئەمەس. 10. بەزى ساختا پۇللاردا پېتىنقى باسما سىزىمى يوق، بەزىلىرىدە بېسىپ چىقارغان سىزىم بار. 11. بەزى ساختا پۇللاردا رەڭسىز نۇر قايتۇرغۇچ باسما مېيى ۋە رەڭلىك نۇر قايتۇرغۇچ باسما مېيىدا تەقلىد قىلىپ بېسىلغان نەقىشلەر يوق، يەنە بەزى ساختا پۇللاردا رەڭسىز نۇر قايتۇرغۇچ باسما مېيى ۋە رەڭلىك نۇر قايتۇرغۇچ باسما مېيىدا تەقلىد قىلىپ بېسىلغان نەقىشلەرنىڭ رەڭگى بىلەن ھەقىقى پۇلنىڭ رەڭگىدە پەرق بىر قەدەر چوڭ.     خەلق پۇلىدىكى تەرتىپ نومۇرى باش ھەرپ نومۇر دەپمۇ ئاتىلىدۇ. باش ھەرپ بولسا قەغەز پۇل ئۈستىگە بېسىلىپ باسما تۈركۈم رېتىگە بەلگە قىلىنىدىغان ئىككى ياكى ئۈچ دانە ئىنگىلىزچە ھەرىپ بولۇپ، پۇل بېسىش زاۋۇتى مەلۇم قانۇنىيەت بويىچە رەتكە تىزىدۇ ۋە باسىدۇ. نومۇر بولسا بەش ھەرپ كەينىگە بېسىلىدىغان ئەرەپچە سىفىرلىق ئۇلاشتۇرۇش نومۇر بولۇپ، ھەر بىر قەغەز پۇلنىڭ ئوخشاش باش ھەرىپ تۈركۈمىدىكى رەت تەرتىپىنى چۈشەندۈرىدۇ.       بۇندىن بۇرۇن مەركىزى بانكا: خەلق پۇلىدىكى باش ھەرپ نومۇرى بولسا مەركىزى بانكىنىڭ خەلق پۇلىنى بېسىش ئىشلەپچىقىرىش باشقۇرۇش كونترول قىلىشىدىكى بىر تۈرلۈك تەدبىرى، خەلق پۇلىنى بېسىش ئىشلەپچىقىرىش باشقۇرۇش تەلىپىگە ئاساسەن، ئۈزلۈكسىز تەڭشەش ۋە ئۆزگەرتىش ئېلىپ بېرىلىدۇ، خەلق ئاممىسىنىڭ باش ھەرپ نومۇر تەرتىپى شەكلىنى خەلق پۇلىنىڭ ھەقىقى ياكى ساختىلىقىنى ھۆكۈم قىلىدىغان ئاساس قىلىۋالماسلىقىنى ئۈمىد قىلىمىز. دەپ كۆرسەتكەن. http://www.xayar.cn/article/mazmun.asp?id=509

بۇقا

	خەنزۇلار نەچچە يۈز مىليۇن ساختا پۇلنى ياساپ بولغىچە تۇتمىغان سەۋەپ ج خ ئورونلىرىدا. بۇ تەشۋىقاتنى شىنجاڭدا ئەمەس، بەلكى  ئىچكىرى ئۆلكىلەردە، بولۇپمۇ گۇاڭدۇڭ، سىچۈەندە كۆپلەپ تەشۋىق قىلىش كىرەك. شۇندىلا بۈيۈك كومپارتىيمىز تىخىمۇ روناق تاپىدۇ.

ئۆل

	بۇلمسغۇ تۇتقانداپەرقلەندۈرگلى بولدىكەن ....ھاززىرغۇ تېخنكا بەك يوقىرى بەلكىم بۇنداق پەرقىنمۇ يوق قىلۋەتكەن بولۇشى مۇمكىن .....راس پۇلىنى سۇلياۋ جىيابۇدا چاپلسا بولمايدىكەن ..قەغەز جىيابۇدا چاپلاش زۆرۈركەن جۇما

bugaltir

	ساختا پۇل ئىنتايىن سىلىق كېلىدۇ  . جىڭ پۇل سىلىق بولمايدۇ . ساختا پۇلدىكى رەسىملەر تۇتۇق بولۇدۇ  ، جىڭ پۇلدىكى رەسىملەر ئېنىق بولۇدۇ . تەرەققىياتنىڭ  يۇقىرى كۆتىرلىشى بىلەن ، ساختا پۇل بىلەن ھەقىقىي پۇلدىكى پەرىقلەر ئازىيىۋاتىدۇ . پۇل ئېلىم - بېرىمدا  ، دىققەت قىلىشىمىز لازىم  . ئالدىنىشتىن ۋە ئالداشتىن ساقلىنايلى   !!!!!!!!!

merwayit

	تېما ئىگىسىگە رەھمەت. بىلىپ تۇرۇپ ئىشلەتسە قانۇنغا خىلاپ،  ئەمما ماڭا ئوخشاش بىلمەي تۇرۇپ بانكىغا ئەكىرىپ، نۇمۇسقا قالساڭلار ئۆزەڭلىگە ھېساب

ANSWER

	ساختا ~~~ ھەممە ساختا ! ھەتتاكى پۇلمۇ ساختا ~~~~ بەرگەن پۇلۇڭ ھەم ساختا ، كۆرۈپ باق راسلا ساختا !

nazaratqi

	ساختا پۇلنى بىلىپ تۇرۇپ ئىشلىتىش ھىلىغۇ قانۇنغا خىلاپكەن.... بىلىپ تۇرۇپ ئىشلىتىپ دىنىي قېرىندىشىنى ئالدىسا، ئادەمىيلىك ئەخلاققىمۇ، ئىمان-ئېتىقادقىمۇ توغرا كەلمەيدۇ-دە....

diyarm

	مەن پۇلنىڭ ساختا-راسلىقنى پۇلدىكى رەئىس ماۋزىدۇڭنىڭ ياقىسنى تۇتۇپلا بىلمەن ، ئادەتتە ساختا پۇلدا ياقا  سىلق بولدۇ ، راس پۇلدىكى چاپاننىڭ ياقىسى يىرىك بولدۇ ،