ھىندىستان دەرسلىكى: «گۆش يېيىش ئادەمنى ئۆزگەرتىۋېتىدۇ»

kulaghla

	شىنخۇا تورى بېيجىڭ 19-نويابىر تېلېگراممىسى فرانسىيە ئاخبارات ئاگېنتلىقىنىڭ خەۋەر قىلىشىچە، ھىندىستاننىڭ بىر دەرسلىكىدە گۆش يېيىش ئادەمنى چۈشكۈنلەشتۈرۈۋېتىدۇ، دېيىلگەن. گۆش يېيىشنىڭ پايدا- زىيىنى توغرىسىدا ئوزۇقشۇناسلار تا ھازىرغىچە بەس- مۇنازىرە قىلىپ كېلىۋاتىدۇ. لېكىن، ھىندىستاننىڭ بىر دەرسلىكىدە، گۆش يېيىش ئادەمنى يالغان سۆزلەيدىغان، ئوغرىلىق قىلىدىغان، ھەتتا جىنسىي جىنايەت ئۆتكۈزىدىغان قىلىپ قويىدۇ، دەپ كېسىپ ئېيتقان. يېڭى دېھلى تېلېۋىزىيە ئىستانسىسىنىڭ خەۋىرىگە قارىغاندا، ھىندىستاننىڭ 11 ياشلىق ئوقۇغۇچىلارنى ئوبىيكىت قىلغان بىر دەرسلىكنىڭ مۇناسىۋەتلىك پاراگرافلىرىدا: «گۆشلۈك تاماق يېگۈچىلەر ئاسانلا باشقىلارنى ئالدايدىغان، يالغان گەپ قىلىدىغان ۋە لەۋزىدە تۇرمايدىغان بولۇپ قالىدۇ. ئۇلار سەمىمىيەتسىز بولۇپلا قالماستىن، يەنە كىشىلەرنى ھاقارەتلەپ، ئۇلار بىلەن قارشىلىشىدۇ. ئوغرىلىق، ئۇرۇش-جېدەل ۋە زوراۋانلىق قىلىدۇ، ھەتتا جىنسىي جىنايەت سادىر قىلىدۇ.» - دەپ يېزىلغان. ھىندىستاندا گۆشسىز يېمەكلىك مەدەنىيىتى ئومۇملاشقان. يەنە كېلىپ، ئۇلارنىڭ دىنىدىمۇ كالا گۆشى يېيىش چەكلەنگەن. ئەمما، ھىندىستان ئىقتىسادىنىڭ ئېشىشى ۋە چەتئەللەرگە چىقىۋاتقان ھىندىستانلىقلارنىڭ نەزەر دائىرىسىنىڭ بارغانسېرى كېڭىيىشىگە ئەگىشىپ، ھىندىستانلىقلار يەيىدىغان گۆش مىقدارى تەدرىجىي كۆپەيگەن. ب د ت ئاشلىق ۋە يېزا ئىگىلىك تەشكىلاتىنىڭ بۇلتۇرقى كۆرسەتمىسىگە قارىغاندا، ھىندىستانلىقلارنىڭ كىشى بېشىغا توغرا كېلىدىغان يىللىق ئوتتۇرىچە گۆش ئىستېمال مىقدارى 5 كىلوگرامدىن 5.5 كىلوگرامغىچە يەتكەن بولۇپ، بۇ ھىندىستاننىڭ بۇ تۈردىكى سانلىق مەلۇماتلارنى ستاتىستىكا قىلىشقا باشلىغاندىن بۇيانقى ئەڭ يۇقىرى قىممەت بولۇپ ھېسابلىنىدىكەن. تەرجىمە قىلىپ يوللىغۇچى: قۇلاغلا مەنبە: شىنخۇا تورى خەلقئارا قانىلى

barnakiz886

	مەنغۇ ئادەتتىمۇ گۆشكە ئۆچ،مايلىق گۈش بولمىسا ئازراق دورا يىگەندەك يەپ قويىمەن

musilina

	ھىندىستانسد گۆش ئاز بولغاچقا ،مۇشۇنداق باھانىلار بىلەن بالىلارغا تەربىيە بەرمەكچى بولسا كېرەك بەلكىم.... مەنمۇ يەيمەن گۆشنى ،بىراق ئۇنداق يالغانچى،ئالدامچى،ئۇرۇش جىدەلگە ئامراقلاردىن ئەمەسمەن،ناھايىتى ئوبدان،مىجەزىم ئېسىللەردىن بىرىمەن...

shoubiznis

	گۆش يىمەي قانداق كۈن ئۆتىدۇ شۇندامۇ

heslirim

	بۇ ھىندىلار نىمىنى بىلەتتى، نۇرغۇن ھوزۇر گۆشــىن باشقا نەرسىدىن تېپىلمايدۇ، بىرىنجىسى گۆشننى كۆڭۈل قۇيۇپ مەززە قىپ يىيىش ، سەيلىگە چىققاندا ئات ئولاققا مېنىش

zmatjan@

	غەيرىكەن ھە..............

nazakat25

	گوش يىمەي قانداقمۇ ئۆرە تۇغاندۇ بۇ ھىندىلار ؟ گۆشنىڭ ئۇزۇقلۇق قىممىتگە نىمە توغرا كىلدۇ.

poyuz

	مەن ئۆيدە بىر كۈن گۆشسىز تاماق يەپ قالدىم بولدى، خۇددى شۇ بىر كۈن تاماق يىمىگەندەك بىلىنىدۇ، ھازىر لوق گۆشنىڭ كىلوسى 68 يۈەن بوپ كەتكەن بولسىمۇ، گۆشنى ئۈزمەي يەپ كېلىۋاتىمىز، بولۇپمۇ بىز ئۇيغۇرلار گۆشسىز تاماق ئەتمەيمىز. قازاق مىللىتىنىغۇ كۈندە گۆش يەيدۇ دەپ ئاڭلايمەن. شۇڭا كۈندە گۆش يىيىش مۇشۇنداق ئادەت بوپ كەتكەن تۇرسا، بۇ تېمىدىكى گەپلەر سەل ئەمىلىيەتكە توغرا كەلمەي قالغاندەكمۇ قاندا.

korkam3633

	گۆش   يىمىسە   ئۈرە  تۇرغىلى   بۇلامدۇ؟